المساعد الشخصي الرقمي

مشاهدة النسخة كاملة : عاجل وظروري يا أهل الجموس ابي ردودكم ومشوراتكم ونصايحكم


برازيلي 88
15/07/2011, 12:22 AM
بسم الله الرحمن الرحيم .
والصلاة والسلام على اشرف خلق الله نبينا محمد عليه افضل الصلاة واتم التسليم .
أولا : انا ضيف جديد بهالمنتدى الغالي وهذي أول مشاركة لي . علما بأني لم اجد مكانا للترحيب في قسم التراحيب
وثانيا : انا من عشاق الجموس بجميع أنواعه . حيث لدي جمس برازيلي موديل 88 مخزن بس للأسف مخزن وفي نفس الوقت مدمور بداخل المرتبه معدومة والطبلون مليان بطحاء مو غبار ههههه الموهم مالكم بالطويلة . دخلت في راسي فكره تغيير المكينة إلى مكينة جمس بحجم 2500hd بحيث تكون السيارة فيها دبل . مع العلم بأنو السيارة ليس لها دبل . هل بالإمكانية عمل توليف للجمس البرازيلي من حيث المكينة والجير والدبل . إذا كان الدبل مستحيل توليفة مو مشكلة . بس ابي هالجمس البرازيلي تكون مكينته مكينة سييرا او سلفرادو إذا كان هناك فرصة تكفون الفزعة . وعند مين ازبطها وايش تنصحوني .لاني قليل الخبره به الامور . وتسلموون حبايب قلبي مقدما . تحياتي لكم جميعا اخواني الإعزاء

محب الجموس والشفرات
برازيلي 88
15/07/2011, 01:17 AM
ماشاءا لله تبارك الرحمن . وصول عدد المشاهده إلى 7 اشخاص . تكفوون ردو علي او على الاقل قولو مانعرف . لا تتفرجون وتروحون . ابيكم تكتبوون لي أي شي . الفزعة يا اخوان تكفون ابيكم تردون .
THE KILLER
15/07/2011, 01:44 AM
يبغالك جير مع الدبل والدفرنس الامامي ولازم اعتقد تنخرم فتحة محل الارضية حقت الدبل جنب القير امممم شوف راح تكلفك بس دام جمس مخزن انصحك تروح محلات مهندسين لان يبيلها شغلة ولا تستعجل عليها
المشكلة معرف ورشة صحيحة ان شاء الله الاخوان يفيدونك
برازيلي 88
15/07/2011, 04:44 AM
يبغالك جير مع الدبل والدفرنس الامامي ولازم اعتقد تنخرم فتحة محل الارضية حقت الدبل جنب القير امممم شوف راح تكلفك بس دام جمس مخزن انصحك تروح محلات مهندسين لان يبيلها شغلة ولا تستعجل عليها
المشكلة معرف ورشة صحيحة ان شاء الله الاخوان يفيدونك


مشكور اخووي على مرورك لصفحتي ياغالي ولاهنت
برازيلي 88
15/07/2011, 04:45 AM
يالله يا ااخوواان وين الردود تكفون الفزعة يا اهل الشفرات والجمووس
شفي بشاص
15/07/2011, 04:52 AM
ههههههههههه ياحبي لكـ يابرازيلي
والله يانكـ راعي طويله
خذلك جمس كامل مكينته على ماذكرت
hd2500 دبل وريح راسك ورد بالراحة
ولا كل يوم بورشة وكل يوم بتشليح
مجرد رأي ياخلفهم وانت ابخص
تقبل مروررري
escape_man
15/07/2011, 05:14 AM
اتصل على الكابتن احمد بالحمر بالمنطقة الشرقية ويعطيك رايه

0555889886

ان قريت ان فيه ناس ولفت عليه 350 وناس تولف عليه مكينة 1500
F34666
15/07/2011, 07:54 AM
انت من اي منطقة حتى نفيدك
مخموم القلب
15/07/2011, 09:33 AM
والله ياخوي مافيه مثل شد البلد واللا الترهيم ماهو كل مرة يزبط نصيحة والله يسهل لك كل عسير
السنع كله
15/07/2011, 04:03 PM
الموتر المشار اليه اعلاه
اكل عليه الدهر وتمضمض واستنثر
وكبرانت عليه اربعا
والتكاليف في التواليف تجيب لك موتر يريحك ووش لك ووجع الراس
يالبى الهلا
15/07/2011, 04:19 PM
ابعد عنه ومالك ومال وجع الراس السياره تحتاج اكثر الجلد البدي والهيئه الاماميه رايحه فيها من كثرة الوقوف انصح الاخوان الابتعاد عن السيارات المخزنه اللي لها فتره طويله واقفه رأيي خطأ يحتمل الصواب ورأي غيري صواب يحتمل الخطأ
سحابة قبله
15/07/2011, 11:07 PM
ابعد عنه ومالك ومال وجع الراس السياره تحتاج اكثر الجلد البدي والهيئه الاماميه رايحه فيها من كثرة الوقوف انصح الاخوان الابتعاد عن السيارات المخزنه اللي لها فتره طويله واقفه رأيي خطأ يحتمل الصواب ورأي غيري صواب يحتمل الخطأ


اتفق مع رأيك