المساعد الشخصي الرقمي

مشاهدة النسخة كاملة : لغز من منيفه للهال


راعي العجراء
03/07/2011, 08:22 PM
يالهال تسلم علاك عمتي منيفه



وتقول



سلملي عل الهال سلام كثير وقله يابعد معالبق قلبي يالهال



ترا نصف الميه خمسين



ماعاد تبا الطلي يكفي المفطح مهر



واعطتني هذي القصيده وتقول وصلها للهال





يالهال انا وياك صرنا ولايف = مثل الحمام والحكي مالنا رف






يالهال قلي كانك اليوم عايف = قلي علامك تغضي الطرف للطرف




يقطعك دنيا معلاها حسايف = من فعلها يالهال ماميز الحرف



ماغار دمعي فوق خدي ردايف =وارجي من الله يحسن الحال والظرف



(انا منيفه) ام الثمان الرهايف = مبرومة السيقان منسوعه الترف



يالهال احبك قم وعطني الشفايف = شقا السنين بداخلي اغرفه غرف



والا ترا الرشاش فيه القذايف = والتسعه ملي والمن داخل الزرف



وابسعلك يالهال وشهن صدايف = منهن تحذر وشكلهن مابهن عرف



تجيك واحده مايجنك صفايف = الله يكافي شرها تكرفك كرف





هذا كلامي ياحسين الوصايف = منيفه تحبك ودمعها تذرفه ذرف

منيفه عمة راعي العجراء
ابو اسامه 2
03/07/2011, 09:00 PM
.
.
.


البارحه شفت الهيل والدمع شايف=على خدوده سايله وثابت الطرْف
نفسه يتزوج من منيفه وخايف=وابو ماجد يمنعه ما ينطق الحرف
وده يتزوجها ويمشو على الطايف=وهي على العكاز مكروفة ٍ كرف
ياخذ معه الاطفال فوقه ردايف=ويمشي على مهله بسباب ذا الظرف
يقطف لها ورده وبسمة شفايف=وينسو دموع الامس والهم والذرف
قلب منيفه يقول آآآه يا حسايف=والهيل يحفظ صورها على رف



.
.
.
راعي العجراء
03/07/2011, 09:17 PM
صح السانك يامشرف ابو سامه
كلام زين الله يزين حياتك بالايمان
فرحتني ان الهال يباها
وابوماجد مانباه شاهد اخاف انه نضول يصك الهال بعين ويخليه مثل العاصوف ماتدري وين شرقه من شماله
وعمتي فرحانه بالهال
وبعدين عمتي ماتبا الطايف يكفيها شهر عسل فوق طعيس لو شحنت قلابي دينا
بس يكون ذاري عن الهوا وعيون الناس الله يكافي شرهم
مايخلون احد يستانس
يركدون
04/07/2011, 04:51 PM
صح لسانها ولسانك ... تبيها الشرقه
هيل
05/07/2011, 12:55 PM
السلام عليكم ورحمة الله وبركاته
مداعبه لخونا راعي العجراءوأخونا أبوأسامه

ذود وذهب وأغنام ماهي حسايف
بس الزواج اليوم يمنع من الصرف
زعيمنا الميزاج ماهوب كايف
ولازم أطيع العود بالدين والعرف
باقي بحياته بس من 1(ألثري للفايف)
هذي وصل عمره على حافة الجرف
وقله من الرشاش مانيب خايف
الهيل على الصولات له جول مع كرف
لاكن عسى الزعيم يرضاك لي 2(وايف)
وينجلي مابيني وبينك الظرف
يابوأسامه أنت بالحال رايف
عيني على الذود وماقصدي الخرف
واللغز باذن الله ماهوب طايف
رشاش مع مشطه موزون بالحرف1-الثلاث للخمس
2- زوجه
مع فائق التقديروالأحترام
الهيل
راعي العجراء
05/07/2011, 01:06 PM
صح لسانها ولسانك ... تبيها الشرقه

يركدون صح بدنك حاول تركد الهال
ياخوك الهال طلعت هدارته وحنا بالصيف اجل لاجاء الشتاء وش بيصر
الله العالم بتطلع هدارته مع اذانه
وعمتي منيفه اشوفها حلقها يطلع زبد تقل فوار مينو تبا الهال
وصار عندها ارتجاف صره خفقان مقمــــ ؟؟؟؟؟؟؟
والرمعه مالك لوا
راعي العجراء
05/07/2011, 05:24 PM
يالهال عمتي منيفه ماغار راقيه في راس طويله وتهيجن بعلا صوته
وتقول


أرسلت لك ياعزوتي كـم مرسـول =وابطـى جوابـك ياحبيبـي عليـه
ياحول انامن بـدت النـاس يحـول =حظي معك دايـم عزومـه رديـه
ياليت منهو يا هوى البـال مقبـول =عندك بصـف اللـي لهـم قابليـه
أرجي لعل الحـب ينقـاد بسهـول =ويحطـهـا الله بينـنـا بالسـويـه
مسكين منهو من هل الحب مقتـول =يشكـي ولكـن مـا تفيـد الشكيـه
كم واحد يمشي مع النـاس معلـول =وجروح قلبه فـى ضميـره خفيـه
اللي ذبحني ذبح ما هـو بمجهـول =لاشـك ماتـدرون كيـف القضيـه
ان أشهد ان الحب يلحق على الطول =سـعـادةٍ ولا حـيــاةٍ شـقـيـه
أبوعبدالرحمن99
05/07/2011, 08:29 PM
صح لسانك و صح لسان عمتك و صح لسان الهيل و ابو اسامة
الهال طلع ما هو بسيط
لا و يهرج انجليزي بعد
حركات شباب
الله يوفقهم
هاوي عبث
05/07/2011, 08:35 PM
افا يا منيفه افا ... هونتي عن المزيون هاوي ذباح قلوب العذارا
ماهيب الهقوه ... يا راعي العجراء عمتك هواها غربي مسرع مايتغير ( لاتامن الغربي يصير شمال )


الظاهر انا اللي برقا الجبل واطلق 200 طلقه بالرشاش
هيل
05/07/2011, 10:36 PM
السلام عليكم ورحمة الله وبركاته
أنتبه ياراعي العجراء خذ لوحة سيارت الي يهدد عمتك
والله يجزاك خير يأسير النور عندنا طموح أنا ومنيفه
نكمل تعليمنا بالخارج بعثه علشان العنقريزي
أبيه تطلع بلبل ونبي نوكل على الذود أبو ماجد وراعي العجراء يتولون الحلال ويراسلوننا على ألإميل
meanefih@hotmail.com (meanefih@hotmail.com))
تحياتي