سوال لطواريح الطايف

[لاسلكي 20009]

السلام عليكم ورحمة الله وبركاته

مساكم الله بالخير

يالربع ابسالكم وين اماكن طرح الطيور بالطايف الله لايهنكم

[الذحاح]

صباح الخير تتوقع حد بيعلمك يعني ^-^
شوف طال عمرك الجبال الشماريخ يعني الوعر خصوصا اللي بجنب الوديان ترقب لها فيها عندك كل الجبال من الكر اللين توصل بني مالك مع حدود اخر حدود الطايف مع الباحه شوف الابراج صبح صبح خصوصا على خط الجنوب مره شفت اثنين واحد بليه وواحد بسديره كلها على الابراج بس وقتها كنت طالع للديره ولا معي شبك وزريق عندك اقرب شي الهدا والشفا وثماله ولية هذي اقرب شي للطايف خذ شبكة من محل في اسواق فريحان اللي عند مفرق ام السباع نسيت اسمه والله وحمامه حبذا لونها بيضا عشان يشوفها الطير لان الجبال دهم هناك وتوكل على الله عقبال ما تطرح النوادر

[بن فتن]

اخوي عندك الوهط والهويط او سد عكرمه او غدير البنات او عمدان الضغط العالي حول الطائف او سد وادي شرس او الاشعب بقرب الهدا والشفا وهناك مكان تمام لاكن يوجد به مصاب الطائف ويكثر به طيور الماء وتكثر الطوير به خاصه بالصباح تقبل مروري