رجة مسسبة لي قلق في سيارتي

[جبل دكاء]

السلام عليكم ورحمة الله وبركاتة

اخواني عندي سياراتي فيها رجة لا تعدت السرعة مائة

المهم سويت وزن اذرعة وترصيص لجميع الكفر وبدلت الكفر الخلفي امامي ولكن دون

فائدة ابي اعرف السبب هل هو من الكفر ممكن علما بانة بعضة يمشي الحال

باقي فية نص عمر

ارجو افادتي وشكرا لكم

[ملك الفكتوريا]

يمكن الرمانات او العكوس او كرسي القير



تراني حسب علمي وليس خبره يمكن يطلع سبب ثاني

[شلشكو2011]

مساء الخير اخوي
ليتك وضحت سيارتك وش نوعها اذا سفاري ان شاء الله سهله
عموما
تاكد من الكفرات 100%*100% ( حاول تبدلها او تتسلفها من احد )
ان راحت الرجه الحمد لله
وان ماراااحت ندخل في الحل الثاني
يتبع

[hawwamT]

الترصيص الارضي سينهي المشكلة باذن الله

[هآوي الصيد]

اتوقع من الكفرااااااااات

[جبل راف]

هل قمت بالتشييك على الصلبان في عمود الدوران؟؟؟
مرة حصل بسيارتي رجة بسرعة 100 تويوتا هايلكس
وطلع الصليب بالعمود معدوم

[سلكي نت]

شيك على اللاذرعه ومساعد الذراع
والطارة لا يكون فيها فضاوهـ (بوش)
ابداء بالاسهل وهي الكفرات

[العمده 0ون0]

وعليكم السلام ورحمة الله وبركاته
على الجميع
اخوي جبل دكاء
شوف ياالغالي ولايهون الاخوان
احتمال كبير والله اعلم تكون الرجه بسبب الكفرات القديمه المستهلك نص عمرها حسب كلامك
ابدأ بالاسهل
الكفرات ضروري ومهم جدا ولازم تتأكد منها زين لانه في بعض الحالات يكون في احد الكفرات
صعارير يعني صعرور (محبٌل) في داخل الكفر غير ظاهر من الخارج لازم تطلع الكفرات من الجنوط وتشييك علي الكفرت واحد واحد خاصة القديم منها في العمر 0
وسلامتكم
:s

[ALBDRANE]

غريبة وش السيارة الي تتكلم عنها علشان نقدر نساعدك !

[صاروخ الغطغط]

اتوقع انه ذراع ظربة حظ والله مدري وشهي سيارتك وضح

[السومر]

اذا تبي تتأكد هل هي من الصليبات

وانت ماشي بالسياره في خط سريع

ارفع عن الدعسه وادعس مره ثانيه

اذا راحت الرجه او خفت ورجعت مع الدعسه فهذي الرجه من الصليبات

وأذا كانت سيارتك فيها دبل فهذي الرجه من عمود الدبل تجي على سرعة 80 وتروح على 110

واذا الكفرات تاريخها قديم او ممكن تكون يابسه ومحبله مع العلم الكفر المحبل واضح من لمسة الدعسه

او من النظر له

[أبوعابد 22]

شيك على العمود وشيك على الجنوط وعلى الكفرات
الجنوط يمكن فيه عفوط ورصص ترصيص ارضي

[سوبر VTC]

اذا كان الموتر ينتفض بعد سرعة 80 و طالع فغالبا
تكون من صليب احد العمدان تحصل الصليب خربان و طالع منه صدا برتقالي
او احد العمدان مقوس مطعوج

الفكرات اذا كانت محبله الدعسه بمعنى ان دعسة الكفر فيه تفاوت انخفاض و ارتفاع فهي تسبب نفضة للموتر
جرب بدل الكفرات من نفس نوعية موترك

و ليتك اطلعت على شروط كتابة موضوع جديد في هذا القسم
لو انك ذكرت نوع و موديل السيارة لحصلت على معلومات وافية و كافية من الاعضاء

........
رد سابق

عادة اذا اسرعت على الموتر
مثلا 100 او 130 يبدا الموتر ينتفض حرة تروح و تجي ورر ورر كل ثواني تروح وتجي
فهذي من احد الصليبات تعبان او العمود به طعج بسيط
و اسهل فحص للعمدان
فك عمود الكردان و امش على الدبل الخفيف يروح الصوت ام لا ؟
و احيانا اذا فكيت عمود الدبل يروح الصوت
و احيانا اذا كانت الكفرات محبلة ينتفض الموتر
عادة اذا كان الصليب تعبان تحصل طالع منه اثر صدا برتقالي

.........

تقدر ايضا انك تفك العمود الخلفي الكردان و تمشي على عمود الدبل بالدبل الخفيف

اذا اختفى الصوت فالمشكله من العمود الخلفي => صليبات او العمود مطعوج

بعضهم راعي الورش يرفع الموتر من الخلف بعفريته و يمشي على سرعه 40 او اكثر

همن يحط مفك طويل على حد العمود الخلفي

اذا كان العمود يبعد و يجي للمفك فانه مطعوج
طبعا يحط المفك مره في المنتصف و مره من مقدمة العمود بجانب القير
و مره باخر العمود من جهة الكارونة او الدفرنس
و هذا الشي ينطبق على العمود ايضا
هذه الطريقة ممتازة جدا و افضل من المخرطه لان سرعه دوران المخرطه ضعيفه جدا
و لا تظهر الخلل

[الصخرة]

ممكن يكون من المسجل أو الرادو























معليش اخوي أنت ماذكرت نوع سيارتك ولا موديلها والاخوان ما قصروا ردوا بالي يعرفون وانت ما عطيتنا خبر

ومثل ما قالوا الترصيص الأرضي يوضح لك كل شيء :good2:

ويمكن من الكفرات
يمكن من الجنوط

[شحرور الدهنا]

اذا سيارتك باترول لاتدقق كل سيارات الباترول كذامب بس انت

[هاوي هواها]

يمكن المساعد منفقع
شيك على المساعدات ونشالله تلقا عله سيارتك

[عبدالرحمن السالم]

شف يالغالي انا صار بموتري رجه تبداً من 90 إلى 140 وتختفي اذا مشيت 110 وتخف الهزه اذا مشيت تحت 120 ، طلع عندي صليب عمود الكردان غيرته والحمد الله ضبط الموتر وراحت الرجه
علماً بأني غيرت الكفرات لاني قلت احتمال انها منها ، وطلع من صليب عمود الكردان

[sa-z71]

أخوي نصيحه لا تلعب بالموتر ولا تسوي شي لين تغير الكفرات

وإذا صار ماهو من الكفرات مانت خسران شي , بما إنك تقول اللي عندك لك عليهن ..
والكفرات أهم شي في السياره في أجوائنا هذي

[صالح ابو وليد]

ياوي اذا كان موترك دبل فانه من عامود الدبل ركب فرارات واذا خفت الرجه غير صليبات العامود ويضبط

[طرخااام]

كانه من العامود ايبين معك اذا مشيت بجنب الصبات نزل القزازه وبتسمع ولوله
ولا رح رصص حراري كان جنوطك كروم وتروح ان شاء لله

[زمزم 100]

حصلت معي مرة

و اكتشفنا أن السبب بسيط .. وجدنا أن الكفر من الداخل مليء بالرمل !!

و مرة أخرى .. وجدت أن الكفر به تحبيل خفييف لا يُرى ..