المساعد الشخصي الرقمي

مشاهدة النسخة كاملة : استفسار عن جيب الديسكفري من لاند روفر ما استغنى عن رأيكم ياهل الـ4*4


ابوصالح2006
03/07/2011, 02:10 AM
السلام عليكم ورحمة الله وبركاتة
اخواني ابستشيركم جزاكم الله خيرا ورأيكم يهمني


لقيت جيب لاند روفر نوع ديسكفري موديل 97 بسعر حليو جدا :


مواصفاته نظيف بوديه وداخليته ومكيفه ومكينته والحرارة جدا ممتازه فتحة سقف قير اتوماتيك + قير دبل ارضي واستمارة وكفرات جديده
لكن الزين مايكمل الجيربكس يحتاج تغيير


سؤالي كيف هالسيارات عمليه في الاستخدام والمسافات الطويله ؟


وهل في البر يعتمد عليها ؟
دبله قوي ولا ضعيف مقارنة بالجيوب الاخرى ؟
هل قطعه متوفره ؟ وكيف اسعارها ؟
هل اعطاله كثير ؟


علما باني من الناس اللي تحافظ وتسوي صيانه دورية اول باول للموتر
المناطق اللي اروح لها رمليه وماتحتاج امكانيات عاليه ولاني راعي تطعيس
شوركم وخبرتكم الله يجزاكم الجنة ووالديكم والمسلمين
سلفاريو
03/07/2011, 03:28 AM
هلا بك اخوي وحياك الله
حسب معرفتي بواحد من الشباب والله يمدحه كثير وقوي ماشاء الله بس يشتكي صراحه من قطع الغيار
وبعدين وانا اخوك وين تلاقى الي يرغب الموتر ماله شعبيه ...بختصار مهضوم حقه عندنا...
وان شاء الله يفيدونك الاخوان
وبالتوفيق
ابوصالح2006
03/07/2011, 05:28 AM
بيض الله وجهك يا سلفاريدو وماقصرت
والله وضعه وحالته نظيف ماشاء الله وانا يعني استخدامي رايق
اما من ناحية الشعبية انا مافكر في البيع او شراء
استخدم السيارة لاطابت نفسي منها بعتها وانا راضي بسعر السوق
مافيه مشكله غير الجربكس يحتاج تغيير

جزاك الله خير وفي انتظار راي الاخوان وشورهم
ابوصالح2006
04/07/2011, 01:22 PM
معقولة رد واحد بس
لا يكون انا الوحيد اللي بالسعودية ناوي يستخدم هالسيارة


طالبينكم الشور والرأي للي جرب او يعرف احد مستخدمه هالنوع
ولكم الشكر مقدما وجزاكم الله خير
gomr-15
04/07/2011, 04:28 PM
انا اعرف واحد معه دسكفري موديل 99 بس يوم كان نظيف الجيب كان راعيه يمدحه

وقوي وعزمه حلو والموتر يمدحه اطلق من الف جيب

بس الرجال اهمله وخبطت المكينه ووقف الجيب حوالي 3 سنوات ورجع يبي يزينه

ودورنا له بالتشاليح مكينه يالله حصلنا وسعرها حدود 4000 او 3500 ما اذكر بالظبط

ونروح للكويت ونجيب له مكينه ب 3000 نضيفه ولاكن طلع له كل يوم خراب وكل يوم بالصناعيه

وكل يوم قطع وسعر القطع غاليه لنه الماني بس ما ظبط معه ورجع وقفه

نصيحه اذا الجيب نظيف مرررررررره وممشاه قليل خذه وانا ادري انه رخيص اسعاره تحت ال 20000 الف

اهم شي افحصه كمبيوتر وبالتوفيق ان شاء الله
ابو خالد 1992
04/07/2011, 04:54 PM
كان معي 92 استخدمته 4 سنوات من افضل الجيوب اللي اقتنيتها خصوصا في الوعر مايصف جنبة الياباني كلة صناعته انقليزي ماهو الماني , غير راسي في الخط مع السرعات العالية بدي المنيوم على ما اظن قطع الغيار غالية الورش المتخصصة فية قليلة جداوقد تكون محصوره في ورشه وحدة بس في الصناعية القديمة على حسب علمي وكيله فاشل . تماتيك ما انصحك فيه ابد كثير الاعطال العادي افضل إذا بتاخد خذ من موديل 94 وطالع افحص المكينة اهم شي وبالتوفيق
ابوصالح2006
05/07/2011, 01:49 AM
Gomr-15 بيض الله وجهك وماقصرت
والله السياره نظيفه وماشاء الله بودي بلده لا مخوش ولا طقات ولا سمكره وديكوراته شد بلد لكن مشكلته الوحيده قيره اتوماتيك ورايح
الله يجزاك خير ان لقيت له قير ان شاء الله ابستخير واخذه
ابوصالح2006
05/07/2011, 01:56 AM
ابو خالد 1992 كفيت ووفيت يالاجودي

والله يابو خالد المكينة نظيفه بالحيل ولا في تهريبات والحراره ممتازه ومكيف ماشاء الله ولا اروع

شكله مو هين ال لاند روفر لأني لقيت مكتوب بالانجليزي على قير الدبل كلمة ديف لووك تشبك مع وضعية التشغيل للدبل
لكن على فكره الدبل مافيه غير خيارين اما L او H وطبعا N
معنى كذا ان الدبل شغال على طول دفع رباعي مستمر
مافيه خيار H2 ؟
Abo gssar
05/07/2011, 05:36 AM
اتذكر واحد من الشباب كان معه واحد موديله في هذي الحدود شراه من مبيعات حكومية ...بصراحة الرجال يمدح فيه ليل نهار من ناحية الاستخدام والجودة خصوصا انه مشتريه نظيف لكن اللي مبعد الناس عنه هو صيانته وقطع الغيار..وتراه سيارة ناجحة في كثير من الدول الاوربية وله شعبية عندهم توازي شعبية الياباني عندنا..
ابوصالح2006
05/07/2011, 08:09 AM
صادق الوعود
رحم الله والديك في الدنيا والاخره وجزاك الف خير



صراحه ماعندي اي فكره من وكيله او اسعار قطع الغيار لكن ابدور له جربكس واسال عن سعره ان كانه رخيص ابستخير والله يكتب اللي فيه الخير

ودي واحد يعطينا تفاصيل اكثر عن استخدامه وهل يستحق المغامره