فـــــــشــــــــــق

[سفاري 2002]

السلام عليكم ورحمة الله وبركاته

امسي واصبح على الجميع واتمني الجميع يكون بألف صحة وسلامه

يا اخوان انا محتار في انواع الفشق

واتمني من اهل الخبره ان يتفضلون بردهم علينا

الموضوع اني بشتري فشق واحترت مابين فشق RIO والفشق الثاني

B&P واتمنى من اهل الخبره ان يفيدوني

والشوزن الى عندي اهي براوونج يابانيه القديمه

[الخرب الازرق]

الله يمسيك بالخيرات والله كل النوعين ممتازات
اما RIO 36 صلف على البندق وقوي ويعجبك بالرمي البعيييد
ام B&P جرب لـ 32 ممتاز كذلك
والشوزن اللي استخدمها سوبر بنلي والناس قناعات وانا خوك ناس تفضل نوع عن نوع
والشوزن ام خمس القديمه ماتتحمل كثرة الضغط لنها تعوكس كثييير اذا تبيها تعيش معك وتصبر استخدم 32 احسلك واسئل مجرب للحيييييين عندنا مشاء الله عليها كنها جديده
وتقبل مروروي

[سلطان المقناص]

السلام عليكم
خلك مثل ماقال اخونا {الخرب الازرق}
ويعطيك العافيه

[الذيب الطاوي]

النوعين ممتازة والله يوفقك

دمت بخير

[ياحبي للغطاط]

يشرفني ان ارد عليك.اسمع ونا اخوك ابشور عليك بشور ان جاز لك زين واذا لا يطير بالهواء مانت خسران(ابعد عن ال36 غرام)لاسباب راح اشرحها بالتفصيل:
1_ مكاين البلاجيك القدام ماتتحمل وياما شفنا ابره منكسره اونصاب منشعر او المنظم تعبان او حتى ينكسر الحاضن ليه؟ببساطه(ماتتحمل الرمايه الكثيفه بالقرامات العاليه)
2_ سبطانة البلجيك الاوتو5 يعني البلاجيك اشتهر عنها الحراره في المرمى والسوق البعيد حتى مع القرامات الخفيفه وهذا شي شفناه وجربناه على مدى سنوات ويرجع السبب الرئيس الى نهاية الفوهه(الماصوره)حيث تاتي بمقاسات رائعة يعني ضيقهايصل حتى ضوق 680 في بعض سبطانات المونتريال فلذلك ومن الطبيعي ان تكون رمايتها اكثر من ممتازه
زبدة الكلام اذا مصمم ترمي هالقرامات غير الى نوع يتحمل كالبنلي او البروانينج فيوجن افولف او اي نوع ذو جودة وتحمل .تقول لا والله بندقي غاليه علي الزم ال32 غرام روعه بكل المقاييس على البلجيك يخرج بقوة دفع توازي ال36 ولا مانع من استخدام الاخير ولكن في الحالات الضروريه كرمي الرهو او النحم.....الخ
ارجو ان يكون ماقلته فائدة لك ولغيرك من القراء فان اصبت فمن الله وان اخطات فمن نفسي والشيطان.

[سفاري 2002]

الخرب

سلطان المقناص

الذيب الطاوي

ياحبي للغطاط

بيض الله وجيهكم وماقصرتو يالذيب

وبتوكل على الله وعلى كلامكم بأذن الله ابشتري من 32 وتحت

لاني والله بشتري فشق واجد وقلت لازم استشير الذيابه

ماقصرتو وبيض الله وجيهكم

[قناص خلاوي]

ماقصروا الاخوان
وكل النوعين طيبات وأفضل البي بي على الريو
وللبلجيك 32 قرام طيب ومناسب لها
واذا تحب الـ 36 قرام عليك بابو غزال البولندي الاحمر اللي غطاه قزاز
تراه وحده بوحده للبلجيك ولا يلك فيها ..
بالتوفيق

[ولاعة]

ما ازيد على كلام اخواني كفوا ووفوا
ولكن ال RC 36 ممتاز للبلجيك

[سلمان المرزوقي]

الشباب ماقصروا بيض الله وجيهم وقالوا نفس الكلام اللي بخاطري : ( 32 جرام ) رهيب جدًا للبلجيك والمونتريال من واقع تجربة طويلة .
وأزيدك من الشعر بيت جرب فشق ال B&P ضغط 28 جرام 7,5 وسبني وامدحني والله ماعاد تفارقه أبد للقماري خيال .
وفيه نوع ثاني خرافي بصراحة للبلجيك اللي هو الميراج رقم 8 ضغط 32 جرام ناعم ناعم ناعم جدًا على البندق وسوقه روووعة لكن عيبه إنك ماتحصله دايم بالسوق آآآآآآه يالكويت .

[سفاري 2002]

صبحكم الله بالخير جميعا وماقصرتو وبيض الله وجيهكم

على الردود الطيبه ومثل ماتفضلتو بكلامكم

بتوكل على الله وعلى كلامكم بأذن الله بشتري

موفقين جميعا

[فتى الجوبه]

موفقين جميعا

[شماالي نجد]

الموسم المقبل ان شاء الله مايحتاج فشق جيد لان القميرية من الصوت تموت

[شمالي و الهوا غربي]

لاتتعب وتحمس فوق اللزوم الصيد وانقرض

واشتر اخيس فشق’ واردا بندق على اساس ماتصيبك حسره
على الشي الزين بدون مقابل.

تحياتي

[سفاري 2002]

لاتتعب وتحمس فوق اللزوم الصيد وانقرض

واشتر اخيس فشق’ واردا بندق على اساس ماتصيبك حسره
على الشي الزين بدون مقابل.

تحياتي

مشكور على ردك الجميل وكلامك عين الصواب

خاصتا في الكويت شي يقهر والله

الزروف تلقى وراها 50 سياره

وكلهم ناس صغار ولاتع ف الرمي وين

[بن لوتيه]

RIO
36 6
خذه ممتاز بالحيل
طبعا الاسود

[الخشابية]

مشاء الله الي تخير الفشق حنا بالشمال الموجود هو الزين واسعار غالية تاصل 200 ريال ايام الموسم

[سفاري 2002]

مشاء الله الي تخير الفشق حنا بالشمال الموجود هو الزين واسعار غالية تاصل 200 ريال ايام الموسم

هلا طال عمرك بالكويت افضل فشق بــ4 دنانير يعني بـ50 ريال الدسته

يعني الكرتون الفشق فاهم على طال عمرك

ومشكور على ردك الجميل