ابوفهدة
02/07/2011, 04:09 AM
السلام عليكم ورحمة اللة وبركاتة
في سالفة صارت في السنين الماضية وبصراحة اعجبن تصرف ومكارم الاخلاق ومرااعاة
الظروف والستر فيها
وحبيت اسولفة لكم في هذا المنتدى والا السالفة لاتخفى على احد لاكن حبي لة جعلني اكتبة
كما نعلم اليوم ومع كثرة الخير الذي وللة الحمد والشكر نعيشة لاكن توجد لدينا امور والا اقول الكل لاكن يوجد عينة منهم عندما نحضر مناسبة او وليمة اول شي طلعت عليك ناس لاتشكر والا تحمد انما شغلة الشاغل شف عزيمة فلان اوضيفة فلان ماحط كذا او ناقص كذا اللة لايقوية ماحط فواكة او الملح ناقص وغيرة الكثير الكثير واراهن ان اكثر اللي يقرون كلامي مر عليهم هذا الكلام؟وحبيت اجيب هالسالفة مقارنة للدور اللذي سبقنا
نبدا سالفتنا وهذي السالفة حقيقية
في يوم من الايام فية جماعة من قبيلة مرارين طريق متوجهين لاهلهم وهم بالطريق شافوا
لهم عرب ياهالجماعة ذابحهم الجوع والتعب قالو لبعضهم وش رايكم نضيف هالقوم نريح عندهم وغدي يحصل عندهم خبزة تسد جوعنا قالو صار وهم كل واحد يروح يملة بيت يضيفة ماراحو جميع والحكمة من تفرقهم عدم التكليف على المعزب
المهم سالفتنا على هذا الشخص من الجماعة اللي جاء بيت معزبة وصوت ياراعية البيت تشوفة قالت حي اللة الضيف قال حياك اللة قلطتة وجلس الضيف وجابتلة ماء وقالت لة تقهو من القهوة اخدم نفسك المعزب ماهو بهاذا والضيف على الدلال يتقهوى لاحظ المرة تدور حول البيت وتضرب يدية بعضهن بلشانة يوم شافة كذا صوتلة وجتة قال منة معزبي اي راعي البيت قالت فلان لاكن يالاجودي واللة معزبك من اطيب جماعتة ولاهو ردي لاكن يعلم اللة مابة حتى الخبزة اللي اقدمة لك قال الضيف يابنت الاجواد قالت سم قال ماعند نحو
والنحو هو اللي ينحط بة الدهن قالت الا لاكن فاضي قال جيبية وراحت وجابتة ويوم خذاة منة وقربة للنار لين ماع اللي لاصق لة من النار بمقدار ربع فنجال قهوة وقام يمسح لحيتة
وعصاة من الدهن وصوت للمعزبة وقال كرمك اللة يابنت الاجواد واللة ماقصرتي لاكن ياجاء فلان سلميلي علية وقولي ضيفك فلان ابن فلان وهو يمشي لخوياة لقى خوياة مجتمعين بالموقع اللي متفقين علية قبل لايتفرقون وسلم عليهم واجلس ياخوياة كل يذكر وش لقاء عند معزبة اللي يقول قلطو جمرية اي خبزة نفود واللي يقول لبن وتمر واللي يقول رز ومرق الا خوينا راعي الدهن ساكت وريح الدسم تفوح منة قالو مالاقاة الافلان وقع بالسمن والسمين اي ذبحلة ذبيحة سالوة وقال معزبي ماقصر وجبن باللي يقدر علية كملو طريقهم وصلوا لديرتهم
نرجع للمعزب راعي البيت يوم رجع لبيتة ومعة لة غنم وسلم على المعزبة ويبي العلوم من جاك ومن لفاك قالت ضافك فلان ابن فلان وسوى هالون وهالون وقال سلميلي على معزبي ومشى وقم يالمعزب وصوت لثلاث رجال من اللي حولة وجب اكبر الشياة اللي جاب معة وقال اشهدو هذي ذبيحة فلان وحط هاك الوسم علية وقال اعرفوة هي وسلالتة لضيفي لو ياخذ عشر سنين لين يجي ياخذة خذوا فترة من الزمن ويلقى المعزب لة واحد من جماعة ضيفة اللي مرة من سنين ويوم دري انة يعرفة قال ابي ارسل معك امانة توصلة لفلان قال ابشر والامانة هي
يالمرتعد واجبك حق وصايب :sحق على اللي يفهمون المواجيب
وسمتها بحضور كل القرايب:sذبيحتك يامنقع الجود والطيب
لو ماوفينا معلينا غصايب:sلاشك ضيف البيت لة حق امصيب
جعلتنا ياشوق راعي الذوايب:sمن عادة الطيب ستر المعازيب
يفداك منا ضاريا للسبايب:sليا غاب تلحق المعزب كلاليب
جريت شينات السنين النوايب:sوالجود من الماجود مابة تكاذيب
ترفع لك البيضاء بروس الجذايب:sحيثك من اللي ينطحون المصاعيب
وصلت القصيدة للضيف وخذ لة فترة ورح لمعزبة بعد عدة سنوات وضفة
ويوم تقهوى عندة سال الضيف المعزب تعرفن قال لاواللة قال انا ضيفك اللي ارسلتلي القصيدة قال حيااللة ساتر على معازيبة قال اللة يحيك ويبقيك وسولة اكا الضيفة اللي تليق بة ويوم بغى يمشي الضيف قال المعزب تر لك امانة عندي قال وشي وهو يجيب قطعة غنم
قال وشن هاذولي قال من جيت عقب ضيفتك لي من سنين وعلمتن المعزبة عزلت هاالشاة اللي تشوف وهي اكبر الغنم اللي جاب وعلية وسم وهاللي معة كلهن اللي جابتة هالنعجة وهن ملكك قال الضيف ايواللة اخذهن وهو يعزل الغنم اي يقسمة لقسمين وقال المعزب لة لية تعزلهن قال الحق حق نص لي ونص للمعزبة اللي ماسودت وجهك ولة غيرة كان قامت تشتمك وتلعنك لاكن هي اجودية وعذرة عنك كفانن وسلموا على بعض وتوادعوا وخذا حلالة الضيف ومشى ويوم وصل لديرتة وارسل ابيات لمعزبة ويقول
طيب الفتى من عند ربة وهايب :rوطيب الفتى من عند ربة مواهيب
ثلث لنا و ثلث لبيتك حلايب:rمقسوم بين الضيف هو والمعازيب
معز بتنا يافتى و انت غايب :rنشمية تسوى كثير الرعابيب
نشمية تسوى كثير الحبايب:rولوغبت مايدخلك الشك والريب
من جرب الدنيا وشاف الغرايب:rتراة مايشنى والا يطري العيب
واللي يسب شبعت البطن عايب:rاصل القرى زين الثناء والتراحيب
ذكرت السالفة بدون اسماء وحبيت اخلي الاسماء منفردة للتوضيح فقط
الجماعة مرارين الطريق هم حوالي اربعة اوخمسة على ماذكر وهم من الجعافرة من ولد سليمان من قبيلة عنزة
الضيف هو الشيخ صياح المرتعد ابن عم للعواجية عقاب وحجاب ابناء سعدون العواجي وهم شيوخ الجعافرة من عنزة
المعزب راعي البيت هو مطير السويدي السنجاري الشمري
والعرب اللي مروا عليهم الجماعة هم السويد من شمر
ملاحظة(الحلال اللي خذاة صياح ناس يقولون قسمة لثلاث اقسام وناس قسمين وذكرت انا قسمين لان الابيات اللي عندي تقول قسمين وهي لاتفسد السالفة المقصد فوايد السالفة وطريقة تصرف الضيف والمضيوف )واعذروني على اي نقص اوخطاء لاهنتوا:f
في سالفة صارت في السنين الماضية وبصراحة اعجبن تصرف ومكارم الاخلاق ومرااعاة
الظروف والستر فيها
وحبيت اسولفة لكم في هذا المنتدى والا السالفة لاتخفى على احد لاكن حبي لة جعلني اكتبة
كما نعلم اليوم ومع كثرة الخير الذي وللة الحمد والشكر نعيشة لاكن توجد لدينا امور والا اقول الكل لاكن يوجد عينة منهم عندما نحضر مناسبة او وليمة اول شي طلعت عليك ناس لاتشكر والا تحمد انما شغلة الشاغل شف عزيمة فلان اوضيفة فلان ماحط كذا او ناقص كذا اللة لايقوية ماحط فواكة او الملح ناقص وغيرة الكثير الكثير واراهن ان اكثر اللي يقرون كلامي مر عليهم هذا الكلام؟وحبيت اجيب هالسالفة مقارنة للدور اللذي سبقنا
نبدا سالفتنا وهذي السالفة حقيقية
في يوم من الايام فية جماعة من قبيلة مرارين طريق متوجهين لاهلهم وهم بالطريق شافوا
لهم عرب ياهالجماعة ذابحهم الجوع والتعب قالو لبعضهم وش رايكم نضيف هالقوم نريح عندهم وغدي يحصل عندهم خبزة تسد جوعنا قالو صار وهم كل واحد يروح يملة بيت يضيفة ماراحو جميع والحكمة من تفرقهم عدم التكليف على المعزب
المهم سالفتنا على هذا الشخص من الجماعة اللي جاء بيت معزبة وصوت ياراعية البيت تشوفة قالت حي اللة الضيف قال حياك اللة قلطتة وجلس الضيف وجابتلة ماء وقالت لة تقهو من القهوة اخدم نفسك المعزب ماهو بهاذا والضيف على الدلال يتقهوى لاحظ المرة تدور حول البيت وتضرب يدية بعضهن بلشانة يوم شافة كذا صوتلة وجتة قال منة معزبي اي راعي البيت قالت فلان لاكن يالاجودي واللة معزبك من اطيب جماعتة ولاهو ردي لاكن يعلم اللة مابة حتى الخبزة اللي اقدمة لك قال الضيف يابنت الاجواد قالت سم قال ماعند نحو
والنحو هو اللي ينحط بة الدهن قالت الا لاكن فاضي قال جيبية وراحت وجابتة ويوم خذاة منة وقربة للنار لين ماع اللي لاصق لة من النار بمقدار ربع فنجال قهوة وقام يمسح لحيتة
وعصاة من الدهن وصوت للمعزبة وقال كرمك اللة يابنت الاجواد واللة ماقصرتي لاكن ياجاء فلان سلميلي علية وقولي ضيفك فلان ابن فلان وهو يمشي لخوياة لقى خوياة مجتمعين بالموقع اللي متفقين علية قبل لايتفرقون وسلم عليهم واجلس ياخوياة كل يذكر وش لقاء عند معزبة اللي يقول قلطو جمرية اي خبزة نفود واللي يقول لبن وتمر واللي يقول رز ومرق الا خوينا راعي الدهن ساكت وريح الدسم تفوح منة قالو مالاقاة الافلان وقع بالسمن والسمين اي ذبحلة ذبيحة سالوة وقال معزبي ماقصر وجبن باللي يقدر علية كملو طريقهم وصلوا لديرتهم
نرجع للمعزب راعي البيت يوم رجع لبيتة ومعة لة غنم وسلم على المعزبة ويبي العلوم من جاك ومن لفاك قالت ضافك فلان ابن فلان وسوى هالون وهالون وقال سلميلي على معزبي ومشى وقم يالمعزب وصوت لثلاث رجال من اللي حولة وجب اكبر الشياة اللي جاب معة وقال اشهدو هذي ذبيحة فلان وحط هاك الوسم علية وقال اعرفوة هي وسلالتة لضيفي لو ياخذ عشر سنين لين يجي ياخذة خذوا فترة من الزمن ويلقى المعزب لة واحد من جماعة ضيفة اللي مرة من سنين ويوم دري انة يعرفة قال ابي ارسل معك امانة توصلة لفلان قال ابشر والامانة هي
يالمرتعد واجبك حق وصايب :sحق على اللي يفهمون المواجيب
وسمتها بحضور كل القرايب:sذبيحتك يامنقع الجود والطيب
لو ماوفينا معلينا غصايب:sلاشك ضيف البيت لة حق امصيب
جعلتنا ياشوق راعي الذوايب:sمن عادة الطيب ستر المعازيب
يفداك منا ضاريا للسبايب:sليا غاب تلحق المعزب كلاليب
جريت شينات السنين النوايب:sوالجود من الماجود مابة تكاذيب
ترفع لك البيضاء بروس الجذايب:sحيثك من اللي ينطحون المصاعيب
وصلت القصيدة للضيف وخذ لة فترة ورح لمعزبة بعد عدة سنوات وضفة
ويوم تقهوى عندة سال الضيف المعزب تعرفن قال لاواللة قال انا ضيفك اللي ارسلتلي القصيدة قال حيااللة ساتر على معازيبة قال اللة يحيك ويبقيك وسولة اكا الضيفة اللي تليق بة ويوم بغى يمشي الضيف قال المعزب تر لك امانة عندي قال وشي وهو يجيب قطعة غنم
قال وشن هاذولي قال من جيت عقب ضيفتك لي من سنين وعلمتن المعزبة عزلت هاالشاة اللي تشوف وهي اكبر الغنم اللي جاب وعلية وسم وهاللي معة كلهن اللي جابتة هالنعجة وهن ملكك قال الضيف ايواللة اخذهن وهو يعزل الغنم اي يقسمة لقسمين وقال المعزب لة لية تعزلهن قال الحق حق نص لي ونص للمعزبة اللي ماسودت وجهك ولة غيرة كان قامت تشتمك وتلعنك لاكن هي اجودية وعذرة عنك كفانن وسلموا على بعض وتوادعوا وخذا حلالة الضيف ومشى ويوم وصل لديرتة وارسل ابيات لمعزبة ويقول
طيب الفتى من عند ربة وهايب :rوطيب الفتى من عند ربة مواهيب
ثلث لنا و ثلث لبيتك حلايب:rمقسوم بين الضيف هو والمعازيب
معز بتنا يافتى و انت غايب :rنشمية تسوى كثير الرعابيب
نشمية تسوى كثير الحبايب:rولوغبت مايدخلك الشك والريب
من جرب الدنيا وشاف الغرايب:rتراة مايشنى والا يطري العيب
واللي يسب شبعت البطن عايب:rاصل القرى زين الثناء والتراحيب
ذكرت السالفة بدون اسماء وحبيت اخلي الاسماء منفردة للتوضيح فقط
الجماعة مرارين الطريق هم حوالي اربعة اوخمسة على ماذكر وهم من الجعافرة من ولد سليمان من قبيلة عنزة
الضيف هو الشيخ صياح المرتعد ابن عم للعواجية عقاب وحجاب ابناء سعدون العواجي وهم شيوخ الجعافرة من عنزة
المعزب راعي البيت هو مطير السويدي السنجاري الشمري
والعرب اللي مروا عليهم الجماعة هم السويد من شمر
ملاحظة(الحلال اللي خذاة صياح ناس يقولون قسمة لثلاث اقسام وناس قسمين وذكرت انا قسمين لان الابيات اللي عندي تقول قسمين وهي لاتفسد السالفة المقصد فوايد السالفة وطريقة تصرف الضيف والمضيوف )واعذروني على اي نقص اوخطاء لاهنتوا:f