المساعد الشخصي الرقمي

مشاهدة النسخة كاملة : وين الشعار


برق الجهمه
08/07/2011, 09:01 AM
ياحضرة الشعار وين الشاعر اللي مايهاب
يجيب سيفه داخل الميدان والساري سرى

اللي يجي لازم يفرق بالخطا قبل الصواب
ولا تقبل شرهة العربان والساري سرى
مكرم الضيف
08/07/2011, 09:54 AM
يامرحـــبا بك يالمنادي كثر همـــال الســـــحاب
ونا حضرت ببيرق ابيـض سـلم والساري سرى

ومــا الخطـــا الله يدحره والصــح يجمعــــنا شباب
وتــحقــيقنا معــكم وجــب نبــداه والســاري سرى
أبوعبدالرحمن99
08/07/2011, 03:57 PM
صح لسانكم ،،، متابع
برق الجهمه
08/07/2011, 07:11 PM
مكرم الضيف : حياك الله وصح لسانك وابياتك ماهي على القافيه المطلوبه في الشطر الثاني
نفيد ونستفيد
08/07/2011, 11:11 PM
يا مرحبا يالشاعر اللي قال هرجن ما يعاب

والهرج دايم نوزنه ميزان والساري سرى

يا صاحبي هات العلوم اللي تبيها في كتاب

ولا تراعي خاطر الزعلان والساري سرى
نفيد ونستفيد
08/07/2011, 11:35 PM
اليل طرف يا عميلي ما حصل منك جواب
ولا حصل ما يروي الضميان والساري سرى
نجم الشمال اللي يتابعنا بنوره لا يغاب
ولهان مثلي يوم انا ولهان والساري سرى

نجم الشمال لك تحية خاصة على المتابعة
نفيد ونستفيد
08/07/2011, 11:38 PM
يا طير سحمي طالبك لوح لطيرك فالسحاب
يا كود يلقى الصاحب الطربان والساري سرى

وتحية خاصة لك يا طير سحمي على المتابعة
AZOZ9091
08/07/2011, 11:55 PM
يمامرحبا بشاعر الي فتحلنا الباب
يتحدا بلقصايد ويدر الشعار وساري سرى
نفيد ونستفيد
09/07/2011, 12:08 AM
عزوز لا تسقط علينا وانتبه تخطي الحساب
انا انتظر قدامكم سهران والساري سرى

نمزح معك
نفيد ونستفيد
09/07/2011, 12:11 AM
الظاهر ان صاحبنا مهوب موجود والغايب عذره معه
وبيض الله وجهه على هالطاروق الزين اللي حمسنا
لكن تصبحون على خير والسموحة ان صار قصور
انا دخولي قليل .
برق الجهمه
09/07/2011, 12:28 AM
نفيد ونستفيد: الله يبيض وجهك وصح لسانك يالشاعر

واعذرني والله ماكنت حول الجهاز

لكن مادامك طلعت بكره نلتقي ان شاء الله وتحصل الرد موجود

وتراني متواجد من 9 صباحا الى المغرب

نبغاها مباشر لآن اذا حطيت رد اللحين تجي بكره وترد انت وبعدها بيوم ادخل وارد عليك

كذا تسمج المحاوره وتصير بلاطعم
مكرم الضيف
09/07/2011, 01:03 AM
حياك الله برق والمعذره ترى مافهمتك والله قنصت بحر ورقدت بعد صلاة الجمعة(وصليت فروضي بوقتها بفضل الله وهذه الاضافة لجل خاطر خيال السفاري جزاه الله خير) وتوي اللي قمت

وترى الميم مشددة يابرق في كلمة (وما) وهي تعني(ترى)
خيال السفاري
09/07/2011, 01:14 AM
حياك الله برق والمعذره ترى مافهمتك والله قنصت بحر ورقدت بعد صلاة الجمعة وتوي اللي قمت




يالشاعر اللي ما حسب للفرض و المسجد حساب
حافظ على دينك من الشيطان و الساري سرى :D
برق الجهمه
09/07/2011, 02:05 AM
يا مرحبا يالشاعر اللي قال هرجن ما يعاب



والهرج دايم نوزنه ميزان والساري سرى


يا صاحبي هات العلوم اللي تبيها في كتاب



ولا تراعي خاطر الزعلان والساري سرى




انا دخلت ولاحسبت لبندق الفارس حساب
وانته عساك تغير فالعدوان والساري سرى

وش حيلة اللي طاح حظه تحت نيبان الذياب
ماله وساطه مع رجال الشان والساري سرى
مكرم الضيف
09/07/2011, 02:05 AM
الفــرض ياخــيال مانــنســاه يــاراع العتاب
ذي تربية شياب مــــن ازمان والساري سرى
لــوقــلت يمــكن تحصــل بــوقـــت الشبــاب
وجــزاك ربــي خير بالاحسان والساري سرى
برق الجهمه
09/07/2011, 02:12 AM
مكرم ابياتك ماهي على القافيه

حنا قافنا على (آن ) قبل والساري سرى
لكن انت مامشيت على نفس القافيه
مكرم الضيف
09/07/2011, 02:27 AM
لعيونك يابرق بعد التعديل


يامرحـــبا بك يالمنادي كثر همـــال الســـــحاب
ونا حضــرت ببيرقـــي عتـــبان والســاري سرى

ومــا الخطـــا الله يدحره والصــح يجمعــــنا شباب
وتــحقــيقنا معــكم يكـــون الان والســاري سرى