بالصدفه دخلت على خيمتكـــم //دائما سوالفكم طاري جن استلموا القصــه

[ابو راكانm]

السلام عليكم ..اصبح بالخير على الجميــــع ..
دخلت على المشاركات الجديده والصدفه دخلت على خيمتكم لاول مـــره .. وبصراحه قمة بروعه وتميز من الاعضاء.. ما اطيل عليكم .
.
السالفه حضرتها بنفسي والله على ماقول شهيـــد

قبل سنتين تقريبا كنا قانصين مع مجموعه مع الشباب عددنا تقريبا 8 وعلينا برررررد هواء شمالي ..في عز المربعنيه\\ فجينا في بطن وادي نبغى الدفى قلت ياشاب هذا وادي قالوا ياابوراكان برد بلا وادي بلا شي ..قلت براحتكم
المهم سوينا عشانا تعشينا بعدها جلسنا على شبت الضوء .. وكلنا بفروته عطيتهم بعض القصايد جلسه مرره ونيسه .. كلنا فرش فراشه حط راسه هدوء تام خمس دقايق يهل علينا حجاره صقع قمنا مافيه احد ....شوي في سياره بابه الايمن مفتوح طع تسكر نناظر مافيه احـــد.. معنا خمسة طيور قامت تكافخ اتوقع تشوف حمام برقعنا طيورنا ... الجن يلوح للطير بالحمامه ... قلت الله يستر لا يفك اسبوقه ..صار الامر بينا نوع من التحدي من اللي يخاف ..الجميع رفض نغير المكان قلت شوركم وهدية الله ...قرءنا شي من القران ..رجعنا حطين روسنا والله ان الحجر فوق الفراش صغير طبعنا كان معنا دجاجه داخل كيس فوق التنده عشان تبرد لليوم التالي شوي إلا الدجيجه بكيسه مرميه فوووق السيارات طبج على الارض طايحه

لنا عوده اكمل ماتبقى

[ابو راكانm]

جنبنا ســـدره كبيره ..نسمع خلفها صوووت تبويس كانك تبوس طفل على خــده بصوت مرتفع (اتمنى وضحت الصوره) قسم بالله ماجاكم الإ الصــــــدق والله ضحكنا ..بعدها انفكت عقدة الخوف ...شوي خوي بجانبي داخل كيس النوم يكح كح كح توووف كح كح قلت وشفيك قال فتح الكيس وكث في وجهي تراب .. الجميع مت منالضحك والله والله كركره ضحك .. شوي طع رفعنا روسنا الان طبع الكل داخل كيس النوم خايف من الحصى سمعنا ضربه رفعنا روسنا إلا نصف حمامه ميته المتبقي بعد ماعشينا طيورناضربه بالسياره وطيحه بسياره ,, المهم نمام ذيك الليله بحفظ الله وسلمنا ..
ولي عوووده .. اقول ماحدث في الليله اللي بعدها
تقبلوا تحياتي وتقدير لكم

[قوافي ( أم نهار )]

حياك الله اخي الكريم
حمانا الله واياكم من كل مكروه
ولاتنسو الاوراد ان شاء الله بها حمايه للمسلم
وجميل انكم اخذتو الموضوع بضحك واضن ان هذا خفف عليكم ما يحدث
حفظكم الله جميعا
تحياتي.اختك
..قوافي..

[لاند93]

بسرررعه شوقتنا

[العاصوف1]

الحمد لله على السلامه وحياك الله

في خيمة الجن:D

ننتظر الباقي

[Al3rands]

ياشين الضحك من الخوف وترا منهي عن النوم ببطون الاوديه

[900]

اجل تضحكون

ماشاء الله عليكم تحدي انتم والجن

عسى الله يعطيكم العافية ويقويكم على طاعته
ويبارك لنا و لكم في شعبان ويبلغنا واياكم رمضان

[سليمان الربيعان]

ههههههههه ابعدو عن المكان يمكن جالسين عليهم او بطريقهم
ونتظر جديدك...

[سما وماء]

ابوراكان

الله يعطيك العافيه كمل السالفه ترى تقطيعها مهوب مطلوب

الله لايهينك

نحن في انتظارك

[SRAAAB]

لا حول ولاقوة إلا بالله
الله يستر يمكن أزعجتوهم والا شي
كان غيرتو المكان
أما تبويس لو أنا معكم بفطس من الضحك

[ابو مقعد511]

يدافع البلاء...
كمل القصه الله يسعدك ..

[أبوعابد 22]

والله ذولي جن مكشاتيه عارفين لطيور ههههههه

[ابو راكانm]

قسم بالله تبويس ...
لنا عوده خلال 24 ساعه القادمه والله مشغووول تقبلوا فائق اعتذاري

[ابو راكانm]

نكمل ماتبقى //

[ابو راكانm]

صحيت الصباح الشمس. طالعه الشباب نامين المكان كله حص ,الدجيجه ببالكيس الازرق اشوف على بعد 6 امتار مرميه . قمت شلت الدجاجه حطيتها بالعزبه قومت الشباب انتم سالمين ..
صلينا افطرنا ..بعدها حركنا للمقناص ,
اجتمعنا وقت الغداء سوالف ضحك على اللي كث في وجه الجني اتراب واللي يقول انت خايف والي يقول لا عادي واللي يببرز عضلاته الان ..المهم تغدينا وقنصنا العصير .. راسلت بالجهاز كبيرنا وقائد مقناصنا قلت الليله ممسانا في الدهناء والعروق كانت قريبه منا تقريبا 15 كيلو قال ليش قلت عشان الجن مايلقون حصى يفقعون روسنا . قال تم يا ابو راكان ..نزلنا في ذار عرق طووويل من الجهه الجنوبيه نبغى الذرا من الهواء الشمالي علينا شماليه باااااارده يالببى برادها الان تفرقنا نجمع الحطب جمع حطبنا شبينا النار صلينا المغرب اميرنا وشايبنا قال خلني ارقى الطعس نزل جزماته عزكم الله على بدايت الطعس رقى وسع خاطره ونزل معه كشاف يدور جزماته مالقاه يمين يسار متاكد من مكانه مالقاها جانا اللي مشغول بالعشاء واللي يطبخ واللي على القهوء واللي على النار قال من اللي اخذ جزماتي الكل التفت اليه وبلسان واحد ((مااحد اخذها ))
المهم جهزت القهوء تعالوا يالربع تقهوء تعال قعدوا روسكم مابه الا العافيه اجتمعنا على القهوء وكنا في ذار السياره من الجانب الايسر ومتكين عليها والطعس مذري من شمال يعني مسكرين على شكل زاويه (اهل البر بيعرفون مقصدي)
شوي خمس دقايق تقريبا الا الجزمات مرميه من الجانب اليمن للسياره طبج على الارض نلتفت على بعض كل خوينا متواجدين يعني ما احد منهم رماه لنا من خلف السياره يالله مقسوم خيـــــــر ..تعشينا ابسطنا مالهم حركه ,,,اقصد الجن ,,,,,فرشنا فرشنا والكل يحاتي الحصى اللي البارح طفينا النور شوي الا يرمونا (يلغفونا) بعويدات من حطبنا المتبقي للفجر تعرفون وش عويدات والله عويدات يكسر من حطبنا ويرمي اسمع طبج علي شوي اسمع قدامي شوي بجني عاد اسال ها من اللي مرمي قال اميرنا علي.. شوي طبج اها من عليه قال ابو فلان انا شوي علي المهم مخذنا بالدور ,, واحد من الشباب قال انتبهوا للطيور بس لا يفقع عيونه قام واحد وبرقع الطيور واحد من الشباب يقول ترمي ولا ماترمي ماني بقايم استمر تقريبا عليه خمس دقايق ورمه بدمن ابل ونمانا هو باقي فوق روسنا مابين عويدات ودمن وسلمنا من الحصى ..وكانت من اجمل الرحلات في حياتي لها شي من الذكريات ..


تقبل فائق احترامي وتقديرا



للمصداقية القصه ..
ملحوظه /كان معنا بتلك الرحله شيخ من مشايخ احد القبائل المعروفه بالمملكه .
حقوق الطبع محفوظه

[ابو راكانm]

وسلمتكم.....

[ابو راكانm]

من قال سالم

[قناص خلاوي]

ههههههههه
الله يوسع صدرك بالعافية
عز الله ماقصرتوا بهم ذاك الليل
لكن البلا لا قام واحد محشور تالي الليل :)



ياشين الضحك من الخوف وترا منهي عن النوم ببطون الاوديه

اخوي ماورد نهي عن النوم بالأودية شرعا
لكنه مكروه عرفا عند الناس لأنه مجمع للخشاش وماتأمن ( الدرو - عيار) السيل لا جاء من بعيد

[محمد الظاهري]

بارك الله فيك يابو ركااان
قصصك واحداااثك ممتعه جداً
مع الرغم انها قصة جنون وغيرها
ولكن نريد من قصصك الجميله ومن شعبيتك الخااااااااصه ياغالي
تحيااتي وودي لك
اخوك

[دروب العارض]

الحمدلله على السلامة

ويعطيك العافية على هذه القصة الجميلة ..

وان كنت اختلف معكم في البقاء في المكان الاول .. كما أنني لاحظت من خلال سردك تفويت صلاة الفجر عن وقتها وهذا من احد اسباب تسلط الجان على الانسان ..وربما اخذكم النوم وخاصة نومة البر

بارك الله في عمرك

[عيون الاشقر]

الحمد لله على السلامه

[فطوم باك]

يسلمووووووووووووووووووووو

[أميرالعشاق]

ماشاء الله تبارك الله...قصه ممتعة وسرد رائع ...لاتحرمنا جديدك وفقك الله

[النمرالأليف]

انت وزملائك شكلكم جالسين عند بيوتهم كان غيرتوا المكان تقبل مروري ودمت بود
You and your colleagues Chklkm sitting at home was the placeGertoa long as you accept the traffic and iPod

[محمد الدوسري ٢٠٥]

الحمد لله على السلامه

[ابو راكانm]

الشكر للجميع مرور عطر

[سليمان الربيعان]

الله يكفينا الشر والواحد عليه بالاذكار والاوراد الشرعيه وان شاء الله ما يشوف شي...

[ذيب الفاو]

طيب الطيور تهد على الحمام بالليل ؟؟ اصلا كيف تشوف بالليل ؟؟

[ابو راكانm]

طيب الطيور تهد على الحمام بالليل ؟؟ اصلا كيف تشوف بالليل ؟؟
لمبة الكبوت شغاله ..
وقطع من ثنادي الحمام او فخذ الحمامه متبقي من عشاها اللي جنب السياره واللي حاطه بالصندوق السياره فالجن يخذ من المتبقي من حمامنا ويرميه علينا يعني يخذها من الارض طايحه ويصفقها براسي والله ماجاك الا الصدق احلف وانا صائم ,,,
تقبلوا فائق احترامي للمنتدكم الاكثر من رائع

[ابو راكانm]

الحمدلله على السلامة

ويعطيك العافية على هذه القصة الجميلة ..

وان كنت اختلف معكم في البقاء في المكان الاول .. كما أنني لاحظت من خلال سردك تفويت صلاة الفجر عن وقتها وهذا من احد اسباب تسلط الجان على الانسان ..وربما اخذكم النوم وخاصة نومة البر

بارك الله في عمرك

اخي مبروك عليك الشهـــر
كما هو معروف بين اهل القنص ان قهوتهم قبل الصلاه جاهزه وهذا الوقت من افضل الاوقات وامتعها لدى جميع من يهواء البر .. لكن ذاك اليوم لعل الظروف هي اللي حكمة

[ديزب]

والله مصدقك لو ما حلفت لكن ها الحين يجيك واحد مدرعم لا ولم ولن يمكن أن يصدقك ولو بنسبة 1% ويختلق لك الف سبب وسبب لما حصل ..

[فارس الحربي1]

البعض تصيرلهم حاجات والله ماتصدق وهي حقيقيه لدرجت انها توقف قلبك

[الصمان 2]

قصة تخوف



والحمد لله على سلامتكم



.

[راعي الدويمع]

قصه رائعه تقبل مروري

[ابو راكانm]

تقبلوا تحياتي