يوسف الخليفة1
09/07/2011, 04:54 PM
بسم الله الرحمن الرحيم
السلام عليكم ورحمة الله وبركاته
مريت شلال الحصا خلف الابطاح=في مدنق الريع بعزايل مباريح
وحيد ما جال بمدا السمع سواح=ما فيه غير الخوص يومي مع الريح
كن الشجر حولي مواريها الاشباح=باغصونها اللي بالعوالي مدابيح
عديت للغار وتراكيت مرتاح=اطورق القيفان واقرا التسابيح
ادرت شوفي في عناقير لولاح=زامي به العقبان بالماكر تصيح
هيضني الورق الخلاوي على طلاح=يودي لدرب الخفايا ملاويح
يدق في باب الضماير بمفتاح=يبي الجواب اللي تكامل بتنقيح
ذكرني باللي فات من وقتنا راح=يوم الليالي بالمساري مشاريح
ما يختلف عسعس دجاها والاصباح=مستانس الخاطر عليه التفاريح
ما دار في بالي من المال الارباح=ولا همني شحم الرخال المفاطيح
حسايف الاوقات ذابت بالاصواح=ما نغتنم منها بنوم الشلافيح
مع الوتر ركعه تلاقيها الارواح=في حزتن فيها الفتا للحشر زيح
بين الزحام بمايجه تقل سباح=يلقا كتابه مع صفوف المرابيح
يوسف الخليفة ( أبو عبد الله )
السلام عليكم ورحمة الله وبركاته
مريت شلال الحصا خلف الابطاح=في مدنق الريع بعزايل مباريح
وحيد ما جال بمدا السمع سواح=ما فيه غير الخوص يومي مع الريح
كن الشجر حولي مواريها الاشباح=باغصونها اللي بالعوالي مدابيح
عديت للغار وتراكيت مرتاح=اطورق القيفان واقرا التسابيح
ادرت شوفي في عناقير لولاح=زامي به العقبان بالماكر تصيح
هيضني الورق الخلاوي على طلاح=يودي لدرب الخفايا ملاويح
يدق في باب الضماير بمفتاح=يبي الجواب اللي تكامل بتنقيح
ذكرني باللي فات من وقتنا راح=يوم الليالي بالمساري مشاريح
ما يختلف عسعس دجاها والاصباح=مستانس الخاطر عليه التفاريح
ما دار في بالي من المال الارباح=ولا همني شحم الرخال المفاطيح
حسايف الاوقات ذابت بالاصواح=ما نغتنم منها بنوم الشلافيح
مع الوتر ركعه تلاقيها الارواح=في حزتن فيها الفتا للحشر زيح
بين الزحام بمايجه تقل سباح=يلقا كتابه مع صفوف المرابيح
يوسف الخليفة ( أبو عبد الله )