اسرع الطيور حسب قياساتها

[راعي الطييب]

السلام عليكم ورحمه الله وبركاته

الاحرار كلها سريعه ولاكن هناك فرق واكيد فيه فرق بينهم



سؤالي ماهو اسرع الطيور الي طوله 17 اوو اطيرالي طوله 15 ...؟ انا كان شيهانه او حر ؟؟

[مخاوي ذيابه 9]

وعليك السلام ورحمه الله
السبق سهم خفي يعني مو كل طير مقاسه ١٧ سبوق والله من طير مقاسه ١٧ ويمكن زود فاتت عليه الشرايد
الجرد الطيب له مفعوله على الطير شياهين ولا حرار ولا جيره

[سلطان 1]

وعليكم السلام ورحمه الله وبركااااته
اخوي صقااااااار الحبااااري 0

قااااالو الاولين \ السبق سهم خفي \

يعني محد يعرف ويقطع على الشي انه سبوووووق 0 نعم فيه علااماااات يستدل بها راعي الطير لكن ما يقطع الشك باليقين ان هالطير بيجي سبووووق او يلحق 0
اما مساله الحجم في الطير فاعتقد مالها دخل الا كااان في روغه وخفه انطلااقه الطير
فيه طيور وااافيه تلحق ساااارحااااااات امس والعكس صحيح 0
وفيه طيور صغاااااار في الحجم تلحق ساارحااات امس والعكس صحيح 0
يعني بمعنى اصح حجم الطير ماااله دخل في سبق الطير الا كاااااان في روووغته وخفه انطلاااقته 0
والله العاااااالم 0
وسلاامت رووحك 0

[راعي الطييب]

الله يعطيك العافيه مخاوي ذيابه

طيب عطني برنامجك لجرد الطير بعد المقيض

[راعي الطييب]

الله يعطيك العافيه ياسسلطان

[راعي الطييب]

وابي طريقه ممتازه لجرد الطير بعد المقيض تخلي الطير سريع ويحلق الحمام السلم ولايقه ممتاز يعني يطير 5 كيلو مايتعب ورا صيدته

[مجنون سلق12]

كفى و وفى اخوي سلطان1

[خلف الفار]

السلام عليكم ورحمة الله وبركاته
الى من طرح السؤال /
السبق سهم خفي ولااكن هنات دلايل مثل
الجناح الطويل:الثندوه:المنخر :دق الريش:
الوزن هام جداً /
اما بالنسبه الى الاطوال فليسى لهل دخل على الاطلاق
تقبل مروري مع الشرح

[سنجااار]

قالوها الطير سهم خفي

وبعض الطيور تشوف وتصد عنه وهو سبوق

[الامبراطوري]

والله هذي ترجع لفراسة الصقار وخبرتة

[صقار محترف]

الحجم ليس له علاقه بتاتاً
لكن بالنسبه للشياهين .. دائما اللي يكون عرضها اكثر من طولها .. تكون سريعه
يعني مثلا طولها 15
وعرضها 15 ونص
يعني جبعااااا
اما بالنسبه للحرار انا اخالفك الراي تماما .. ليس جميع الحرار سريعات
بعضهن جناحه مثل جناح الحنديه والا أبو حقب
الحرار السريعه نادره جداً .. يعني سريع سريع ماهوب خرطي .. السريع اللي عليه الكلام
وبالنسبه لبرنامج التطليق .. انصحك ف البدايه بالملواح .. ولايشوف طيرك حمامه الا بعد يصيد حبارى والا كراوين ..

[مخلاب خامس]

الكل يعرف ان للسبق مواري ، ولكل صقار نظرة ، واهمها عرض الطير ، صحيح ان السبق سهم خفي لكن المواري تعتبر اسباب مؤدية للسبق بشكل او بأخر
ايمكن اطلع عن الموضوع ،،، هناك كثير يقع في لبس بين السبق وبين الطير الصامل اللي ما يترك صيدته
وانا واعوذ بالله من كلمة انا من وجهة نظري المتواضعة اشوف ان سرعة التحضير للطير هي الحَكَم على سبقة
يعني من يوم يكفخ من يدك الين ياصل ذنيبا صيدته ،، هذه المدة هي سرعة التحضير ، واللي نسمع فيها ( ياصلها كنها واقفه )
اتمنى اني بينت شي وشكراً

[ذراع الذيب]

السلام عليكم ورحمة الله وبركاته,,
مسيت بالخير ياخوي,,


اخوانا الاعضاء ماقصرو كفو ووفو ومثل ماقالو هناك علامات وصفات معروفه بالطير,,
تدل انه سبوق وفيه حاجه اساسيه لاوجدت بالطير بأذن الله انه مايخيب سبقه الا وهي انفهاق الجناح للخلف..
وبروز مناكبه وسجلت هذي الصفه بنجاح في سبق الطيور وهناك صفات عده تساهم بأذن في سبق الطير الاوهي بروز الثنودة وعرضها ووسع مناخر الطير,,
مع بروز طبة المنخر وقصر الجناح بالحرار وطول الجناح بالشواهين يساهم كذلك دق المواسي قصر ذنيبا الطير وجل عظامه وان يكون الطير عرضه غالب طوله
وبعض الطيور طولها غالب عرضها وسجلت هذي الصفه في سبقها لاكن نادراً وفيه طيور مثل ماقال عليه اخوي الصقار الكبير سنجار
لاشفته ماتقول فيه من السبق شي ويطلع سبوق ولاكن تلك صفات مثل ماقال اخوي سلطان يستدل بها
http://www.mekshat.com/pix/upload04/images168/mk67925_hkkjkjkjkjkjkjkjkjkj.jpg
وهذا الطير واضحه فيه مواري السبق
انفهاق الجناح وبروز مناكبه والطير من طرح مجيرمه والطير طلع سبوق وبكل ماتعنيه الكلمه
وبدع في مقناص الحباري والطير طرح على نقل بكه والنقل اللي فيها ريش وعيون..
والبكه وين الطير اللي يجيبها خويانا ساقو ورى البكه وهي بالنجوم وماشين وراها..
بالجيب والسرعه فوق التسعين وجاها هالبكر بلمح البصر وحولها عالق
وعن جرد الطير مايجرده غير الملواح وتحياتي لك,,

[منيف الصلف]

اولا الشيهان اسرع من الحر هذا كل صقار يعرفه وحتى الرجال الاولين من صقاقير او شعار قالوا الشيئ هذا ومن ماقال الشعار 000 اسرع من الشيهان ملعف عياله
والشعر الثاني يقول 000 خمسين عقبان وثلاثين احرار @@ وعشر شياهين الجبال الوعيره
وهنا قال خمسين عقبان معادله بمايقوم به ثلاثين حر 00 وقال ثلاثين احرار معادله بماتقوم به عشر شياهين وهذا يدل على ان الشيهان اسرع طائر
وهذا شئ شفناه وعرفنا بممارست الطيور بأن اسرعهن الشيهان 0
أما بالنسبه لمعرفة الطير السبوق شف مناكب الطير كل ماكانت عراض مناكبه كل ماكان اسرع وهذا يعطي نتيجه سبعين بالميه من سرعه الطير 0

[العاتق]

حسب ما عرفناه ان الشاهين البحري هو اسرع الجوارح في السماء وأخفها... والأخوان ما قصرو والكل ادلى بدلوه وهم اهل خبره وشأن... بس أزيد عليهم بشي بسيط من خبرة احد الصقارة... قالي كلما كانت ريشة الجناح طويله وعريضه كلما جاك الطير سبوق... وكان يقصد من الريشه الثالثة ( رديفة النايفه ) الى السابعة في جناح الطير وهذا الريش طبعا ماله علاقة في طول وعرض الطير... دمتم بود

[جير دبي]

افادك اخوي سلطان 1
ومشرفنا الغالي....

[العاتق]

السلام عليكم ورحمه الله وبركاته

الاحرار كلها سريعه ولاكن هناك فرق واكيد فيه فرق بينهم



سؤالي ماهو اسرع الطيور الي طوله 17 اوو اطيرالي طوله 15 ...؟ انا كان شيهانه او حر ؟؟


وعليك السلام ورحمة الله وبركاته... حياك الله صقار الحباري
بالنسبة للسرعة بين الصقور الشياهين البحريه اسرع هذا معروف ومتعارف عليه عند اهل الطيور
اما بالنسبة لسؤالك لو سمحت لي اخي الفاضل سأعيد صياغته حسب ما فهمته
أيهما اسرع التام ( الوافي ) او المثلوث..؟ سواء شيهانه او حر....؟
لأن الشواهين الأصيله ما تجي طول او عرض 17.... اتمنى اني وصلت لمبتغاك فإن أصبت فمن الله وان أخطأت فمني والشيطان... تحياتي لك

[صقار محترف]

وعليك السلام ورحمة الله وبركاته... حياك الله صقار الحباري

بالنسبة للسرعة بين الصقور الشياهين البحريه اسرع هذا معروف ومتعارف عليه عند اهل الطيور
اما بالنسبة لسؤالك لو سمحت لي اخي الفاضل سأعيد صياغته حسب ما فهمته
أيهما اسرع التام ( الوافي ) او المثلوث..؟ سواء شيهانه او حر....؟

لأن الشواهين الأصيله ما تجي طول او عرض 17.... اتمنى اني وصلت لمبتغاك فإن أصبت فمن الله وان أخطأت فمني والشيطان... تحياتي لك


كل شي ممكن
يعني ربما تام وافي اسرع من المثلوث ف الشهانه والحر
لكن انا بحكم خبرتي وبالنسبه لي
المثلوث اسرع من التام .. خصوصاً في الشهانه .. وهذا الكلام من واقع تجارب .. وليست تجربه وحده

[سطام ابو سعود]

كل المواصفات الي ذكروها الاخوان جايزه بس مو شرط لو كان صحيح كان كلن معه لحاق بس اجتهاد والتوفيق بالله

[GXتيربو]

الحجم ليس له علاقه
بسرعة الطير
والمعروف ان اسرع الطيور الشياهين

[عبدالرحمن بن ذياب]

فروخ الشياهين أسرع كائن حي على وجه الأرض
شفت برنامج كامل عن اسرع الكائنات الحية على قناة أبو ظبي ناشونال جيغرافيك
فروخ الشواهين ماخذه الرقم 1 على المخلوقات الثانيه
و تصل سرعتها وقت الإنقضاض إلى 300 كيلو متر في الساعة

[مالقيت نك زين]

وعليكم السلام اخوي ..~

اخوي اسرع الطيور الشيهان سرعه انقضاضها 300 كيلو

يعني تخيل سياره تمشي 300 تمر من عندك ..؟! سرعه عجيبه


تحياتي ..,

[جهاام]

وعليم السلام ورحمة الله وبركاته انا اكتفي بكلام اخواني سلطان و ذراع الذيب وماهو قصور بشباب تقبل مروري

[خيال سهيل]

اضم صوتي للإخوان و أضيف ان الطير الي اثقل من شوفته بمعنا تشوفه تقول خفيف وزن وليا شلته ولياهو اثقل من هقوتك هذا طير سبوق بالاضافه لكلام الخوان عن المنكب وطول الجناح هذا علا حد علمي المتواضع

[اباالديبان]

السلام عليكم الاسبق على حد علمي الشيهان البحري والطير من كله الحر او الشياهين كل ما دق الريش ولا تعرى صار اسبقله

[تميم2222]

مسالله بالخير..صقار الحباري ...انا اشوف الطير ..اللي ما تتعدى 16.5 في الحرار هي اللي دايم تجي سبوقه ..لكن اذا جاء الطير 17 سبووووق ..فابشر بدارهم الواجد لانه نادر ما يجي ..وفيه نقطه احب اوضحها مو كل شخص يقدر يقيم الطير السبوق ..فيه ناس تقول سسبوق واذا طار الطير ..لقيته عادي ..دائماً الواحد يتحرى اهل النظره الصحيحه في سبق الطير ...بنسبه لي اكثر ما ارى في السبق بترتيب مثلايث الشواهين البحر بعدين يجي الجير بكل انواعه وبعدين الحر الاصيل وبعدين تجي الوكاره وتقبل مروري

[راعى الحر55]

السبق سهم خفي