من فقد أشتراك لضروره

[ابو كليب]

السلام عليكم ورحمة الله وبركاته

ياخوان أنا تعطل موتري في الخراره ومشكلة التعطيل بطريه وكنت ابي أشتراك

ودورنا راعي موتر ولقينا موتر باترول مديل قديم 2003 فتك كان متعطل بسبب الايطار

وستعرت منه الاشتراك ورجعت وشحنت الموتر ورجعت ومالقيت دورته يمين يسار

مالقيته دخلت المزاحميه لعلي القاه مالقيته

ورجوا ياخوان من راعي الاشتراك الاتصال على

0565855535

وجزاه الباري خير الجزاء

[البرقاووي]

بيض الله وجهك

[ابو طاهر]

الله يجزيك الجنه وولديك آمين آمين ...

[رااس القطاه]

الله لا يقطعنا من الناس اللي بها خير
مشكور يالنشمي

[900]

جزاك الله خير
وكــثـــر الله من امثالك

لاكن وشلون تقول جيب قديم 2003:mad::eek::mad:

اجل موتري 97 وش يصير :p

[ابو كليب]

بيض الله وجيهكم

أخوي 900 قصدي ونا أخوك مو قديم شكل قديم ولا 97 أووووه

[برق البشاير]

أخي الكريم
أنت استعرت الاشتراك من صاحب الباترول المتعطل ؟ أو وجدت الباترول متعطلاً دون صاحبه وأخذت الاشتراك بنية إرجاعه وعند عودتك لم تجد أحداً ؟ والذي يظهر أنك استعرته من صاحبه ووعدته بالعوده ولكن لم تجده . وبما أنه لم ينتظرك ربما سامحك فيه .ولكن كلاكما رائع هو بشهامته وكرمه وأنت بوفائك وأمانتك .

[ذيب الفاو]

مشاركه رائعه بالتوفيق

[escape_man]

جعل والديك بالجنة

تراك وانا اخيك في نعمة عظيمة قلت بهالزمن فحافظ عليها ورب عيالك عليها وادع الناس لها ..

الله يكثر من امثالك

الامانة سابقاً كانت من المسلمات .. اما الان فاصبحت احداثها و ماتنطوي عليه من قصص نوادر يفرح القلب لسماعها بين حين و آخر

[أميرالعشاق]

جزاك الله خير على حرصك...وجزاه الله خيراً على مساعدتك