المساعد الشخصي الرقمي

مشاهدة النسخة كاملة : صوت في الباترول


نآآآصر
12/07/2011, 06:03 PM
السلام عليكم اخواني اعضاء مكشات
والله تعبت من الورش ومالقيت حل
موتري ربع 97 باترول
العله اللي فيه اذا مشيت بسرعات عاليه وضغطت الكلتش يطلع صوت قرررررررر
و ايضا يطلع الصوت اذا كنت ماشي بسرعه وبديت ارفع رجلي عن دعسه البنزين يطلع الصوت قررررررر
ويطلع ايضاء اذا كنت مثلا اكلت مطب وهو ب نمره 3 يطلع خفيف ويروح بسرعه
والموتر فيه نفضه تقريبا على سرعه 60
رحت لم ابو صالح التركي قالي عامودك تعبان المهب رحت عقب فتره واخذت عامود من التشليح وركبته وما زالت المشكله موجوده
ياليت اهل الخبره يفيدونني الله يجزاكم خير مليت كرهت الموتر بسبة هالمشكله
طال الانتظار
12/07/2011, 08:26 PM
وعليكم السلام
اخوي شيك على كرسي القير
الله يسر امرك وامر كل مسلم
برهوش
13/07/2011, 12:25 AM
نفس مشكلتي غير كراسي المكينة ويضبط
آ’بوخالد
13/07/2011, 02:15 AM
تآكد من الفلنجة والصليب حق العمود وتآكد لايكون فيه فضاوه بالكرونه الخلفيه
وعلمنا وش يصير معك
نآآآصر
13/07/2011, 04:40 AM
والله كراسي المكينه جديده وفحصت الموتر من تحت ومافيه اي مشكله قسم بالله تبهذلت
MAN8A
13/07/2011, 04:44 AM
الله يكوون في عوونك
نآآآصر
15/07/2011, 05:04 AM
تم فحص الموتر والله 4 ايام وانا اتردد على الصناعيه
و اكتشتف المشكله انها من الدفرنس . يقول راعي الورشه عندك فضاوه بالدفرنس و العكوس متأكله للحين ماسوا شي لاني وديت موتري الخميس ف فك الدفرنس والعكوس و الجمعه اجازه و وعدنا يوم السبت عاد ماندري وش بنسوي الله يكتب الي فيه الخير للجميع
آ’بوخالد
15/07/2011, 05:40 AM
هلا بك مره ثانيه اخوي ناصر المشكله مثل ماتوقعت طلعت بالدفرنس
على العموم بنسبه للعكوس انا انصحك تشتري جديد وذا سعرها غاليه عندك بالصناعيه القديمه مخارط يبيعون مستعمل آهم شي خذ عليها ظمان ..والدفـرنس لو تشتغل فيه بيرجع يخرب بعد فتره الافضل تروح التشليح وتاخذلك كرونه مستعمله آهم شي رقم الكرونه لازم يكون مطابق وتاخذ ظمان ..او تاخذلك دفرنس كامل مع العكوس وريح راسك
تقبل ردي :)
نآآآصر
15/07/2011, 06:58 AM
الله يعطيك العافيه ابو خالد على التفاعل لكن بالنسبه للفضاوه وش حلها بحيث انها ترجع طبيعيه اما العكوس مب مشكله
لكن المهندس اللي وديتها له فنان جدا كان معي باترول ربع 92 كان فيه صوت قررررررررررررررررر مجرد ما ارفع رجلي عن الدعسه و وديتها كل الورش قالو كارونه جديده كارونتك منتهيه مررره و وسعرها غالي من 1800 الى 3000 بالراحه واجيبها للرجال واخلي الموتر عنده يومين طبعا هذا اعرفه من زماان كل اللي اعرفهم يشتغلون عنده ومن طلعت على الدنيا واكثر المشاكل اصلحها عنده لكن انا من طبعي امر كم ورشه اشوف وش يقولون واخذ الزبده من كلامهم وافهم وش المشكله وبعدين اروح لخوينا واحط عنده الموتر والامور كلها تمام الماريه قال لي الكوارين غاليه انا بظبطها لك وبتدعيلي قلت اوك وجيته بعد يومين والله تقل الكارونه جديده مشاء الله لا ونه ولا ازعااااااج والحمدلله استخدمت الموتر وكرفت جده وجلست فتره سنه تقريبا وبعته ولا عليها خلاف ابدا وكلفت مع قطع الغيار و شغل يده حول 900 ريال
آ’بوخالد
15/07/2011, 03:15 PM
الفضاوه يسويلك وزن من جديد بس مو كلن يضبطها لك يمكن فتره وترجع مثل اول ويمكن تقعد 5 سنين بدون صوت !! ونت ورايك
تحياتي
نآآآصر
15/07/2011, 04:02 PM
الله يعطيك العافيه ابو خالد ولا يحرمنا من معلوماتك الي غرقتنا صراحه
نآآآصر
17/07/2011, 01:39 AM
تم وزن الدفرنس
ومازالت المشكله :( والله زهقت
انا قالي التركي انه عامود و رحت لم واحد اعرفه وجاب لي عامود من المخرطه ركبته ماراح الصوت لكن اشك بعاموده