بريموس .. وسرعة التجاوب! [الأرشيف]

مشاهدة النسخة كاملة : بريموس .. وسرعة التجاوب!

شاص

12/07/2011, 04:40 PM

السلام عليكم ..

قبل كم يوم طرحت موضوع أستفسر فيه عن معرض ومصنع شركة بريموس في دولة السويد ، وكان تفاعل الشباب معي جيد ولله الحمد ولا قصروا جزاهم الله خير وخصوصا الغالي الهديف .. المهم قلت لابد أراسل الشركة قبل ما أروح على وجهي هناك .. فأرسلت لهم إيميل بينت فيه أني أحد عشاق ومقتني منتجات شركة بريموس العريقة .. وسوف أقوم بزيارة دولة السويد خلال شهر أغسطس .. وأردت أن أستفسر عن عنوان الشركة بالسويد (المصنع - والمعرض) وإمكانية زيارة مصنع بريموس ومعرض منتجاتها الجديدة والقديمة وعن إمكانية شراء شيء من منتجاتكم الرائعة والرائدة وعن أيام وساعات العمل التي يتاح فيها ذلك ورغبتي في إعداد تقرير متكامل عن الشركة والمصنع لأقوم بنشره في عدد من المواقع اللإلكترونية ..

ساعات بسيطة وجاني الرد من خلال ممثل خدمة العملاء :
شكراً على إعجابك بمنتجاتنا و هذا شرف لنا .. يقع مكتب الإدارة في سكوتهولم في السويد لكن مكتب الإدراة لايوجد فيه معرض ولايباع فيه شيء .. مجرد مكاتب إدراية و بعض النماذج من المنتجات.. أما التصنيع فليس في السويد بل في بلد أوربي صغير اسمه Estonia أستونيا. و نحن نمتلك مجموعة معارض لبيع منتجات الرحلات منتشرة في أنحاء السويد نعرض فيها أغلب منتجاتنا و منتجات أخرى اسمها Naturkompaniet ناتوركومبانيت وهذا هو أنسب مكان لشراء منتجاتنا و الفروع متوفرة في أنحاء السويد. أبلغني أين تسكن في السويد و سأخبرك بأقرب فرع لك.

ولك تحياتي

ممثل خدمات العملاء

سرهيد

12/07/2011, 04:46 PM

السلام عليكم

شوفوا سرعة التجاوب وشوف سرعة المعلومات

ما شاء الله تبارك الله

لو انك مراسل عربي كان مارد عليك الا بعد شهر

اتمنى ان تصل سالم وترجع سالم وان تحرص على اعداد تقرير يليق بهذه الشركة العريقة

تقبل احترامي

شاص

12/07/2011, 04:59 PM

حياك الله يابو عبدالله .. فعلا تجاوب سريع .. وهذا ديدن كثير من الشركات العالمية التي تؤمن بأن العميل أولاً .. وكان لي تجربة مع إحدى الشركات في أمريكا حين أرسلت لهم شكوى على الإيميل .. أقل من ساعة إلا وجوالي يدق باتصال دولي (نظراً لوجود بياناتي عندهم) وإذا به ممثل خدمة العملاء في الشركة ! قدم اعتذاره وأسفه عن المشكلة ووعدني أنها تحل سريعاً .. وتم حل المشكلة بعد اتصاله بساعة تقريباً

سرهيد

12/07/2011, 05:41 PM

السلام عليكم

هلا والله باخوي

هذا هو العمل التي تقوم عليه الشركات لبقاء صيتها ، لأن الهدف هو العميل التي تقوم عليه تلك الشركات ..

موقفك هذا حصل معنا مثله بالضبط ومع الوكيل با دحمان ، حيث تمت الشكوى عليهم لدى شركة بريموس من قبل اخي الكريم الضاحي بحكم معرفة باللغة الانجليزية ، اما انا فمن جنبها :) وتم الشكوى لعدم توفر بعض الاغراض ، ويوم او يومين الا والوكيل يتصل اعطوه الرقم وكلم ابو فهد الضاحي ، وش تبون حاضرين .... ليش تشتكون علينا !!!

الله المستعان يوم كلمكتك الشركة قمت تطامر ، ويوم احنا نطلب منك وانت ما عطيتنا وجه ...

وفعلا يومين الا واغراضنا اللي كنا نبي جاهزة .

لكن سؤالي : لماذا لا يكون هنا تفاعل من الوكيل لدينا الا بعد التحدث مع الشركة ، ولماذا لا يكون لهم احترام للعميل ؟؟

تقبل مودتي

اخوك

ابو عبدالله

بن جعيثن

12/07/2011, 06:55 PM

السلام عليكم
هذي شركات ترضي عميله وليست ترضي مخبته
مثل عندنا ربعنا تدخل المحل تقوله عندك لحاجه الفلانيه مدري ادخل دور وعندهم وش تدور ويقعد يعلمك وش الايجابيات وش السالبيات وفيه ربعنا بعضهم لاباس والقهر تدخل المحل تالقه مليان عمال ولايستجيبون لسوالك وان جوابك ولاه مغصوب الله يخالف علينا وذولي يخدمونك وهم بديرتهم وانت بديرتك عقبالنا عندنا عقب خمسين سنه يمكن بعد ازود
ادري اني طولته تحملوني

الذيب511

12/07/2011, 06:59 PM

ابن هويشل

12/07/2011, 07:11 PM

السلام عليكم ..

قبل كم يوم طرحت موضوع أستفسر فيه عن معرض ومصنع شركة بريموس في دولة السويد ، وكان تفاعل الشباب معي جيد ولله الحمد ولا قصروا جزاهم الله خير وخصوصا الغالي الهديف .. المهم قلت لابد أراسل الشركة قبل ما أروح على وجهي هناك .. فأرسلت لهم إيميل بينت فيه أني أحد عشاق ومقتني منتجات شركة بريموس العريقة .. وسوف أقوم بزيارة دولة السويد خلال شهر أغسطس .. وأردت أن أستفسر عن عنوان الشركة بالسويد (المصنع - والمعرض) وإمكانية زيارة مصنع بريموس ومعرض منتجاتها الجديدة والقديمة وعن إمكانية شراء شيء من منتجاتكم الرائعة والرائدة وعن أيام وساعات العمل التي يتاح فيها ذلك ورغبتي في إعداد تقرير متكامل عن الشركة والمصنع لأقوم بنشره في عدد من المواقع اللإلكترونية ..

حياك الله أخي العزيز الشاص وجهدك مايضيع أن شاء الله
وتقبل من هذي الصورة
http://www.mekshat.com/pix/upload05/images221/mk213462_451021.jpg

وحي الله عمدتنا سرهيد وتشجيعك ودعمك يرفع الراس وتقبل من هذي الصورة
http://www.mekshat.com/pix/upload05/images221/mk213462_group-gas-bottles.jpg

منتعش

12/07/2011, 08:36 PM

عافاك الله أخوي الغالي والمحب : شاص
على هذا الخبر وتجاوب الشركة معكم
تروح وترجع بالسلامة إن شاء الله
ولا تحرمنا من الصور والمواضيع
حفظك الله في حلك وترحالك
وترجعلنا سالماً غانماً إن شاء الله .

سرهيد

12/07/2011, 09:33 PM

عزالله انك صدقت بس بعد شهر مهي كنهى هوينه قل يمكن يردعليك ويمكن مايرد تسلم بوعبدالله :good2:

شكلي اقصد سنة :good2:

تصدق بالله العلي العظيم يوم أنشأنا نادي بريموس العربي ، ارسلنا لشركة بريموس وردت مباشر مرحبا بما تم ... وراسلنا مرة ثانية نطالب باشياء ليست متوفرة ، حولنا على المندوب في الشرق الاوسط ، طبعا اكيد عربي ... والله الى يومك ما جاء رد ..

فشكلي ما قصدت يوم قصدي سنة :)

تقبل احترامي

سرهيد

12/07/2011, 09:35 PM

حياك الله أخي العزيز الشاص وجهدك مايضيع أن شاء الله

وتقبل من هذي الصورة
http://www.mekshat.com/pix/upload05/images221/mk213462_451021.jpg

وحي الله عمدتنا سرهيد وتشجيعك ودعمك يرفع الراس وتقبل من هذي الصورة

http://www.mekshat.com/pix/upload05/images221/mk213462_group-gas-bottles.jpg

هلا والله بالعزيز ابن هويشل

يعلك تسلم وما سوينا شيء جعلك في الجنة .

بس هالصور تقطع القلب واجير اهدائك الى ابو سيف اللي اخبره ينهبل في الدبات :)

وللآسف اقول صورة مع التحية لوكيل الغفلة :mad::mad:

تقبلوا احترامي

ابن هويشل

12/07/2011, 11:02 PM

هلا والله بالعزيز ابن هويشل

يعلك تسلم وما سوينا شيء جعلك في الجنة .

بس هالصور تقطع القلب واجير اهدائك الى ابو سيف اللي اخبره ينهبل في الدبات :)

وللآسف اقول صورة مع التحية لوكيل الغفلة :mad::mad:

تقبلوا احترامي

ياجعل قلبك يسلم الصبر زين ابا عبدالله كله أيام وليالي ويفرجه ربك سبحانه وتشوف ألي يسر خاطرك
والناس ماهي صابره على الوضع هذا لابد يجي يوم تشوف وكيل يبهج الخاطر
وانت شايف تفاعل الناس على هالصناعة وهم في فصل الصيف فكيف إذا جاء الشتاء على خير

شاص

12/07/2011, 11:53 PM

مشكور يابن هويشل على الهدية .. بعد التواصل مع المسئول اللي رد علي أول مرة تبين لي أنه مدير الأبحاث والتطوير بالشركة !!
والرجل سريع التجاوب مع كبر منصبه وأهميته في هذه الشركة العريقة اللي وصلت منتجاتها أقاصي الأرض ودانيها

شاص

12/07/2011, 11:54 PM

الغالي منتعش .. أبشر بالخير وأنا أخوك .. مشكور على الدعوة الطيبة

سيف الظفير

13/07/2011, 10:37 AM

كفو يا الغالي

وليت الحكومة تلغى وكالاات السعوديين وهالغربيين هم من يكونون وكلاء وموزعين بالمملكة

أبوعابد 22

13/07/2011, 02:03 PM

أيه هذي الشركات الي فاهمه التجاره صح مهوب شركاتنا
لين طنخو رفعوا سعر السلعه مثل شركة المراعي
وننتظر موضوعك ياذيب

storm way

13/07/2011, 04:56 PM

الله يهديك يا ابو عبدالله

ما قلت لهم في رسالتك ربعنا مدمنين بريموس

وكان قلت لهم ما عندنا وكيل زي الناس

ياليت تفتحون لنا معرض لو في الخرخير

شاص

13/07/2011, 05:19 PM

حياك الله يابوخالد .. عندي نية إن شاء الله أتواصل مع الشركة بخصوص وكيل بريموس بالمملكة

خط ليزر

13/07/2011, 05:42 PM

شركه عملاقه تحترم العملاء وياليت يشوفون وكيل يقدراسم الشركه ،،،، مجهود تشكر عليه وحنا رشحناك للوكاله تروح وترجع بالف سلامه

vipxvip

13/07/2011, 06:13 PM

دامك بتسوي لهم زياره طلع لك رخصه محل ورح قلهم ابي توكيل لمنتجاتكم استفد من روحتك :)

عبدالرحمن305

14/07/2011, 12:24 AM

هلا بالاخ الكريم شاص
تروح وترد بالسلامه
واذا اردت الاستمتاع بمنتجات بريموس القديمه
والنادره منها انا اجزم بانها موجوده عند الهواه
وعند اعضاء خيمة العدد في مكشات محبي النوادر
لكم اجمل التحايا واعطرها

الهديف

14/07/2011, 01:37 AM

تروح وترجع سالم غانما محملا بالغنائم
لاتفوتك محلات الخردوات والاسواق القديمة
واستفسر منهم قل أين أجد أنتاجكم القديم ؟؟
أهم شيء القديم والباقي عليه السلام خله عندهم

خريطة توضح موقع أستونيا والسويد في اوروبا

أنظر السهم الاحمر

http://www.mekshat.com/pix/upload05/images222/mk166488_47.jpg