المساعد الشخصي الرقمي

مشاهدة النسخة كاملة : الفزعه ياشباب عطل غريب بالسياره ارجو المساعده قبل اروح للورشه


صقر المقانيص
15/07/2011, 12:28 PM
السلام عليكم وفق الله جميع من دخل موضوعي وافادني بخبرته او شار علي بشوره

معاي فوتشنر 2008 6 سرندل تماتيك

البواجي عندي قديمه مع ان الموتر ممتاز ولايشتكي من شي لكن انا على وجه سفر قلت بغير البواجي رحت شريت بواجي من عفيف موزع لتويوتا اشتريت من عنده البواجي وقمت انا بتغيير البواجي واجهة صعوبه لكن فكيت البواجي القديمه وركبت البواجي الجديده وكل هذا بعد مابردت السياره تماما رحت ركبت فلتر جديد وبعد كذا شغلت السياره اول ماشتغلت ممتازه واخذت تقريبا 30 ثانيه وبدا الضغط ينخفض وبدت المكينه ترج دعست بنزين الا السياره ماتقبل الدعس واذا دعست اسمع صوت سحب الهواء وتكتم السياره مشيت فيها مره ماتقبل الدعسه ، رجعت وخليتها تبرد وكنت اتوقع ان رقم البواجي مونفسه فكيت البواجي الجديده ورديت القديمه وحتى الفلتر القديم رديته وشغلت الا نفس المشكله ماراحت ،

تكفون ياجماعة الخير الي له خبره يفيدني وانا ودي اخذ رايكم قبل اودي الموتر للكهربائي ارجو المساعده انا على وجه سفر وكل هالصيانات عشان الخط وليته سلم منها ..

للمعلوميه قبل اغير البواجي كانت المكينه مغبره رحت غسلت الرفرف الداخلي الاسير بالماء وكذلك الايمن جهة الفيوزات المكينه ماجاها ولانقطة ماء حبيت ابين بس اخاف الماء خرب لي شي
سعد الظاهري
15/07/2011, 12:34 PM
المشكله والله اعلم بحساسا الهواء تحصله بالخرطوش الي بين فلتر الهواء والمكينه شيك عليه ممكن منفصل سلكه او جااه غبار وخرب الله يسهل لك امرك
رسيس نجد
15/07/2011, 12:51 PM
تاكد انك مركب اسلاك البواجي بشكل الصحيح
أبوعابد 22
15/07/2011, 12:59 PM
والله وانا واخوك عندك مشكل في أسلاك بواجي رقم الأسلاك
والله يعينك
السنع كله
15/07/2011, 01:07 PM
كهربائي يرجع الاسلاك محلاتها
ابو انس111
15/07/2011, 01:16 PM
المشكله والله اعلم بحساسا الهواء تحصله بالخرطوش الي بين فلتر الهواء والمكينه شيك عليه ممكن منفصل سلكه او جااه غبار وخرب الله يسهل لك امرك

أضم صوتي لصوتك ،،،
و الله ييسر لك أمرك .
برادو 99
15/07/2011, 02:37 PM
تاكد من اسلاك البواجي يمكنك مصعها او انك مقلبها ماحطيت كل واحد مكانه
يالبى الهلا
15/07/2011, 03:26 PM
للاسف بعض الشباب ينسى اهم حاجه وهي اخر ماتفكه هي اول ما تركبه ويبدا يلخبط بالكويلات المفروض وخلها قاعده عندك اذا بديت تفك البواجي اول شي هات قلم ملون او طامس واشر بالرقم على البوجي او الكويل وابدا قم 1,2الخ علشان لاتركب كويل غلط في غير وضعه الاول ويبدا الكيمبيوتر يلخبط ويهنق ويقر قراءه خاطئه الانه مبرمج عقله على الكويلات القديمه ووضعها لانه تختلف قراءتها عن قراءاة بعض مثل اصابع يدك ماهي مثل بعض فيه القوي وفيه المتوسط الشراره وهذه حلها لابد من اعادة برمجه للكمبيوتر ومسح الاخطاء اللي مخزنه بالعقل ثم تشغيل السياره والمشى بها مع الدعس في التحرك ثم اعادة فحصها واكتشاف الخخخخخخللللللللللللللللللل اتمنى اني فتدك في نقل الصوره
التفق
15/07/2011, 03:40 PM
السلام عليكم اخوي اسلاك الكويلات مقاساتها ماتسمح لك انك تلخبط بينها يعني كل سلك يوصل لمكان البوجي المخصص لانك لو تبي تركب سلك مكان الثاني ماراح يطول السلك المشكله اللي عندك الله اعلم انك مع كثره الحركه والشغل في المكينه ايدك ضربت اما لي او فيش كهرب او ضغطت على حاجه واخلفت شغلها يعني فتش بمكان شغلك تحصل المشكله هي يا أحد الافيشا او لي مصعته من مكانه وانت مادريت دمت بود:good2:
يالبى الهلا
15/07/2011, 03:48 PM
السلام عليكم اخوي اسلاك الكويلات مقاساتها ماتسمح لك انك تلخبط بينها يعني كل سلك يوصل لمكان البوجي المخصص لانك لو تبي تركب سلك مكان الثاني ماراح يطول السلك المشكله اللي عندك الله اعلم انك مع كثره الحركه والشغل في المكينه ايدك ضربت اما لي او فيش كهرب او ضغطت على حاجه واخلفت شغلها يعني فتش بمكان شغلك تحصل المشكله هي يا أحد الافيشا او لي مصعته من مكانه وانت مادريت دمت بود:good2:
المشكله ماهي الاسلاك المشكله تلخبطت الكويلا ت؟؟؟؟؟؟؟؟؟؟؟؟؟؟؟؟؟
التفق
15/07/2011, 05:00 PM
المشكله عندك ولا عنده يومك تقول الكويلات ؟؟؟؟؟؟؟؟؟؟؟؟؟؟؟؟ هو ماغير اسلاك عشان تلخبط الكويلات عنده هوغير بواجي بس يعني كل سلك واصل الى حد البوجي زاهب بس امصع السلك وبدل البوجي ورجع السلك وصلى الله وبارك
يالبى الهلا
15/07/2011, 05:09 PM
المشكله عندك ولا عنده المشكله عند الجميع مادامنه طرحها بالمنتدى وطلب المشوره من الجميع ولاخاب من استشار
صقر المقانيص
15/07/2011, 05:29 PM
جزاكم الله خير وبيض الله وجيهكم بالنسبه للكويلات انا مالخبطت بهن لاني كنت افك البوجي واركبه واركب كويله وبعدين اروح للي بعده بنفس الطريقه لكن والله العالم ان من العفسه قاطعلي سلك لكن اني كنت حريص جدا ولا جيت غير اسلاك البواجي ابغا اوديها للكهربائي واوافيكم بالنتايج ودعواتكم والله ضاق صدري..

هههههههههه الحين عشت واقعيا المثل الي يقول يبي يكحلها اعماااااها
تــــوني
15/07/2011, 05:40 PM
ههههههههههه من جد عميتها

مشكلتك مو البواجي ولا اسلاك الكويلات

حساس الدعسه شيك عليه وفيه لي الهوا الي من القربة للثلاجه ما يكون قطع وسلك منظم الهوا

وافصل البطارية واشبكها ثانية وتأكد انك مطبق غطى الفلتر كويس لانه لو فيه تهريب هوا يقطع
صقر المقانيص
15/07/2011, 08:20 PM
الله يوفقكم دنيا واخره

اليوم العصر رحت اخذت السياره ووديتها لكهربائي فحص الاسلاك وشيك على كل شي قالي غريبه كل شي راكب صح ولا فيه قطع ولا شي وارسلني على واحد ثاني قالي عنده كمبيوتر رحت للراعي الكمبيوتر قالي والله الكمبيوتر مايلطع مثل هالشغلات دام لمبة المكينه ماولعت معاك قالي مالك غير تجيب بواجي من الوكاله نفسها لأن الي بالسوق مضروب وافحص لك على الكويلات يمكن واحد منهن ضارب ولا شي ،
مشيت من عنده ورحت لواحد ثاني قالي هذي معروفه يبغالك نتظيف بخاخات وتنظيف دعسة البنزين ويدك على خمس مية ريال قلت ياخوي وش دخل البخاخات والدعسه ماحد لمسهن بشي قالي ابد هذا الي بالسياره والله اني احسه يبي ينصب نصبه محترمه ،

فاوش رايكم اودي الموتر للوكاله ولا وش السوات

للمعلوميه بعد مامشيت على السياره خفت التفتفه بنسبه كبيره لكن فيه تفتفه بس اخف من اول بكثير والله حيرتني هالسياره
بقايا امل
15/07/2011, 08:38 PM
السلام عليكم
حلها عندي وانا اخوك
شوف اذا فكيت اي حساس حق الهواء او فصلت البطاريه يصير تفتفه اقصد الضغط نازل وعند كل اشاره يطفي كلها يوم او يومين ويرجع مثل اول انا صارلي مثلك اذا كانك فاك اللي قلتك
السلام
صقر المقانيص
15/07/2011, 09:46 PM
والله ياخوك فعلا انا فصلت البطاريه قبل لا شغل السياره وبكره بدخلها الوكاله وبشوف وش يصير بس اخاف من استغلال الوكالات .

ياليت اخوي بقايا امل تقولي وش موترك الي حصلت معك به التفتفه هو نفس موتري ولا غيره ؟
بقايا امل
15/07/2011, 11:47 PM
والله ياخوك فعلا انا فصلت البطاريه قبل لا شغل السياره وبكره بدخلها الوكاله وبشوف وش يصير بس اخاف من استغلال الوكالات .

ياليت اخوي بقايا امل تقولي وش موترك الي حصلت معك به التفتفه هو نفس موتري ولا غيره ؟


ما يحتاج وكاله خذها مني
دامك فكيت اصبع البطاريه راح يعيد برمجه نفسه بنفسه يعني عطه يوم بالكثير اهم شي امش عليه شوي
موتري فورتشنر اربعه سلند
عادي مررررررررررررررررررررررررررررررررررررررررررررررررر ررر اللي صار معك
الرجل الألف
16/07/2011, 03:48 AM
مارجعت كل سلك في مكانه
وهذه هي السالفة
جيب شراع
16/07/2011, 02:49 PM
ياخوي تأكد من رقم البوجي الجديد انة مطابق للرقم القديم
صقر المقانيص
16/07/2011, 09:08 PM
تم معرفة السبب ولم تحل المشكله دعواتكم لنا بالتوفيق

السبب تجدونه على الرابط هذا


تنبيه هام وموضوع خطير يخص ملاك الفوتشنر والهايلكس .. (http://www.mekshat.com/vb/showthread.php?p=6999371#post6999371)







.