المساعد الشخصي الرقمي

مشاهدة النسخة كاملة : ارجوا الدخول


الغنام689
03/01/2006, 02:13 AM
السلام عليكم ورحمة الله وبركاته

ابي القصيدة اللي يقول فيها ارقا درج والحظ ينزل اصنصير


و
يا طير بن برمان فرقا برفقا هدة يبية يصيد ويجب له خير عود علاة بحية الغار زرقا
جرير
03/01/2006, 12:02 PM
أرقا درج والحظ ينزل أصنصيـر=ينزل وانا من عادتي دايـم ارقـا
حظي يعاكس خطوتي وين ما سير=ولو بغيت الغرب ينحـاز شرقـا
وانا وحظي سالفة راعي الطيـر=يا طير بن برمان فرقـا وفرقـا
هده يبيه يصيـد ويجيبلـه خيـر=عود عليه بحيـة الغـار زرقـا
الغنام689
03/01/2006, 11:18 PM
ابي القصيدة كلملة لا هنتو
جرير
04/01/2006, 11:47 AM
اخوي العزيز شكلك تبيها يعني ملزم .
علي شانك فحطنا شوي وفرفرنا هالنت ولقيتها في احد المنتديات ومادري وش اسم راعيها .. ولكن صراحه قصيده تستاهل البحث عنها وشكلها طالعه بعد معاناه .

كم من جبيناً كـل وقتـه تباشيـر
حظه يغنّي له على طـرق وَرقـا
وكم من وجيهاًحظها قاعـة البيـر
لوهي وجيهاًفي المواقيـف عرقـا
ارقى دَرَج والحظّ ينزل اصنصير!!
ينزل وانا من عادتـي لازم ارقـا
حظاً يعاكس خَطوتي وين ما اسير
لامن بغيت الغرب ينحـاز شرقـا
حظي بوقتي صار مثل الأعاصير
بينه وبيـن الزيـن مليـون فرقـا
قصة عتيبياً جـرى لـه تعاسيـر
قلبه مـع الروقـه وعينـه لبرقـا
انا وحظي! سالفة راعـي الطيـر
ياطير إبن برمـان فرقـا وفرقـا
طيراً من إكبار الطيور المشاهيـر
اللي لهـا بيـن المناعيـر طرقـا
غذاه إبـن برمـان وبكـل تبذيـر
طرحة يده ماجـاه نهبـاً وسرقـا
تعب عليـه ودبّـره خيـر تدبيـر
وسرح بطيره يدرق الصيد درقـا
وهَدّه بغاه إيصيد ويجيب له خيـر
وعَوَّد عليه بحيّـة الغـار زرقـا
حيه وصار لنابهـا فيـه تغزيـر
تدفق بسم ازرق بلـغ كـل عرقـا
وداخل وريده صار للسـمّ تأثيـر
سماً زرق في داخل القلـب زرقـا
طيراً ذبح راعيه قصه وتصويـر
إعروق ابن برمان بالسـم غرقـا
وده يصيـد وراح فيهـا مقاديـر
مات وعليه إقلوب اهاليـه حرقـا
وياحظ ياللي نـازلاً بالأصنصيـر
متى ياحظي تلتفـت لـي وترقـا؟ اسلم وسلم
الغنام689
05/01/2006, 04:00 AM
شكرا جزيلا بس ما فية بصووووت
دسم الشوارب
05/01/2006, 04:15 AM
الله اكبر عليك يالغنام689
الا ماودك ينزلها لك فيديو كليب ..احسن.. تكفى ..يارجال ..الا..طلبتك
امزح
عزيز وغالي يالغنام يحق لك تتدلل في هذا المنتدى الطيب
ولوعندي كان اخدمك بعيوني لكن ماعندي
مهراس
05/01/2006, 05:53 AM
السلام عليكم ورحمة الله وبركاته:

قصيده تحكي حال بعض الناس، وهي معبره وجميله أشكر الأخ اللي طلب القصيده واللي جابها له اعجبتني بالحيل.

أبو فهد
محب النياق
05/01/2006, 06:04 AM
الله يجعل حظوظنا وحظوظكم دوم ترقا
غظاره
05/01/2006, 06:10 AM
تستاهل من يبحث لك في كل دار وكل نت . تحت طلبك وماقصرو الشباب جابوه :good:
الغنام689
06/01/2006, 01:38 AM
ما قصرتو ولا هنتوا
بس وين قصيدة ارقا درج

والقصيدتين لمن