اخبار الربيع بالشمال حائل لينة والمناطق المجاورة

[ابو معاذي]

السلام عليكم ورحمة الله وبركاتة
الله لايصبحكم الى بالخير والسرور

اخواني اسائلكم عن الربيع بالشمال وخاصة بحائل ولينة وماجاوارها لاني ان نشاء الله ناوي اروح بالعيد
ولا عمري رحت من قبل, الصمان ماخذ منا كل شي, تعرفون قريب والروحة ماتعوق

بالله عليكم لاتخلونا الله الله بالعلوم الزينة كما خبرناكم
والله لايحرمكم الآجر
ودمتم بخير
اخوكم ابو معاذ

[قاهر الكرك]

هلا وغلا
انا اعلمك عن حائل:.
من النسبه للربيع اصلا ماجاها مطر الله يجيب الخير الا يذكرون يم بقعاء جاها مطر بس خفيف والله يتبع له
والنفود يوم الخميس انا فيه عدك ياحد ايام الصيف لكن انصحك غير الوجهه احسن لك وهذا هو شوري...
والرأي لك


اخوك (قاهر الكرك

[ابوذيب]

مامن ربيع بذيك المناطق بس فيه حطب الارطى يكفي شبة النار وتشم ريحه

[شـهـاب]

هلا وغلا فيك اخوي

بالنسبه لحايل فالخبر الأكيد جاك من الاخوان

حائل لم يأتيه مطر حتى تربع الارض

نسأل الله ان ييثنا

وانصحك لا تجي لحايل هالعيد حنا اهل حايل نجيكم في الصمان والحصبيات وغيره

---
اما من جهة لينه ففيه الحسكي يقولون ربيع وانا ماشفته

والله يجيب الخير

ويغيثنا

اخوك شهاب

[ابو معاذي]

الاخوان
قاهر الكرك
ابوذيب
شهاب
بيض الله وجيهكم ماقصرتو, ولايهونون الباقين

ابومعاذ

[الدهماني]

سف يا طويل العمر
بالطريق القديم من أم عشر إلى طراق داخل النفود وقبل نهاية النفود بشوي
حفرت بالنفود أبي أشوف الرطوبه وين واصله
حفرت يمكن متر وما وصلت للثرى
وكانت مواترنا تمشي بكل سهوله من دون تنسيم

وفي الطريق إلى لينه كان الربيع بين الضعبف والوسط