المساعد الشخصي الرقمي

مشاهدة النسخة كاملة : دآب النفــــود ...... الله يكفينـــآ شرهـــآ


خوي مخباته
12/07/2011, 11:53 PM
بســم الله الرحمن الرحيم


السلام عليكم ورحمة الله وبركاته



حيـآكم الله اخواني المكشـآتيه مشرفين واعضـــآء وزوّآر وقرّآء ...



إليكم هذه القصــه الوآقعيه .. التي حدثت لوآحد من ربع الوآلــــد



في يوم من ايـــآم العيـد ايـآم صيف " قيض "


عزّم الوآلــــد و " 7 " من ربعـه انهم يروحون لمزرعــه في نفود الوشـــم " على جـآل النفود "


وبالفعل بعد ماجتمعو قررو انهم يمشون صبحيـــه .. وشدو الرحـــآل واتجهو للمزرعــــه
وصلــــوا الصبـآح بدري .. وسعو في غدآهـــــم .. وبعد مـآتغدو
حبّو يطلعون على النفود يتقهوون شـــآهي ..


وكان ارتفــآع النفود عن المزرعه تقريبـــآ من 15 للـ 20 متـر تدريجي ..


وكـآن من بين سوآلفهــــم .. ودار النقـــآش حول نوم الليلــه ووالدي والبعض منهم يؤيد النوم في النفــود والبـآقي يأيدون النوم دآخل بيت المزرعه حمـــآية لهم من الخشــآش "وخـآصة دواب النفــود " وخــآصه ام جنيب اللي تسمــى ( البثن )...


المهــم .. جا المسـآ ومن ضمن المؤيدين للنوم في النفــود 2 مع الوآلـــد ..


واحد منهم لك عليه شوي على قولة البدو " عليه من الله ضلآل "



خذو فرشهـــم ورقو النفـــود اللي مقــآبل للمزرعــــه ,,, فرشوا فرشهـــم وهـآك الهوا البـآرد والمطـآرح ثلّجت ... هوآء نقي مشــخول ..


سواليف وكل واحد على فراشه ... وخذهــم النوم وراحو في نومـــه..


اللي عليه من الله ضلآل اصبح يصوّت تصويت خفيف يـآلله ينسمــع .. سـآعه ينـآدي للوالـد وسـآعه ينـآدي خويه ..


يقول الوآلـــد اننا بين حلـم وبين علم ,, حتى تأكدنا انه يصوّت بصوت هآدي ..


وعى له صـآحبنـــآ صديق الوآلــد .. قـآله : وش فيـــك .!!؟ سلامـآت !!


قـآله اللي عليه من الله ضلال : تكفــى .. تكفـــى


قـآله صـآحبنـآ : ابشر بعزك .. وش بغيت بس !!


قـآل اللي عليه من الله ضلال : تكفى الداب دخلت مع كمي وراسها في علو كتفــي اونسهـــآ تمشي في كمــي ..


قـآله صـآحبنـآ : وش تبيني اسوي .. بس انت لاتتحرك !!


فكرت : اني امسكهــآ مع رآسهــآ و"" اضغـط ""اصابعي في رآسهــآ ونسحبهـآ !!
أو اني افرك رآسهــآ عشان ماتقرص الرجــآل


قمت بالعمليه وطبقتهـآ بحذافيرهـــآ .. ويوم انكسر العود في يـــدي


أثآريه عود سبـــط " > شجر في النفود داخل في بداية كمه من الهوآ ومع حركته وهو نـآيم كل ماله ويتقـــدم لحد ماوصل اعلى كتفه ...



رآحت ضحكه ذيك الليـــله .. وصـآرت سالفـه...




شـآكرين لكم قرآءة القصــــه ... :)


ونعــــدكم بالمزيــد :good:
رسن
13/07/2011, 12:06 AM
هههههههههه لاحول الا بالله روعكم بس الحمد الله جات سهالات
سما وماء
13/07/2011, 12:16 AM
ههههههههههههههههههههههههههههههههههههههه

الله يسعدك

والله اللي سرى عليهم والسالفه كلها عود شجره ههههههههههههههه

الله لايبلانا ترى الواحد ان حس بشي يمشي عليه نقز من مكانه

ويمكن يحوس الجلسه

يعطيك العافيه وبيض الله وجهك وننتظر جديدك القادم بكل شوق
قوافي ( أم نهار )
13/07/2011, 12:26 AM
حياك الله اخوي
نحمد الله على السلامه مهوب ناقص الرجال زود على ما عنده
ويسده الروعه اللي جته ونهايتها عود
وش تلاقيه يوم درا
اذكر مره وحنا صغار شفنا ضلال بعير بارك ورا حدى الخيام ونحسبه حرامي ولابس طاقيه والنهايه بعير
مشكور اخوي سالفه ممتعه كعادتك
***
تحياتي.اختك
..قوافي..
محمد الظاهري
13/07/2011, 01:36 AM
من اكثر الاخطار في فصل الصيف
ولكن يجب على البشخص ان ياخذ حذره اشد
ما يمكن

بارك الله فيك يا اخي
وتحيااتي
ابو الشبرميات
13/07/2011, 02:40 AM
مشكور على السالفة الممتعة

***

وتقبل مروري وشكري

,,,
أبوسليمان السهر
13/07/2011, 03:53 AM
ههههههههههه شر البلية مايضحك أضحك الله سنك الغالي
سليمان الربيعان
13/07/2011, 11:13 AM
هههههههههههه الواحد لمنه صار خايف من شي قام يوسوس
بارك الله فيك على السرد الرائع...
تستحق ****
مكشاتي ١٤٣٢
13/07/2011, 11:23 AM
الله يحفظ الجميع
yms002
13/07/2011, 11:25 AM
هههههههههههههههههههه الحمدلله لاعاد يتعودها
وردة النفل
13/07/2011, 12:36 PM
:p
قصه ظريفه :p
تستاهل نجمتين http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif
بانتظار روائعك خوي مخباته :p
النبهاني
13/07/2011, 01:40 PM
وعليكم السلام ورحمة الله وبركاته
هلا والله بخوي الغالي خوي مخباته
حسبي الله على ابليس كل هالهبله وآخرتها عود
الله يعطيك العافيه
تستاهل ها لنجوم
* *
عاشق الجكسار
13/07/2011, 01:46 PM
ههههههههههه
خوي مخباته
13/07/2011, 02:21 PM
ههههههههههههههههههههههههههههههههههههههه



الله يسعدك


والله اللي سرى عليهم والسالفه كلها عود شجره ههههههههههههههه


الله لايبلانا ترى الواحد ان حس بشي يمشي عليه نقز من مكانه


ويمكن يحوس الجلسه


يعطيك العافيه وبيض الله وجهك وننتظر جديدك القادم بكل شوق



مشكوووووووووووووور: سما وماء
اخوي لاهنــــــــــــــــت علمرور ويعطيك العافيــــــــــــــــــــه وجهك ابيض
وكذلك نعـــــــــــدك بالمزيــــــــــــــــــــــــــد
خوي مخباته
13/07/2011, 02:58 PM
هههههههههه لاحول الا بالله روعكم بس الحمد الله جات سهالات




مرحب بك اخوى : رســـــــــــــــــــــن .... وياهلا والف هلا
ومشكوووووووووور على المرور الجميل وردك الاجمل
والله يديم المحبـــــــــــــــــــه والتقديــــــــــــــــر ,,,,,,,
مخاوي دابذريع
13/07/2011, 03:05 PM
هههههه أكيد حط العود تذكار ......
خوي مخباته
13/07/2011, 04:21 PM
حياك الله اخوي



نحمد الله على السلامه مهوب ناقص الرجال زود على ما عنده
ويسده الروعه اللي جته ونهايتها عود
وش تلاقيه يوم درا
اذكر مره وحنا صغار شفنا ضلال بعير بارك ورا حدى الخيام ونحسبه حرامي ولابس طاقيه والنهايه بعير
مشكور اخوي سالفه ممتعه كعادتك
***
تحياتي.اختك


..قوافي..

مرحب : اخت قوافي ............. والله ردك وافي
ولاهنتى على كتابت الرد مشكووووووووووووووره
ودمــــــــــــــتى ....................... وسلمتـــــــــــــــى
aooa
13/07/2011, 04:37 PM
واحد من زملاي بالعمل راعي قنص
المهم


ذاك اليوم وبعد ما تغدى على صيده واكيد صيده طيور


وهو لحاله يقووول نمت في ذاك الشعيب وانا نايم صحيت على قرصه عقرب ...


والرجال معه حساسيه قويه حتى العقرب يمكن تقتله


يقول والم فراشي واغراضي بسرعه وعلى الموتر


وكل ما طب الموتر لدغته العقرب في بطنه واحيانا
في اسفل ظهره وهو متجه لاقرب مستشفى وما فكر يشيل العقرب لان مامعه خوي ويخاف السم ياثر عليه


المهم يقول وصل مستشفى في مدينه بين الرياض والقصيم وش معك قال معي لدغات عقرب وانا معي حساسيه واخاف ياثر قالوا رح على ذاك السرير


لين نحضر المصل .. يقول انسدحت على السرير الا والله العقرب مواصله قرص .. يقول وانا اللي انزل ثوبي والفنيله الا ذاك غصن شوك صغير من الاشجار


اللي اطلع الطيور منها بعد صيدها ... يقول وانا البس هدومي وامسك الباب ....
خوي مخباته
13/07/2011, 08:08 PM
هههههه أكيد حط العود تذكار ......
مرحب ..... مخاوي داب ذريـــــــــــــــع
اخوي لاهنــــــــــــت على الرد الجميل ....و.... اكييد حط العود تذكار انا الى
اتذكره حطه بدل عقرب الســـــــــــــــاعة ........,,,,,, ؟؟؟؟ !!!!!
مشكووووووووووووور على المرووور ...... والشرطـــــــــــه ,,,,
خوي مخباته
14/07/2011, 04:38 AM
حيـــــــآكم الله ,,,,



يعطيــــــكم العـــآفيه جميعـــآ ... على الردود والمشــآركـآت الرآئعه :)



نورتوا المتصفـــــح .. مـآننحرم منـــكم .. :)
كيفي سعودي..؟
14/07/2011, 05:15 AM
وعليكم السلام ورحمة الله وبركاته
هههههههههههههه كل ذا السالفه اخرتها عوووووووووود
لعب باعصابكم على الفاضي الله يهديه
ههههههههههههههه
النمرالأليف
15/07/2011, 02:27 AM
اهم شيء لا يصير خرط غداه وعشاه قبل يعرف النهايه شكراً لك على هالقصه دمت بود
مريقب العيفار
15/07/2011, 02:43 AM
سرد جميل

واسلوب اجمل

كل الشكر لخوي مخباته على جهوده
احساس هاوي
15/07/2011, 03:42 AM
هههههههه استغفر الله طلع عود اجل ياناس المفروض الواحد لانزل منزل جديد يقرأ ورده ويتوكل على الله والله لو انه بوادي سباع وجنون اهم شي الورد وعلى طاري سالفة الداب ذكرتني بسالفه قديمه ولا اتذكرها صح لاكن بقول الي اعرفه إنه كان فيه شخص نايم وجات الداب ودخلت بحضنه من تحت الثوب وينادي على اخوياه بصوت خفيف لين نبهم عن الداب المهم اخوياه فكرو فكرو وجابو لهم طريقه حلوه وهي انهم يجيبون الجمر بملقاط من فوق ثوب الرجال ويسوقون الداب لين طلعت منه وذبحوها على ما اعتقد كذا السالفه ومشكور اخوي على الموضوع
ابو عمررر
16/07/2011, 03:15 AM
بارك الله فيك
رسلان الوايلي
16/07/2011, 03:30 AM
ههههههه الله يعطيك العافيه وننتضر جديدك
خوي مخباته
19/07/2011, 12:43 AM
كيفي سعــودي .. النمر الاليـف ..مريقب العيفــآر ..احساس هاوي ..ابو عمر ..رعي الجيب



حيـــــآآآكم الله ..

نورتو المتصفـــح .. يعطيـــــكم العــآفيه :)

اسعـــــدني توآجــــدكم
الهواويه
19/07/2011, 04:02 AM
قصه رااااائعه ربي يسعدك
اجل اخرتها عود هههههه
تحيتي لك
خوي مخباته
19/07/2011, 11:10 PM
الهوآويـــه ,,

اشكــرك على ردك .. نورتي :)
..نجد..
19/07/2011, 11:13 PM
يعطيك العافيه
دل البحار
19/07/2011, 11:17 PM
ههههههههههههـ
ياهي سالفه والله تروع
لكن حلوه منه يصيح ماقدر يتحرك
abdul323
19/07/2011, 11:24 PM
حلوة والردود أحلا
يوسف الخليفة1
20/07/2011, 02:29 PM
وعليكم السلام ورحمة الله وبركاته

الشكر الجزيل أخي العزيز خوي مخباته
أبوتركي V8
20/07/2011, 02:39 PM
هههههههههههههه

مشكور
انسانه؟
20/07/2011, 03:04 PM
الله يسعدك ياخوي مخباته عالقصه الرائعه..
روعهم المسكين ,,
الله يعطيك الف عافيه سردمشوق للسالفه.
القنصل,,,
20/07/2011, 03:20 PM
حلو هالسالفه والله ماله لايم البر وخشاشه يخوف
هاوي عبث
20/07/2011, 08:25 PM
هههههههههاي

الله لا يلومه المسكين يحق له الخوف مليح يا خوك بس زين انه ماتحرك

والله يابتجيه فرحه عقب شدة الاعصاب وبيحرم ينام في النفودhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif

الله يجزاك خير وماقصرت ولك مني
abdulaziz_1414
21/07/2011, 08:59 PM
الله يعطيك العافيه
محمد الدوسري ٢٠٥
21/07/2011, 11:38 PM
الله يعطيك العافيه
خوي مخباته
23/07/2011, 11:10 PM
حيــــــآكم الله .. اخوانـــي المكشــــآتيه :) اسعــــدتني ردودكـــم ..

ممـآيشجعنــي على كتآبة قصص أكثــر :) ||,,


نورتــــوا المتصفـــــح .. يعطيـــكم العــآفيه
خوي مخباته
06/09/2011, 06:15 PM
حلو هالسالفه والله ماله لايم البر وخشاشه يخوف


مرحب بـــــــــــك
اخوى " القنــــــــــــصل وياهلا وسهــــــــــــلا
ردك اســــــــــــــــــعدنى ووجودك افلج صدرى
مشكوووووووووووووووووور .... تحيـــــــاتى
ولد حرب 2011
07/09/2011, 12:13 PM
من عذره تلقاهم خارشينه بسواليف الديبان قبل النوم
خوي مخباته
07/09/2011, 01:41 PM
من عذره تلقاهم خارشينه بسواليف الديبان قبل النوم


" ولد حرب " 2011
يامرحب بـــــــــــــــــك وبردك
والله منوور وياهـــــــــــــــــــلا اخوى
تحيــــــــــــــــــــاتـــــــــــــــــى
خوي مخباته
19/09/2011, 08:37 PM
ههههههههههههـ
ياهي سالفه والله تروع
لكن حلوه منه يصيح ماقدر يتحرك



مرحبا بــــــــــــك عزيزي " دل البحــــــــار "
مشكوووووووووووور على الرد
............. وتحـــــــــــــــــــــــياتــــــــــــى........ ......
Al3rands
20/09/2011, 02:02 PM
هههههههههههه الخوف ومايسوي
خوي مخباته
20/09/2011, 07:31 PM
هههههههههههه الخوف ومايسوي


هلابــــــــــــــــــك اخوي " Al3rands "
يسعـــــــــــــــــدني ردك ومشكووووووووووووووورر
............. تحيــــــــــــــــاتـــــــــــي ..............
ẤℓqηαṣṤ ««•
22/09/2011, 04:48 AM
ههههههههه

يعطيك الف عافيه

تقبل مروري
خوي مخباته
22/09/2011, 12:07 PM
ههههههههه



يعطيك الف عافيه


تقبل مروري




هلاء و غلاء اخوي وخبيـــــــــرنا العزيـــــــــز " ẤℓqηαṣṤ "
مرحبـــــــــــــابك والله منور المتصفح ومشكووووووووووورر على الرد
والله يــــــديــــــــــم المحبـــــــــه والتقــــديـــــــــــــر.
.................. تحيـــــــــــــــــاتــــــــــــــي ...................
برادو 99
22/09/2011, 12:34 PM
شكله من يوم نام وهو يفكر في الداب
خوي مخباته
22/09/2011, 02:13 PM
شكله من يوم نام وهو يفكر في الداب


هلا بــــــــــــــــــــك اخوي " البرادو 99 "
حيـــــــــــــاك الله ,,,,,,,,
ومشكوووووووووووورر على الرد والله يديـــــــــــم المحبــــــــــــــه
................. تحيـــــــــــــــاتــــــــــــــي .................
ياهوااا
23/09/2011, 05:19 PM
مشكور وتقبل مروري
خوي مخباته
23/09/2011, 08:52 PM
مشكور وتقبل مروري


ياهــــــــــــلا بـــــــــــــــــك : اخوي " يـــاهــــوااا "
منور مرورك ومشكووووووووو على الرد الجميـــــــــل
................. تحيــــــــــــــــــاتــــــــى ..............
صاحب الكشتات
23/09/2011, 10:45 PM
صحيح المثل (من اكله الداب روعه الحبل)
المنصف5
24/09/2011, 10:10 AM
ما أشبة اليوم بالبارحة ....زرت أمس بمناسبة اليوم الوطني القرية القديمة بأشيقر .... خذت العيال عقب صلاة الجمعة قلت أعرفهم على حياة منول ..المهم مشينا من الرياض وحدة ونصف وصلت هناك باشيقر مع إقامة صلاة العصر ....تغدينا عينا من خير ثم دخلنا اشيقر القديمة وتمشينا .....خلصنا قبل المغرب ثم طلعنا ناكسين للرياض يوم وصلنا حول النفود اللي ذكره الرجال بالسالفة لينا أنا والعيال نسولف مثل سوالفه نصلي المغرب ونتقهوا واللي يقول كان دّورتوا محل غير النفود خوفا على الصغار من الخشاش المهم سدّحنا الصغار النايمين على الفرشة بالنفود اللي على ما قال أخونا براد مشخول .... تخبر شوي إلا هالخشاش كل شوي نافضين شيء .....الشاهد سبحان الله .....لما ذكرت من خلال هالسالفة لعلى الله ينفعنا .بها...( إن المكان هو هو والنفد هو والخشاش هوهو لكن الناس اللي تغيرت ) تفكروا..... أولاً ماياصل هالمكان من أولا إلا رجاجيل تخبرون بعارين ودواب أعزكم الله حمير وغيرها وكان أهل السالفة الأولة رجال وكبار سن وأمس الجمعة كان القصة ممزوجة وفيها أطفال ونساء وقهوة وشاهي .. وكانت بنفس المكان لكن على حديد وسيارات ..لكن فيه فرق الأوليين ناموا على النفد لكن حنا يالتالين ما قعدنا مايجي ثلث ساعة قبل ما نحس بسبط شجرة أوغيرة بس على طاري الخشاش قمنا هههههههههههه...الله المستعان ....وسلامكتم
خوي مخباته
24/09/2011, 11:16 AM
اخوي " المنصـــــــــف 5 "
لاهنت وبارك الله فيـــــــــــــك ومشكوووووووووووور على الرد وكذلك مشكوووووووور على النصــــــــــــيحه
والتذكيـــــــــــــر وصحيح كلامــــــــــــك وين الى يتذكـــر؟ ويتفكـــــــــــر؟ وفى النهـــــــايــــــه كلامك من ذهب
............................... تحيـــــــــــاتـــــــــــــي ................................
خوي مخباته
25/09/2011, 01:35 PM
صحيح المثل (من اكله الداب روعه الحبل)



هلابـــــــــــــــــك اخوي " صـــــــــاحـــــــــب الكشـــــــــــــتات "
منور حضورك ولاهنت على الرد الجميـــــل ..
وصحيح المثل يقول : من عضــــــــــه الداب خــاف من الحـــبل :
............. تحيـــــاتــــــي ..............
خوي مخباته
24/07/2013, 04:15 AM
اخواني المكشاتيـــــــــــــــــــــــــــــــــــه : مشكووووووووووووورررين على الردوووود
وبارك الله بيـــــــــــــــــــــــــكم والله يديــــــــــــــــم المحبــــــــــــــــــــه ,,
...................................... تحياتي للجميـــــــــــــــــــــــع .................................