اربعة دفرنسات في سنتين--نبي الفزعة

[انفاس نجد]

معاناة معاناة معاناة
اشتريت سيارة جراند ماركيز قبل خمس سنوات --وبعد مرور سنتي تقريبا سمعت صوت الكرونا المزعج وزاد الازعااااج وافادني احد الاصدقاء ان لابد من تغييير الدفرنس كامل
وغيرته ولم يستمر الا بضعة اشهر وتعود نفس المشكلة ثم غيرته ثلاث مرات لنفس السبب
الا ان احد المرات وصل لحال الى انكسار الكرونا او التروس ماني متأكد والان عادت نفس المشكلة ماهو الحل اصلاح الكرونا او دفرنس كالعادة من التشليح لايعيش الا اشهر وتعود لي اصوات الكرونا حتى تصل مرحلة الانكسار===
اريد حل هل هناك اصلاح كرونا او دفرنس او هل هناك ورشة ممتازة للاصلاح او هل هناك
تشليح ثقة يبيع دفرنس؟؟؟
وهل سبب خرابات الدفرنسات عندي هو مشكلة اخرى في جزءمن السيارة تتسبب في تكرار الخراب لنفس الدفرنس مهما شريت وغيرت؟؟
----ارجوا المساعدة انا مقيم في الشرقية والرياض --اريد حل حل حل ولكم جزييييل الشكر

[الهاجر 7002]

يفيدونكـ آكثر آلششبآب ..


لكن تركب نفسس آلموديل ..؟

هل آلموتر آمريكي ولآ سسعودي ..؟

هل آلدفرنسس آللي تركبه حق سسعودي ولآ آمريكي ..؟


هل تششيك على آلزيت ..؟



وضضح للششبآب لآهنت ..


آلله يسسهل آمركـ .. يمكن مو نفسس آلموديل آللي تركب ..!

[بدوي جنوبي]

مشكله غريبه
الدفرنسات اللى تركبها ممتازه
يعنى ما فيها ونه ،،، وهل تم أصلاحها
او انفكت من سياره وركبتها .

ه

[هاوي بحر 10]

اهلا اخي الكريم

طيب عامود الشفت عندك مافي اصلبه او اي حاجه
اذ كان فيه من هاذ القبيل ممكن انه يخرب لك صوف والصوف تبداء بتهريب الزيت
وبتهريب الزيت تعدم الكارونه

[ساحب صنعه]

شكلك تشتري دفرنس قد فك وصلح ،،
اصحاب التشاليح يبعونلك دفرنس وياخذون منك الرجيع ثم يصلحون دفرنسك ويبعونه لشخص غيرك وكذا يتكسب من وراء هلشغله

[زمان وطاف]

^^^^^^^
كلامكـ سليم



الله يعينكـ


والله ياخوي اذا كان الموتر كذا ياخي بعه وخذ موتر غيرهـ


وخذها قاعدهـ عندكـ


اذا انت تصلح الكارونه فهذا أغسل يدكـ انه تزين


لأن الفورد معروفه الكارونا ماتصلح
تغير دفرنس كاااامل


والتشاليح الي أنت تشري منهم تلقاهم فاكين الكارونا وموظبينه أو بين قوسين(مطبقينه من جديد) فهاذي ماتعيش معكـ


شفلكـ تشلح ثقققققه ان شاء الله الأخوان يفيدونكـ عن التشاليح مايقصرون




وأسباب الخراب


ابي أعطيكـ سبب واحد وأتوقع علشان كذا يخرب الدفرنس


الي هو انك تحمل عليه ,,يعني مثلاً تشيل أهلك الوكاد الموتر ينزل وتدعس للموتر بالقومهـ


كذا الموتر ماااااااايعيش معكـ يبهذلك


وأنا أتوقع موتركـ أمريكي


لذالك انتبه لها النقطه


أنك تحمل الموتر وتدعسلوهـ


الله يعينكـ وتلقا لكـ حل ان شاء الله


والأخوان مايقصرون راح يفيدونك ان شاء الله




أخوكـ/


زمــــان و طــــاف

[انفاس نجد]

مشكورين يا اخوان -- الموتر 2002 امريكي --والاخ اللي قال الشافت ممكن يوضح لي اكثر وكيف افحصه وتاكد---واللي يعرف تشليح او ورشة ثقة يرسل للخاص تكفووون

[انفاس نجد]

وين الفزعة افااااا

[ابو حمد 2010]

شف الصناعية القديمة به محلات يبيعون دفرنسات من امريكا ولا قد فك ولا ركب وعليه ضمان 3 شهور.

وحاول بعد ماتركبه انك تمسه خط مثلا تروح عليك الشرقية وترجع علشان تفحص الدفرنس اذا مزبوط ماراح يطلع معك اي صوت واذا فيه شي راح يطلع معاك على طول..

[انفاس نجد]

ممكن توصف لي اخوي ابو احمد وين ماكانهم بالضبط؟؟؟

[أبوعابد 22]

والله وأنا وأخوك ما عندي علم بس هل أنت تشيك على زيت الدفرنس

[سوبر VTC]

هل الدفرنس زيته جديد ؟؟
وش نوعه ؟؟

ركب دفرنسات امريكية ميزته الزيت بوسطه اصلي شد بلد
مشكلة التشاليح ان بعضهم يبيع عليك دفرنس على انه لم يفك ابد و هو حرامي
عندنا راعي ورشة ببريدة تخصص قيور تضويب تماتيك + دفرنسات يقول مشكلة كارونة الفورد ضعيفة
و الحل انك ما تتعدا سرعة 140 طبعا يقصد الونة عشان يعيش معك الدفرنس

[ابو سويلم]

انا غيرت كارونتين قدام ( جيب ) والسبب العمود فيه رجه . افحص العمود عند المخرطة

[صحيح]

اخوي الله أعلم انه من عمود الكردان لا يكون فيه طعجه أوانحراف أو من تثبيت القير ما تم تثبيته باالشكل الصحيح مايل عن محله أي مكانه الصحيح وتأكد قبل ما تركب اي دفرنس .
اخوك صحيح .

[طال الانتظار]

السلام عليكم
اخوي مثل ما قالو الاخوان ابو سويلم وصحيح
اكيد فيه مشكله بالعمود او الشاص تأكد منها قبل لا تركب دفرنس
والله يسر امرك وامر كل مسلم
تقبل مروري وشكرا

[أحمد محمد1429]

الله يعوض عليك أنت الآن مغير الدفرنس مغيره مامن مفر بس قبل ماتغيره وتستعجل في تغييره شيك على العمود وعلى شيالا ت الدفرنس ولا يكون مصدوم صدمه قويه من الخلف

[المداوي2]

يمكنك رافع الموتر من ورى رفعه جامده

[فارس الحربي1]

شف اخوي الدفرنس مايحركه الا حاجه وحده وهي عامود الدوران اللي يجي من القير
انت شيك على مسننات العامود اللي تشبك بالدفرنس وشيك على الصليبات واذا جيت تبي تركب كارونه
انصحك لوجه الله لاتركب كارونه غير دفرنس كامل وحاول قدر الامكان انك تدورلك فورد امريكي مثل مواصفات سيارتك وخليه يفكه قدامك لان بعضهم يجدده ولاتنسى تشيك على الزيت