bader_max
07/07/2011, 02:20 PM
السلام عليكم ورحمة الله وبركاته
امسي عليكم بالخير جميعا
السالفه حصلت لي انا شخصي bader_max ويشهد الله على كلمه اقولها
كنت عسكري في شروره المهم داومت وكان عندي اجازه مدري رخصه ماني متذكر
المهم جيت الظهر وقيلت ماقمت الا بعد العصر صليت وعينت من الله خير
المهم سويت القهوه وحطيتها في الثلاجه معي تخبرون بطق للرياض وخط على كيفكم
شغلت موتري نوع لكزس 400 وخذت عفشي وثلاجة القهوه ومسكت الخط
ومع الخط ومروح عصير وساج لحالي ماني يم احد ولحد يمي
الحقيقه مدري قبل وادي الدواسر والا بعده الزبده حشرتني نومه
احاول فيها يمين يسار مافيه امل حتى انا استغربت وش النومه هذي
عطيتها قهوه ولعت سيجاره <----- ابشركم مبطل
مانفع معها قلت تدري خلني ارقد وعارف انها غطه بس وبقوم مصحصح
الزبده خشيت محطه كبيره يمين الخط وانا اكسر يمين مره لين انقطع زفلت المحطه واوقف
طبعا لامعي فراش ولا بطانيه ولا شي
قلت برخي المرتبه حقت السواق ومحلي اعطيها نومه
رخيت المرتبه وزينت محل النومه مضبوط واتلفت يمين ويسار مابه الا هندي عند البنزين ووراه بقاله
وفيه قدامي يمين زي الغرف الاجار الزبده نزلت طقيت زقاره ورجعت لموتري ابي ارقد
رقدت وعينت من الله خير اشوي الا صوت ورع وبنت يتعادون ويتضاحكون
من الصوت باين ان البنت اكبر من الولد وصوتها قوي قومني من النوم
ولابسه اعزكم الله كعب وباين ان الكعب لامها المهم عليها صوت كعب تقول تدق نجر في اذني
جت تعدي واخوها معها ويتضاحكون المهم صحيت على الصوت واسمعهم جايين يمي ماعطيتهم بال
الا والبنت يوم نقزت وتجود بصدري ادور النسم مالقيته واقول في نفسي لاحول هذي وش تبي
الزبده فكتني وراحت تضحك مبسوطه هي ووجها واخوها يضحك المهم قلت والله لارقد
انقلبت على الجهه الثانيه وصكيتها نومه الا والله صوتها ماسحه طبلونها جايه يمي بعد وصرقعت كعبها واخوها يتبعها قلت ماني قايم
لاني نايم على جنبي ماتوقعت بتجودني الا والله يوم كبستني بغت تخلع ضلوعي
المهم فكتني وراحت تعدي هي واخوها ويتضاحكون
الزبده قلت في نفسي والله ماقوم عناد لكم
واطقها نومه المهم جت في الثالثه تعدي ويوم وصلتني وانا اتمردغ واقوم وافك الباب واقول اشغلتوني الله يشغلكم
الزبده التفت على الهندي الا ويناظر في حست انه يقول المهبول هذا يكلم من :D
قمت وانا راسي فيه نوم شغلت موتري طقيت السجاره وولع النور الا قدامي شعيب
وانا اروح لابو هنود يا صديق عب الموتر فل
واخش البقاله واطق واحد باور هاوس طير النوم يوم وصلت الرياض بغيت ارجع لشروره
وهذي سالفتي وسلامتكم جميعا
امسي عليكم بالخير جميعا
السالفه حصلت لي انا شخصي bader_max ويشهد الله على كلمه اقولها
كنت عسكري في شروره المهم داومت وكان عندي اجازه مدري رخصه ماني متذكر
المهم جيت الظهر وقيلت ماقمت الا بعد العصر صليت وعينت من الله خير
المهم سويت القهوه وحطيتها في الثلاجه معي تخبرون بطق للرياض وخط على كيفكم
شغلت موتري نوع لكزس 400 وخذت عفشي وثلاجة القهوه ومسكت الخط
ومع الخط ومروح عصير وساج لحالي ماني يم احد ولحد يمي
الحقيقه مدري قبل وادي الدواسر والا بعده الزبده حشرتني نومه
احاول فيها يمين يسار مافيه امل حتى انا استغربت وش النومه هذي
عطيتها قهوه ولعت سيجاره <----- ابشركم مبطل
مانفع معها قلت تدري خلني ارقد وعارف انها غطه بس وبقوم مصحصح
الزبده خشيت محطه كبيره يمين الخط وانا اكسر يمين مره لين انقطع زفلت المحطه واوقف
طبعا لامعي فراش ولا بطانيه ولا شي
قلت برخي المرتبه حقت السواق ومحلي اعطيها نومه
رخيت المرتبه وزينت محل النومه مضبوط واتلفت يمين ويسار مابه الا هندي عند البنزين ووراه بقاله
وفيه قدامي يمين زي الغرف الاجار الزبده نزلت طقيت زقاره ورجعت لموتري ابي ارقد
رقدت وعينت من الله خير اشوي الا صوت ورع وبنت يتعادون ويتضاحكون
من الصوت باين ان البنت اكبر من الولد وصوتها قوي قومني من النوم
ولابسه اعزكم الله كعب وباين ان الكعب لامها المهم عليها صوت كعب تقول تدق نجر في اذني
جت تعدي واخوها معها ويتضاحكون المهم صحيت على الصوت واسمعهم جايين يمي ماعطيتهم بال
الا والبنت يوم نقزت وتجود بصدري ادور النسم مالقيته واقول في نفسي لاحول هذي وش تبي
الزبده فكتني وراحت تضحك مبسوطه هي ووجها واخوها يضحك المهم قلت والله لارقد
انقلبت على الجهه الثانيه وصكيتها نومه الا والله صوتها ماسحه طبلونها جايه يمي بعد وصرقعت كعبها واخوها يتبعها قلت ماني قايم
لاني نايم على جنبي ماتوقعت بتجودني الا والله يوم كبستني بغت تخلع ضلوعي
المهم فكتني وراحت تعدي هي واخوها ويتضاحكون
الزبده قلت في نفسي والله ماقوم عناد لكم
واطقها نومه المهم جت في الثالثه تعدي ويوم وصلتني وانا اتمردغ واقوم وافك الباب واقول اشغلتوني الله يشغلكم
الزبده التفت على الهندي الا ويناظر في حست انه يقول المهبول هذا يكلم من :D
قمت وانا راسي فيه نوم شغلت موتري طقيت السجاره وولع النور الا قدامي شعيب
وانا اروح لابو هنود يا صديق عب الموتر فل
واخش البقاله واطق واحد باور هاوس طير النوم يوم وصلت الرياض بغيت ارجع لشروره
وهذي سالفتي وسلامتكم جميعا