المساعد الشخصي الرقمي

مشاهدة النسخة كاملة : استشارة ........ عن العيون الحارة


الرقيبه
02/01/2006, 10:46 PM
السلام عليكم ورحمة الله وبركاته:

كيف الاعضاء الطيبين وكيف النفسيات انشالله طيبه

اللي ظايق صدرة من العمل اوالدراسة ترى كلها يومين

وتتيسر باذن الله تعالى ....

المهم واحد من الشباب الطيبين شرواكم جا وقالي

انا رجال اشكي من ظهري وواااا اهل المعرفه والراي

شارو علي بالعيون الحاره واذكرو عين بجيزان جيدة

ونويت اروحلها بهالاجازه انشالله لاكن ماعرف دربها

ولا عمري جيت ذيك المناطق وابي فزعتك

ابيك تستفسر من ربعك حقين الكمبيوتر --اللي هم انتم (( منتدى مكشات))


عن هالعين وغيرها والمناطق الزينه -السياحيه - بالمنطقة بما اني داق مشوار من الرياض
خلني احلله وخصوص انهم يمدحون الساحل في الشتا --وخص الشقيق -

وذلحين قريتو طلبه ولاتفشلوني تكفون يالمكاشيت......
فتى اليمامة
02/01/2006, 11:17 PM
وعليكم السلام ورحمة الله وبركاته
أخي الكريم العين الحارة التي تسئل عنها قريبة من الخوبة والمفرق حقهـا من جنب قيادة سلاح الحدود يسـار
قبل الخوبة بحوالي كيلو ونصف واتمنا لك الشفاء العا جل
طير أبها
02/01/2006, 11:34 PM
اخووي
مثل ماقال فتى اليمامه
العين الحاره تاخذ من دوار ابو عريش مع الدوار يسار على ما اضن تمشي لما يجيك شارع الأمير محمد بن ناصر بعد ماتتعداه تجيك اشاره تاخذ يسار (يصير مصنع الأسمنت على يسارك ) امش على طول قبل المطبات يجيك مركز سلاح الحدود او المجاهدين المهم من عنده يسار امش لما تجيك البوابه الرئيسية رح يمين ومن ثم يجيك اجبري يسار امس مايقارب 100 متر تلقى العين على يدك اليمين
ملاحظة انا رحت لها قبل 3 شهور تقريبا لاكن وللأسف العين وصخه لاكن لما تروح للينبوع نظيفه بس المشكله المويه تطلع حاره لدرجة الغلي وهي مياه معدنيه تطلع من تحت جبل لاكن ما ادري هل هي تفيد الآلام لأنني غسلنا فيها ويديننا صاجتنا هاك اليوم
واتمنى اني افدتك
تحياتي
سواق الوايت
03/01/2006, 11:39 AM
اذا كنت بتروح لها من طريق الحوطه - الواادي - الخميس - ابها ثم تنزل على جيزان


فيه عين على الدرب

عند الوادي تقريبا

وعلى الخط

واضحه

اسمها العين الحاره

ويقولون انها منظمة ومرتبة

يعني الواحد يأخذ راحته فيها

خاصة الحريم

لأنها غرف

وتأجر بسعر رمزي
عليم العطش
03/01/2006, 01:29 PM
الرقيبه عساك للعز فيه قلمه قريبه من القويعيه عن الرين جنوب على طريق الافلاج اللى يطلع من الرين الردميه والعين دون النفود حول معيزيله او الجويفاء ومعيزيله فوق اربعين كيلو من العمق جنوب ومياه العين كبريتيه ودافئه ولكنها ليست بارده وترى الوصف غير دقيق وعليك بالنشده عند اهل الديره اللى يعرفونها.
احداثيه معيزيله
N22.50.05
E45.47.07
عليم العطش
جمران
03/01/2006, 02:05 PM
حياك الله أخي الرقيبة ...كلام الإخوان موصول ..
في جيزان يوجد خمس عيون حارة منها التي ذكرها
الإخوة طريق الخوبة ...وأهمها كما ذكر لي
هي العين الحارة في بني مالك تخرج من صبيا جهة
الشرق حتى تصل فيفا تترك فيفا جهة اليمين حتى تصل
نقطة المجاهدين ثم تأخذ مع الوادي يمين ثم تصعد الجبال
الشاهقة في بني مالك (من أجمل مناطق الجنوب)حتى تصل نقطة المجاهدين (أظن إسمها العز)
بعد ذلك تنزل مع الوادي حتى تصل إلى نقطة سلاح الحدود ياخذون
بطقتك وتنزل جهة اليمين مع الوادي إلى العين الحارة
وهي نظيفة ومرتبة على ماذكر والمنطقة رائعة وسياحية
وأرجو التأكد من المعلومات من نقطة المجاهدين ..ويمكن
أن تصل إليها من طريق أبها حتى تصل بني مالك ولكن الطريق
طويل وفيه صعود جبال الحشر الشاهقة الارتفاع....
أرجو أني قد قدمت مساعدة لك..شكراً لك
الرقيبه
03/01/2006, 11:37 PM
السلام عليكم ورحمة الله وبركاته:


فتى اليمامة

طير أبها

سواق الوايت

عليم العطش

جمران


مشكورين على سيل المعلومات اللي غرقتوني فيه وهذا العشم فيكم يالمكاشيت

علمكم وافي ............ وننتظر المزيد من البقيه

ماشالله اول مره ادري ان نجد بها عيون حاره

العين و خذينا علمها باقي السياحه والتمشي والتفكر بخلق الرحمن وحسن صنعه سبحانه وتعالى




اكرر مشكورين والله يرحم والديكم.....
حربي الغربية
04/01/2006, 12:01 AM
السلام عليكم ورحمة الله وبركاته
في عين حارة قرب الليث
من عند تقاطع أشارة الليث مع طريق الساحل
تروح شرق الأشارة يعني اتجاه الشرق بعد 35كم
تجيك قرية غميقة تروح شرق أيضا بعد15-20كم
تجيك مدرسة على اليمين
تروح يسار على خط مسفلت 100م تلقها قدامك
ترى الخط كله مسفلت نظيف
توصل بالسلامة ان شاءالله
الرقيبه
04/01/2006, 10:28 PM
السلام عليكم ورحمة الله وبركاته:

حربي الغربية
ماقصرت على المعلومات الجيدة اللي اضفتها ...
جعل الطيب فالك