رائحة بنزين داخل السياره

[بن صاوي]

السلام عليكم كيفكم ياشباب أريد منكم خدمه انا عندي جيب باترول موديل (99)بخخات لدي مشكله اشم رائحة البنزين عندي داخل السياره بالذات لما امشي مشوار وايضاً لما اوقف السياره وهي شغاله والمكيف شغال اشم رائحة البنزين داخل السياره افيدوني الله يرحم والديكم جميعاً ولكم التحيه وشاكرين لكم تفاعلكم

[mahpoop2000]

أخوي بن صاوي جرب طريقتي لأنها صادفتني برغم إختلاف سيارتك عن إللي عندي لأن عندي كامري إلا إنها أعتقد نفس المشكله وزهقتني ولكنك تستاهل النصيحه لأنك أخوي المسلم وبإذن الله تكون هي:
هذي سلمك الله في التانكي حق البنزين وبالضبط في المكان إللي تركب فيه طرمبة البنزين وتسقط داخل التانكي.
في الكامري تكون بالضبط تحت المقاعد الخلفيه أول ماترفعها بتلاقي غطاء مدور ويثبت بالتانكي بمسامير شد وعشان مايتسرب البنزين من الغطاء يحطون لك بين الغطاء والتانكي جلده أوgasket تمنع دخول البنزين داخل السياره أثناء حركتها بتلاقيها هالقطعه قديمه وناشفه ويتسرب منها البنزين إلى داخل السياره وعشان تتأكد إنه منها الخلل لاتعبي التانكي إلى نهايته واقعد كم يوم عبيه بس ب10 أو 20 يعني موحده إلين راسه وبتشوف ريحة البنزين راحة تدريجياً من سيارتك إذا كان الخلل من هذي القطعه لأن مستوى البنزين لايصل حد الجلده.
أرجو إني أكون أفدتك وإذا صار الخلل من هذي القطعه ردلي خبر رجيتك

[سعود الحربي]

شيك على ليات البانزين داخل الكبوت وان لم تلاحظ تهريب


هي ماغيرها اللي ذكرها الاخ اللي قبلي


وتاجدها تحت المرتبه اللي خلف السائق ارفع المرتبه ثم والفرشه وتلقاها

[العتيبي 88]

نفس ماذكر اخوي ..

وتحصلها تحت .. الشنطه الاخيرهـ

[xgroupx]

سلام عليكم
اذا تشم ريحة البانزين اول ماتعبي السيارة فل تاكد من غطا التانكي , واذا تشمها بكل وقت فيه تهريب عندك فاحذر

[paper]

انا مثلك معي اكسبدشن
غير فلاتر للمكيف (كانستر) ولي بنزين (على كلام المكانيكي)
رجعت الريحة وهي ترتكز بالسيارة خلف.

[اسم العضو 02]

أخي العزيز mahpoop2000
أنا عندي كامري 2002 ورائحة البنزين داخل السيارة وهي تزداد اذا عبيت السيارة فل
وبناء على نصيحتك ذهبت للورشة وفكيت الربلة عشان أغيرها لكن للأسف غير موجودة
في محلات قطع الغيار ولا حتى الوكالة ولا حتى كاتلوج الوكالة عشان الطلبية.
فممكن تقولي من وين اشتريت القطعة؟؟

[ابن مهيل]

سلام عليكم
اذا تشم ريحة البانزين اول ماتعبي السيارة فل تاكد من غطا التانكي , واذا تشمها بكل وقت فيه تهريب عندك فاحذر

صارن معي والسبب غطاء التانكي سياره مرسيدس

[sgl2002]

اخوي مشكلتك عندي وكشفتها

وموتري نفس موترك

شف بلف الراجع اللي جنب البخاخ الاول فيه ليين

تلقاه يرشح بنزين منه او من احد لياته

انت شم الريحه عنده اذا وجدتها فهو المشكلة

وتحصل عليه سواد لو شميته تحصله ريحة بنزين

[ابو حمود 20]

السلام عليكم انا معي جيب هدد 2006 اشغلت السياره والمكيف شغل اشم ريحة بنزين ايش المشكله