المساعد الشخصي الرقمي

مشاهدة النسخة كاملة : كمبرسر مكيف الباثفندر 2004 راح فيها وابي حل ....


راعي النيسان
13/07/2011, 12:50 AM
http://i753.photobucket.com/albums/xx171/sharar6006/icon/c57c9df6.jpg


اخواني هذي قصتي مع مكيف السياره .. باثفاندر 2004
المكيف يبرد عشر دقايق وبعدها يفصل ولا يشتغل والهواء اللي يخرج هواء مروحه

وديت السيارة لمهندس مكيفات وقاس الضغط حق الكمبرسر وقال ضعيف ولا فيه ضغط
وانا اقدر اصلحه لك واتفقنا وفك الكمبرسر وركب له بلف ورجعه مكانه
ومشيت من عنده ولا وصلت البيت الا وهو مثل ما كان ..

ورجعت له وفك الكمبروسر مره ثانيه وركب بلف مره ثانيه ..
وشغل المكيف الا وهو بارد .. وقال هالحين تمام ..

ولا وصلت البيت الا وهو مثل ماهو .. ورجعت له ويوم شافه ما يبرد
كان يعيد للمحفظه واخرج لي فلوسي وقال عندك الكمبرسر خربان يحتاج لتغيير ..

ورحت اسعر الكمبرسر والقاه بعد التخفيض بقيمة ( 3500 )ريال

هالحين هذي قصتي مع المكيف ...

سؤالي ..
هل من طريقة لأصلاح الكمبرسر غير التغيير ؟؟
هل فيه كمبرسر مشابه لكمبرسر الباث ويركب محله ؟؟
وش السواه في هذا الكمبرسر .. تعرفون الصيف جاء والسياره بدون مكيف ما تنطاق


مكان الأقامة في ينبع

منتظر شورتكم

ومشكورين مقدما ..
الباثفندر 3.5
13/07/2011, 02:02 AM
الله يعينك فعلا الجو نار هالايام و الرطوبه مو مقصره
شوف كمبريسر الباث خرب عند واجد غيرك
الحل تركيب كمبريسر مكسيما وكاله جديد و سعره ارخص و يركب بدون ترهيم
او انك تشوف التشليح و تشرط عليه كفاله على الكمبريسر بعد التركيب
راعي النيسان
13/07/2011, 02:45 AM
مشكور اخوي ( الباثفندر ) على مداخلتك ومحاولة مساعدتي

بحاول اسأل عن كمبرسر المكسيما وربك يعين

لكن ما قلت لي هل فيه موديل معيّن اسأل عنه والا اي موديل للمكسيما



اكرر شكري لك اخوي
خوي الجمس
13/07/2011, 03:14 AM
اخوي
اتكلم من باب تجربة على جميع انواع السيارات (لأني عندي ورشة لذالك يمر علي انواع المشاكل )
ابتكلم على عموم السيارات
اذا رحت الى فني التكييف قله يفحص رديتر المكيف اذا قالك الرديتر وصخ ومع الوصخ رايش حديد افضل حل لك التالي
تبديل الكمبرسور + خزان التكييف + فلتر الصغير موجود في المواصير +رديتر المكيف

اذا قالك انه وصخ فقط يعني مافيه رايش حديد
غير الكمبرسور +خزان التكييف +الفلتر الصغير + تنضيف رديتر المكيف بلبانزين و بخاخ الكربليتر (اسي ديلكو)

مع العلم ان اغلب الكمبرسورات الموجوده في التشليح فيه عيوب لذالك
خذ جديد وارتح من الروحات والجيات
راعي النيسان
13/07/2011, 04:42 PM
مشكووووور اخوي خوي الجمس على المداخلة

الواحد ودّه بالجديد اللي من الوكالة لكن السعر حييييل غالي ..
والظاهر ان ماعننا وعنه

يعطيكم ربي العافية
ومنتظرين باقي الأخوان يدلون بدلوهم
راعي النيسان
13/07/2011, 10:21 PM
السلام عليكم ورحمة الله وبركاته

اخواني وجدت في موقع الأي باي كمبروسر جديد للباث فاندر 2004
هذا هو موقع الكمبروسر (http://cgi.ebay.com/ebaymotors/NEW-AC-COMPRESSOR-CLUTCH-NISSAN-PATHFINDER-QX4-_W0QQcmdZViewItemQQfitsZYearQ3a2004Q7cMakeQ3aNissa nQ7cModelQ3aPathfinderQQhashZitem43a693b339QQitemZ 290557506361QQptZMotorsQ5fCarQ5fTruckQ5fPartsQ5fAc cessories)


بمبلغ 1200 ريال تقريبا وعندنا السعر 3500 ريال

فهل هذه الصورة هي لكمبروسر الباث فايندر

http://center.jeddahbikers.com/uploads/jb13105846161.jpg
adel919
26/07/2011, 12:28 AM
ياخي انا صارت لي نفس مشكلتك ورحت لكذا ورشة وغيرت البلف بس ما نفع معي.

هل جربت الكمبرسر عن طريق موقع الإي باي؟

هل جربت كمبرسور المكسيما ومشى معك الحال؟
adel919
27/07/2011, 01:41 AM
تم حل المشكلة. غيرت البلف اللي في الكمبروسر اي سي ديلكو ب85 ريال وغيرت بلف ثاني موجود حول مكان التعبئة حق الفريون بنهاية الماصورة وهي داخله على البدي قيمة القطعة أصلي 190 وغيرت العلبة حقت الفريون لأنه كان فيها صوت رايش حديد والأمور إلى الآن ماشية عساها دوم. فيه يماني جيد في الصناعية القديمة على الشارع اللي فيه الصبات.
4800VTC
30/07/2011, 02:19 PM
يا الغالي
انا صارت لي نفس المشكلة الي صارت لك
برد المكيف تقريبن ساعتين وبعدين:mad:هوا حار

وكنت خارج منطقتي يعني اوضع لا احسد علية
وكل ما جيت كهربائي قال (كمبرسر بدل )على قولتهم
لين هداني الله لواحد وكان فاهم قال شغلي 300
حق الفريون 200 ريال وشغل يدي 100 واذا ما صلح المكيف لا تعطيني شي
اتفقنا وفك الكمبرسر لي والشغلة الي سواها انة( طلع البلف)اللي داخل الكمبرسر
وخلاه بدون بلف ورجع الكمبرسر لمكانة وعبا فريون
وصار تبريد المكيف :good2: ماشاء الله الى الان
راعي النيسان
13/08/2011, 12:19 AM
مشكورين ويعطيكم ربي العافية

تم شراء الكمبرسر ومنتظره يوصل من الأي باي

هذه صورة الكمبرسر وربنا يستر عساه يطلع هو

http://upload.7ozn.com/files16/13131841181.jpg




http://center.jeddahbikers.com/uploads/jb13105846161.jpg
راعي النيسان
17/08/2011, 10:13 PM
السلام عليكم ورحمة الله وبركاته


الحمد الله وماشاء الله تبارك الله
وصل الكمبرسر وتم تركيبه وماشاء الله ما يحتاج شغال


وهذي صورة معلومات الكمبرسر في ألأي باي
http://upload.7ozn.com/files16/13131841181.jpg



وهذي صور الكمبرسر لكن المعذره التصوير بالجوال



http://img105.herosh.com/2011/08/17/615218424.jpg




http://img105.herosh.com/2011/08/17/396005548.jpg






وهذا الكمبرسر جاهز للتركيب


http://img105.herosh.com/2011/08/17/267915723.jpg





وهذا الكمبرسر القديم


http://img105.herosh.com/2011/08/17/396163839.jpg




وسلامتكم
منصور الفايز
17/08/2011, 10:18 PM
على البركه الجديد

والله يوفقك ان شاء الله
العرض داري
18/08/2011, 02:10 AM
الله يعطيك خيره
والله الكمبرسر غاالي توني مغيره لكامري
راعي النيسان
20/08/2011, 10:28 PM
الله يبارك فيك اخوي منصور
الكلاسك
20/08/2011, 10:35 PM
من 3500 قيمة الكومبرسور الى 1200!!! يووو تعدو مرحلة اللصوصيه وقطاع الطرق !!!
deeer
20/08/2011, 11:10 PM
قيمته 1200 مع الشحن ولا بدون طلع عليك ؟
راعي النيسان
20/08/2011, 11:46 PM
هلا اخوي deeer

كلفني الكمبروسر 1325 ريال شراء + 625 ريال شحن عن طريق ارامكس

يعني التكلفة الأجمالية تقريبا 2000 ريال ووفرنا 1500 ريال

تحياتي
الغفيلي
25/08/2011, 05:25 AM
سلام عليكم
يا راعي النسيان هو اصلي وكالة ولا تجاري ويركب لسيارتي قير عادي 2005
واللي يبي له واحد تفزع له يا ذيبااان وابشر بسعدك والله ان سعرة بالوكالة طامه
ولو ترسلي رقمك على الخاص استفسر منك اكثر يكون افضل .
طرّاش
25/08/2011, 07:35 AM
ماشاء الله ياراعي النيسان الله يبارك لك فيه
الغفيلي
26/08/2011, 02:03 AM
يا راعي النيسان
الغفيلي
26/08/2011, 03:47 PM
مالظاهر حولنا احد الرجال شكله نسى الموضوع ما يشيك عليه يا شباب من يعرف للموقع اللي مشتري منه راعي النيسان الكمبرسن لاني سجلت فيه وعجزت اشترية كل انجليزي وانا اللغة مامن
طرّاش
27/08/2011, 02:33 PM
اخوي الغفيلي ,, اذا ماتعرف تتعامل مع الموقع ترى فيه ناس يشترون لك من برى وياخذ عليك 50 ريال
ابحث عنهم بالانترنت بتلقاهم
الغفيلي
29/08/2011, 04:37 AM
ما فهمت وشلون من برى يعني وين وكيف اللقاهم قلي اسم موقع او شئ لا هنت
الغفيلي
19/09/2011, 01:57 PM
!! PING

!!!!!!!!!!!!!!!
راعي النيسان
19/09/2011, 02:36 PM
شاكر لك من مر على موضوعي
وسبب طرحي للموضوع حتى لا نجعل الوكلاء يتحكمون بنا طالما هناك فرصة للشراء من الخارج

اخوي الغفيلي آسف على التأخير نظرا لأنشغالي
ارسلت لك رسالة على الخاص

تحياتي
راعي النيسان
19/09/2011, 02:50 PM
اخوي الغفيلي هذه معلومات عن الكمبروسر اللي يركب على الباث فايندر 2005

هذه صورة المعلومات ولاحظ كم سعره بالدولار
السعر اضربه في 3.85 يطلع لك بالريال

http://img101.herosh.com/2011/09/19/846761284.jpg

وهذي هي صورة الكمبروسر

http://img103.herosh.com/2011/09/19/445037219.jpg




وهذا رابط الكمبروسر في الأي باي

http://cgi.ebay.com/ebaymotors/NEW-GENUINE-OEM-AC-COMPRESSOR-CLUTCH-PATHFINDER-/120702565769?pt=Motors_Car_Truck_Parts_Accessories&fits=Make%3ANissan%7CModel%3APathfinder%7CYear%3A2 005&hash=item1c1a6efd89
فايق ورايق
19/09/2011, 09:49 PM
المشكللة بوزنه .......اذا بغيت تجيب شي وزنة ثقيل اشحنه عن طريق واصل...تراهم يعطونك عنوان في امريكا زي ارمكس..واصل ارخص بالشحن بس يطولون حبتين
يوسف--
18/04/2012, 12:59 PM
السلام عليكم ورحمته الله وبركاته

اخوي راعي النيسان كنت ابي ارسلك رساله خاصه بس حاط منع انت
اخوي انا بعد نفسك الكمبريسر على نهايته وسعرته مثل ماانت تفضلت حول 3000 وشفته بموقع امريكي نفسك
ابي اقولك كيف الكمبرسر معك هل هو وكاله وكاله ولا تجاري ولانوعيه ثانيه وكيف برودته ثللج مثل الوكاله ؟
انتظر اجابتك يالغالي
Magellan
21/04/2012, 09:11 AM
مادام راعي الموضوع مبطي ماجاء جعله سالم فأنا ابفزع واعقب
الحين الكمبروسور عليه عرض سعره 288.25 دولار
اضربه بـ3.88 ريال يطلع حدود 1110 ريال
والواضح ان حجمه 17 رطل يعني 8 كيلو وفيها
،،،احسن طريقة لشحنه عن طريق ورلد شيب 1
https://www.worldship1.com/Rates.aspx?lang=ar
والموقع عربي
ادخل عليه وشف حساب 17 رطل ، وطالع نتيجة الاقتصادي يطلع 118
اضربها 3.75 =442.5 ريال
طبعا انت اذا شريته تشحنه لصندوقك في امريكا ثم من صندوقك الى السعودية
من صندوقك الى السعودية ياخذ 5 ايام
بس الحقوا عليه
واذا بغيتوا طرق فتح صندوق ونحو ذلك شوفوا هنا راح تستفيدوا
http://www.adslgate.com/dsl/forumdisplay.php?f=83
يوسف--
22/04/2012, 10:10 AM
الله يعطيك الف الفف عافيه ماقصرت

الحمدلله بس الي ابي اعرفه هل الكمبريسر اصلي نفس الوكاله ولا شركات ثانيه او تجاري ..؟
يستاهلها
07/06/2012, 04:50 PM
ماشاء الله تبارك الله

طيب ياليت تعلمونا تكفون هل هو اصلي ولا لا !!
Magellan
14/06/2012, 08:50 PM
هلا اخوي يستاهلها كلمة GENUINE معناته اصلي شد بلد
لكنه ماعاد هو موجود منه وانقطع حق اخونا راعي النيسان
لكن فيه بديل لشركة امريكية مختصة بتصنيع القطع ومنها الباثفايندر وقد تكون افضل من شد البلد
توكلوا على الله واشتروه
http://www.ebay.com/itm/NEW-AC-COMPRESSOR-CLUTCH-NISSAN-PATHFINDER-QX4-/290557506361?pt=Motors_Car_Truck_Parts_Accessories&fits=Model%3APathfinder&hash=item43a693b339&vxp=mtr
الغفيلي
03/09/2012, 06:48 AM
السلام عليكم ورحمة الله

اسعد الله اوقاتكم عساكم بالخير الجميع وسالمين

ياخوان اللي جرب الكمبرسن اللي قال لنا عنها اخونا ماجلان الله يجزاه عنا خير وكيف وضعه مضبوط وتمام لاني ناوي واحد بأذن الله صلحنا القديم ورجع خرب بشتري جديد وبريح راسي لكن ابعرف كيف برودته ويركب تمام ع الباث او لا
abdullah mu
12/03/2013, 11:42 AM
ياخوان قولو لا له الا الله
انا معاي موديل 2005 غيرت له كمبرسر كامري موديل 2002
ورهم بكره عليه ورمان
وطلع مثل الحلاوه
دكتور النصب
28/04/2013, 01:58 AM
ممكن خرب الكومبرسور بسبب عطل المروح حقت المكيف