المساعد الشخصي الرقمي

مشاهدة النسخة كاملة : توليف مكينة كابرس 350 على روزرايز


sdgvip
02/07/2011, 03:29 PM
السلام عليكم

يا اخوان عندي سيارة روزرايز موديل 1985 و اريد ان اركب عليها مكينه كابرس كربريتر مع القير كاملة ، اريد مشورتكم حول موضوع التوليف و كيف اقدر اولف لها باكم فرامل
لانو الروز يجي بدون باكم تجي عليها طرمبات زيت مع المكينة .

اريد منكم المشورة و طريقة التوليف اذا امكن .

الموضوع في غاية الاهمية .
ولكم الشكر
محرين باالخير
02/07/2011, 03:45 PM
اخوي وش تبي باال350 وغثاها دامك خاسر ومولف خذلك مكينه حلوه وجديده الي هي 5.3 ls1 الي تجي علي الجمس الونيت والصالون سرندلها حديد وتتحمل الوزن والتوليف واقل مشاكل من ls15.7 وارخص بكثير واتوقع تركب علي القير عندك لأن بعض سيارات الروز تستخدم قير 400 شي في او خذ المكينه بقير ها كامله مع الظفيره والكمبيوتر وريح حالك وكذلك الباكم حذ حق الجمس او حق الباترول الموديل القديم المهم انت فك نظام البريك وشف اقرب باكم يركب عندك مع السرندل حق البريك ولاتنسي ترا الروز زيت البريك حقه مختلف عن السيارات العاديه والله يعينك واي استفسار حنا حاضرين
sdgvip
02/07/2011, 04:37 PM
انا ابغى اركب مكينه كربريتر ، وش رايكم في مكينه البيوك 307 مع قيرها اتوقع اقوى من 350 كابرس

و بالنسبة للباكم اي باكم فرامل برايكم افضل و يتحمل الضغط العالي ، لانوا فرامل الروز الاساسية تحتاج الى ضغط عالي حتى يمسك البريك عليها .

افيدونا جزاكم الله خيرا
my own
02/07/2011, 07:52 PM
احسن حل لك .. اشتر كابريس من 86 الى 88 يكون زين .. مو شرط الاستمارة و البودي ,, اهم شي مكينته و الجربوكس و الاجزاء الميكانيكية .. ما يتعدى 7 او 8 الاف بالكثير
ود السيارتين لميكانيكي تمام وخله يفك من الكابرس للرولس اي شي بتولفه مكينة جربوكس فرامل .. الخ ,,
بيكون اوفر لك من ناحية القطع ,,
sdgvip
03/07/2011, 10:52 AM
مشكورين الاخوان و ماقصرتوا و ننتظر المزيد من الاراء و افكار الاخوان

وهل عزم مكينه الكابرس تستطيع سحب جرم الروز - لانه الروز وزنه تقريبا حوالي 5 طن
وش هي المكينه و القير المناسبين لهذه التجربة .
sdgvip
03/07/2011, 02:20 PM
للرفع و انتظار اراء الاخوان
الشهابة
03/07/2011, 03:10 PM
و الله يا غالي بخصوص الروز ماعندي علم .. و لكن في عام 1416 هـ اشتريت جاكوار موديل 88 و كان مركب عليها قير و مكينه كابرس بخاخ موديل 91 حجم المكينه اذا اذكر 305 ماهي 350 و كانت شغل ورشة في صناعية حي الخليج في الرياض عند فلبيني اسمه باولو .. و استعملت السيارة سنه و نصف تقريباً و مافيها مشاكل و لله الحمد ..
sdgvip
03/07/2011, 04:09 PM
مشكورين يا اخوان ما قصرتو

وننتظر المزيد من الاراء حول الموضوع
قدر مكتوب
03/07/2011, 04:59 PM
اخوي جرب مكينه ls1 ممتازة جدا وخصوصا اذا ربي وفقك بستقيط المكينه بشكل صحيح

اذا تبي ورشة راسلني على الخاص وبدلك على شغل يعجبك
sdgvip
03/07/2011, 05:28 PM
اخي قدر و مكتوب
اشكرك جزيل الشكر و ماقصرو الاخوان بعد

لو ترسلي على الخاص الورشة و مكانهم ولو حبذا رقم تلفون للتواصل

اخوك ابو الياس
زمزم 100
03/07/2011, 05:31 PM
من زمان أسمع أن هواة الروز روليس في مدينة جدة يرهمون محرك الكابرس و يفتكون من مشاكل محرك الروز و بلاويه .
sdgvip
04/07/2011, 12:17 PM
يا اخوان نحتاج الى تفصيل معمق في الموضوع على شان نقرر النتائج
sdgvip
05/07/2011, 09:38 AM
للرفع و انتظار مزيد من الاراء حول الموضوع
راعي f100
23/07/2016, 02:22 PM
طيب يشباب فيه احد يقدر يحل مشكلة الفرامل بعد تغير المكينة
راعي f100
23/07/2016, 02:23 PM
طيب اخوي زمزم وين الورشة الي تقول عنها