الرجاء مسااااااااااااااااعدة من اهل الجيوب صووووت ونه في الدفرنس الخلفي

[راعي المجهم]

أخواني عندي جيب ربع 91

السيارة لها أسبوع فيها صوت زي الونه أو الحنة غريبة

في الدفرنس الخلفي وديتها كذا ورشة واحد يقول كرونه !!!!

وواحد يقول رمانات العكس الخلفي !!!!

الصوت يجي من سرعة 20 إلى 120 واااااضح وإذا تعديت 140 يخف شوي

وأنا ماشي بالسيارة بسرعة 120 أذا حطيت القير على الفاضي الصوت زي ماهو لا يختفي

مع العلم أن زيت الدفرنس كاااامل ولونه اسود

أرجو المساعدة من أهل الخبرة

[Abusliman]

عندي هالصوت بشروكي 2000 من نص سنة تقريباً ومخليه
صحيح انه قللللللق لاكن الدفرنس لا تلعب فيه لانك اذا صلحت فيه شي 3 شهور وبتغير الدفرنس كله
انت حاول تحمل هالصوت هالفترهـ ومتى ما جتك الفلووس صلح الدفررنس ليين يططق << عشان تحلله
بعدين غير الدفرنس ( :

[وبل نجد]

هذا صوت ونة الكرونة

انت ظارب مطب من قريب او مسرع على السياره سارعه خياليه

او انك فاحط على الموتر بقوة

[درجلان الشمال]

مايبلها طب غير من التشليح

[التفق]

فعلا الكارونه بس مايمنع انك تشيك على العامود وصلبانه:good2:

[صروووف]

إذا طلع الصوت ورفعت رجلك
عن البنزين ولا راح الصوت فتأكد
إن الصوت مهو من الكارونه
اما إذا راح الصوت فالمشكله بالكارونه

انتبه لاتلعب في الدفرنس وتغير
زيته لأن الدفرنس يخرب على طول إذا غيرت زيته من عند البنشري

[ابوسامي 2011]

هذه صارت معي وطلع السبب ان القير مليوح (يعني منعفط)ولا يبين لين تفكه وتشوفه على الطبيعه لاكن احسن شي خله لين ينكسر الفخذ ثم غيره من التشليح ويمكن يطول بس انتبه من المطبات الكبيره وصدم الجروف ولاعليه

[MOHAID]

يا رجال ماتضر الونة خلة يون الى مايقصر
معي جكس ار 2005 والكارونة تون لها سنتين ماشي زي الحلاوة
لكن من كلامك الدفرنس ما فيه مشكلة لان الكارونه اذا تركت الدعسة يروح الصوت
اتوقع عندك الصليب خربان شيك علية قبل

[ذئب اليل]

إذ صوت الونة حاد فهي الكرونة اما إذ صوت الونة مشابة لوحيف الهو فحتمال يكون الصليبات والله اعلم

[راعي المجهم]

الصلبان مغيرهن قبل شهرين أو أكثر أصلي ومرصص العمدان الدبل والكردان

والصوت طلع له أسبوع

ناس تقول الكرونة بس لو كرونة يختفي الصوت إذا شلت رجلي عن البنزين !!!!

وناس تقول رمانات العكس وناس تقول العرموطة وناس !!!!!

[شلفا تبوك]

شيك علا البنيو
وافحص الزيت اذا هو ابيض الله يخلف عليك
غير داخليه الدفرنس

[راعي المجهم]

الزيت أسووووووود

ولا هو بناقص !!!!!!!!

[جلاد الحباري]

اقول لاتستعجل حيل اسأل ربعك عن ميكانيكي ممتاز يطلع معك ويسمع الصوت بنفسه وخله هو يسوق عشان يشخص الحاله انا نصيحتي انك لاتفلش الموتر وتطلع المشكله غير واذا طلع الدفرنش وتأكدت 100% غيره على طول ولاتصلح تراه مايفلح غيرررررره على طول بدون تردد بس زي ماقلت لك تأكد من تشخيص الميكانيكي

[مغرم بالفتك]

يمكن رماااان بنيووون

[العنابي 616]

على شان تتأكد من المشكلة
إرفع السيارة و عشقها برابع و انزل و شوف مكان الصوت
و بعدين على شان تتأكد إفصل العكوس الخلفية إذا راح الصوت فهو من رمان العكس
إذا ما راح يمكن يكون عندك رمان البنيون أو الكارونة فيها مشكلة
و الله يعينك

[على رمشي تمشي]

ياخوك الى اعرفه ان الكارونه اذا شلت رجلك عن دواسة البنزين اعزكم الله يستمر الصوت اما اذا راح اذا شلت رجلك عن البانزين فذا من الدفرنس - والله علم واخاف ان الكفرات عندك متسحله والا شي او انك رافع السياره