اللي يبي الأجر والدعوة الطيبة

[مشعل15]

حبايبي الله لايهينكم أنا متجه من أبها إلى مكة بإذن الله عن طريق الساحل
لكن ودي تفيدونا الله يرحم والديكم


1- اللي راح من هالطريق يعطينا علم عنه
2- من وين نحرم أبي وصف دقيق للميقات وخصوصاً الميقات الجديد من وين نفرق معه وهل فيه لوحات إرشاديه وأقرب ديره قبله
3- هل الميقات الجديد فيه خدمات غرف للإيجار ومطاعم إلخ..
4- وكم بينه وبين مكه

الله يعطيكم العافيه نبي خبر

[أبو سعد الحربي]

اللهم صلي على سيدنا محمد

الطريق من ابها الي مكة في طريقين
1- عن طريق عقبة شعار وتنزل بعدها على محايل عسير ومن ثم إلى بارق , شمران , والعرضيات إلى المخواة ثم إلى المظيلف ومن هناك إلى مكة (طريق الساحل ) حتي تصل إلى الليث وهناك في مجمع ريدان ( مجمع طيب تقدر ترتاح فيه ) موقعه وإنت متجه إلى مكة أول ماتوصل الليث راح توقف في إشارة , المجمع يكون في يمينك .
وبعدالليث تمشي تقريباً 120 كيلوا وبعدها يجيك مفرق الميقات (يلملم ) وهناك تحرم وتكمل طريقة إلى مكة تقريباً 60 كيلو, ملاحظة :- ( أول ماتدخل مفرق الميقات راح يكون الطريق مسار واحد بإتجاهين) .
لو مادخلت مع مفرق الميقات راح توصل إلى جدة .

2- طريق عقبة ظلع :
وهذا راح يقطع بك الساحل كامل حتي تصل إلى المظيلف ومن هناك تكمل مثل ما ذكرت لك سابقاً.
ملاحظة : هذا الطريق أفضل من حيث إنه خط مستقيم لا توجد به كثير من اللفات أو القرى التي تمر من وسطها.

لو حبيت تجي مع شعار حاول إنك توصل إلى المظيلف على الساعة 7 صباح والسبب هو إن الطريق من المظيلف إلى مكة تقريباً 3 ساعات ( 8 و9 و10 ) عشان تتجنب السافي والي يبدأمن الساعة 9 صباح حتي الساعة 5:30 عصراً .
أما إذا بتحرك من ظلع حاول تحرك من ابها تقريباً الساعة 4 الفجر أو 4 العصر حتي تتجنب السافي .
وإحسب للطريق من 6 ساعات إلى 7 ساعات .

وارجع اقولك حاول تتجنب السافي للأسباب التالية :

يعدم وجه السيارة والأنوار الأمامية والزجاج الامامي
ما تقدر تمشي أكثر من 40 أو 60 بسبب عدم الرئية , وكذا تخاف لا قدر الله يطلع لك بعير وإنت منت داري

وأنا افضل لك تمشي في النهار أفضل من الليل وخاصة لو كان معاك عائلة .

وأي إستفسار أنا حاضر

[مشعل15]

بيض الله وجهك يابوسعد ورحم الله والديك
الله يرفع قدرك في الدنيا والاخرة

انا باروح عن طريق ضلع حسب نصيحتك
لكن وش المحافظات اللي بمر عليها قبل الليث
واللي فهمت منك أن مجمع ريدان في الليث
واني لازم افرق مع الميقات إذا باروح مكة سيدة
وان بين ريدان ( الليث ) والميقات اللي لازم افرق معه علشان اروح مكه 120كم

هل هذا صحيح

[أبو سعد الحربي]

الله يستر عليك إن شاء الله في الطريق

إنتبه وأنا أخوك اليوم في الجريدة كاتبين عن موجة الغبار الي في منطقة جيزان
الحذر وانا أخوك

طول الله عمرك أنا ما قد مشية مع طريق ضلع
لكن حسب وصف الشباب أعتقد إنك راح تمر مع منطقة جيزان, البرك , عمق , القنفذة وبعدها المظيلف
بس المسافة والله وأنا أخوك ما اعرفها بالتحديد
المسافة بين الليث ومفرق الميقات تقريباً 100 كيلو تقريبا وليس بالضبط
وأنا إخترت لك مجمع ريدان الي في الليث لأنه أفض موقع تقدر ترتاح فيه قبل ما توصل للميقات وتحرم
من هناك
وهذه صورة توضح لك المفرق للميقات من قوقل إيرث

http://hh7.net/Jul4/hh7.net_13107951901.jpg (http://hh7.net/)