المساعد الشخصي الرقمي

مشاهدة النسخة كاملة : جمس 2008 كم يسوى


مكشتاني
09/07/2011, 11:54 PM
السلام عليكم ورحمة الله وبركاته
اخواني واحبائي في الله حصلت جمس بيك اب غماره وحده لون فضي موديل 2008 اتوماتيك مع دبل (عصاه) ماشي 74000 كلم البودي ماشاء الله نظيف ومن داخل اخو الجديد مع سي دي وتكييف ثلاجه وابواب زجاج اتوماتيك طبعا المقاس 1500 (حجم 15) والسياره سعوديه
السياره للبيع بـ 65000 ريال وسومتي ماهي بعيده
بس لان ماعندي خبره بالوانيتات قلت اخذ رايكم اخواني ورجاءا اللي ماله علاقه بالموضوع او ماله خبره لايفتي لان ماودي احد يكسر واهسي فيه وترى الموتر والله اخواني اخو الجديد من ناحية النظافه
وتسلمون
اخييكم د/ ابووليد
خييال
11/07/2011, 07:40 AM
لحظه شكلك اعليمي هل هو 8 او 6 سرندل وقوة المكينه 5300 او 4800 وهل هوتشغيل عن بعد
انتبه واضرب فرامل تراى كثيرين انغشو
ادعلي والله يوفقنى وياك
مكشتاني
11/07/2011, 11:48 PM
لحظه شكلك اعليمي هل هو 8 او 6 سرندل وقوة المكينه 5300 او 4800 وهل هوتشغيل عن بعد
انتبه واضرب فرامل تراى كثيرين انغشو
ادعلي والله يوفقنى وياك

ماقصرت ياخوي والله يوفقك
لواني اعرف ماسألت :good2:
الموتر 8 سلندر والمكينه 5300 وماهو تشغيل عن بعد
السياره فحصتها بالكمبيوتر واجتازت الفحص وطلعت مع الفلبيني وساقها وشاف تعشيقات القير وماعليها خلاف الحمدلله وضرب بريكات لما بقيت اخش بالزجاج اللي قدام وقالي سياره ميه ميه وشكلي نويت الشروه ياليت ياخييال تفيدني بالسعر ومره ثانيه الله يوفقك ويسر امورك
مسير عليهم
12/07/2011, 09:37 AM
الجمس نوعه z71 او لا

انت قارن اخوانه في الاسعار اذا هي قريبه منه توكل على الله دامك فحصت الموتر
خييال
12/07/2011, 10:09 AM
سعره يالحبيب من 70 الى 75 وانت وشطارك بيع قدامي واحد نفس مواصفاته اسود دبل فرار ب72
والله يوفقك
مكشتاني
12/07/2011, 11:24 PM
لا الموتر ماهو z71
ومايخفيكم اليوم الله وفقني وشريت الموتر ب 64000 والحمدلله انا كنت ابي بس اتأكد اني ماانغلبت لاني ماني بشريطي ومثل ماقلت ياخييال انا غشيم بالاسعار وعلى نياتكم ترزقون
مره ثانيه مشكورين اخواني وبالذات اخيي خييال
خييال
13/07/2011, 07:30 AM
مبروك يا د/ ابووليد
تصدق فرحتلك كاني انا الي شاريه اذا بتبيع ابكسبك الله يباركلك فيه ويطرح البركة
ابوصالح3
13/07/2011, 07:45 AM
د / ابووليد ماخاب من استشار

وانت لا انت غشيم ولا عليمي لكن هالاسعار ماهي اختصاصك ولاعندك خلفيه عنها

وبما انك اشتريت بهالسعر انت ان شاء الله غالب ماانت مغلوب وعسى الله يوفقك ويعطيك من خيره ويكفيك شره