يوسف الخليفة1
14/07/2011, 04:57 PM
بسم الله الرحمن الرحيم
السلام عليكم ورحمة الله وبركاته
فاح السموم بواهج القيظ صالي=يشوي مقاديم الوجيه بمقيله
من طلعة الجوزا طوينا الحبالي=ما عاد بالبران قفرا نجيله
اللال يهرف مثل ذيب العوالي=يجثي على البلدان ستين ليله
ما فاد بالمسرا وسيع الظلالي=تذرا روابعها تراب النثيله
دون الضحا يبدا عسام الرمالي=والليل يصفي للنفوس تعليله
ينام من فوق الجريد القحالي=بين النخل يلقا الجذوع الظليله
صوت السحابه يمه البال مالي=لكن صليف الصيف ما فيه حيله
هيضني التذكار مما طرالي=تلوح في نفسي بروق المخيله
بداية القمرا رسمها الهلالي=وايامنا خمس الثواني سبيله
خرفت من عذق الحنايا مقالي=وارفقتها بالقاف معها الفسيله
مشيت بالدنيا طوال الليالي=وعرفتها تقلب ملاعيب ذيله
اما انها ترهي كثير الريالي=واتزين خطوتها بليا دليله
والا انها تخلف دروب الرجالي=تلوف من تجفاه في كل ميله
مرات من ماها تصب الزلالي=واحيان من ملح السبايخ صميله
لا تنخدع لو قابلتك بلوالي=يا سرعها تقلب وتطوي شليله
وان حالفتك بكفها والدلالي=عزيل من عقب الغنى يرتخيله
برّق جنوب ودير شوفك شمالي=واجمع حساني للحياة الطويله
وان ضامك الدهر بلزوم الثقالي=تهون بالصبر الحمول الثقيله
وان حالفك درب المسير العدالي=خل القدم يم المعالي رحيله
يوسف الخليفة ( أبو عبد الله )
السلام عليكم ورحمة الله وبركاته
فاح السموم بواهج القيظ صالي=يشوي مقاديم الوجيه بمقيله
من طلعة الجوزا طوينا الحبالي=ما عاد بالبران قفرا نجيله
اللال يهرف مثل ذيب العوالي=يجثي على البلدان ستين ليله
ما فاد بالمسرا وسيع الظلالي=تذرا روابعها تراب النثيله
دون الضحا يبدا عسام الرمالي=والليل يصفي للنفوس تعليله
ينام من فوق الجريد القحالي=بين النخل يلقا الجذوع الظليله
صوت السحابه يمه البال مالي=لكن صليف الصيف ما فيه حيله
هيضني التذكار مما طرالي=تلوح في نفسي بروق المخيله
بداية القمرا رسمها الهلالي=وايامنا خمس الثواني سبيله
خرفت من عذق الحنايا مقالي=وارفقتها بالقاف معها الفسيله
مشيت بالدنيا طوال الليالي=وعرفتها تقلب ملاعيب ذيله
اما انها ترهي كثير الريالي=واتزين خطوتها بليا دليله
والا انها تخلف دروب الرجالي=تلوف من تجفاه في كل ميله
مرات من ماها تصب الزلالي=واحيان من ملح السبايخ صميله
لا تنخدع لو قابلتك بلوالي=يا سرعها تقلب وتطوي شليله
وان حالفتك بكفها والدلالي=عزيل من عقب الغنى يرتخيله
برّق جنوب ودير شوفك شمالي=واجمع حساني للحياة الطويله
وان ضامك الدهر بلزوم الثقالي=تهون بالصبر الحمول الثقيله
وان حالفك درب المسير العدالي=خل القدم يم المعالي رحيله
يوسف الخليفة ( أبو عبد الله )