المساعد الشخصي الرقمي

مشاهدة النسخة كاملة : الباترول يا جمااااعة ,,, إفزعوا طول الله أعماركم .


جهام - جهيم
12/07/2011, 06:13 PM
بسم الله الرحمن الرحيم ...

السلام عليكم ورحمة الله بركاته ,,

يالربع مليييت من شيء إسمه اوزن الديلكو ,,, غير بليتين ملييييييييييييييييييييت

لي اسبوعين ونص وانا صايره عندي مشكلة في الكهرب والموتر يقطع والأر بي إم.... يكون مثلا عند رقم ثلاثة وإذا قطع الموتر ينزل للصفر ويرقى وينزل على طول وبعض المرات يطفى الموتر وبعض المرات يكتم إذا وصل الضغط عند الصفر ثم يرمي إذا دعست رمية بسيطه ,,, وألحين لو أدعس بالمورت كل الدعسه يرمي في وصل الضغط نهايته ..


مالكم بالطويلة ... الموتر الكربريتر نظفناه و غيرناه ننفس المشكلة << مب من الكربريتر :(
البواجي غيرناها<< مب من البواجي .:(
أسلاك البواجي فحصناها << مب من أسلاك البواجي :(
البليتين والبويبينه غيرتها << مب من البليتين والبويبينه .:(
الشاكوش غيرته << مب من الشاكوش .:mad:


الحل يالربع أبي الحل للي صارت له هالمشكلة تكفووون وانا والله صارلي متعطل عن سفر بسبب هالمشكلة ودي ازينه بأسرع وقت والله يجزاه خير اللي يدلنا على الخراب اللي فيه ...

وأبي أستفسر هل الخراب ممكن من الديلكو أو لا ... وهل ينفع الديلكو الإلكتروني للي مجربين وكم سعره مستعمل ووين أحصله ,,


أدري والله اني طولت عليكم ولكن والله محتاج الشور منكم الله يوفقكم ويجزاكم خير يالغالين ...
طال الانتظار
12/07/2011, 08:23 PM
وعليكم السلام
اخوي موترك كم موديله
اتوقع انه من منظم الهواء فيه مشله شوف اسلاكه تراه يسبب المشكله اللي انت قلتها
صارت لولد عمي معه فتك وقام يكتم ويناتع ويطفي ويالله يمشي طلع الفيش اللي يشبك في منظم الهواء خربان
الله يسر امرك وامر كل مسلم
أحمد محمد1429
12/07/2011, 09:27 PM
مود تأكد من عمود الديلكو اللي يركب فيه الشاكوش قد يكون فيه فضاوه والحاله الآن اللي عندك أفتح على البليتين ويروح التقطيع بس تبي ترجع لأنه لوكان فيه فضاوه وزن البليتين مايضبط لأن العمود ماهو على إستقامته
سفاري959
12/07/2011, 09:50 PM
مر به على ورشه ابو صالح التركي بالصناعيه القديمه وان شاء الله ما تطلع الا وموترك تمام رجال نصوح ومتخصص باترول وان احتجت رقمه ارسلي على الخاص وابشر بسعدك
جهام - جهيم
13/07/2011, 05:54 PM
جزاكم الله خير ,, يالغالي مريت على ورشة أبو صالح وهو اللي غيرلي الشاكوش ولكن ماضبط \


وهو يقول غير الديلكو كامل ... والله اني في حيرة من أمري ما أدري وش اسوي
برهوش
14/07/2011, 12:00 AM
غير الديلكو عند ابو صالح اكتروني حق 98 وفوق وارتح
واذا ما ضبط رجع الأول منت خسران شي
خالد الزومان
14/07/2011, 01:52 AM
كم موديل موترك .……؟؟؟؟؟؟؟؟؟
اولا ًً: غير سلك الكويل الي بين الديلكو و الكويل ( بس يكون اصلي )
ثانياً : غير البواجي اذا ما كانت نفس الرقم هذا رقم BPF5
و انشاء الله يرجع موترك وكاله ، بالنسبه للديلكو الاليكتروني يركب بدون مشاكل
Abo gssar
14/07/2011, 02:18 AM
اخوي عشان ماتتوه وتضيع دراهمك انا صار معي نفس الشي وغيرك كل شي تقريبا مانفع الوضع معي الا بعد ماغيرت
الديلكو......
الزامل الاول
14/07/2011, 02:25 AM
سو ميزانيه مضبوطه للديلكو الديلكو يبغاله ميزانيه بس شف واحد خبره مو اي واحد يازنه لك لانه يبي يبهذلك لين ماتازنه م
الزامل الاول
14/07/2011, 02:26 AM
مضبوط والامر سهل
جهام - جهيم
14/07/2011, 01:59 PM
جزاكم الله خير يالغالين بس حبيت اسأل أخوي صادق الوعود غير ديلكو وخذت واحد اليكتروني او عادي ...


وموتري موديلة 91
Abo gssar
14/07/2011, 04:06 PM
غيرت عايدي والحمدلله ظبت معي 100%
جهام - جهيم
15/07/2011, 02:57 PM
جزاك الله خير .... باذن الله نغيرهــ .....

ويارب يضبط
أحمد محمد1429
15/07/2011, 10:26 PM
مبروك والحمدلله على العافيه ودي تتأكد من عمود الديلكو القديم هل فيه فضاوه ولالا لا ورد علي
شاص نيسان 93
16/07/2011, 03:24 PM
شيك على فيش الديلكو يمكن يكون منشعر ولا فيه تراب

واذا بتغير الديلكو ركب الكتروني وريح راسك .. وانحش من ابو صالح
AxR979
16/07/2011, 04:01 PM
شيكت على الكويل ؟
rayes3
16/07/2011, 05:13 PM
السلام عليكم
اخوي في ورشة النصار فيها باكستاني ممتاز وقديم في صناعية ام الحمام (المهيلب) وانت داخل من ورش هوندا على شارع الامير تركي تسال عن باكستاني اسمه امير باذن الله امورك تتسهل
sa3t
21/07/2011, 12:02 PM
شيك على العضمه البيضا الي فوق الكويل المبرد وصل بين طرفية بسلك اذازبط غير مبرد الكويل
صالح ابو وليد
22/07/2011, 02:32 AM
صفر البنزين على اخر شي وصب بالتانكي قاز بـ ريال واحد بس وصب عليه بنزين 91 او 95 بعشرين ريال
ويروح التقطيع وان حصل تمسك خط طويل واسرع شوي
http://www.mekshat.com/pix/upload05/images219/mk208734_4059508326_d84f3621d5.jpg
ولدحمد
23/07/2011, 05:23 AM
السلام عليكم ..
تصدق ان مشكلك نفس مشكلتي ؟
قسم بالله قد نقلته بسطحه من طريق الشرقيه مدخل الرياض لحد تشليح ابوعبدالله الصمعاني والسبه الكهرب ..
ولحد الان اعاني من نفس المشكله هبل بي طلع نخل براسي واشتغل به بنفسي طبعا ..
وكلن قال لي ركب الكتروني وباذن الله جاري البحث ولا ركب جديد ترا سعره 1400 كامل ..
وبالنسبه للقاز ماجربته بس بجربه باذن الله ولا ادري ناسن تقول لتر وناسن تقول لترين .؟؟ بلشت .!!
ونهاية وخلاصه الحديث يابعدي ديلكو الكتروني وارتح ..
وفيه حاجه مهمه ونا طبقته بموتري وهي اسلاك الهواء الي تدخل بالكربريتر تراه مهمه ولازم تركبه وتطبقه شد بلد ..
موفق يابعدي والله يحل عنا وعنك ..
اقول يازين مكينه الـ 5,3 بسس عز الله ان تعطيك ..
أحمد محمد1429
23/07/2011, 11:59 AM
أخوي ولد حمد ارجع لمشاركتي ورد علي
ابوالولد
23/07/2011, 02:36 PM
نصحية فكك من ابوصالح التركي وخرابيطه كل شغله يفكك من سيارات الزباين ويجرب كل هذي الدعايه
علشان اللوحه باترول حقة الورشة علمن ان ابوصالح الف نعم فيه وفي جماعته
ولدحمد
23/07/2011, 11:19 PM
مود تأكد من عمود الديلكو اللي يركب فيه الشاكوش قد يكون فيه فضاوه والحاله الآن اللي عندك أفتح على البليتين ويروح التقطيع بس تبي ترجع لأنه لوكان فيه فضاوه وزن البليتين مايضبط لأن العمود ماهو على إستقامته

هلا اخوي احمد ..
بصراحه ماااااادري !!!
بس اخر مره غيرت البليتين فتحته شوي ووزنته وزبط . والان رجعت نفس المشكله:D ..
بس الله العالم انك صادز انه من العامود !!
يارجال آآآآآآههه بس يامكينه 5,3 قسمن بالله العظيم انه عز عز عز وبسسس ..
بلا بليتين بلا الكتروني بلا اوزن هههههههههههه ...
<< هذا المكشاتي اندبلت تسبده :D ..
ربك يعين يارجل .
ذيب الفاو
23/07/2011, 11:43 PM
اخوي شوف طرمبة البانزين والعوامه اكيد المشكله منهم غيرهم وشوف بالتوفيق ..
برهوش
24/07/2011, 12:42 AM
ياناس الرجال ضبط السياراة ونتو الى الحين تعرضون حل للمكشله
جهام - جهيم
10/08/2011, 06:20 PM
لا والله وانا اخوك الى الحين ماضبط السيارة .. إلى الحين عندي المشكلة


الموتر وديته لابو صالح وهو اللي شاف الموتر وعلته وقال فيه شاكوش ,,,,, قلت غير وغيره والى الحين نفس المشكلة ... وادق عليه قالي بالتلفون ان الموتر اكيد ديلكو مابقى الا هو .. المشكلة الديلكو الإلكتروني بــ1850 تقريبا والعادي عند حقين قطع الغيار بــ 1500 يعني ناااار وفيه شباب قالوا ركب ديلكو باجيرو .. هم ركبوه وضبط معهم طبعا الكتروني وقيمته جديد اصلي بــ900 وانا والله محتار أخاف أغير بقيمه غاليه واخرتها ما يصير العله منها .... فانا ودي من اللي جربوا انهم يتكلمون جزاكم الله خير ..

الباكستاني اللي تقول بالغالي بادوره باذن الله وان شاء الله يضبط الموتر


وانا الظاهر اني بأغير الديلكو كاااامل إلكتروني
مفتووون
10/08/2011, 06:24 PM
فادوك الاخوااااااان وشكرا
قرم العيال
11/08/2011, 12:17 AM
غير الديلكو اكتروني حق 98 وفوق وارتح
وبل نجد
11/08/2011, 12:52 AM
شف وانا اخوك انا معي باترول 96 وبهذلني بهذله قسم بالله كرهت الموتر

لكن ولله الحمد طحت لي في سوري في الصناعيه القديمه قبل 8 سنين وغير الديلكو من عايدي الى اكتروني ولله الحمد ومن ذاك اليوم الى يومك وماشاء الله تبارك الله ماعاد عرفت شيء اسمه تقطيع وتفتفه ورمي

طبعا الديلكو حق 98 وفوق مكينه 4500
تخصص باترول
11/08/2011, 06:43 PM
يالربع مليييت من شيء إسمه اوزن الديلكو ,,, غير بليتين ملييييييييييييييييييييت

لي اسبوعين ونص وانا صايره عندي مشكلة في الكهرب والموتر يقطع والأر بي إم.... يكون مثلا عند رقم ثلاثة وإذا قطع الموتر ينزل للصفر ويرقى وينزل على طول وبعض المرات يطفى الموتر وبعض المرات يكتم إذا وصل الضغط عند الصفر ثم يرمي إذا دعست رمية بسيطه ,,, وألحين لو أدعس بالمورت كل الدعسه يرمي في وصل الضغط نهايته ..


مالكم بالطويلة ... الموتر الكربريتر نظفناه و غيرناه ننفس المشكلة << مب من الكربريتر :(
البواجي غيرناها<< مب من البواجي .:(
أسلاك البواجي فحصناها << مب من أسلاك البواجي :(
البليتين والبويبينه غيرتها << مب من البليتين والبويبينه .:(
الشاكوش غيرته << مب من الشاكوش .:mad:


الحل يالربع أبي الحل للي صارت له هالمشكلة تكفووون وانا والله صارلي متعطل عن سفر بسبب هالمشكلة ودي ازينه بأسرع وقت والله يجزاه خير اللي يدلنا على الخراب اللي فيه ...

وأبي أستفسر هل الخراب ممكن من الديلكو أو لا ... وهل ينفع الديلكو الإلكتروني للي مجربين وكم سعره مستعمل ووين أحصله ,,
========
بسم الله الرحمن الرحيم
السلام عليكم وحمه الله وبركاته
اول مشاركه لي فهالمنتدى ويشرفني اكون عضو عندكم واكون فعال
========
نبتدي في مشكلتك يا اخ جهام
انا حصلتلي هالشغله وتعبت مثلك مابقى شي الا وغيرته وعدلته ومابقى ورشه الا طبيتها ودخت
لاكن المشكله طلعت عندي بسييييطه وتاافهه جدا جدا جدا بقدر ماتصور كلللش
والمشكله طلعت فيه سلك يطلع من الديلكو او من البوبينه والله ماني عارف
بس المهم انه سلك ويجي فيه فيش (وصله كلبس)
الوكاد انه لا جاه ماي ولا غبار يسوي الموتر مثل ماقلت يرمي وساعات يطفي وساعات مافيه شر مامن احسن منه
ماطول عليك وعليكم
الحل ان تقص الفيش هذا (وصله كلبس) وتوصل الواير بتوصيله سلك عادي وتيبه مزبوط والموتر يرجع كما كان وجيه الكهرب عدل ١٠٠٪ للمعلوميه يوم سويت كذا الموتر رجع على حاله وزاد نشاطه والموتر استخدمته بعد هالحاله وهالطريقه ٨ شهور وماعليه كلام ولا رجعتلي الحاله. المشكله كانت قبل فيه لوس الفيش لاتحرك مع الهوا او المطبات فالمشي يتحرك السلك يفصل الكهرب ويرجع للسياره مره ثانيه عشان كذا يرمي وساعات يكتم وساعات يتفتف الموتر وساعات يطفي ولا يشتغل
مكان السلك اول ماتفتح الكبوت تلاقي السلك علا اليمين قريب من هوز الماي العلوي وقريب من اول بكره على اليمين يجيك فوقها سلك لونه اسود تشوفه تقول سلك ماله دخل بس راح تلاقي فيه فيش رصاصي او ازرق فاتح هذا هو قص الواير وقط الفيش وصل الواير وتيبه مزبوط وحاول انه يبعد عن سير المكينه (البكره) لاتقطعه ولاتحاول تقربه من خرطوش الماي او يلصق فالمكينه ابعده من هالاشياء
التكلفه ابلااش خخخخخ شغل يدي راس الشغل واير تماام وتيب اصلي
========
والسموحه على الشرح الطويل... وانشالله يزبط موترك
واي سؤال انا حاظر
وانشالله افيدك وافيد الجميع
جهام - جهيم
12/08/2011, 03:40 PM
الله يعافيكم جميعا ... ويجزاكم خير والله يحييك يا اخوي تخصص باترول وماقصرت ياغالي .. نبي نجرب اللي قلت