هيئة الحياة الفطرية لا تعرف المسافات بين مدن المملكة..

[hawwamT]

الهيئة لها مقر واحد وهو في الرياض..وتريد من كل الصقارين اللي في المملكة يأتون الى الرياض لتسجيل طيورهم..يعني اللي اقصى الجنوب الغربي من أبها ويبعد الفين كيلو يجيها ويتحمل تكاليف ممشى وتعب وطريق يا طوله عشان ىيسجل اطيوره وكذلك اللي في اقصى الجنوب الغربي في جيزان ونفس المسافة وكذلك اللي من اقصى الشمال تبغاه يركب موتره الله لايهينه ويقطع آلاف الكيلومترات ويجي الى الرياض لتسجيل اطيوره..ماأدري هذي الهيئة وش تحس فيه بالضبط ؟؟..فاما جاهلة بالمسافات اللي بين مدن المملكة وهذي مصيبة والا ماتعرف انك اذا اردت ان تطاع فاطلب المستطاع..فعلا..هم بطريقتهم هذي يخلون الانسان مايمشي بشكل مستقيم..ياخي ليه ماتفتحون مركز في كل محافظة كبيرة يكون مرجع لااستخراج الاوراق المطلوبة وهذا المركز يرسل للرياض....

[أبو أمين]

مؤيد لك

والله اني اسولف لواحد من الربع

اقوله اثرنا في نعمه ولله الحمد يوم اننا في الرياض كل شئ قريب المستشفى وغيره

وا عزتي للاخواننا البعيدين من الطرقه والحوادث ربي يسلمهم ان شاء الله

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /hawwamT
.
العرب قالت (( اللي يشوفك لاتومي له ))
والصقاقير مايصدقون المقوله . يومون ويبطحون
لكن يرد عليهم صدى
(( لقد اسمعت لوناديت حيا ولكن لاحياة لمن تنادي ))
*
والسلام
AL Khapt Brother of Naif
الحجاز
2-8-1432هـ

[بحر الخليج]

في الاصل مافي عناية للصقارين مثل اتحاد للصقارة او نادي للصقارة لكي يخدمون الصقارة بشكل خاص ودي اسئل ما الفائدة من تسجيل الصقور عند هيئة الحياة الفطرية هل هوة لجواز سفر الطير او غير ذلك ؟

[ذراع الذيب]

السلام عليكم ورحمة الله وبركاته,,
صبحت بالخير ياخوي,,

هي جات على تسجيل الطيور بس في كل شي يبغون الناس تجيهم بالرياض,,
لاكن الله يجيب الخير وتطيح الامطار ولاهنت تحياتي لك,,

[أبوعابد 22]

كلامك صحيح وودك أن يكون فرع لها في كل منطقه

[hawwamT]

الـأخ أبوأمين...الفيتو...بحر الخليج..ذراع الذيب...الله يجزاكم بالخير ومشكورين..والصراحة دابلة كبدي ذي الهيئة..عندي طيرين من ثلاث سنين وانا ودي اجي الرياض عشان أسجلها واتكاسل من بعد المشوار..واعرف كثيرين صقارين عندنا في الغربية نفس وضعي بالضبط...وعجبتني مقولة اخوي الفيتو..قد أسمعت لو ناديت حيا..ههههههه والحقيقة انا ماني رايح الرياض ولا ني مسجل اطيوري واللي يصير يصير..مشوار يكسر الظهر ويخلخل العمود الفقري ويدبل الكبد والطحال هههههههه وعندي اقتراح لأهل المنطقة الغربية والساحل الغربي فقط..الاقتراح اننا نفتح موضوع هنا في مكشات باسم طيورنا بيد الصقار الأمين الى الرياض..ونشوف واحد من المكشاتيين الثقة ونرسل اطيورنا معه..وياخذ مننا خمس مية ريال عن كل شخص عنده اطيور..فلو تجي تحسبها له تلقاها مخارجة ويستفيد ونحن نرتاح من كسرة الظهر من هذا المشوار..وهذا انا اعلن ان عندي طيرين حرار..وسأدفع الخمس مية لمن يريد ان ياخذ الطيور مع باقي راعين الطيور ويسويلها الفحوصات في الرياض ويستخرج لها الاوراق وجواز السفر..

[hawwamT]

الاخ ابو عابد..تسلم ويعطيك العافية,,و الحقيقة انا لم انتبه لتعليقك الا بعد كتابة ردي الثاني..

[عبدالرحمن بن ذياب]

صدقت و الله
و عجزت عليهم يفتحوا لنا فروع ب : الجنوب و الشمال و الشرقيه و الغرب ؟؟ :eek:

[رعد البوادي]

الله يعينكم بس وانا اايد كلام اخوني

[الرقعي]

الله يعين المسافة ماهي بسيطة لكن علشان الطير نقطع مسافات

[ابوعزيز2007]

فعلا صح السانك (إذا اردت ان تطاع فاعل المستطاع ) ولاكن وش الفايده من تسجيل الطيور بالعكس احس انه وراهم شيء

[هاوي هدد 11]

الله يعين أهل الغربية
خالين من خدمات الصقارة
لامستشفى ولاولاغيره
المشكاه على الله

[عابر الموج]

الله يعين أهل الغربية
خالين من خدمات الصقارة
لامستشفى ولاولاغيره
المشكاه على الله


شرحهم اهل الشمال

[خلف الفار]

اصبروا كما صبر ايوب عليه السلام لابد من فرج

[hawwamT]

صقار الجنوب..رعد البوادي..الرقعي...ابو عزيز...هاوي هدد...عابر الموج..خلف الفار..الله يجزا والدينكم الجنة على المداخلات المهمة للموضوع...والحقيقة اني أرى في تسجيل الطيور واهتمام الهيئة بذلك فان هذا سيتبعه منع صيد الطيور المهاجرة بتاتا..وهذا ماحصل بالضبط في كل الدول التي انضمت الى السايتس..فهم يريدون وضع قانونية للطيور الموجودة لدى اصحابها حاليا ومن ثم يبدأ المنع...يعني تقريبا معك هذا الموسم هو آخر موسم لصيد الطيور المهاجرة او الموسم الجاي بالكثير..وانا الذسي يهمني في الموضوع هو فتح مراكز في المناطق حتى لا نتحايل على النظام..