............أنـــــا وعــفــريــت [الأرشيف]

مشاهدة النسخة كاملة : ............أنـــــا وعــفــريــت

الفيتو

13/07/2011, 03:46 AM

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
.
في سنة من سنين طرح الطيور اللي مضت حماس منقطع النضير قانص لاخيمه ولا خويا
عزابي في ظهر موتري . اتنقل في الساحل الغربي قضيت قرابة الشهــرين بـيــن دورة
الـطـيـــور وصيد الكروان .
معي طراد وكري مسميه (عفريت) وله من اسمه نصيب كان طراد جيد جدا ذكاء وسبق
و ِجروه وميلاف صولات وجولات في طرح الطيور فقط . فقط . مايطري علي
اهده على الكروان لوجود شيهانه طيبه مسميها (حوته )
مونستني بصيد الكراوين واغليها
http://www.mekshat.com/pix/upload01/prof019/mk8575_hg6.jpg
سبب غلاي لحوته ليا جا تالي النهار القرشع مزحوم
حوته جربا بطن لاتشبع ولاتروى ولاتكل من الهدد حتى في وقت الحومه تهد
وتاخذ في الكروان لوعقب ترديد في المزن
http://www.mekshat.com/pix/upload01/prof019/mk8575_hg6 (1).jpg
ليا انكفت للبلاد امتلت العشه من العلايم لربعي
بعد المسراح لدورت الطيور والتمضيح في حراويها . احول على الكراوين واصيد
منها ومن شرايد القنوص لين اسمح . في حدى الايام قابلني رفيق ٍلي
واعجبته حوته وقال باخذها عاريه اجازتي خمسه ايام بقضيها بصيد الكراوين
http://www.mekshat.com/pix/upload01/prof019/mk8575_hg6 (2).jpg
هذي ( حوته ) وهذا الشريف حاتم ال غالب
اضطريت اني اعلم عفريت على الكروان لكن ماش .. ماش .. ماش ادور واتعب ولاطحت في شرايد
الكراوين وعرضته اخذ مع الكروان وجنب:mad:
http://www.mekshat.com/pix/upload01/prof019/mk8575_hg6 (3).jpg
هذا عفريت على كفي وهذا ولد عمي باخذكم جاهيه ياهل مكشات عساه يرجع للمقانيص مبطي ٍماحط نادرعلى كفه
تكررت معاناتي مع (عفريت)كم يوم لين ضاقت بي الوسيعه
قلت له
انا شــاب راسـي من فعايلك ياعــفـريت .. اتعب لك واعـــرضـــك الكـــروان وتكبه
ياليتك من اديار السواديـــن لي ماجـيت .. الا لـيت لــنــشـــك ماظهـر بك من الغبه
انا الطير لامــاصــاد مـــن خوتــه مليت .. لو يحول الــِمــعــلــــق من الحوم ماحبه
رد عفريت
انا يا احمد السالم اجـاملك لين ازريـت .. من اصبحت لين امسـيت وانا على الشبه
تدجج مع الخليان ياســبـيـت مالك بيـت .. ولك مــذهــــب مــاكـــل صقـار يرغب به
سمانيك ماتـشـرب ومـوترك مابه زيـت .. ومن هو قنص وياك يــشـــكـي على ربه
*
والسلام
AL Khapt Brother of Naif
الحجاز
13-8-1432

فارس 74

13/07/2011, 04:08 AM

لله درك يابو صالح مبدع كالعاده

سمانيك ماتشرب وموترك مابه زيت هههههههههه هذا حال الكثير من الصقاقير رحمنا الله برحمته

لاعدمناك يالقرم.

الذحاح

13/07/2011, 04:15 AM

نورت الخيمه يابو صالح بس يا حيليك وانت شباب توك ^-^ عام كم الصورة هذي الله زمان يافن ههه تعزى عفريت باقي حي ولا مات كل طير وله فعول
والطيور تراها كما الرياجيل طير يجري ولا يجرى معه وطير يخوض بوسط المعمعه وطير ماودك الا تصفعه بس ترا الصورة هيضتني عام كم هي بالله
تقبل مروري

falcon 1

13/07/2011, 04:18 AM

السلام عليكم ورحمة الله وبركاته

اباع منك اخوي الفيتو كالعاده ماش اء الله تبارك الرحمن
صح لسانك وصح لسان عفريت

أبو أمين

13/07/2011, 04:21 AM

انا الطير لامــاصــاد مـــن خوتــه مليت .. لو يحول الــمــعــلــــق من الحوم ماحبه

يا سلام على الصراحه ويا حلوها حلوااااااه

مقياس سبق وفعل الطير على الصيد , مهو على طير متعود يطارد ولا يطرد (يعرف يلحق بس ما يعرف ينحاش ههههه) !!!

والكروان اللي يبغى الشرده وقوي عزوم ياعسره عسرااااه ماكل طير يلحقه

عرفت ليه احب الجير .

أبوعابد 22

13/07/2011, 04:27 AM

مشاء الله الله يطعمك خيرها ويكافيك شرها

راعي الجير

13/07/2011, 04:28 AM

لله درك يابوصالح والله اني افرح بشوفت مواضيعك فرحت الصقار بشوف اثرها تحبري.
سلم علا الاخوان نايف ومحمد وابوعمر

الخبت الشمالي

13/07/2011, 04:36 AM

السلام عليكم ورحمه الله..
هلا بالفيتو مشكور عالموضوع... لاكن وش مصير عفريت عقب القصيده:)
لاهنت يابوصالح؛؛

خلف الفار

13/07/2011, 05:08 AM

الله يبيض وجهك على البدع والرد
وحوته لازم لها قصيده لو عشره ابيات

بن محجن

13/07/2011, 05:40 AM

بسم الله الرحمن الرحيم
عليكم السلام ورحمة الله وبركاته

يا صبــــــــــاح الخير أخوي
AL Khapt Brother of Naif

من بداية قراءتي للموضوع قلت ...
لا لا لا
وكـــري وكراوين
عــــزالله راح موسمك يا بوصالح على كــف عــفريت
هههههههههه

صح لسانك على القصيده
وماشاء الله عليك خــيال واســـــع

سلمت على روعة طرحك
ونترقب المزيد من جديدك الرائع
ودمــت ودام لنــا روعــة مــواضيــعــك

وبلغ سلامي للجميع

بن محجن
12/8/1432ه

شريف مكة

13/07/2011, 06:06 AM

السلام عليكم ورحمة الله وبركاته
صباح الخير يا وجه الخير
اسمحلي والله انت العفريت وبيوتك معفرته
احترامي وتقديرى

ابن الاصيل

13/07/2011, 08:37 AM

ماشاءالله عليك تقرير قمه في الروعه

صاحب نوماس

13/07/2011, 08:46 AM

لاهنت يابو صالح

ابيات رائعة وصور اروع

صقار مبتدئ

13/07/2011, 08:48 AM

تدجج مع الخليان ياســبـيـت مالك بيـت .. ولك مــذهــــب مــاكـــل صقـار يرغب به
سمانيك ماتـشـرب ومـوترك مابه زيـت .. ومن هو قنص وياك يــشـــكـي على ربه
*
هلا و الله ابو صالح سالفه طيبه و قصيده فكاهيه و الله الوكري ما صبر عليك هههههههههههههههه
الله يعطيك العافيه و يرفع قدرك

عاشق براكه

13/07/2011, 09:02 AM

يض الله وجهك يا بو صالح
دايم مبدع في مواضيعك واشعارك صح لسانك
الله يدوم عليك الصحه والعافيه

ذراع الذيب

13/07/2011, 09:17 AM

السلام عليكم ورحمة الله وبركاته,,
صبحت بالخير يابوصالح,,

بوصالح سرى ليله .. وهل الدمع من عينه .. على ذكرى سنينه .. يحكيها لنا فمكشات,,
الله الله يالفيتو وش هالزين وش هالقصيد ابداع في ابداع عزالله انا اللي يبي يهل دمعي على الذكرى اللي مضتلك اعيد واقول ياليتني من جيلك,,
عفريت ماقصر بس علمنا كم حول من قرانيس الاحرار ومشكور على اعطاء الوكري حقه وزياده لاكنهم مايدورن سمعهم يالفيتو سمعهم :),,
وحوته ماقصرت كفت ووفت وليفخر اليوم كل وكري ولتفخر كل جبليه مادام ناقلينها هالاجواد,,
اّنست وشرفت وسالفه من سوالف فنجال وعلوم رجال وتقبل تقييمي ياشيخ الطواريح ,,
والصقاقير بخمسhttp://www.mekshat.com/vb/images/rating/rating_5.gif وبعد اذن المشرفين الافاضل,,
تحياتي لك,,

القرناس المهاجر

13/07/2011, 09:46 AM

حي الله ابوصالح
موضوع مضغوط ماشاء الله عليك
وعزالله ان حوته اسم على مسمى
وأما عفريت فلاتعتب عليه دام ان ماكره بالسودان
هههههههه بيض الله وجهك عالموضوع
وصح الله لسانك عالقصيد الزين

صقار محترف

13/07/2011, 11:10 AM

انا غير مقتنع تماماً بـ تدريب الوكري على الكروان
يارجال الله ماكثر غير الشياهين ،، الوكري خله طراد وقت اللزوم ،، والشهانه هي سم أبو عيون صفر

ماعلمتنا حوته وش صار عليها ؟ عساها عندك للحين

بو هاشم

13/07/2011, 11:32 AM

ماشاء الله تبارك الرحمن عليك يالفيتو
والله يبارك لك في حلالك وتقني الا الزين والطيب
وعسى الله يستجيب لك دعوتك
ويرجع ولد عمك للمقناص مع ان في ها لوقت مايعنني الرجعه للمقناص والطيور
شح الصيد بس الجلسه والعلوم الطيبه والخوه الطيبه هي اهم شي يربطنا في المقناص و الطيور ِ ويعطيك العافيه على الطرح
اخوك السيد بوهاشم

هاوي هدد 11

13/07/2011, 11:59 AM

وعليكم السلام ورحمة الله وبركاته
صبحت بالخير
يابوصالح
والله خفت من العنوان قلت أفتح الموضوع يطلعلي العفريت
ههههه
مالوم عفريت كل وقته على الشبة
تباه يلحق أصفر العين
مبدع في طرح الموضوع
وصح السانك
جعلك سالم وغانم كل
عـــــــــــــــام
تحياتي لك

جير دبي

13/07/2011, 12:14 PM

بيض الله وجهك يابوصالح وصح لسانك
ماتقول الا الزين
تحياتي لك
جـــــــــــير

الفيتو

13/07/2011, 01:50 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه

:heart:
أخوي / فارس74
عشت ياغالي ودمت شاكر مرورك
:heart:
أخوي /الذحاح
هههه سلمت زمان يافن.. صدقت وعفريت
راح وراحت ايامه وتارخ الصوره لو قلت قلت ياشايب
خلني ساكت.. مشكور
:heart:
أخوي /falcon
صح بدنك مرحبتين وهلا .. عشت
:heart:
أخوي /ابو امين
صدقت ..عشت . من يلومك في الجير ينلام
:heart:
أخوي /ابو عابد22
سلمت ودمت مشكور
:heart:
أخوي /راعي الجير
مرحبتين .. القلوب شواهد..حضورك سرني
وسلامك وصل
:heart:
أخوي /الخبت الشمالي
العفو وعفريت ضيعته يطرد كراوين مدري ظهر
له قلب وصاد والا على وجهه ..مرورك جميل
:heart:
أخوي /خلف الفار
عشت مشكور على المرور.. والقصيده حصلت
مافيه كلام
:heart:
أخوي /بن محجن
يامرحبا .ماعليك زود مشكورعلى المرور الجميل
وسلامك وصل
:heart:
أخوي /شريف مكه
ههههه يامرحبا ياهلا.. اشكر ياغالي
:heart:
أخوي /ابن الاصيل
عشت اشكرك لاهنت على الحضور
:heart:
أخوي /صاحب نوماس
سلمت ودمت مشكور
:heart:
أخوي /صقا رمبتدي
مرحبا بك .. شاكرا لك الاطراء والحضور
:heart:
أخوي /عاشق براكه
ووجهك ابيض ..سلمت
:heart:
أخوي /ذراع الذيب
صح بدنك يالمشرف الغالي .. مشكور على التقييم
وليتك من جيلنا كان مانقصنا شي
:heart:
أخوي /القرناس المهاجر
شاعرنا ومشرفنا وجهة نظرك تهمني
مشكور على الثناء
:heart:
والسلام
AL Khapt Brother of Naif
الحجاز
12-8-1432

الفيتو

13/07/2011, 01:56 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه

:heart:
أخوي / فارس74
عشت ياغالي ودمت شاكر مرورك
:heart:
أخوي /الذحاح
هههه سلمت زمان يافن.. صدقت وعفريت
راح وراحت ايامه .. مشكور
:heart:
أخوي /falcon
صح بدنك مرحبتين وهلا .. عشت
:heart:
أخوي /صقار محترف
صدقت ..علم هل الوكارى ههه سرني مرورك
حوته راحت وراحت ايامها
:heart:
أخوي /بوهاشم
سلمت ودمت والله يسمع دعاك . وكلامك في محله
مشكور
:heart:
أخوي /هاوي هدد11
ههه مرحبتين .. انت اللي تخوف ماتخاف..
حضورك سرني
:heart:
أخوي /Geer
سلمت ودمت الزين ردك اشكرك
:heart:
والسلام
AL Khapt Brother of Naif
الحجاز
12-8-1432

حامد الحنيني

13/07/2011, 01:59 PM

بيض الله وجهك يابو صالح
وصح لسانك ولسان عفريت ههههه
والله العالم انه اكلها هالطير.

أبوفرحان

13/07/2011, 02:13 PM

بيض الله وجهك وصح لسانك يالامير

ابوعزيز2007

13/07/2011, 02:14 PM

بس ولو يابوصالح صار الوكري اجزل منك بالابيات ههههههه

ربع خالي

13/07/2011, 02:20 PM

وعليك السلام ورحمة الله وبركاته

ما أخف مواضيعك وما اغزرها

غوّاص ولاتجيب الا التاهيتان بيرلز
يالفيتو
اخوك ابو سيف

صقار أبوظبي

13/07/2011, 02:48 PM

السلام عليكم ورحمة الله وبركاته
بيض الله وجهك وصح لسانك يابو صالح
ويعطيك العافيه على الموضوع

الهاجري ج

13/07/2011, 09:49 PM

صح لسانك يابوصالح ولاهنت على التصوير والصور

مبدع يالشايب مبدع

تدجج مع الخليان ياســبـيـت مالك بيـت .. ولك مــذهــــب مــاكـــل صقـار يرغب به

وش عنده النادر الفارسي__شين وقوي عين الماخوذ

لاهنت وصح لسانك

تقبل تحياتي
-

صقار قديم

14/07/2011, 01:24 AM

شاعر فذ .... !

لك التحية و التقدير

راعي شوق

14/07/2011, 01:35 AM

ابو صالح السلام عليكم
كلمتين اباقولها اتعبت من بعدك في المواضيع
والله ما فيك حيله كاتب وشاعر وصقار و و و و و و و و و
ما خليت شئ ما شاء الله تبارك الرحمن الله لايضرك

عسااااف

14/07/2011, 02:05 AM

صح لسانك والله يعطيك العافيه

معسف العاصي

14/07/2011, 03:43 AM

هههههههههههههههههه
صح السانك ولا هنت على هالسالفه

سلطان 1

14/07/2011, 03:55 AM

لا هنت يابوصالح على هالقصه وهالرديه اللي تجيب العاافيه
بس والله يالوكري انه جزل المااخوووووذ هذا بيلعب لعب في الصفووووووف هههههههههههههههه

جهاام

14/07/2011, 04:35 AM

ماشاالله الله لايهينك ياراعي عفريت ابددددددددددددددددداع في طرح الموضوع والقصيد و00و

alrshedi

14/07/2011, 06:40 AM

وعليكم السلام ورحمة الله وبركاته
ماشاء الله تبارك الرحمن ابداع في القصيد وفي الموضوع
تبارك الرحمن
صح لسانك
والله يعطيك الصحه والعافيه ان شاء الله

روووح

14/07/2011, 01:45 PM

اررررحب يابوصالح
موضوع جميل يخفف عنا هالبراد هههه

تحياتي لك وننتظر جديد يالذيب

راعي الشلفاء

14/07/2011, 02:24 PM

السلام عليكم

من عام 2006وانا اقول ابو صالح سيد من كتب

الفيتو

14/07/2011, 03:00 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه

:heart:
أخوي / حامد الحنيني
عشت ياغالي صح بدنك
ومهيب بعيد هقوتك شاكر مرورك
:heart:
أخوي /ابو فرحان
صح بدنك عشت .. مشكور
:heart:
أخوي /ابو عزيز 2007
هههه . سرني مرورك مشكور
:heart:
أخوي /ربع خالي
هلا بمشرفنا الغالي
اشكرك على المرور والثناء وماعليك زود
:heart:
أخوي /صقار ابو ظبي
صح بدنك سلمت ودمت مشكور
:heart:
أخوي /الهاجري ج
مرحبتين .. ههههههههه والله جبتها
شين وقو عين
سرني حضورك
:heart:
أخوي /صقار قديم
ماعليك زود .. مشكور على الحضور والاطراء
عشت
:heart:
أخوي /راعي شوق
عشت مشكور على المرور.. وماعليك زود
تشجيعك سبب استمراري
:heart:
أخوي /عساااف
يامرحبا . مشكورعلى المرور الجميل
:heart:
أخوي /معسف العاصي
يامرحبا ياهلا.. عشت ياغالي
:heart:
أخوي /سلطان 1
عشت .. هههههه
حضورك وردك سرني
:heart:
أخوي /جهاام
سلمت ودمت .. وماعليك زود مشكور
على الثناء
:heart:
أخوي /alrshedi
مرحبا بك .. شاكرلك الدعاء و الاطراء والحضور
:heart:
أخوي /رووح
مرحبتين
مشكور على الحضور
:heart:
أخوي /راعي الشلفا
ماعليكك زود .. عشت
مشكور ياغالي
:heart:
والسلام
AL Khapt Brother of Naif
الحجاز
13-8-1432

عامج432

14/07/2011, 07:31 PM

السلام عليكم ورحمة الله وبركاته

تحياتي يابو صالح

البركه ان شاء الله في ( ايوه )

والله يذكر الايام بالخيرويعطيك طولة العمر

ان شاء الله وعسى الله يعودها على خير

(الوانيت كم كروان شاف وكم هدد حضر)

(مشا ء الله على ابو عبد المحسن )

http://www.mekshat.com/pix/upload01/prof019/mk8575_hg6%20(2).jpg

hawwamT

14/07/2011, 08:16 PM

صح السانك يا الفيتو...

الفيتو

14/07/2011, 10:11 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
:heart:
أخوي / عامج432
عشت ياغالي .. والله يبارك فيك .. شفت ابو عبدالمحسن
هههههه
شاكر مرورك
:heart:
أخوي /hawwamT
صح بدنك .سلمت ودمت .. مشكور
:heart:
والسلام
AL Khapt Brother of Naif
الحجاز
13-8-1432

ابو عمررر

15/07/2011, 09:38 PM

الله ينعم عليك ويعزك اخوي

تواق

16/07/2011, 08:12 AM

صباح الخير يابو صالح

معروووفه حوووووته معروووفه

اذكر هدد لها ما انساه ولعله مسجل فديو لوجود شخص كان معه كمره فديو ذاك الوقت ولا ادري يابو صالح

تذكره ولا لا من كثر مهداتك

هد ابو صالح حوته على كروانين في الارض جنب بعض نشت الاول وانسدح في مكان وواصله ضربتها

لثاني ههههههههههه كان حديث المجالس هاااك الهدد

تستاهل يابو صالح الطير الطيب تعطيه حقه وزووود

محمد النعيمي

16/07/2011, 12:42 PM

بيض الله وجهك امتعتنا

مذخور

16/07/2011, 01:52 PM

مساك الله بالخير يابوصالح
قصه ظريفه طريفه وسرد جميل ماعقبك حسافه
لكن عجز البيت خلاني اوي لعفريت
((ومن هو قنص وياك يــشـــكـي على ربه))
ياويلك من الله والله ياأنت موريه النجوم بعز القايله
تقبل تحياتي

راعي غضبان

17/07/2011, 10:37 AM

بيض الله وجهك يا بو صالح
وماشاءالله تبارك الله
دايم مبدع في مواضيعك واشعارك صح لسانك
الله يدوم عليك الصحه والعافيه والله يوفقك
ويرزق الصيد والفيد من طرح اطيب الطيور والنادرمنها
والصيد بجميع اشكاله وتستاهل الطيب يابوصالح
والله يعطيك العافيه والف شكر لك
وتقبل تحياتي

نواف الرس

18/07/2011, 02:22 AM

ابيات رائعة وصور اروع

محمد الفهيد

19/07/2011, 09:12 AM

ومن هو قنص وياك يــشـــكـي على ربه

الله يابوصالح
شهرين ، وانا اسبوعين ما احصلها

عسى الله يمتعك دوم ، لأنك كفو وتستاهل وتقدم الخير للي تعرف والي ماتعرفه

الحربي أبوذيب

20/07/2011, 01:23 AM

هلا وغلا يابو صالح مواضيع وقصائد تشرح البال

لاهنت وجعلك سالم

abu saud

20/07/2011, 11:00 AM

السلام عليكم ورحمة الله
كيفك يابو صالح عساك طيب
بصراحه أنا عندي استفسار عن الصوره اللي في الرابط

http://www.mekshat.com/vb/../pix/upload01/prof019/mk8575_hg6%20%281%29.jpg
وش نوع العلف اللي حاطينه للكراويين في الصحون

قناص الهمله

20/07/2011, 11:52 AM

على ماعتقد انه حمص حب

زين الطبايع

20/07/2011, 12:58 PM

هذا روبيان

هههههه

الظاهر انه سراوه

ابن الاصيل

20/07/2011, 01:37 PM

اذا عندك كراوين وكله اندومي

الفيتو

21/07/2011, 02:32 AM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه

:heart:
أخوي / ابو عمررر
عشت ياغالي صح بدنك
:heart:
أخوي /تواق
عشت ..الشيهانه اللي تقصددها حوته القرناسه
ذكريات جمله الله يعيدها بخير علينا
مشكور
:heart:
أخوي /محمد النعيمي
سرني مرورك مشكور
:heart:
أخوي /مذخور
هلا مبين عليك تحب الطير لو قصر معك
اشكرك على المرور
:heart:
أخوي /راعي غضبان
مشكور.. حضورك سرني
ووجهك ابيض
عشت
:heart:
أخوي /نواف الرس
سرني حضورك
:heart:
أخوي /محمد الفهيد
مشكور على الحضور والرد الجميل
عشت
:heart:
أخوي /ابو ذيب خالد
عشت مشكور على المرور
تشجيعك سبب استمراري
:heart:
أخوي /abu saud
يامرحبا . مشكورعلى المرور الجميل
الاكل خبز ,برسيم ,وديدان احصل عليها من مركز اكثار الحباري
:heart:
أخوي /قناص الهمله
ممكن.. عشت ياغالي
:heart:
أخوي /زين الطبايع
عشت .. هههههه
:heart:
أخوي /ابن الاصيل
سلمت ودمت
:heart:
والسلام
AL Khapt Brother of Naif
الحجاز
20-8-1432

محمد الدوسري ٢٠٥

22/07/2011, 12:56 AM

الله يعطيك العافيه

الطبشي

23/07/2011, 06:01 PM

الله يدوم الصحه والعافيه
ماشاء الله عليك يابوصالح
دائما مبدع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مطر الربيع

23/07/2011, 11:24 PM

صح لسانك بين انها ماهي باول مره شكلك شاعر

الفيتو

13/03/2012, 05:04 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
:heart:
أخوي / متحدي الطعوس
عشت ياغالي .. الله يعافيك
:heart:
أخوي /الطبشي
عشت ..وماعليك زود
مشكور
:heart:
أخوي /مطر الربيع
زين انها جازت لك هالمساجله
سرني مرورك مشكور
:heart:
والسلام
الفيتو
الحجاز
20-4-1433هـ

الرقعي

13/03/2012, 08:54 PM

مساء الورد يالفيتو انا اقول وش الي قرض الكراوين طلعت حوته عسي ربي يوفقك

501

14/03/2012, 02:56 AM

ما فيك حيله يا ابو صالح وانا راح اطلق عليك اسم جديد بس في وقت الكراوين
انت وطيورك سفاح الكراويــــــــــــــن
501

احمد الحاسي

14/03/2012, 03:30 AM

السلام عليكم ورحمة الله وبركاته
مشكور يابوصالح علي هذه الابيات صح لسانك ماقصرت بيض الله وجهك
http://www.mekshat.com/pix/upload05/images240/mk241756_nbhj12.jpg

ابورغودة

14/03/2012, 09:37 AM

هلا ابو صالح منور المنتدى الله يعطيك العافيه

الفيتو

15/03/2012, 11:33 AM

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
:heart:
أخوي / الرقعي
ههههههه
سلمت ياغالي .. الله يوفقك فالصيد
اللي تقرضه
:heart:
أخوي /501
حياك الله انا سديتك في الكراوين
وانت سفاح الحباري
مشكور
:heart:
أخوي /احمد الحاسي
سلمت وصح بدنك
سرني مرورك مشكور
:heart:
أخوي /ابو رغوده
تعيش .. بنور بوجودك
اشكرك على الحضور
:heart:
والسلام
الفيتو
الحجاز
22-4-1433هـ

سفير الطير

15/03/2012, 11:28 PM

السلام عليكم\
اخوووووووووووووي الفيتو بيض الله وجهك
رائع وادهشني بالحيل كل اللي شفته
يسلم راسك وطول الله عمرك وعساااك على القووووه
وتقبل تحيات اخووووك:f

البروالطير

26/03/2012, 03:22 AM

السلام عليكم
سمعت انك امدرب طير يدخل فالموتور بعد صيد الحمامة
ولحمد لله انة ما قالي صاحبي عنوان الموضوع
لكي ابحث في جميع مواضيعك الممتعة بالصور والاشعار
وانسي علي ايش كنت اندور
الله يحفضك مثل ما تقولون(صح السااااااااااااااانك)