قايد زمرة المستنيرين

[دايم الاشواق]

السلام عليكم ورحمة الله وبركاته. هذه القصيده جأت في معرض ردي على احد الاصدقاء الذي يتنبنى طرحاً مغايراً اثناء حواراتنا التي لا تنقطع حول مواضيع شتى بغرض اثراء الحوار ليس الا. وقد وصفته هنا بقائد زمرة المستنيرين. ارجوا ان لا تحمل على غير ذلك.



بسم الله الرحمن هـادي المخلفين=اللي بصـيرتهم عمت ماتعـاين
اغواهم ابليس وصاروا شياطين=كل يتعـوذ لا نظرهم وعـاين
زين لهـم بالفكر قـول المضلين=وقال العقل اقـوى دليلٍ وباين
خـلوا النقل وياكـلامٍ بياسين=انا نصـوحٍ معطـيٍ الثمـاين
ومن السفاهه صدقه قوم عالين=وخذوا الوكاله وشرعوا بالكماين
يقـول قايد زمـرة المستنيرين=انا الزعيم اللي خطب بالرصاين
انا ابن رشد واهتوي فكر لينين=انا عظيـم الشان مانيب خـاين
ياترفعـون الـراية اليوم راضين=والا فنيتـوا بالفـتن والمحـاين
انتو هـل الاقصاء وحنا المحبين=نقبـل براي الغـير لوهو امباين
عز الله انهم واشعب اليوم وجهين=لعمله رخيصه حملها فعـل شاين
في كذبته يومٍ بلـوه الوراعـين=وعـدا وراهم لاتفوت السماين
مايقبلون الراي والمرجـع الدين=لو اثبته اسـحاق والا شتـاين
تقفون ياللي تفهمـون المضامين=ردوا دسم في وسطه السم كاين
من قبل ماياخـذ عقول الملايين=ويصبح وباء تذراه ريـح الفتاين
هذا وصلى الله على خاتم الدين=راعي المحجـه لاهلك كل هاين
.=
= مسفر ابن عبدالله الدوسري