مشكلة دخول الحرارة من ربلة القير للباترول

[اخر كلام]

السلام عليكم


اغلب الباترولات عند فك القير يكون هناك مشكلة الربلة ويتسرب منها الهواء الحار للسيارة
ذهبت للوكيل وسالت عنها وافاد انها بسعر 90 ريال لكن الغريب والمفاجيء لي انه افاد بوجود قاعده لها وهي تاتي قطعه وحده واستغربت هذا الشيء مع العلم ان الموجود لدي قير عادي قطعتين بعد فك الديكور
فمن ينورني كيف لان ماعندي خبره سابقة عنها هل اطلبها مع القاعده ام لوحدها وكيف طريقة تركيبها

بنتظار مشاركاتكم

[sgl2002]

والله ياخوك أنا ذبحتني الحرارة من جهة الدبل ، لكن لما أمسك القير مافيه حرارة ... بس الدبل اللي مولع والديكور اللي حوله و لا أدري وش السبب ،،، ياليت توضح الحرارة من وين عندك

[اخر كلام]

ياهلا بك شف الديكور الارضي اللي فيه القير والدبل ويكون بلاستيك وفيه ربلات لهم علويه تلقى تحت ربلات ثانيه

هي اللي تكون مهتريه او متشققه هي سبب الحراره لانه من فك القير عند تغيير الكلتش مايضبطونها صح
وترى فك الديكور بسيط مسمارين بالجنب ومسمار في طفاية الدخان ويطلع معك بس خلك حريص على العازل لايخرب عليك يبي سعة صدر وعدم استعجال
انا الحمراني توي جاي منه الصبح قالي تجي قطعه وحده مدري هو عنده سالفه والا انا ماعندي سالفه ومسالة القاعده اللي يقول تجي معها ؟ طلبت الربل لحالهن

[العتيبي 88]

افادك اخوي اخر كلام ..

[اخر كلام]

ولو شكل ماحد غير هالربلات والا مامرت عليه هو يجي معها قاعده والا تجي لحالها ؟؟؟
وهل تجي قطعتين والا قطعه وحده نبي العلم يالربع

[adil33]

لازم مع القاعدة عشان المسامير ما تمسك بالجلدة لكن تمسك بالقاعدة والقاعدة تمسك الجلدة

[اخر كلام]

لازم مع القاعدة عشان المسامير ما تمسك بالجلدة لكن تمسك بالقاعدة والقاعدة تمسك الجلدة

بارك الله قيك طيب القاعده وين تركب وهل هي حديد حتى ابحث عنها بالسيارة يمكن تكون موجوده واذا طريقة تريبها بالقاعده سهلة ياليت شرح لها
دمت بود

[عاشق الربع313]

السلام عليكم انا موتري 2009 وشاريه جديد والحمدلله وفيه حراره عند القير والدبل تتوقعون انه من الربله بعد ولا وش العله وبصراحه ماودي احوس بالموتر ارجو الافاده جزاكم الله خير

[اخر كلام]

السلام عليكم انا موتري 2009 وشاريه جديد والحمدلله وفيه حراره عند القير والدبل تتوقعون انه من الربله بعد ولا وش العله وبصراحه ماودي احوس بالموتر ارجو الافاده جزاكم الله خير

ياهلا بك سؤال متى اخر مره غيرت دزك وكلتش ؟؟؟؟ مدام يدخل حراره سلمك الله هذي لابد تفك الديكور الارضي اللي بالنص وتشوف فيه ثلاث طبقات اول شي ربله وبعدها حديد فيها خمس مسامير على الجنب وتحتها ربله هي الاساس تركب على القير والدبل تغطيهم تلقاها متاكله او ناشفه اللي ركبها ماضبطها صح تنقز للحمراني وتقوله ابي ربلات الاخيره سعرها 140 ريال وهي الزبده والربله الثانية 90 ريال وركبهن بس شف العازل القماش بعد ماتشيكهن يمكن يكون منه مشيول وماركبوه ترى سعر المتر 18 ريال وشغلتها بسيطه ماهنا حوسه ولا شي لان اللي يبي يفك عامل صح ماهو اعرف منك وتلقى مسامير الديكور اثنين تحت واحد يمين ويسار مغطى ببلاستك
موفق خير