المساعد الشخصي الرقمي

مشاهدة النسخة كاملة : أريد الأفادة: أيهم أفضل الأديتر الألمونيوم أم النحاسير.. الموتر باترول


عفط
10/07/2011, 12:34 PM
السلام عليكم أعضاء وزوار موقع مكشات
...
ماكم بالطويله
رحت ابغير أدريتر الموتر باترول 99 صالون وقال لي صاحب الأديترات
أيهم تريد أركب لك الأديتر الاردني الألمنيوم أو الأديتر النحاسي
قلت له عطن الزين قال كله سوا سوا ..!! :)
اللي اريد منك ماهو الأفضل الألمنيوم أو النحاسي, وماهو السبب مع أن اللي فيه الأن نحاس؟
..
وشكرآ للجميع
صحيح
10/07/2011, 12:38 PM
انا أشوف النحاس أحسن أقل شي تقدر تصلحه لا قدر الله في أي ورشة وأي ديرة
أهم شي كم رصه .
ابوحفصه
10/07/2011, 03:55 PM
وعليكم السلام

الالمنيوم اعلي جودة ويفقد الحرارة بسرعة عكس النحاس يمسك الحرارة فلافضل الالمنيوم وانا ركبت علي موتري باترول الاردني الالمنيوم لها الان سنة وماشي زي الحلاوة وانصحك فية واذا لقيت رصتين ازين ركبة

لكن انا مع الاسف مالقيت الارصة وحدة ومعالية حرارة الموتر زينة
مستور الحال
10/07/2011, 05:01 PM
ركب المنيوم الاردني تمام التمام له اكثر من سنة في سيارتي باترول 95 بخاخ و لا فرقته عن شد البلد بل قد يتفوق عن شد البلد و السبب بان مجاري الماء الداخلية اوسع من الاديتر شد البلد . بس اهم شيء الماء الاصلي ( محلول التبريد ) وتزيده ماء مقطر مع مراعاة النسبة و التناسب
سوبر VTC
10/07/2011, 05:21 PM
الالمنيوم افضل بسرعة تفريغ الحرارة
لكن عيبه حساس جدا للتسيخ و يتاكل من الداخل
ضعيف جدا و بعد مرور كم سنة يبدا الاديتر ينسم مع الرصات و هنا تبدا تلحمه
و السبب اهمال غسل سلندر المكينة و عدم وضع محلول + مقطر
كما انه في الحرارة العالية يبدا الاديتر ينسم من خلال الطبلة من عند الوجه
اللي بين الطبلة و الاديتر
اما
النحاس عملي جدا و يتحمل الحرارة العالية لكن عيبه التاخر في تفريغ الحرارة

طبعا اثنين من الربع واحد موتره م97 و الاخر م99 ركبوا اديتر اصلي المنيوم شد بلده وسعره ب1200
طبعا رصتين لك و للزمن تنسى مشاكل الحرارة 5سنين مرتاك
بشرط غسل الاديتر و السلندر كل سنتين او كل 120الف

اذا ظروفك المادية ماتسمح فبامكانك تركيب اديتر اردني نحاس
و الصحيح انه صيني لكنه يورد من الاردن على و يظنون انه اردني

لاتنسى قبل تركيب الاديتر ان تغسل السلندر جيدا لازم يكون نظيف لكي لا يعدم عليك الاديتر مع الزمن
سوبر VTC
10/07/2011, 05:24 PM
ركب المنيوم الاردني تمام التمام له اكثر من سنة في سيارتي باترول 95 بخاخ و لا فرقته عن شد البلد بل قد يتفوق عن شد البلد و السبب بان مجاري الماء الداخلية اوسع من الاديتر شد البلد . بس اهم شيء الماء الاصلي ( محلول التبريد ) وتزيده ماء مقطر مع مراعاة النسبة و التناسب


لا تنسى انه كل ما صغرت فتحات الرصات كان افضل
و الفائدة ان الماء يبرد على طول

على سبيل المثال اديتر الشيروكي يجي رصة وحده عريضة صيني ب400ريال
و عيبه الحرارة تولع لان الفتحة عريضة فاشل بدرجة امتياز الاديتر
الرصة الواحده يصلح للمناطق الباردة
اما
اديتره الاصلي رصتين المنيوم ب700ريال فميزته ان الحرارة تنام بسرعة
بسبب صغر الفتحات
مركز حراره
11/07/2011, 07:37 AM
لالمنيوم افضل من ناحيت الحراره والسعر
سعره بحدود 380
مستور الحال
11/07/2011, 07:56 AM
لا تنسى انه كل ما صغرت فتحات الرصات كان افضل
و الفائدة ان الماء يبرد على طول

على سبيل المثال اديتر الشيروكي يجي رصة وحده عريضة صيني ب400ريال
و عيبه الحرارة تولع لان الفتحة عريضة فاشل بدرجة امتياز الاديتر
الرصة الواحده يصلح للمناطق الباردة
اما
اديتره الاصلي رصتين المنيوم ب700ريال فميزته ان الحرارة تنام بسرعة
بسبب صغر الفتحات


انا اتكلم من واقع تجربة يا مشرفنا العزيز اما من وافع علمي لا و الله ما عندي علم عن الميكانيكا و مشاكلها . لكن منكم نستفيد و يستفيد جميع عضاء المنتدى وجزاك الله خير
escape_man
11/07/2011, 09:10 AM
بالنسبة لتنظيف السلندر مثل ماقال اخوي سوبر VTC يكون للحاجة وهذا الشي يحكمه نوعية الماء الي تعبي موترك منه.. فيه مواتر تعيش 5 سنين او اكثر ومافي اطيب منها.
آ’بوخالد
11/07/2011, 12:07 PM
الالمنيوم افضل ويبرد بسرعه وكذا واحد مركبينه وعايش معهم زي الحلاوه وكلهم باترول ..اخبر مركبين رصتين بس مادري اي محل
عفط
11/07/2011, 02:30 PM
الله يجزاء الجميع خير الجزاء وكلن بأسمه

ركبت أديتر المنيوم أردني رصه واحدة لكن الرصه كبيرة أكبر من النحاسي
والنتيجه راح أذكرة بموضوع خاص علشان الجميع يستفيد ويفيد
والله يجزاكم خير