كل واحد يدخل ويسجل المطلوب

[جمس دينالي]

السلام عليكم

كيفكم يامكشاتيه ,..؟

ابي كل واحد يكتبلنا بالنسبه له

اهم ما يحمله المكشاتي من تجهيزات للكشته

من ادوات طبخ الي خيام الى ادوات كهرباء ......... الخ

وافضل الشركات وافضل محلات كشاته في العالم العربي

وشكرا

[ع العمرو]

باين عليك وسيع صدربارك الله فيك!!

[ذئب اليل]

القراض كثيرة لاكن ابي اذكر بعض منه العزبة محول كهرب لمبات كنود واير سحب تيزار اشتراك عدة كاملة لسياره وقيرة كثير

[تيتشر]

أولاً : الماء ... يبي لك تانكي موية والتانكي هذا سعته تعتمد على موترك فالمواتر الحوض مثلا تختلف على الجيوب .

ثانياً الكهرب : بالنسبة لي عندي ماطور كهرب هوندا كاتم صوت (1كيلو ) ( 1000 شمعه ) ياباني اصلي وزي ما ذكر ميزته كاتم صوت شاريه قبل سنتين قيمته حول 2400 ريال , وعندي عقود لمبات بأطوال مختلفه.

ثالثاً بالنسبه للخيام : عندي خيمتين الولى خيمة مصنع توافق مقاس 3×3 ونصيحه دائماً ضع الأطناب بنفس بيت الخيمه عشان ما تفهي مثلي احيانا وتنسى الاطناب وتصور مع الخيمه .

رابعاً بالنسبه للعزب : هذي على حسب روقانك وحاجتك , انا عندي 4 عزب الأولى لمواعين الطبخ من وإلى تلقى فيها كل ما هب ودب من المواعين , والثانية عزبة مواعين الشاهي والقهوه باحجام مختلفه , والثالثه عزبة صغيره خاصه بالمعاميل ( بهارات الطبخ وجميع متعلقات الشاهي والقهوه ) , والرابعه : عزبه صغيره خاصه بالشاهي والقهوه للكشتات السريعه .