للبيع عدسة Canon EF 70-200mm f/2.8 L USM [الأرشيف]

.. سلمان ..

12/07/2011, 01:28 AM

يسعد لي اوقاتكم بالخير والمسرات :)

مثل ماهو واضح بالعنوان ..

عندي عدسة
Canon EF 70-200mm f/2.8 L USM

اخذتها من محلات الحارثي ..
نظيفة جدا وباقي في ضمانها ست شهور ..
شريتها (نعرة ابليس) ولا عاد لي فيها حاجه ههههه ..

انا بالرياض حاليا ..

بسم الله نفتح المزاد .. والبيع لاعلى سعر ..

ramii2010

12/07/2011, 01:37 AM

اذا سمحت كم سعر الشراء ؟

.. سلمان ..

12/07/2011, 01:48 AM

شريتها منتصف ديسمبر 2010م

بمبلغ 4850 ريال :)

ramii2010

12/07/2011, 01:49 AM

ماشاء الله
3000 ريال
وفقنآ الله ويآك

ميثم عيسى

12/07/2011, 01:49 AM

نقول بسم الله

٣١٠٠ ريال

:)

ramii2010

12/07/2011, 01:53 AM

3300
ياليت اخوي توضح لنا حدك كم ؟

ميثم عيسى

12/07/2011, 01:55 AM

3400

:)

.. سلمان ..

12/07/2011, 01:56 AM

المزاد مفتوح الى الجمعة 15 جولاي .. عشان اترك المجال متاح لمتابعة الموضوع من اعضاء المنتدى وزواره .. وبعدها راح ابيع ( بإذن الله ) لاعلى سعر .. وانا راح اكون متواصل معكم خلال الفترة المقبلة لأي استفسارات.

شكرا لتفاعلكم :)

ramii2010

12/07/2011, 01:58 AM

3500
والله يكتب الخير للجميع .....

.. سلمان ..

12/07/2011, 02:35 AM

وهذي صورتين (لقطتها قبل شوي)
للإطلاع او - للمعاينة - لا اكثر

http://up.arab-x.com/July11/cfX27257.jpg (http://up.arab-x.com/)

http://up.arab-x.com/July11/6OG27257.jpg (http://up.arab-x.com/)

بالتوفيق للجميع :good2:

FM2006

12/07/2011, 02:41 AM

يا ليت تحط لنا صورة للعدسة مع ملحقاتها وتحط ورقة صغيرة تكتب عليها معرفك وتاريخ اليوم
ومبدئياً أسومها بـ ٣٦٠٠ شرط نظافتها وتوفر كرتونها وكامل ملحقاتها

.. سلمان ..

12/07/2011, 02:49 AM

هلا حبيبي اف ام .. موجودة صورة العدسة قبل تطلبها .. بس بصراحة جديدة علي فكرة الورقة والمعرف .. المرة الجاية ابشر بسويها لك ..

على فكره العدسة مامعها ملحقات الا قراطيسها والفاتورة عليها ختم الضمان .. وبتلقاها موجوده داخل الكرتون ههههههه

FM2006

12/07/2011, 02:57 AM

أجل أعتذر منك يا غالي أسحب سومتي
أتوقعت معها الهود والأغطية
عموماً الله يرزقك بالبيعة إللي ترضيك :)

.. سلمان ..

12/07/2011, 03:00 AM

هههههههههه توقعتك تبي شي غريب ..

اكيد الاغطية موجودهـ ..

بس وش هو ( الهود ) ؟؟ <<< ماهنا زود خبره !!

FM2006

12/07/2011, 03:10 AM

هذا هو شكله
http://di1-1.shoppingshadow.com/images/pi/38/a7/84/30011216-260x260-0-0_Canon+Canon+Lens+Hood+ET+83+II+f+70+200+2+8+Repl ac.jpg

والشنطة الخاصة متوفرة ولا لأ

.. سلمان ..

12/07/2011, 03:14 AM

ايييييييييه مثل ماتوقعت..

اووووف كورس هذا موجود .. يعني العده كامله

يستاهلها

12/07/2011, 03:20 AM

سلمان ..

احسن حل انك تطلع كل شئ في الكرتون و كل شئ جاي مع العدسه و تصوره صوره من فوق عشان يكون كل شئ واضح

و بالنسبه للطلب اللي طلبه اخونا هذا الحين صاير شرط يحطونه اصحاب المواقع لكي يثبت لـ الاعضاء و الزوار ان السلعه متوفرهـ عندهـ و يثبت انها له بـ هالطريقه

تخبر صار فيه نصب و احتيال ع اعضاء كثير { الله يكرمك من هالنمونه }

و عسى ربي يوفقك .. وانا عندي مثل عدستك هذي و حبيتها من كل قلبي و احس مقدر افرط فيها :$

FM2006

12/07/2011, 03:20 AM

دام كذا آنا عند سومتي
والله يكتب إللي فيه الخير

.. سلمان ..

12/07/2011, 03:24 AM

اذا هيك اوكيه .. اجل بصور العدهـ كامله وبحط عليها الوريقه الي تثبت ملكيتي لها عشان الكل يكون على بينه ..
بس الحين مافيه وقت .. بعد شوي مباراة الارجنتين واذا خلصت بضبط الي قلتو لي عليه .. والمعذره اشغلناكم ..

abdulss

12/07/2011, 12:39 PM

3700 والله يرزقك

FM2006

12/07/2011, 02:36 PM

3800 والشحن عندي صامل وفلوسي جاهزة

جداوي نجداوي

12/07/2011, 03:24 PM

ننتظر الصوره كامله يالغالي

والله يوفقك

.. سلمان ..

12/07/2011, 03:48 PM

جداوي نجداوي

12/07/2011, 03:49 PM

من وين ياشيخنا ؟

.. سلمان ..

12/07/2011, 03:55 PM

الرياض .. ذكرته باول الموضوع يا جدي ^(^

جداوي نجداوي

12/07/2011, 03:56 PM

السموحه ياخلفهم

طيب الحين لو سمنا فوق الشباب التوصيل عليك او علينا

انا من جدة

والله يوفقك بالبيعه الي ترضيك

.. سلمان ..

12/07/2011, 04:02 PM

والله يا طويل العمر .. الي اعرفه وقريته في اكثر من موضوع ان الشحن يكون على المشتري ..

جداوي نجداوي

12/07/2011, 04:07 PM

طيب نشوف كم توصل السومات

وحنا معك للاخير

بس استفسار العدسه تركب علي اي انواع من الكميرات لو عندك خلفيه تفيدنا

السهم الأول

12/07/2011, 04:17 PM

عندي مثلها بس الفتحة اصغر العدسة جبارة وما يستغني عنها اي مصور فوتغرافي سريعة وخفيفة و حدة وعزل و فوكسها خيالي وهاديء جدا من احسن عدسات كانون ومن افضل ابداعات كانون و لو كانت بمانع اهتزار تكون بطرانة مرة

المهم200800

13/07/2011, 03:18 AM

كيفكم أخوي

3900 ريال
بعد ماشوفها

وانا موجود عندك بالرياض حولك حواليك :)

FM2006

13/07/2011, 09:49 AM

مرحبتين كبار كبار ..

هذي صورهـ للعدسة بالي فيها ، (اعتقد) واقول (اعتقد) ان العدسه لها غطاء امامي وخلفي ، اذا كان استنتاجي صحيح فالخلفي غير موجود ..

غير كذا العده قدامكم نظيفه ، عطوها قدرها الي تستحقه

http://up.arab-x.com/July11/cMg74861.jpg (http://up.arab-x.com/)

:) فتكم بعافيه :)

ما شفت الغطاء بكام فور سل
وما دخلها غبار بسبب ضياع الغطاء
إذا ما دخلها غبار آرفع سومتي لـ 4000 ريال
والله يوفقك بالبيعة إللي تسر خاطرك

د.كبسه

13/07/2011, 06:04 PM

4000 ريال وتراني صامل وانا في الرياض

بشرط تكون العدسه نظييفه

وهذا رقم جوالي
0546018878

FM2006

13/07/2011, 06:47 PM

4000 ريال وتراني صامل وانا في الرياض

بشرط تكون العدسه نظييفه

وهذا رقم جوالي
0546018878

المعذرة يا غالي أنا سبقتك بنفس السومة إذا لك رغبة الرفع السومة
وإلا أنا الأولى بالعدسةحتي لو كنت أنا خارج الرياض
أقدر أحول له المبلغ واستلمها عن طريق الشحن
أو أرسل له أحد يعاينها ويخلص الموضوع

د.كبسه

13/07/2011, 09:04 PM

4050 وبراسك اهم شي مانبي الزعل وتراي ما انتبهت لسومتك وبين الشاري والبايع يفتح الله

FM2006

13/07/2011, 09:57 PM

4050 وبراسك اهم شي مانبي الزعل وتراي ما انتبهت لسومتك وبين الشاري والبايع يفتح الله

يسلم راسك يا غالي الموضوع ما يستاهل زعل القلب صافي إن شاء الله :)

أنتظر رد حبيبنا سلمان على استفساري في الرد رقم (31)

والله يكتب إللي فيه الخير للجميع ^ـ^

المهم200800

13/07/2011, 11:08 PM

وانا ارفع السومه

4100 ريال فقط لاغير :)

وأستفسار ياخيي أغرضها كاملة ؟

.. سلمان ..

14/07/2011, 01:09 AM

حياكم الله يالربع .. والمعذرهـ على تأخري بالرد :)

بالنسبه لاستفساراتكم ، انا حطيت الصورة وفيها كل الي جاني مع العدسة بما فيها فاتورة الشراء .. وثاني شي العدسة نظيفة من برا ولا فيها اي خدش وحتى من الداخل ماجاها غبار.

بانتظار المزيد من التفاعل .. والله يوفق الجميع :)

FM2006

14/07/2011, 10:16 PM

ارفع سومتي لـ 4150 ريال

المهم200800

15/07/2011, 06:54 AM

وانا من عندي

٢٢٠٠ ريال فقط لاغير

محطم عنيد

15/07/2011, 02:23 PM

الله يرزقك

FM2006

15/07/2011, 04:18 PM

وانا من عندي

٢٢٠٠ ريال فقط لاغير

؟؟؟
أنا سمتها بـ ٤١٥٠ والسوم طلوع
ع العموم لو تقصد ٤٢٠٠ أنا أرفع سومتي لـ ٤٢٥٠ ريال

الأخ سلمان
في حال اتفقت معي أتمنى إنك تشتري لها غطاء خلفي من كام فور سل قيمته في الموقع ٣٥ ريال وهذا الرابط ( هنا (http://cam4sell.com/246,ar_canon-lens-dust-cap.html) )
أما في حال الاتفاق مع غيري فأتمنى لك التوفيق ،،

المهم200800

15/07/2011, 06:21 PM

؟؟؟
أنا سمتها بـ ٤١٥٠ والسوم طلوع
ع العموم لو تقصد ٤٢٠٠ أنا أرفع سومتي لـ ٤٢٥٠ ريال

الأخ سلمان
في حال اتفقت معي أتمنى إنك تشتري لها غطاء خلفي من كام فور سل قيمته في الموقع ٣٥ ريال وهذا الرابط ( هنا (http://cam4sell.com/246,ar_canon-lens-dust-cap.html) )
أما في حال الاتفاق مع غيري فأتمنى لك التوفيق ،،

ههههههههههههه

ماعليش الشوف الشجر

وانا اقول 2300
أقصد 4300 ريال ههههههه
بعد الفحص :)

دمتم بخير

FM2006

15/07/2011, 06:29 PM

ههههههههههههه

ماعليش الشوف الشجر

وانا اقول 2300
أقصد 4300 ريال ههههههه
بعد الفحص :)

دمتم بخير

ههه عادي يا غالي من العجلة يحصل أكثر من كذا

ع العموم لو العدسة من نصيبك الله يبارك لك وله

.. سلمان ..

15/07/2011, 08:28 PM

.. مرحبا بالجميع ..
اليوم الجمعة وتم اغلاق المزاد على العدسة حسب الاتفاقية

الاخ المهم200800
وين مكان اقامتك وكيف تبغى يكون الفحص؟

الاخ FM2006
ابشر راح اشوف لك الغطاء ، بس كيف اجراءات الشحن والدفع؟

FM2006

15/07/2011, 08:43 PM

.. مرحبا بالجميع ..

اليوم الجمعة وتم اغلاق المزاد على العدسة حسب الاتفاقية، الاخ المهم200800 وين مكان اقامتك وكيف تبغى يكون الفحص؟

الاخ FM2006 ابشر راح اشوف لك الغطاء ، بس كيف اجراءات الشحن والتسليم، مثل ماقلت لك اول انا مش ولابد في تجارة المنتديات؟

هلا بك حبيبي
الأخ ( المهم 200800 ) هو صاحب النصيب إللي راحت له العدسة طبعاً إذا ناسبته بعد المعاينة بناءً على طلبه وعلى كلامه هو من سكان الرياض

لذلك أي تفاهم بيني وبينك حالياً يعتبر تعدي على حقوقه << قوية العبارة خخخ

أما إذا ما حصل له نصيب لا قدر الله أو ما ناسبته وقتها ما ح نختلف

وفي الأول والأخير الله يبارك لك في مالك ويبارك لأخونا المهم 200800 بالعدسة :)

.. سلمان ..

15/07/2011, 08:48 PM

هههههههه اف ام حبيبي ..

انا كتبت الاستفسارين بوقت واحد اختصارا للوقت، نشوف الاخ المهم يمكن تكون البيعه من نصيبه، واذا الله ماكتبها له انا عندي زياره خاطفه لـ جده يوم الاثنين او الثلاثاء ولمدة 8 ساعات بس، فقلت فرصه اخلص الامور معك واوفر عليك مصاريف الشحن، عشان كذا مافيه تعدي ولا شي.

FM2006

15/07/2011, 09:30 PM

المهم200800

16/07/2011, 12:07 AM

ههه عادي يا غالي من العجلة يحصل أكثر من كذا

ع العموم لو العدسة من نصيبك الله يبارك لك وله

الله يجزاك خير ياخيي :)

والله يعطيك العافية :good2:

دمت بكل خير

المهم200800

16/07/2011, 12:11 AM

.. مرحبا بالجميع ..

اليوم الجمعة وتم اغلاق المزاد على العدسة حسب الاتفاقية

الاخ المهم200800
وين مكان اقامتك وكيف تبغى يكون الفحص؟

هلا أخوي أنا من الرياض

أرسل رقم موبايلك ع الخاص (( حلوه موبايلك )):p

لكي أتواصل معك

والله يكتب اللي فيه الخير والصالح للجميع

دمتم بخير:.:.

المهم200800

17/07/2011, 04:42 PM

أخوي سلمان

مادري إيش صار عليك ؟

منتظرك

دمت بخير :.:.

المهم200800

19/07/2011, 12:56 AM

اخوي سلمان

سؤال أنت بتبيع ولا لا

انا وراي سفر وجالس اليوم عشانك

إذا كنت هونت عن البيعة علمني لاكن كذا علقتني

أرجوا تردلي بنعم أو لا لأن وراي سفر؟؟؟؟

منتظرك!!!!!

د.كبسه

27/07/2011, 07:22 PM

انباعت او لا !!!!!!!

.. سلمان ..

08/08/2011, 07:23 PM

عذرا للاحبه على التأخير

هناك بعض الظروف الخارجة عن ارادتي، هي ماحرمتني التفرغ للنت ومتابعة الموضوع وردودكم.

مازالت فكرة البيع قائمة :good2:

بيرق العزة

09/08/2011, 04:55 AM

اقول .. تأجر العدسه هههههههههههههههه .. والله طفران ونفسي فيها هع

خارج الأقواس

09/08/2011, 05:32 AM

عذرا للاحبه على التأخير

هناك بعض الظروف الخارجة عن ارادتي، هي ماحرمتني التفرغ للنت ومتابعة الموضوع وردودكم.

مازالت فكرة البيع قائمة :good2:

غريبة الناس هذه ..

اتفقت مع الرجل وبالاخير تغيب كل هالفترة ...

العتب مو عليك العتب على اللي يأخذ معك ويعطي ..

الناس عند أقوالها يااارجل ..

ميثم عيسى

09/08/2011, 12:27 PM

غريبة الناس هذه ..

اتفقت مع الرجل وبالاخير تغيب كل هالفترة ...

العتب مو عليك العتب على اللي يأخذ معك ويعطي ..

الناس عند أقوالها يااارجل ..

الناس عند اقوالها في حاله الاوضاع كانت على ما يرام

انت ما تدري اصلا شنو الظروف اللي مرت على الرجال عشان تحكم عليه كذا

انا مالي دخل بالموضوع ابدا

لكن لم يعجبني ردك ابدا ابدا وما قدرت اسكت ...

الله يوفقك بالبيعه اللي ترضيك

:)