سؤال مهم لكبار الطباخين ؟؟؟!!!! [الأرشيف]

kaaaatm

04/01/2006, 07:05 PM

السلام عليكم ورحمة الله وبركاته....

س/ وش افضل انواع الرز وافضل طريقة لطبخة؟؟؟؟ :j

كل واحد يدلو بلوه

"""""""""""""""""

نهر العطاء

04/01/2006, 08:24 PM

وعليكم السلام ورحمة الله وبركاته

هلا اخوي كاتم

بالنسبه لي انا بالمرتبه الاولى الشعلان الاصلي طبعا
وطبخه يختلف حسب كمية اكلك طبعا والخبير هو اللي طبخ من الدجاج الى الهرفي :good: لانه يعرف قياس الملح وروعة المذاق بخصوص البهارت ومقدارها

عموما اذا ما حصل الشعلان يجي بالمرتبه الثانيه ابو كاس .... والحمد لله والشكر كلها ارزاق

المشهور

05/01/2006, 01:15 AM

على قولة اخوي كلهن رزق من رب العالمين الحمد لله والشكر

لكن انا افضل ابو كاس في الدرجة الاولى وبعدها اختر اي نوع شئت ( مزة هندي طويل الحبة ) وانتبه للتاريخ لايكون محصول جديد .

هذا ماعندي وارجو المعذرة على التقصير .........

1001001

05/01/2006, 02:08 AM

انا المهيدب انصحك ابه تراه زين

ويصلح للمندي

والطلعات والكبسات والكشتات

وتحياتي

السنافي 666

05/01/2006, 02:26 AM

غير الرشيد لا تدور بلا مزه بلا المهيدب

خذ الرشيد وخلك انسان رشيد وشغلك مخك .

العاني

05/01/2006, 10:32 AM

السلام عليكم ورحمه الله وبركاته

اخوي كاتم كل واحد وله ذوق اما بالنسبه لي انا فأفضل بوندي مزه او ابوكأس او الشعلان

جمار

05/01/2006, 08:01 PM

السلام عليكم :
غير ( المزه التلدا ) لا تدور بس تراه أغلى من جميع الأنواع التي ذكرت في الردود السابقه ............. جربه وما تدور غيره .تحياتي لك وللجميع .

kaaaatm

06/01/2006, 01:16 PM

اخوي جمار انا معك

لكن وش سبب هذا الغلا في رز تلدا وهذا الغلا غير طبيعي يعني الضعف ((مرتين)).

جبال الهملايا

06/01/2006, 01:25 PM

لايهمونك :D

لاتدور غير ((أبو سنبلتين)) .

أو (( أبو صحن ))

صحيح نوعيات قد تكون غير معروفه . وربما لاتجدها في أغلب محلات المواد الغذائيه .

لكن نصيحتي أذا حصلتهم لاتتعداهم .:no2:

الكايف2

09/01/2006, 03:04 PM

المسأله هي علي الطبخ مهيب نوعية الرز ولكن ابوكاس تغيرواللي يبي رز زين عندك الفارس

مسافر1

10/01/2006, 08:36 PM

غير البشاور لا تدور .. في الكشتات وبس .. وأفضل بشاور أبو خروف جربه وتدعيلي ..

محب النياق

10/01/2006, 08:49 PM

عندي واحد دب يقول احسن شي المهيدب .....................................

وشكرا..

مشراف

10/01/2006, 10:11 PM

باي الهند وبس ؟؟؟؟

II^العازمي^II

20/03/2006, 11:20 AM

حـــــســـب الخـــبــره انــا اقــول رز كـنـتـري او رز ابو كــاس او يــســتحـسن انــك تــقــلل المــاء علــيه عــشان تــطول الحــبه وشكرا :>:>:>:>:>:>:>:>:>
تــحيــاتــىى : أبـو مـحمـد الــعازمــي

سداااااح

20/03/2006, 12:00 PM

رز كنتري ممتاااز بس لا يوجد الا بالكويت يالعازمي بالسعوديه دخت وانا ادور عليه اما بالنسبه لانوع الرز سجل عندك ابو كااس الشعلان المهيدب كلها انواع متقاربه جدا وهي الافضل بالنسبه لي بس ياليت يالعازمي تقولي انت بالسعوديه ولا بالكويت ومشكور

المطلق

20/03/2006, 10:52 PM

رز أبو خروف يمدحونه بالحيل

معانق

20/03/2006, 11:20 PM

رز المنار وبس

ابومرتاح

26/03/2006, 08:45 AM

باب الهند مظبوط ويصلح للكاتم......

ساق الجواء

01/04/2006, 08:40 AM

ليس نوع الارز مهما بقدر اهمية وزن الماء والنار وطريقة الطبخ (يعني الطباخ).

يروى ان رجلا في سالف الازمان اكل عند صديق له في بلد آخر بعض طبخات الدجن (مرقوق او مطازيز) فأعجبته حوفة الطبخ فطلب من صديقه أن يرسل له من العيش المستخدم في الطبخة ففعل.

ثم التقيا بعد ذلك فقال لصديقه جربنا العيش فوجدناه مختلفا عن الذي اكلناه عندك فأجابه صديقه: العيش هو العيش ولكن الطباخ اختلف.

][الكاشت][

01/04/2006, 09:17 AM

كل واحد له وجهة نظر ...
ولولا إختلاف الآراء لفسدت السلع ...
من ناحيتي .. ابو دلة ... الوليمة ... بوندي ... الشعلان .... تلدا

اما البشاور

تلدا ... المهيدب

من ناحية ارز ابو كاس فأنا اتضايق اذا شفت الشباب جايبينة بكشته والا بالاستراحة ...ز ما اقول الا كرم الله النعمة

أبوتركي 999

02/04/2006, 11:17 AM

بصراحه أنا عندي وجه نظر :no:

هاللحين أنواع الرز هاذي كلها زينها وكل يمدح رزه :good:

ليه ؟؟؟ :confused:

يعني السوق ما فيه رز شين لا فيه ... :confused:

بس كل متعود على نوع رز يعني يضبطه ويعرف ويش يحتاج من ماء أو طبخ فأنا مثلاً أفضل رز أبو عسكري مزه أولاً ثماً المهيدب :no2:

والبشاور أجيبه من دبي وفيه أبو خروف ما عليه طيب .. :D

( العمله مهوب بالرز العمله على الطباخ ) ؟؟........... :j
http://www.mekshat.com/pix/upload/sign/images/mk24545.gif

kaaaatm

02/04/2006, 08:00 PM

اشكر الجميع على تفاعلهم بهذا الموضوع.....

ولكن كنت قاعد مع يماني خبير في الطبخ وكان يقول انه ابو كاس تغير ماهو مثل اول صح هذا الكلام ام لا؟؟؟؟؟

وشكرا

kaaaatm

02/04/2006, 08:01 PM

اخوي ابو تركي وين نلقا رز ابو عسكري انا من الرياض

kaaaatm

02/04/2006, 08:03 PM

اخوي المطلق توقيعك جميل لكن ياليتك تشيل ذوات الارواح منه جزاك الله خير

kaaaatm

11/04/2006, 11:35 PM

يا اخواني انا جربت ابو سنبلتين مثل ما قال اخوي جبال الهيملايا فصار رهييييييييييييييييييييب جدددددددددددددددا

kaaaatm

11/04/2006, 11:40 PM

نص الليل

19/04/2006, 01:34 PM

الأخ مشراف يمكن تقصد باب الهند وهو مجرب ولا يعلى عليه في نظري

واسأل الجميع من يعرف من وين نحصل على الرز التمن العراقي ؟

صاروخ

19/04/2006, 02:22 PM

اما عن وجهة نظري انا افضل رز عندي ( الوسام ) موجود بالسوق محصول عام 2000م حبة طويله :looney:

واتحسف على عمري اللى راح وانا ما عرفته الا تالي الله يخلف :(

بعدة الوليمة :)

اما رز ابو كأس تكرم النعمه ( لا يقربك ):no2:

kaaaatm

19/04/2006, 08:14 PM

انا معك يا اخوي صاروخ لكن ارز الوسام لازم تغسله اكثر من ثلاث مرات وعساه ينظف (( يعني في البر بخلص مويتك))

شليوح

20/04/2006, 01:58 PM

اولا يدلي بدلوه وليست يدلو
ثانيا اكثرها متقارب ولكن يختلف الطباخ وان يكون الرز حويل