اصحاب الخبرة عندي مشكلتين بالفتك

[comابوسليمانwww]

عندي مشكلتين بموتري الفتك وارجوا من الاخوان الي له خبره يفيدوننا بحله جزاه الله خير:
الاولى / لي اسبوع اسمع صوت اذا حركة الموتر الصبح يضيق الصدر صراحة .. والصوت هذا كأنك ماسك جلنط وانت تمشي ,,,,, علما ان الصوت هذا ما يطول على طول يختفي ولااسمعه الا اذا وقف الموتر فترة طويلة شوي يعني اذا حركة الصبح وغيره ما اسمعه ....
الثانية / امبير البنزين مخبط يعطيك فل والتانكي فاضي ..

[مشعل العلي]

هلابك اخوي
بالنسبة للعطل الاول ماقدرافيدك
بس العطل الثاني صارلي مثل ماصارلك بفتك2005وصلحته عندالتركي في الرياض بـــــ 500
والله يعيينك.

[ابرق نثيل]

اذا الصوت تسمعه والموتر واقف فهذا من شدادات (ربل) الشكمان شيك عليهم تحصلهم مقطوعه
وبالتالي يصدر صوت من احتكاك الدبات والمواصير مع الشاص . من 50 الى 100 ريال

ومشكله انبير البنزين للسوبر سفاري محلوله تكلفك 500 ريال
شيك
http://www.mekshat.com/vb/archive/index.php/t-286566.html

[alrsash911]

المشكلة الاولى الكليبر ضاغط على الفحمات اذا طول واقف الموتر
المشكلة الثانية حاول تفصل اصابع البطاريه قبل لا تنام وإذا قمت الصبح ركبها وإن شاءالله تنحل المشكلة.. و ترجع البرمجه .. هذا والله أعلم

[شحرور الدهنا]

مشكلة العدادات هذي بكل مواترالفتك مو بس موترك يعني لاتشيل هم انا موتري معلق من زمان ولافضيتله اصلحه وافضل واحد يصلحه التركي ب ٥٠٠ ريال

[comابوسليمانwww]

اشكرك اخوي مشعل العلي واخوي شحرور الدهناء والله يعين ابروح لابوصالح ... لكن غريبة كل واحد يقول بـ500 واحس ان المشكلة ماتستاهل ,,
حياك الله اخوي ابرق نثيل واشكرلك مرورك لكن الصوت الي عندي مهب متواصل ويختفي على طول كأنه صوت هوبات ..
هلا باخويalrsash911 والله احتمال يكون الكليبر ابشيك عليه ,, وابفك البطارية على كلامك واذا ضبط ان شا لله تستاهل الـ500 .

[التعـ King ـديل]

بالنسبه للمشكله الاولى ىزي ماتفضل اخوي alrsash911 (http://www.mekshat.com/vb/member.php?u=29427) والله اعلم

اما المشكله الثانيه افصل اصبع البطاريه ربع ساعه واشبكه مره ثانيه وان شاء الله تنحل

[مقلع الرمث]

صوت الهوبات يطلع احيانا ولا مشيت راح

مشكله الانبير مشكله

رايي انك توسع الصدر وتسحب عليه وتعرف وزنيته متى يخلص وكذا

انا شريت كذا باترول ويخرب الانبير ولا اصلحه اعرف متى يخلص

اما لا صار عندك يلعب مره راقي نازل الله يعيينك يبيلك تمر هالورشات

اما سالفه 500 ريال هذي مادخلت مخي ممكن السالفه سهله ولا تستاهل المبلغ هذا

[بدوي جنوبي]

ينقل لقسم الاعطال

[comابوسليمانwww]

اشكرك اخوي كنق التعديل على مرورك .. ولي كم يوم اقول ابفصل البطارية وانسى لكن ان شا الله ابفصله واعلمكم بالنتيجة ...
اخوي مقلع الرمث والله انك صادق 500 ريال ماتدخل المخ ..... لكن انا من يوم خرب الامبير وانا افلل الموتر واصفر العداد A واذا مشى الموتر 350 او 400 كيلو عرفت ان البنزين مطرف وافلل ... وعلى ها الطريقه وشكلي ابستمر عليه اذا كانت الدعوى فيها500 ريال
وبالنسبة للصوت والله بعض الاحيان اقول هذا صوت هوبات ومرة اقول الله يستر شكله صوت عمود او صوت بالقير