سالفه السيكل والفول والساقي

[راعي العجراء]

السلام علاكم ورحمة الله
نعود لكم بعد انقطاع لضروف السفر
بهذه السالفة
وهذه السالفه عمرها خمس واربعين سنه تقريبا
الساكل والفول والخبز وساقي الماء
في سنة من السنين كنا ساكنينن في الرياض يوم كانت الشوارع الداخليه غير مسفلته
والاناره بالشوارع الرائيسيه خفيفه والداخليه لاتوجد الا على بعض البيبان تجد صاحب البيت حاط لمبه على بابه بقوة 5 وات واللي اموره طيبه 40 وات وحاط عليها شبك فيران
حتى ماتكسر
المهم ذهبنا انا واخي الصغير نشتري خبز وفول على سيكل مقاس 26 حق اخوي الكبير يعني اكبر مقاس او حجم ومن الصعب قيادة السيكل لصغر سني يعني السيكل اكبر مني وكنت اسوق السيكل
ولا اجلس على المرتبه ماقدر اطول الوطايات اجلس على العمود
المهم ركبنا الدراجه او السيكل واردفت اخي والضلام دامس ولا اشوف المطبات الا بعد
ماناكلها ادق فرامل
قال اخوي ارفق علي تراي تكسرت من المطبات حيث كرسيه الخلفي حديد وعريض
قلت له ابشر بس ما اشوف المطبات زين
المهم شرينا فول وخبز ورجعنا في طريقنا الى البيت والخبز والفول معنا
الخبز عشر حبات بريال والقول السطل خمسه لتر بربع ريال الى نصف ريال
من هنا تبدا القصه
فيه بيت طبعا طين بابه على الغرب ومن الشرق خلف البيت لايوجد باب حوش بالخلف على الشارع الشرقي
وفي داخل البيت اعتقد مغسلة يدين ماسوره تصريف الماء على الشارع الخلفي وفاتحين بالشارع ساقي يجيله مترين عن البيت ثم يسيح الما في الشارع
والساقي دايم ترابه احمر من اثر الماء
قلت لخوي في الطريق الله يعينك على مطب ابطب فيه حتى تشوف التكسر زين وانا اقصد
ساقي الماء فاخذ بردد تكفى تكفى لاتذبحنا بالمطبات فكنا تراي ماتمسكت زين معي الفول والخبز
المهم قربت للساقي متعمد ابي اخوي يتكسر من مطب الساقي
ويوم وصلت اوقربت للساقي والقا الساقي مدفون قلت حظك زين الساقي مدفون
وانا بيني وبينه مترين لعل الساقي ماهو مدفون منسدح فيه كلب احمر وماغط ارقبته في الساقي يتبرد ومايشوف المقبل اطراف الساقي مغطيه على عيونه ولونه مثل لون الساقي احمر لعل وطا السيكل على ضهره الكلب مايدري وش السالفه شي وطى على ضهره وهو يطمر من غير شعور ويصير ضهره بين الكفر القدامي والوطايات وهو ينشب وحنا ننشب معه وطحنا على ضهرالكلب والفول حار انكب علينا وعلى الكلب
من حراره الفول الكلب بدا يصاوي
الكلب يدور الفكه منا وانا ادور الفكه من الكلب لايعضني اخوي طاح وهج
ركضه للبيت وانا بلشت بالسيكل والكلب والخبز
غير الرضوض في سيقاني
بالصراحه الكلب استخف عقله روعه مابعدها روعه يمكن الى الحين وهو يركض
والسواقي ماعاد يطبه ولا حتى يقرب حوله
وصلنا للبيت بدون عشاء ذلك الليله
والوالد الله يرحمه ماهو موجود ذلك الوقت
حتى يجيب خبز وفول بدل فاقد
والسيكل متغير اشباه دركسونه يبيله تعديل والخوف داخل نفسي مقدر افتح ولا باب الشارع
ويني وين الرجعه الجوع ارحم من غيره
ارجوا ان تكون سالفه ممتعه
كنت اتمنى ان تسمعونها مني وانا اتكلم بها واشرح لكم معاناتي تلقائيا
احسن من الكتابه

[برق شرق]

و عليكم السلام و رحمة الله و بركاته ..

هذا المثل اللي يقول :

" من حفر حفرة لأخيه وقع فيها "
:D:D
هههههههههههههههههههه


يشرفني أني أكون أول واحد يرد عليك أخوي " راعي العجراء " .. :)

و تستاهل أربع نجوم .. :good2:

http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html)

.. دمت في أمان الله ..

[ابو الشبرميات]

راعي العجراء

حقك وما جاك تبيها مزح وجت رزح

على العموم الحمد لله على سلامة اخوك والسيكل

***

وتقبل مروري

,,,

[وردة النفل]

يحزن الكلب انكب عليه الفول الحار :(
بس حمد لله على سلامتكم انت واخوك والسيكل
وقصه جميله جدا والأجمل أنها قديمه
وتستاهل خمسه نجوم
http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif
بانتظار جديدك القادم

[راعي العجراء]

و عليكم السلام و رحمة الله و بركاته ..

هذا المثل اللي يقول :

" من حفر حفرة لأخيه وقع فيها "
:D:D
هههههههههههههههههههه


يشرفني أني أكون أول واحد يرد عليك أخوي " راعي العجراء " .. :)

و تستاهل أربع نجوم .. :good2:

http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html)

.. دمت في أمان الله ..

اشكرك على تجاوبك وتفاعلك مع هذه القصه
واشكرك على التقييم
اربع نجوم قويه ابا اروح ابشر عمتي منيفه
واقول لها برق شرق عطاني اربع نجوم
يالله ان ترزقه

[راعي العجراء]

راعي العجراء



حقك وما جاك تبيها مزح وجت رزح


على العموم الحمد لله على سلامة اخوك والسيكل


***


وتقبل مروري



,,,


ابو الشبرميات الله يعطيك العافيه
واشكرك على هذا التقييم
ولكن يااخوي انت تقول الحمدلله على سلامة اخوك والسيكل
وانا معطيني اشكل يادفع البلا
تجمل عسى دنياك كلها جميله

[راعي العجراء]

يحزن الكلب انكب عليه الفول الحار :(

بس حمد لله على سلامتكم انت واخوك والسيكل
وقصه جميله جدا والأجمل أنها قديمه
وتستاهل خمسه نجوم
http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif

بانتظار جديدك القادم


ورده نفل لالا مايصير خمس نجوم دفعه وحده ماصدق
تدرين وشلون
عطيني ثنتين وتستاهلين الثلاث نجوم على حضورك
وردك الجميل
والفول مانكب على الكلب لحاله ضهري من الفول بقعة حمراء
كنها خارطة استراليا

[أبو رافع الظاعن]

الله يسعدك يا راعي العجراء


أضحكتني صورة الالتحام العظيم بينك وبين أخيك بين الكلب وبين السيكل وسط الساقي ...ولا تنس الفول الحار اللي كمل الناقص...


عاد ترا الكلب حريص تقول العرب : أحرص من كلب .تلقاه بعد ما برد الفول اخذ يلحسه !


النجوم أبعطيك أربع ...شفت هالكرم !!

[ابو نايف 111]

السلام عليكم
احييك على القصه الحلوه
وانا بيني وبينه مترين لعل الساقي ماهو مدفون منسدح فيه كلب احمر وماغط ارقبته في الساقي يتبرد ومايشوف المقبل اطراف الساقي مغطيه على عيونه ولونه مثل لون الساقي احمر لعل وطا السيكل على ضهره الكلب مايدري وش السالفه شي وطى على ضهره وهو يطمر من غير شعور ويصير ضهره بين الكفر القدامي والوطايات وهو ينشب وحنا ننشب معه وطحنا على ضهرالكلب والفول حار انكب علينا وعلى الكلب

اما هذي قسم بلله انه طاحت ادموعي من الضحك
اضحك الله سنك على القصه الحلوه :good2:
الى الامام :D

[النبهاني]

وعليكم السلام ورحمة الله وبركاته
حيا الله بناخي منيفه ابو المرح
سالفتك هذه كسرت باب صفة الذكريات عندي اللي من خشب الاثل ومنقع بجابيه له سنه وعجزت الارضه تخرث به
حاولت اقتطف من هالسالفه وما قدرت الا كان ابجتثها كلها من جمالها
الكبد تقطعت وتبزخت من الضحك
هذا وانا اقرا وشلون لو اسمعها منك
بيض الله وجهك اسعدتنا الله يسعدك بالدنيا والآخره
قيمتها بنجوم لكن هالاسلوب الساخر الفكاهي او سمه ما شئت تل له مجره
بس المكان مع الاسف ما يستاسع الا لخمس
تستاهل

* * * * *

[راعي العجراء]

الله يسعدك يا راعي العجراء




أضحكتني صورة الالتحام العظيم بينك وبين أخيك بين الكلب وبين السيكل وسط الساقي ...ولا تنس الفول الحار اللي كمل الناقص...


عاد ترا الكلب حريص تقول العرب : أحرص من كلب .تلقاه بعد ما برد الفول اخذ يلحسه !



النجوم أبعطيك أربع ...شفت هالكرم !!


الله يوسع صدرك يابو رافع بالعافيه
اضحك يابورافع الاوجاع راحت من راعي العجراء بعد سنه ونصف من الحادثه
واصبحت في عالم النسيان
اما الكلب اعتقد انه الى الحين مايبي شي يلامس جلده عقب الفول
واشكرك على هذا الكرم اربع انجوم دفعه وحده اعتقد ما استحقها
ولكن من طيبك تعطي البل

[الرَحال]

قصة طريفة وجميلة , والحمد لله على سلامتك وسلامة أخيك , ورحم الله والدك

[راعي العجراء]

السلام عليكم
احييك على القصه الحلوه
وانا بيني وبينه مترين لعل الساقي ماهو مدفون منسدح فيه كلب احمر وماغط ارقبته في الساقي يتبرد ومايشوف المقبل اطراف الساقي مغطيه على عيونه ولونه مثل لون الساقي احمر لعل وطا السيكل على ضهره الكلب مايدري وش السالفه شي وطى على ضهره وهو يطمر من غير شعور ويصير ضهره بين الكفر القدامي والوطايات وهو ينشب وحنا ننشب معه وطحنا على ضهرالكلب والفول حار انكب علينا وعلى الكلب

اما هذي قسم بلله انه طاحت ادموعي من الضحك
اضحك الله سنك على القصه الحلوه :good2:
الى الامام :D

هلا وغلا يابو نايف
ان مايسعدني بهذه الدنيا ان اجد غيري سعيد ولو حتى في ابتسامه
صغيره في الجهه اليمنى من الخد والشفه
وهذه السالفه حبيت ان اطرحها لكم فهي من ذكريات السنين الماضيه
وانا حين اتذكرها اضحك على قصتي
والمواقف كثيره والقادم احلى بأذن الله تعالى
بس وين التقييم يابو نايف

[راعي العجراء]

وعليكم السلام ورحمة الله وبركاته

حيا الله بناخي منيفه ابو المرح
سالفتك هذه كسرت باب صفة الذكريات عندي اللي من خشب الاثل ومنقع بجابيه له سنه وعجزت الارضه تخرث به
حاولت اقتطف من هالسالفه وما قدرت الا كان ابجتثها كلها من جمالها
الكبد تقطعت وتبزخت من الضحك
هذا وانا اقرا وشلون لو اسمعها منك
بيض الله وجهك اسعدتنا الله يسعدك بالدنيا والآخره
قيمتها بنجوم لكن هالاسلوب الساخر الفكاهي او سمه ما شئت تل له مجره
بس المكان مع الاسف ما يستاسع الا لخمس
تستاهل


* * * * *


هلابك يالنبهاني
حضورك في هذه الصفحه رمز فخري وامتناني
والاثل والصفه والليوان والمصك والكوه وباب الخشب
الله المستعان راحن مع اهلهن الطيبين
والله يرحم ايام زمان
انا بخصوص تقييمك للسالف بخمس نجوم ماتشوف ياخوي انك اسرفت بها
فانا لااستحق الخمس نجوم ولكن افتخر بحضورك ومكسبي الاكبرضحكتك عساها ماتفارق
حياتك
تحياتي

[ابو نايف 111]

http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html)
السلام عليكم
تستاهل كل خير يا الذيب

[راعي العجراء]

قصة طريفة وجميلة , والحمد لله على سلامتك وسلامة أخيك , ورحم الله والدك

الله يسلمك يالرحال
اشكرك على حضورك الطيب
والله يرحم والدينا ووالديك
تقبل مودتي

[راعي العجراء]

http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html) http://dc11.arabsh.com/i/03156/l00xyl2hl2fv.png (http://arabsh.com/l00xyl2hl2fv.html)
السلام عليكم
تستاهل كل خير يا الذيب

كفو يامل العافيه يالحر

[فهد الهلالي]

هلابك يارع العجراء
والله يعطيك العافيه فاقدينك هاليومين وفاقدين سواليف
والحمدلله على السلامه
سالفه حقا ممتعه وذكريات الماضي لن تتكرر
تحت اروقه القديم
قصه رائعه وحدث لم يكن بالحسبان
ساقي وكلب وقدر فول وسيكل
متى اجتمعن
تقبل تحياتي

[روق الشرقيه]

وعليكم السلام ورحمة الله وبركاته


مشاء الله عليك ياراعي العجرا


هاذي القصه طلعة اسرار هههههه


كم عمرك يوم تركب السيكل هههههه


الله يعطيك طولة العمر .


لقد اتحفتنا بهاذهي القصه الطريفه وسردك وأسلوبك الجميل الذي عاد بنا الى الماضي .
ولقد ادخلتني جو احداثكم ؟ كني معكم واتخيل ماحدث.
وتستاهل يالذيب .http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif
والى الآمام وننتضر السالفه القادمه.
وتقبل تحيات اخوك ابو نايف

[راعي العجراء]

هلابك يارع العجراء

والله يعطيك العافيه فاقدينك هاليومين وفاقدين سواليف
والحمدلله على السلامه
سالفه حقا ممتعه وذكريات الماضي لن تتكرر
تحت اروقه القديم
قصه رائعه وحدث لم يكن بالحسبان
ساقي وكلب وقدر فول وسيكل
متى اجتمعن

تقبل تحياتي


هلا يامشرفنا ابومحمد
حضورك هو الدافع الاكبر بعدالله وتوفيقه
لنشر سوليفنا يالشيبان
وذكريات الماضي
اشكرك على حضورك المميز

[راعي العجراء]

وعليكم السلام ورحمة الله وبركاته



مشاء الله عليك ياراعي العجرا


هاذي القصه طلعة اسرار هههههه


كم عمرك يوم تركب السيكل هههههه


الله يعطيك طولة العمر .


لقد اتحفتنا بهاذهي القصه الطريفه وسردك وأسلوبك الجميل الذي عاد بنا الى الماضي .
ولقد ادخلتني جو احداثكم ؟ كني معكم واتخيل ماحدث.
وتستاهل يالذيب .http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif
والى الآمام وننتضر السالفه القادمه.

وتقبل تحيات اخوك ابو نايف


هلابك يابو نايف
اشكرك على سعة صدرك مع السالفه النصف كم
ومجاملتك لي بالخمس نجموم
تشرفت في حضورك
وبعدين يااخي لا تدقق بالحيل
ترا قصدي رايح اجيب فول على مشايه الاطفال وخوي هو اللي يدف العربيه
شاكر ومقدر هذا الحضور

[قوافي ( أم نهار )]

هلا بك اخوي راعي العجرا
المهم قربت للساقي متعمد ابي اخوي يتكسر من مطب الساقي
لاحول الله
ليش تبي تكسره وش سوالك ؟؟على العموم الجزا صار عام لكم جميعا وانت تبيه خاص لخوك !!نحمد الله على سلامته بس انت هذي نيتك وما سويت بنفسك
عسا مهيب حروق كايده من الفول
الاهم اخوك الكبير اللي عفطت دركسون سيكله وش سوا يوم درا
****
تحياتي.اختك
..قوافي..

[راعي العجراء]

هلا بك اخوي راعي العجرا



المهم قربت للساقي متعمد ابي اخوي يتكسر من مطب الساقي
لاحول الله
ليش تبي تكسره وش سوالك ؟؟على العموم الجزا صار عام لكم جميعا وانت تبيه خاص لخوك !!نحمد الله على سلامته بس انت هذي نيتك وما سويت بنفسك
عسا مهيب حروق كايده من الفول
الاهم اخوك الكبير اللي عفطت دركسون سيكله وش سوا يوم درا
****
تحياتي.اختك


..قوافي..


هلابك ياقوافي
واخوي ماسوالي شي بس لكاعه وقشاره جهال
واخوي ماشاءالله عليه هج ووصل البيت وانا احوس وادوس ان والكلب والسيكل

اشكرك على حضورك وعلى اربع نجمات

[مريقب العيفار]

سالفة طيبة من رجال اطيب

والحمد لله على سلامتك انت واخوك

اما على النجوم فلك مني اكثر من عدد شعر راسك

[راعي العجراء]

سالفة طيبة من رجال اطيب

والحمد لله على سلامتك انت واخوك

اما على النجوم فلك مني اكثر من عدد شعر راسك

ماقصرت يامريقب العيفار
والله يسلمك من كل شر
شكري وتقديري لشخصك

[رسلان الوايلي]

هههههههه الله يعطيك العافيه
وتستهال خمس نجوم*****

[رفيع المقآم]

ههههههههههههههههههههههههههههههههههه
الله يوسع صدرك زي ماوسعت صدري
والله العظيم لو فيه مليون نجمة لاستحقيتها بكل جدارة
والله يوفقك
وتستاهل كل خير
والله يبيض وجهك على هيك سوالف
>>والله وطلع المستخبي<<
هههههههههههههههههههههههههه
كم باقي لك عن التقاعد ههههههههههههه
الله يطول بعمرك على طاعته ويعطيك الصحه والعافيه
ولا يحيجك لاحد

[السنع كله]

طلعوا شباب المنتدى
قصة اعادت ذكريات مرت عليها سنون تلتها سنون وفيها ومنها ومعها الغابن والمغبون
تشكرعلى القصة الطريفة الخيفة

[درجلان الشمال]

:pسلمكم الله يعطيك العافيه
تستاهل اربع نجوم اعذرن تراي شويب ماعرف احطلكم نجوم

[حطب سمر]

من حفر حفرة لأخيه وقع فيها
قصة رائعة

[راعي العجراء]

هههههههه الله يعطيك العافيه
وتستهال خمس نجوم*****

النجوم تستاهلها لحضورك ياراعي الجيب

[هاوي عبث]

هههاي حقك وماجاك والله مارحمت الا اخيك والكلب المسيكين
عسى بس ما احترق

الا بشرنا عن السيكل عسى ماجاه شي ؟؟؟

[راعي العجراء]

هههاي حقك وماجاك والله مارحمت الا اخيك والكلب المسيكين

عسى بس ما احترق



الا بشرنا عن السيكل عسى ماجاه شي ؟؟؟


وانا ياهاوي عبث مارحمتني والفول نصفه علي والثلث من الباقي على الكلب والباقي على اخوي
والسيكل الدركسون لاف يمين والكفر رايح يسار

[ابو عمررر]

ههههههههههه
تستاهل ماجاك بس الحمدلله على سلامتكم

[سليمان الربيعان]

ههههههههههههههههههه نويت لخوك الشر وجاك الشر
واظن الكلب اعزكم الله صاربوه علامه من الفول الحار بارك الله فيك
ونتظر جديدك.... وتستحق ***

[راعي العجراء]

ههههههههههه
تستاهل ماجاك بس الحمدلله على سلامتكم

صدقت يابناخي استاهل
والله يسلمك من الشر
وعساك ماتشوف اللي انا شفته

[راعي العجراء]

ههههههههههههههههههه نويت لخوك الشر وجاك الشر

واظن الكلب اعزكم الله صاربوه علامه من الفول الحار بارك الله فيك

ونتظر جديدك.... وتستحق ***



هلا وغلا يابو ربيعان
الكلب الله يعزك ماعاد يبي ريحه الفول
والا التسدح يالسواقي

[FORD1969]

الله يا سوالف زمان

كني عشتها لحظة بلحطه

مع اني لحقت على آخر موضه السياكل كان لها متعه لاتوصف

اما الحين الله يخلف على بزران اليوم من يوم يصحى الى ان يمسي والأجهزة في يديه

موفقين

[Al3rands]

ههههههههههههههههه اما منظر الفول على الكلب وهو يصاوي خخخخخخخخخخخخخخخ

[راعي العجراء]

الله يا سوالف زمان

كني عشتها لحظة بلحطه

مع اني لحقت على آخر موضه السياكل كان لها متعه لاتوصف

اما الحين الله يخلف على بزران اليوم من يوم يصحى الى ان يمسي والأجهزة في يديه

موفقين


ههههههههههههههههه اما منظر الفول على الكلب وهو يصاوي خخخخخخخخخخخخخخخ

الله يعطيكم العافيه
تشرفت في حضوركم
وحضوركم اجمل من السالفه
تحيتي لكم

[راعي العجراء]

الله يا سوالف زمان

كني عشتها لحظة بلحطه

مع اني لحقت على آخر موضه السياكل كان لها متعه لاتوصف

اما الحين الله يخلف على بزران اليوم من يوم يصحى الى ان يمسي والأجهزة في يديه

موفقين

هلابك يالفرد سرفني حضورك
اجل مالحقت على الفول يوم السطل 25 لتر بنصف ريال
امتعك الله بالصحه والعافيه
دمت بخير

[راعي العجراء]

تجديد المشاركه