ماهي افضل طرمبة بنزين لليوكن؟ في اكس ار ام طرمبة بلده ؟؟

[Abo gssar]

السلام عليكم ورحمة الله وبركاته

عندي يوكن 2004 صار يطفي على كثير خصوصا اذا

مسكت خط ولا يشتغل الا بعد ماادق التانكي ...

انا اتوقع المشكلة في طرمبة البنزين بل اجزم بذلك لان

ملاك هذه السيارة دائما يشتكون من طرمبة البنزين فيها

ودايم اسمع من الاعضاء في المنتدى انهم يرهمون طرمبة

الفي اكس ار لليوكن لانها افضل وارخص وانا يهمني طبعا

الافضل بغض النظر عن السعر

عشان كذا انا ابسألكم وش تنصحوني فيه وهل فعلا طرمبة

الفي اكس ار افضل لليوكن ولا الناس تركبها لانها

ارخص ؟؟

لاتبخلون بالرد خصوصا من لدية تجربه

[F34666]

السلام عليكم ورحمة الله


من واقع تجربة ان مشكلة الطرمبة في اليوكون من مديل 2004 ومافوق مشاكلها قليلة

ولكنها بعد الاستعمال تحتاج الى تغيير لان عمرها انتها مثلها مثل اي قطعة في السيارة

انا اشور عليك انك تشتري طرمبه شد بلد من الوكيل لا من غيرة على انها تكون اصلية 100/100

[أبوحمزه]

ان شاء الله يفيدك الشباب

[Abo gssar]

الله يعطيكم العافية...وفي انتظار راي بقية الشباب

[سعود الحربي]

وش اقول لو انك قريب مني يمكن اعطيك بقس لو ماهو فيك يمكن عطي الجدار اللي وراك



اسمعني نصيحة الله

هذي شركه حقيره بماتحمله الكلمه من معنى وهي قايمه على قطع الغيار وخاصه طرمبة البانزين وطرمبة الماء وكثير من القطع التي تستهلك مع الوقت

نصيحتي
ان تروح وتشتري طرمبة في اكس ار وتركبها وتبي تدعي لي

اقولها من معاناه وياكم تركني في الخلاء على الخط الطويل خاصه لياصار الجوا حار والسبب الطرمبه


ان كنت في شمال الرياض وتبي لك ورشه محترمه ورخيصه ارسل لي رقم جوالك

[THE KILLER]

والله ركب طرمبة بلدها احسن لان الشركة ما قالت ركب طرمبة في اكس , لكن مستغرب انها تخرب بسرعه , طيب لما تشتري اليوكن مثلا تقعد تمشي فيه لين 200 الف كيلو او 250 الف كيلو ولا تشتكي من الطرمبة لنا اصلية وكالة 100 % , لكن مستغرب ليش الناس يما يشترو طرمبة بنزين اصلية تخرب بسرعه وما مشيت اكثر من 100 الف كيلو الافضل تروح الوكالة الجميح نفسها المركز جوا جوا داخل غرفة المدير اقصد محل قطع الغيار وتجيب وحدة اصلية وان شااء الله تشووف خيير ولا تشتريها من المحلات هاذي الثانية

[THE KILLER]

بس اذا كل الناس يقولو انها موتمام ومن واقع التجربة خلاص ركب طرمبة في اكس ار , يكون احسن
طيب طرمبة فورد اكسبديشن او دودج رام ما تنفع لانهم اقارب ولا كيف يا جماعه

[THE KILLER]

اقصد ما تنفع ؟؟؟ ,,, الخ

[Lover gmc]

صدقني المشكله مو منها

شوف انت افحص فلتر البنزين + ليات البنزين اللي توصلها للمكينه ومن المكينه للطرمبه

احيانا تكون مسدوده ومع الطق تتحرك

[GMC89]

اخوي انا اشور عليك تغير الصفايه اول وتجرب الموتر اذا ما ضبط غير الطرنمبه
وطرنبه اللاند كروزر هي طرنبه اسمها دنسو قيمتها حول الـ 260 يابانيه ركبها وريح مخك

[Abo gssar]

الله يعطيكم العافية على الردود

لكن والله داج راسي ياخوان كل واحد يعطيني شور عكس الثاني ....ركب بلد لا ركب حقت وكالة ماجمعتوا على راي

انا ودي اللي سبق ومرت عليهم المشكلة وغيروا سواء اللي ركب حقت بلد او حقت في اكس ار ودي احد منهم

يعطيني العلم ...

ومازلت انتظراخواني المشرفين اللي لهم باع طويل في مثل هذي الشغلات ..

[AxR979]

طرمبة البلد و لا تدور غيره ..

معي نفس موديل موترك بس حجم 2500 اللي مكينته 6.0 لتر ماشي اكثر من 300 الف و ما خربت الطرمبة الا مرتين و كلهن بسبب اني اخلي البنزين ينزل عن الربع ..

اهم شيء اذا بغيت تشري طرمبة جديدة خذ اللي معه عوامة شد بلد تلقاه عند باقادر او من الوكاله ..

و للمعلومية صفاية البنزين من موديل 2004 تجي داخل جرم الطرمبة و ما تقدر تغير الصفاية لحاله ..

[Abo gssar]

طرمبة البلد و لا تدور غيره ..

معي نفس موديل موترك بس حجم 2500 اللي مكينته 6.0 لتر ماشي اكثر من 300 الف و ما خربت الطرمبة الا مرتين و كلهن بسبب اني اخلي البنزين ينزل عن الربع ..

اهم شيء اذا بغيت تشري طرمبة جديدة خذ اللي معه عوامة شد بلد تلقاه عند باقادر او من الوكاله ..

و للمعلومية صفاية البنزين من موديل 2004 تجي داخل جرم الطرمبة و ما تقدر تغير الصفاية لحاله ..

كم سعرها من الوكالة

[همام الشام]

ركب طرمبة الفى اكس ار وبتدعيلنا ان شاء الله بس شوفلك ورش
انا صاحب مركز سيارات

[Abo gssar]

ركب طرمبة الفى اكس ار وبتدعيلنا ان شاء الله بس شوفلك ورش
انا صاحب مركز سيارات

الله يبارك فيك
وياليت تدلني على مكان مركزك .

[AxR979]

1100 او 1200 ريال من عند الجميح فرع خريص و هو ارخص الوكلاء بعد بالبيد ..

عند باقادر و بالبيد 950 ريال و التقوى بـ 670 بس اللي بدون عوامه ..

الاسعار لحجم 2500 ..

[ff34d]

من واقع تجربه
غير حقت في اكس ار قيمتها 550 ريال

[ABO ZAIN 29]

سؤال هل طرمبة الفكس ار تحتاج توليف ولا تركب عايدي

[xgroupx]

سلام عليكم ورحمة الله وبركاته
انا اكاد اجزم ان القطع اللي راكبة على السياره من تطلع من الوكالة تختلف عن اللي نشتريها منهم بعد خرابها , ولا ياجماعة الخير نشتري قطعه من الشركه مايكفلونها من جد مصيبه وبالذات الكهربائيات زي الطرمبة وحركاتهم اللي ماتخلص انا اشك فيهم لانهم شركات خدمة ذبح مابعد البيع ,, هذا رأيي ودمتم .

[xgroupx]

انا اذكر ان المرسيدس موديلات 90 يركبون لهم كمبريسر مكيف تبع كريسداتويوتا ويمدحونهم .

[Abo gssar]

سؤال هل طرمبة الفكس ار تحتاج توليف ولا تركب عايدي


نفس السؤال؟؟؟؟
عشان مااروح اشتريها وفي الاخير ماتركب ويحتج عليه المهندس لوخربت..

[سوبر VTC]

اخوي ادخل موضوعي بالتوقيع
معاناتي مع الجمس
جميع الاعطال
فك الطرمبة
غالب الخلل و صارت معي من فيش الطرمبة
الان عندي 3طرمبات لم يخربن اطلاقا و انما الخلل من قاعدة الطرمبة بلاستيك تنكسر
و لم ارتح الا بعد تركيب طرمبة جرم حديد

[Abo gssar]

اخوي ادخل موضوعي بالتوقيع
معاناتي مع الجمس
جميع الاعطال
فك الطرمبة
غالب الخلل و صارت معي من فيش الطرمبة
الان عندي 3طرمبات لم يخربن اطلاقا و انما الخلل من قاعدة الطرمبة بلاستيك تنكسر
و لم ارتح الا بعد تركيب طرمبة جرم حديد

الله يبارك فيك ويعطيك العافية
اطلعت على مواضيعك وبصراحة استفدت منها الشي الكثير...
لكن يبقى تساؤلي عن ايهما افضل طرمبة الفي اكس ار او طرمبة البلد لليوكن ؟؟؟؟