المساعد الشخصي الرقمي

مشاهدة النسخة كاملة : قصتــــــــي مع رجة السفاري والنتيجه روعـــــــــــه


شبل داورد 1
06/07/2011, 08:20 PM
http://www.mekshat.com/pix/upload01/prof017/mk65647_mk49539_sa00.jpg




القصه ومافيها معي سفاري شريته قبل شهر
من واحد من الربع وكان فيه مشكله ألا وهي
الرجــــــــــــــــــــــــــــــــــــــــــه
على 80وأنت طالع الرجه قويه تخليك تحس إن السياره كل قطعه طالعة لحالها والرجال تعب عليها وخسر خساير بلغت حول
3000ريال
من غييييير نتيجة
كل شي يطري عليك غيره
المهم قبلت الموتر بعلته وماخليت ورشه ماجيتها ويقولون غيركذا غيركذا
وأطلع الفواتير موجوده كلها من الوكاله بعدها يقول ماعرف
وصرت أبحث في النت ولقيت مواضيع كثيره كلهم يشكون من نفس المشكله المهم قلت مافيه مشكله ألا لها حل
ومن ضمن المواضيع موضوع في مكشات أسئل الله أن يوفق راعيه في الدنيا وألاخره
وهاذا الرابط
http://www.mekshat.com/vb/showthread.php?t=251739



وقلت خلني أشيل الوردات والصحيح أنها وجيه وليست وردات
رفعت الموتر وفكيت الكفرات
ثم فكيت الرمان من فوق وتحت
وهاذاهو
http://www.m5zn.com/uploads/2011/7/6/photo/07061109073376yefricz3s6v.jpg


وبعدها فكيت الوردات لقيت فوق 2وحده نحيفه وحده عريظه
فكيت العريظه وطلعتها برا وحطيت معجون ورجعت الرمان مكانه
أما التحتيه مالقيت غييير الكبار وطعتها
وهاذي صور الوردات
http://www.m5zn.com/uploads/2011/7/6/photo/070611090757otitk2vmxoto4ay80e.jpg


http://www.m5zn.com/uploads/2011/7/6/photo/070611090757x7z72si.jpg


وكانت النتيجه أختفاء الرجه تماماً


كااان ودي أصور أثنا العمليه بس نسيت


وفي الختام أرجو أن تصل الفائده
أصيل حجآ زي
06/07/2011, 09:29 PM
أخوي / أبو مــُصـعــّب
جزآك الله خيرآ على هذا الموضوع الجيد



الشيء الأخر يمكن أن
نــُسمي الورود هذي وجيه حديدية .


والحقيقة هي :
شـــرآئـح تعـديل { وزن }
يمكن للشخص زيآدتها وتنقيصها
حسب طلب التعديل والوزن
وبأمكآنك أخرآج وآحدة أو أثنتين
أو ثـلاث أو أربع حسب الرجـة
يعني ليس بالضرورة أخرآجها كــُلها د ُفعة وآحدة .

هــُم وضعوها بأقصى عدد
حتى مع الوقت كــُل مرة يـُزآل أحدآها .
:good2:



ما قصرت الله يعطيك العآفية


موفق
وتلقى خير بأذن الله
وألى المزيد .
You Like Me
07/07/2011, 12:18 AM
وعليكم السلام ورحمه الله وبركاته
اخي ابو مصعب
اولاً الله يبارك لك في حلالك
ويعطيك خيرة ويكفيك والمسلمين شرة
الحمد لله اللي طلعت المشكله بسيطة وواضحه
والف شكر لك اخوي ابو مصعب على حرصك وإهتمامك
لما فيه مصلحه لاخوانك بالمنتدى وياليتك نزلت الصور خطوه بخطوه
كما اشكر الاخوان الحريصين وهم كُثر على بذل الوقت والجهد لمساعده
اعضاء وزوار مكشات ... والله يبارك لكم في وقتكم ومالكم
وغفر الله لنا ولكم ولوالدينا والمسلمين اجمعين
قناص*07
08/07/2011, 09:56 AM
الله يعطيك ملون عافيه.
بس سؤالي هل هذه الشرايح تركب في غطاء الركب؟
مشعل العلي
08/07/2011, 02:54 PM
احوي ابو مصعب شكرا لك وماقصرت
اناعندي فتك2005وابيك تراسلني عالخاص لاهنت ابسالك شويت اسالة لاهنت
شبل داورد 1
09/07/2011, 01:37 PM
الله يعطيك ملون عافيه.
بس سؤالي هل هذه الشرايح تركب في غطاء الركب؟

نعم صحيح
وتراها تجي غيير واضحه
البر عشقي
09/07/2011, 07:09 PM
مشكووووور اخوي والله رجتنا هالرجه وين افضل ورشة بالقصيم تصلحها
شبل داورد 1
11/07/2011, 01:46 PM
مشكووووور اخوي والله رجتنا هالرجه وين افضل ورشة بالقصيم تصلحها


عندك ببريده في التشاليح واحد مختص سفاريات وبزين
الشغله ذي بس نسيت أسمه

للعل الاخوان يجيبون أسمه
حسين2002
11/07/2011, 02:58 PM
قصدك
ابو وليد الصمعاني
ورشته في تشاليح بريدة
عاشق النفود 111
11/07/2011, 11:44 PM
وعليكم السلام ورحمة الله وبركاته

صحيح هذه الرجه .. ملازمه للباترول منذ القدم هههه

أنا صلحت الرجه عند ميزان البادية بالصناعية القديمه بالرياض

عند فلسطيني نسيت اسمه وغااااااالي وفي عشر دقائق تأخذ موترك

لأن عنده غطيان ممسوحه جاهزه يركبهن لك مباشره والقديمات حقات موترك يوديها على راحته لم المخرطه يمسح منها شوي
ويركبها لغيرك

ما اذكر سواهن لي 300 ريال تقريبا وهي ماتستاهل ولا 50 ريال
ALBDRANE
12/07/2011, 09:08 AM
السلام عليكم جميعاً

أخوي أبو مصعب 2 سعدت بمرورك على موضوعي وهذا ما أتمناه وهو أن يستفيد الكثير من التجارب الناجحه وياليت كل واحد تمر عليه مشكلة منتشرة يضع لنا طريقة أصلاحها

وبالنسبة للرجة في السفاري الي ما يصلحها لن يستمتع بقيادة سيارته وبيحس بوجع راس :looney:

والحمدلله الأمور ماشيه معي تمام ولم يحصل شي مما ذكره بعض الأخوان من أنها تؤثر على الصوف والسيارة ترجع تهرب الزيت الخ ...... من تاريخ كتابتي للموضوع وأنا مصلح الرجة نفس طريقتك عند ورشة معروفه وأرسلت عنوانها لاكثر من 100 عضو في المنتدى والورشة كسبت من ورى الموضوع فلوس كثير أما أنا فكسبت دعوات الأخوان مثلك وشرواك وهي الباقية .

وهذا موضوعي الي كتبته عن حل هذي المشكلة على هذا الرابط مع العلم أني قبل أكتب الموضوع لم أجد أحد تطرق لموضوع الوردات فجميع المواضيع تتكلم عن ترهيم مساعدات وأشيا ما منها الا الخساير والأضرار وتحياتي للجميع

http://www.mekshat.com/vb/showthread.php?t=251739
على رمشي تمشي
12/07/2011, 10:04 AM
ماشاء الله تبارك الله
شحرور الدهنا
12/07/2011, 03:39 PM
انا عندي رجه لاكن خايف اسوي هالحركه تسويلي مضاعفات بعدين تهريبات ولا شي من هالقبيل
قرم العيال
12/07/2011, 04:35 PM
تمام .. طيب ما له تاثير هالحركه !!! مع الوقت .. ومعقوله هذولي ساس البلا !!
عشقي دحروج
13/07/2011, 08:22 PM
وعليكم السلام ورحمة الله وبركاته

الله يجزاكم خير انت وصاحب الموضوع قبل امس قريت الموضوع وقلت خلني اجرب

وامس توجهت لورشه بالحفر وخليته يشيل الوجيه كلها وطبق والحمد لله من البارح والرجه ما لها طاري

طبعا السياره سفاري م 1992

بالتوفيق والله يجزاكم خير
شبل داورد 1
15/07/2011, 02:43 PM
وعليكم السلام ورحمة الله وبركاته

الله يجزاكم خير انت وصاحب الموضوع قبل امس قريت الموضوع وقلت خلني اجرب

وامس توجهت لورشه بالحفر وخليته يشيل الوجيه كلها وطبق والحمد لله من البارح والرجه ما لها طاري

طبعا السياره سفاري م 1992

بالتوفيق والله يجزاكم خير


الحمدلله
أناعندي الموتر بعد مافكيتها له سبوعين
والوضع :good2:
مراقب 1
16/07/2011, 02:52 PM
هلا والله بأخوي الغالي ,
موضوعك تشكر عليه أغلب اللي معها سفاريات يعانون معاناه غريبه مع هذا المرض العضال ,
واحد من زملاي يقول مطلع الربع من الوكاله وفيه الرجه ؟

انا معي سفاري ربع وعندي مشاااااااااااااااااااااااااااكل مع الرجه اتعبتني فياليت تراسلني ولا برسل لك رقمي في الخص ولا لنا غناه عن مشورتك .
شبل داورد 1
23/07/2011, 02:48 PM
هلا والله بأخوي الغالي ,
موضوعك تشكر عليه أغلب اللي معها سفاريات يعانون معاناه غريبه مع هذا المرض العضال ,
واحد من زملاي يقول مطلع الربع من الوكاله وفيه الرجه ؟

انا معي سفاري ربع وعندي مشاااااااااااااااااااااااااااكل مع الرجه اتعبتني فياليت تراسلني ولا برسل لك رقمي في الخص ولا لنا غناه عن مشورتك .

حياك ربي أخي مراقب 1
الموتر بعد فك الوردات معاد يعرف شئ أسمه رجه
تصدق أني قبل لاأجد الحل عفته سبوع كامل ماركبته
والحين الحمد لله الموتر عال العال
والشغله تراااااها بسيطه جداً
شبل داورد 1
02/11/2011, 12:50 PM
الله اكبر الله أكبر الله أكبر
ولله الحمد
«نجم الخير»
24/11/2011, 12:21 AM
ياخي انا شايل الوردات قبل سنتين والى الان فيه رجه ؟ كل شي براسك سويته من اربع سنوات وانا اشيل واحط واكبس ولاتكبس ولاتغير شي :)
ابورقه
24/11/2011, 08:57 AM
ابو مصعب ممكن اسم الورشه الي برياض تكفااا انا بقنص والرجه فقعت مخي ياليت ترسلي بسرعه الله لايهينك
fj43 الفيصل
24/12/2011, 06:38 PM
:BUTT1: فكيت الوردات وش الخطوة التالية ووشو المعجون الي تقول عليه؟
شبل داورد 1
24/12/2011, 09:01 PM
:BUTT1: فكيت الوردات وش الخطوة التالية ووشو المعجون الي تقول عليه؟
الخطواه الثانيه طبقها كما كانت
المعجون
أسمه معجون وجيه
fj43 الفيصل
25/12/2011, 01:01 AM
يعطيك العافية
مشعل العلي
17/01/2012, 07:00 PM
السلام عليكم
هلا باهل الدوادمي
ياليت تراسلني خاص لاهنت