الفزعه ياالنشامى

[عبدالله السهل]

السلام عليكم ورحمة الله وبركاته
مساء الخير ياخوان هاذي اول مشاركه لي في ذا الخيمه المباركه وابي فزعتكم معي على واحد من الربع غالي عندي مره وراعي فزعه بس ماعاد دق علي يتوقع اني اتغلى اومابيه وابي تفزعون لي في بيتين ولا ثلاثه لان خويكم ماعنده سالفه في الشعر احفظ بس مااكتب
اسمه ابراهيم ابوعبدالله
الي بيشارك جزاه الله خير والي مو مشارك جزاه الله خير

[هاوي عبث]

حياك الله اخونا عبدالله واتمنى اني شاعر كان ماقصرت والله بس أخوك مثل حالك

والبركه في الاخوان كلهم خير وبركه والله يصلح الحال بينكم يارب

تقبل تحيات اخوك هاوي عبث

[مكرم الضيف]

اخوي عبدالله السهل هذا اللي قدرني الله عليه والمعذره من القصور


يابــوعبدالله ســـلام الله عليــك***منزلك عندي ترى بالحيــل عـــالي
مثلكم واجـــب علي اســأل عليه***وانت يابراهيم بعيــوني وغـــالي
المـــواقـــف منك مانســـاها لانك***راعي الفزعه ووقـفاتـــك ببالي
كان جاك قصور مني لاتهجرني***هجر مثلك لي ترى فوق احتمالي
ودي بفرصه اعبر عن شعوري*** وللعذر عطني مساحات ومجالي

[خيط العنكبوت]

مكرم الضيف ..

صح السانك .. ماقصرت .

تسلم ..

[مكرم الضيف]

مكرم الضيف ..

صح السانك .. ماقصرت .

تسلم ..


حياك الله اخوي خيط العنكبوت اسعدني ردك ودامت لك المسرات