سليمان الربيعان
03/07/2011, 09:17 AM
السلام عليكم ورحمته الله وبركاته ,,,
الى هذي الخيمة الجميلة والرائعة الى منتدنا الغالي مكشات...
هذي سالفة توسع الصدر وهي من السوالف الاولة , هذولا ثلاثة أشخاص توالفوا فيما بينهم معيشتهم سوا وروحتهم وجيتهم وشغلهم مع بعض , مره من المرت دخلوا كالديرة وهم اول مره يدخلونها دخلوا السوق والديرة ذاك الوقت عليه
وهم داخلين مع الدروازة الغربية والناس من ا ول ما يطلعون الديرة الا لروحة سفر او طب لعلم والتجارة
والناس داخل الديره تشوفهم بالاسواق كل في حرفته هذا يخرز وذاك يصلح زبلان زذك يفتل حبال وذك يذرا عيش واللي جالب غنم واللي يبيع سمن , المهم يوم دخلوا ماحد يعرفهم لقوا هاكالشايب قال لهم اقلطوا قالوا لا والله نبي نروح للمجلس مجلس الديرة والمجلس هو السوق ومحل البيع والمشترا وتشوف الاس اللي في دكانه واللي في وسط السوقيبيع واللي يتمشى واللي عابر سبيل وعادة المجلس يصير فيه بجوانب السوق بيت الامير وجنبه الجامع وفي الجهة ثانية صفه دكاكين ومكان يجلسون فيه الناس , المهم قال لهم الشايب هاه تبون نفزع تبون تمر تبون عيش؟ ققالوا لا مشكور نبي عبدالرحمن قال ايه شفتو الشيبان الي جالسين جنب المسجد , واحو لمهم وسئلو وين عبدالرحمن قالو له الشيبان الموجدين هذاهو الي ماد رجلينه يقاله ابو عبدالله , الحاصل راحو لم الشايب وهو جالس عليه شماغ منتف ولابس بشت قديم حات زريه ماد رجلينه وعصاه عنده .
قالوا سلام عليكم قال وعليكم السلام قالوا عبد الرحمن قال الشايب نعم انا عبدالرحمن قالوا الله لا يهينك نبيك بكلمة راس قال ان شاء الله يعيالي بس اقلطوا اقعدوا قالوا لا نبيك بكلمة راس مستعجلين قام وقف عصاه علشان يرتكي عليه وهو نحيف جلد وعضام , بوم انه مسك العصا وارتكى وقف يسلم عليهم وش لونكم هو عمره تقريباً كان 75 عاماً ,قالوا حنا من هاكالديرة الفلانية قال ونعم يا هلا مرحبا زرتنا البركة , امرو وش بغيتوا
قالوا مذكوراً لنا عندك قرع وجاين نبي نشريه من عندك عشان نترزق الله ونشريه ونبيعه قال تبون شوي ولا واجد ؟ قالوا نبي القرع كله لاهنت .
قال مادمت تبونه كله لازم نروح لمه , لانه حاط القرع بحوض النخل وارح لم النخل وهو يمشي قدامهم ويقعد يتلين شوي لانه كبير مره يالله يمشي مادرو الا وهم يدخلون من حوض الى حوض الى ان وصل هاك القصر كبير قال ادخلوا وراكم جافلين اقلطوا ترى غداكم عندنا اليوم قالوا اللله يغنيك حنا عجلين نبي ناخذ البضاعة ونمشي وصلو عند باب ويدخل بهم على دهريز والى جدران الدهريز ما ملطت بس مشبعه تشبيع بالطين والسقف بوه خشب و مطموم بفروش حصا وجريد نخل .
وصلوا لم البيت الكبير والاولين من اول يسكنون في علو البيت وتحت يخلونه مثل المستودع للحاجات المهم صاروا يمشون وراه يوم طلعو على هاك الحوش واثر البقره الله يكرمكم توه والده والى هنا عنز ودبش والحوش ماليان من الغنم والماء قال وراكم جافلين امشو امشو قالوا بس كلفنا عليك يا عم الله يهديك اسمح لنا لو درينا انه فيه كلافه عليك ما جينا الله يعظم اجرك ويجزاك بالجنه قال لا يا عيالي هذي اليوم المبارك يالله يلقط انفاسه مادروا الا هو يوقف قدام هاك الصفه والصفه هي الحجر هالي تصير تحت البيت ولها درايش ويحطون الاولين به التبن بوجه العدو والاعشاب والبرسيم واحياناً يدخلون الدبش علشان البرد .
قال اقربو يعيالي اقربوا نبي نوريكم البضاعه والانتم طالعين الا وحنا خالصين حنا ناس سمحين في بيعنا و مشترانا ومدامكم من هاكالديرة الله يوفقكم ياعيالي ويرزقكم قالوا ترانا عجلين وطولنا عليك وكلفنا عليك .
قال الحين ابوريكم البضاعة مادروا يوم صاح يبه يبه هه هو لك ابو؟ قال أي بالله اجل انا مقطوع من شجره يوم جاء ذاك الشايب من داخل الغرفة شايب كبير هاه التفتوا لمه , اثر الشايب ما يمشي حاط له جاعد تحته بس يحبي .
قام الشايب يسئل ولده وين انت؟ الله لا يصلحك تاركن من الصبح وانا لحالي مخليني في هالصفه اقلب بذا القرع انت وين رايح؟ ولا رحب بالرجال اللي جايين وهم ما يدرون وش السالفه قال هاه وش تبون اشغلنا الولد اسمحولنا ماخلانا نرحب بكم خير ياعيالي؟ قالوا ابد سلامتك حنا نبي نشري منك البضاعة قال البضاعة بالصفة قال الولد الله يصلحه تاركن وين لقيتوه ؟ قال واحد منهم لقيناه يلعب مع العيال لقيناه مع شيبان معه مرتكين على جدار هناك في السوق .
قال المهم الغداء عندي قالوا الله يغنيك حنا مستعجلين قام الولد وادخلهم وقال هذا القرع قام يفهق بالقرع برجليه قال هذولي 8 مبيوعات
وهذولا 35 نبي نبيعهن على واحد قد واعدناه فعلا قرع جبر ممتاز كبار فيه وحده مفقوعة ومبين حبها والاه يفهقهن برجليه ماهنا انشط منه انشط ما فيه رجليه ويحبي على يديه ويفهق بذا القرع يقول هذولي بنبيعهم وذولي بنبذر.
اتفقوا معه زشروا والى واحد من العيال مبعد عنهم ومنبهر كيف هذا عنده ابو ناداه الشايب قال تعال مع وراك ما تجي مع اخوانك اقرب.
منبهر من عمر الشايب كيف عايش وعل كل حال الاعمار بيد الله.
هذي قصيده للشاعر حميدان الشويعر:
ياشن في راسي له رنه
كنه يومي به دوار
إن قمت فلابد ألونه
والممشى كنه بي جار
أشبه لي هرش في عنه
وان شاف المرعى ما ثار
وسنوني كبر طاحنه
واكلي نتش بالإظفار
ياويل مخل بالسنة
ووفي فرضه كنه نقار
الصدق خطام للجنة
والكذب خطام للنار
هذي السالفة سمعته من الراوي الكبير محمد الشرهان
ارجوا إن نالت على استحسانكم وتقبلوا تحياتي,,,
الى هذي الخيمة الجميلة والرائعة الى منتدنا الغالي مكشات...
هذي سالفة توسع الصدر وهي من السوالف الاولة , هذولا ثلاثة أشخاص توالفوا فيما بينهم معيشتهم سوا وروحتهم وجيتهم وشغلهم مع بعض , مره من المرت دخلوا كالديرة وهم اول مره يدخلونها دخلوا السوق والديرة ذاك الوقت عليه
وهم داخلين مع الدروازة الغربية والناس من ا ول ما يطلعون الديرة الا لروحة سفر او طب لعلم والتجارة
والناس داخل الديره تشوفهم بالاسواق كل في حرفته هذا يخرز وذاك يصلح زبلان زذك يفتل حبال وذك يذرا عيش واللي جالب غنم واللي يبيع سمن , المهم يوم دخلوا ماحد يعرفهم لقوا هاكالشايب قال لهم اقلطوا قالوا لا والله نبي نروح للمجلس مجلس الديرة والمجلس هو السوق ومحل البيع والمشترا وتشوف الاس اللي في دكانه واللي في وسط السوقيبيع واللي يتمشى واللي عابر سبيل وعادة المجلس يصير فيه بجوانب السوق بيت الامير وجنبه الجامع وفي الجهة ثانية صفه دكاكين ومكان يجلسون فيه الناس , المهم قال لهم الشايب هاه تبون نفزع تبون تمر تبون عيش؟ ققالوا لا مشكور نبي عبدالرحمن قال ايه شفتو الشيبان الي جالسين جنب المسجد , واحو لمهم وسئلو وين عبدالرحمن قالو له الشيبان الموجدين هذاهو الي ماد رجلينه يقاله ابو عبدالله , الحاصل راحو لم الشايب وهو جالس عليه شماغ منتف ولابس بشت قديم حات زريه ماد رجلينه وعصاه عنده .
قالوا سلام عليكم قال وعليكم السلام قالوا عبد الرحمن قال الشايب نعم انا عبدالرحمن قالوا الله لا يهينك نبيك بكلمة راس قال ان شاء الله يعيالي بس اقلطوا اقعدوا قالوا لا نبيك بكلمة راس مستعجلين قام وقف عصاه علشان يرتكي عليه وهو نحيف جلد وعضام , بوم انه مسك العصا وارتكى وقف يسلم عليهم وش لونكم هو عمره تقريباً كان 75 عاماً ,قالوا حنا من هاكالديرة الفلانية قال ونعم يا هلا مرحبا زرتنا البركة , امرو وش بغيتوا
قالوا مذكوراً لنا عندك قرع وجاين نبي نشريه من عندك عشان نترزق الله ونشريه ونبيعه قال تبون شوي ولا واجد ؟ قالوا نبي القرع كله لاهنت .
قال مادمت تبونه كله لازم نروح لمه , لانه حاط القرع بحوض النخل وارح لم النخل وهو يمشي قدامهم ويقعد يتلين شوي لانه كبير مره يالله يمشي مادرو الا وهم يدخلون من حوض الى حوض الى ان وصل هاك القصر كبير قال ادخلوا وراكم جافلين اقلطوا ترى غداكم عندنا اليوم قالوا اللله يغنيك حنا عجلين نبي ناخذ البضاعة ونمشي وصلو عند باب ويدخل بهم على دهريز والى جدران الدهريز ما ملطت بس مشبعه تشبيع بالطين والسقف بوه خشب و مطموم بفروش حصا وجريد نخل .
وصلوا لم البيت الكبير والاولين من اول يسكنون في علو البيت وتحت يخلونه مثل المستودع للحاجات المهم صاروا يمشون وراه يوم طلعو على هاك الحوش واثر البقره الله يكرمكم توه والده والى هنا عنز ودبش والحوش ماليان من الغنم والماء قال وراكم جافلين امشو امشو قالوا بس كلفنا عليك يا عم الله يهديك اسمح لنا لو درينا انه فيه كلافه عليك ما جينا الله يعظم اجرك ويجزاك بالجنه قال لا يا عيالي هذي اليوم المبارك يالله يلقط انفاسه مادروا الا هو يوقف قدام هاك الصفه والصفه هي الحجر هالي تصير تحت البيت ولها درايش ويحطون الاولين به التبن بوجه العدو والاعشاب والبرسيم واحياناً يدخلون الدبش علشان البرد .
قال اقربو يعيالي اقربوا نبي نوريكم البضاعه والانتم طالعين الا وحنا خالصين حنا ناس سمحين في بيعنا و مشترانا ومدامكم من هاكالديرة الله يوفقكم ياعيالي ويرزقكم قالوا ترانا عجلين وطولنا عليك وكلفنا عليك .
قال الحين ابوريكم البضاعة مادروا يوم صاح يبه يبه هه هو لك ابو؟ قال أي بالله اجل انا مقطوع من شجره يوم جاء ذاك الشايب من داخل الغرفة شايب كبير هاه التفتوا لمه , اثر الشايب ما يمشي حاط له جاعد تحته بس يحبي .
قام الشايب يسئل ولده وين انت؟ الله لا يصلحك تاركن من الصبح وانا لحالي مخليني في هالصفه اقلب بذا القرع انت وين رايح؟ ولا رحب بالرجال اللي جايين وهم ما يدرون وش السالفه قال هاه وش تبون اشغلنا الولد اسمحولنا ماخلانا نرحب بكم خير ياعيالي؟ قالوا ابد سلامتك حنا نبي نشري منك البضاعة قال البضاعة بالصفة قال الولد الله يصلحه تاركن وين لقيتوه ؟ قال واحد منهم لقيناه يلعب مع العيال لقيناه مع شيبان معه مرتكين على جدار هناك في السوق .
قال المهم الغداء عندي قالوا الله يغنيك حنا مستعجلين قام الولد وادخلهم وقال هذا القرع قام يفهق بالقرع برجليه قال هذولي 8 مبيوعات
وهذولا 35 نبي نبيعهن على واحد قد واعدناه فعلا قرع جبر ممتاز كبار فيه وحده مفقوعة ومبين حبها والاه يفهقهن برجليه ماهنا انشط منه انشط ما فيه رجليه ويحبي على يديه ويفهق بذا القرع يقول هذولي بنبيعهم وذولي بنبذر.
اتفقوا معه زشروا والى واحد من العيال مبعد عنهم ومنبهر كيف هذا عنده ابو ناداه الشايب قال تعال مع وراك ما تجي مع اخوانك اقرب.
منبهر من عمر الشايب كيف عايش وعل كل حال الاعمار بيد الله.
هذي قصيده للشاعر حميدان الشويعر:
ياشن في راسي له رنه
كنه يومي به دوار
إن قمت فلابد ألونه
والممشى كنه بي جار
أشبه لي هرش في عنه
وان شاف المرعى ما ثار
وسنوني كبر طاحنه
واكلي نتش بالإظفار
ياويل مخل بالسنة
ووفي فرضه كنه نقار
الصدق خطام للجنة
والكذب خطام للنار
هذي السالفة سمعته من الراوي الكبير محمد الشرهان
ارجوا إن نالت على استحسانكم وتقبلوا تحياتي,,,