معقووووله سعر الربع السعودي 2011

[نواف685]

السلام عليكم ورحمه الله وبركاته
سؤال ياجماعه الخير انا كلمت شركه عبداللطيف عن سعر الربع السعودي 2011 حصلته بــ 108000 ريال
والبريمي وصل 140000 طيب وش الفرق بينهن لاصار المكينه وحده والقير واحد
لاحد يجيني يقول تانكي وخرابيط الخط انا ابي شي يقنعن بقارق السعر بينهن
32000 ريال مب بسيطه

[عبدالإله9933]

تأكد من الفئة لانه يجي فئات دائما الفرق بين السعودي والبريمي من ٥ إلى١٠ الاف

[نواف685]

على كلام مندوب عبداللطيف يقول عندنا نوعين واحد بجنوط المنيوم ويقصد اللي يجي رفارف هذا مدري بكم
والثاني عادي قزاز كهرب يقول ب 108000

[دل البحار]

والله حراااااااااام فيه

[العابر العنيد]

مأظن فيه فرق والله اعلم (وجهة نظر )

[رسيس نجد]

الفروقات شكليه فقط 0
كلهم من تايوتا

[yazeed..]

الفروقات قالولك الشباب شكليه الاختلاف بالخط وداخلي الموتر فيه شي بصيط

وازيدك من الشعر بيت تراه البريمي بدون ضمان وحق عبدالطيف بضمان يعني اشري حق عبدالطيف وطقله خطوط ولا يردك الا النفود طبعا نسيت شي تراه 11 دفعتين

[الشهابة]

حتى و الله 108000 ريال كثيره في جيب ربع بصراحه !!!

[حبـران]

يالربع مايصير اركب صندوق ماياخذني انا وعيالي بـ 108
الله يبطي بالشر

[((ابو وعد))]

صندوق باربع كفرات فعلا والله اللي ناوي يدفع هالمبالغ لايحطها الا بصالون ولا جمس

[talak511]

الله يعين اسعار مبالغ فيها

[سليمان الربيعان]

الفرق وانا اخوك ان الخليجي والبريمي شد بلد القطع من وكالتهن ام السعودي انه يجيبه بدون كبروسر ولا مسجل ولا الديكور كامل يركبه عنده بجده وقطع صينيه

والفرق الخارجي الخطوط الونش والدفلوك

[راعي السيل]

خذ ابو جنوط حديد، فل كامل بدون ونش ، يجي معه ريموت ومسجل سي دي والظاهر بعد تخشيبه دركسون.
سعره على ايام 2010 كان 104.

[فرغالي]

الفسق الله يكفينى شره

[راعي الحدود]

بحكم خبرتي بالجيبوب الربع .. لاتوجد الا فروق شكليه يعني البريمي يختلف بالخط وفيه جركل وقاعده لوحه فقط هذا الاختلاف عن السعودي .. ونفس قطع الغيار مايخلتف شي .. وانا جربت السعودي والخليجي .. اما من ناحيه الشراء والبيع فالمرغوب الخليجي لأن أهل القصيم اللي هم عشاق للهذه السياره فهم مايشرون الا الخليجي .. أما بالجنوب مثل ابها وعسير فما يشرون الا السعودي .. وعذراً على الاطاله .

[نواف685]

جزاكم الله خير على التفاعل ومن ناحيه الفروق سألت ناس وقالوا مافيه فروق تذكر مجرد اكسسوارات فقط

[أبو عزّيز]

الربع والله اني ما ابخصه

لاكن الاند يختلف عن السعودي بواجد الخليجي تحس انك راكب جيب اصلي وكل شيء فيه مضبوط

من داخلي وحتى الجناح وبعض الزوائد بينما عبد اللطيف تحس باشياء غير متناسقه من ناحية بعض

الأزرار او الشاشه او الجناح وغيرها

والربع الله اعلم انه يمكن يكون فيه اشياء يبخصها اهل الكبسولة

ولاحظت من موضوعك كأنك مسترخص سعره يعني ودك انه يصير 130 مثلا

المفروض يكون التعجب بهذه الطريقة :

معقولة سعر الربع الخليجي بـ 140 الف وهو ما يسوى 80 ألف ريال هو والسعودي

[الوافي666]

ياشباب والله حد هذي ااجيب 60 الف

حسبنى الله ونعم الوكيل

[بلاتين]

اخوي الى 108 الف هذا اقل نوع الى هو مراتبه 3 اشخاص اماميه ومراتب متقابله خلفيه اما الى مراتبه مفصوله ومرتبه خلفيه عرض هذا اغلى عند الوكاله 118 تقريبا وغير متوفر حاليا ومريت المعارض لقيته سعودي كفرات نحيفه فل 128 الف والخليجي 140 الف الدفعه الثانيه والفرق بينهم مايسوى كلهم بدون ونش قبل اسبوعين في معارض جده

اذا تبي اسعار وانواع السعودي اكتب في قوقل (تويوتا السعوديه ) بيطلع موقع الوكاله تلقى فوق مكتوب تجاري اضغط عليها يطلع لك موصفات وسعار الربع

[ملهاب]

عبد اللطيف ماعند جيوب ربع بهذا السعر

السعودي وصل 13000

يمكن قصدك الجيب الربع البوليسي أقل فئه

[المدير1]

حط الدراهم في موتر يستاهل وانا اخوك

[3azef]

السلام عليكم انا على ما سمعت اغلب الناس
ان الخليجي تختلف كرونه الدفرنس عن السعودي طبعً الخليجي افضل
والباب الخلفي والخط اصلي من بلده
هذا الي عرفته

[راعي مهيوبه]

الغلااااااااااااااااااااااااااااااااء !!!!

[ذيب النجيل]

ماهي خسارة فيه لانه شيك

والي اشترى قبل سنتين ربع 2006 بـ85 الف وحول هالايام هذي يجيب له 85 الف ويمكن اكثر بالراحة



حصلت ربع 2006 خليجي بيج مراتب متقابلات ببرحة تبوك وفيه رفرف مغير وعليه سوم 84 الف وماهو راضي يبيع يبي زود

وحصلت 2006 خليجي بيج مراتب عرض ماشي حول 150 الف كيلو عليه سوم 87 الف ويبي زود

[قناص*07]

يستاهل ونص
وحامضن عني يقول

[المقيرش]

السلام عليكم ورحمة الله وبركاته
اخواني بتاريخ 3-8-1432 رحت الوكالة تويوتا طبعا سالت عن الربع ستاندر قالي مندوب المبيعات بـ105الف
وبخصوص العضو الى يقول حصل 2006ببرحة تبوك المعارض نصيحة اخ سوق تبوك ليس مقياس واسعار سياراته مبالغ فيها ولا يوجد بيع وشراء حقيقي عندهم سوا عروض مبالغ فيها وغير ذلك المصداقية والامانه قليلة الله يعفي عنا بس

[بحر الموده]

ياشباب والله حد هذي ااجيب 60 الف

حسبنى الله ونعم الوكيل
هذا السعر المعقول ولا موتر مراتب اغلبها بلاستيك ولايوجد عزل في السياره بالمعن الصحيح ولا راحه ومتطلبات السلامه فيه شبه معدومه

[نواف685]

السلام عليكم ورحمة الله وبركاته
اخواني بتاريخ 3-8-1432 رحت الوكالة تويوتا طبعا سالت عن الربع ستاندر قالي مندوب المبيعات بـ105الف
وبخصوص العضو الى يقول حصل 2006ببرحة تبوك المعارض نصيحة اخ سوق تبوك ليس مقياس واسعار سياراته مبالغ فيها ولا يوجد بيع وشراء حقيقي عندهم سوا عروض مبالغ فيها وغير ذلك المصداقية والامانه قليلة الله يعفي عنا بس
طيب هل هو موجود عندهم اللي ب 105

[madmad99]

صاحي تحط 140000 الف في ربع الحمد لله والشكر .ياخي اشتر جيب لكزس ولا لاند كروزر

[شاط]

ياربي لك الحمد


بالله هالسعر احطه بموتر كذا

[وليد 5]

هذا السعر المعقول ولا موتر مراتب اغلبها بلاستيك ولايوجد عزل في السياره بالمعن الصحيح ولا راحه ومتطلبات السلامه فيه شبه معدومه
هذا الكلام الصحيح

[نواف685]

وبالاخير ابو 108000 ماحصلته بالوكاله يقولون منقطع وحصلته بالمعارض اصفار بــ118000
يارب رحمتك وش هالاسعار

[مغرم بالفتك]

الله يرزقك من واسع فضله

[أبومطرف]

الفرق الونش والجركل وقاعدت اللوحة والخليجي مرغوب عند البيع سريع
واما المكينه والمحركات واحد

[محطم عنيد]

الله يرزقك

[عاشق الحريه]

مثل ماقالو الأخوان الربع سياره لكن سعره والله مبالغ فيه والمشكله مافيه اي شي من الفخامه
وفوق هذا مكينته اكبر منه يعني المفروض مايكون بهالسرعه بالنسبه لحجمه

علبة كبريت هههههههههههههههههههه

[نواف685]

^^^^^ وهذا اللي مزينه ان مكينته اكبر منه

[رسلان الوايلي]

حبيبي الاختلاف ان اقطع واكسسورات ابو جميل صيني ان مجرب شاص سعودي وبريمي

[نديم الشمال]

ابدا الشاص والمقفص السعوديات افضل عندي من الخليجي الف مره


بالنسبه للصوالين انا معاكم بس بالنسبه للشاص والمقفص ما تصنع الا في اليابان وتجي كامله ما يدخل عليها عبد اللطيف الغير جميل ولا حتروش تعديل


السيارات الثانيه من تويوتا صح وخاصه الصالون بشكل عام والهايلوكسات


المقفص السعودي افضل عندي من الخليجي كثر واخف نفس واطلق منه والي مو مصدقني يسوق الاثنين ويحكم بنفسه

[ذيب النجيل]

خل ينزل 2012 وشوف كيف ترتفع الاسعار باقي ماجاكم شي

[باترول 94]

خلوهاااا تصدي اجل ... والله وعلمكم السنع ابووجميل ض1

[عديم الوصف]

اقول الربع مايشتريه الا واحدن غادي والله لايصلح للبر ولا للمدينه
للبر لابغيت تطرد صيد مثل قطا كدري جرجس ولفيت جيت على جنبك
والديره تخبرون الحفر الي بشوارعنا مو حفر الا جروف كل شوي وانت بحفره وراسك يرتج ... والله مالقيت بالربع شي يستاهل فيه هالقيمه ؟؟؟

[مدمن جفا]

..السلام عليكم ورحمه الله وبركاته...

شبــاب..تكفــون .ابي صوره .ربـع. دفعــه 2 .سعــودي ابيض .فــل كامل؟؟

وابي تعطــوني رايكمُ فــيه.. ؟؟

يـاليت تفـيدونـــي؟؟
لا تبخــلو علي بردودكم..

[يوسف الجهني]

- محرك 1GR – FE , 4.0 لتر , 6 سلندر , 228 حصان و عزم دوران 36.7 كجم.م ناقل حركة يدوي 5 سرعات أبواب اتوماتيكية (تحكم من باب السائق فقط) ونوافذ و مرايا خارجية يدوية راديو و كاسيت مع سماعتين جنوط الومونيوم مقاس 265/70R16C 7JJ
- رفارف وتنفيخ جانبي
- مقاعد قماش
- تعليق خلفي بألياف صلبة (6 ريش)
- مقاعد أمامية بنش (3 ركاب) / مقاعد خلفية متقابلة (4 ركاب) قيمته 108 الف ريال
------------------------------------------------------------ أبواب اتوماتيكية (تحكم من باب السائق) ونوافذ كهربائية و مرايا خارجية كهربائية جهاز فتح الأقفال عن بعد (ريموت كنترول) راديو وكاسيت وسي دي أحادي مع سماعتين طبلون خشب غطاء للكفر الاحتياطي مقاعد أمامية منفصلة (2 راكبين) مع كونسول وسطي / مقاعد خلفية متوازية (3 ركاب) قيمته 114الف ريال
---------------------------------------------------------------- جنوط حديد 7.50R16-8(E) 5.50F بدون رفارف جانبية قيمته 111الف ريال
----------------------------------------------------------------