لاتفوتك هذه السالفه القديمه هج ابلحقك [الأرشيف]

مشاهدة النسخة كاملة : لاتفوتك هذه السالفه القديمه هج ابلحقك

راعي العجراء

15/07/2011, 04:18 PM

السلام علاكم ورحمة الله وبركاته
اليكم هذه السالفه القديمه
وهي عن الخبلان والمهابيل
ذيك الحين من قديم كانوا اهل الباديه اذا صار عندهم رجال مهبول وعجزوا عنه
يدخلونه للديره ويتركونه في الديره حتى يكون قريب من عيون الناس ويطعمونهم فقد ضاقت بهم السبل
ولا يعرفون له علاج واصبحت القرى والمدن تعج بالمهابيل زود عن مهابيل الديره ولاتكاد تمشي مع شارع الا ويقابلك مخبول والحمد لله الحين تغير الوقت واصبح لهم مصحات نفسيه ومحاولات جاده في علاجهم
بدايه القصه
من اول مافيه لمبات في ديرتنا وان كانت فيه فهي قليله جدا ولاتلفزيون ولا بلاستيشن
حتى الرادو يصعب تشوفه واكان الناس يتعللون عند بعض خاصه الشباب اذا تاخروا الى الساع تسع او عشر بالكثير
المهم فيه حدى البيوت عندهم خبل او مخبول بالنهار يمسكونه اهله داخل البيت حتى مايوذي خلق الله وبالليل يفكون يمغط رجليه عقب الربط ويلف الديره كلها بربع ساعة
حياته كلها ركض بركض ثم يرجع عند باب اهله الباب الخشب الكبير ويقعد مره يخلي رجليه بالشارع ومره يمدد بدخلة الباب على العتبه وماحد يشوفه ليل وكراعينه على العتبه
والمهبول هذا عنده هوايه الركض وسبوق بالحيل مايتعب اذا لحق له كلب يقعد الكلب يصوي من التعب وهو مابعد ريح بالخامس ثم يشيل الكلب يزمه زم والكلب من التعب وقل النفس مايقدر ولا ينبح ولا حتى يعبر عن شعوره
هالخبل اذا مسك له شخص مايوذيه حليل بس يقول للشخص اللي ماسكه هج ابلحقك
وياويلك ان طحت بيدي يالله رح عند طرف العاير وهج والدنيا ضلام من يقدر يركض بالليل
واليا منه بغى يلف مع العاير انطلق وراه الخبل وثواني وهو ماسكه ثم خذ يالكفوف والتصفيق لما يتغير اشباه وجه الرجال
كان فيه واحد من الجماعه من اللي يسهرون الى الساعه عشر وطريقه لبيت اهله من جهه بيت هالخبل ويضطر يروح مع شارع ثاني حتى مايشوفه الخبل واذا قابله بالصدفه بشارع ثاني يبشر بكلمة هج ابلحقك والعويده ماراح يخليها
المهم هذا الشخص احيان يتاخر بالسهر والنوم في عيونه مايشوف من النوم ويتكاسل يروح مع الشارع البعيد
يقول ذاك اليوم قلت مانيب رايح مع الطريق البعيد اباقف بطرفالعاير وباشوف كراعين الخبل هي بالشارع والا لا اذا شافها غير خط سيره
في مرة من المرات عزم يروح من طريق هالخبل وقف بالعاير الا كراعين الخبل ماهي موجوده فرح قال وكاد ان اهله ماطلوعه والا ماخذ له مشوار تدري وشلون وهو يشاور نفسه ابنطلق من اول الشارع ركض حتى والخبل ماهوب موجود وعساي اسلم من شره
انطلق هالضعيف يركض ماسح طبلونه ويوم مر من عند باب المخبول وهو يلتفت عليه يبي يتاكد ان الخبل ماهو امدد على العتبه فعلا ماحصل الخبل بالباب وهو على ركضته
المهم في هذا الشارع شويرع صغير ينتهي على شكل حرف T في هذا الشارع
الا والخبل طالع منه يلحق له كلب وخوينا على ركضته وهو يتصادم بالكلب ويطيحون على بعض ويجي هالخبل ويمسكهم اثنينهم الكلب وخوينا وهو يزم الكلب ويقول لخوينا هج ابلحقك والكلب معه وينه وين الهجه اعظامه متفككه من الطيحه والخوف والضلام
عرف انه من صيدة امس
هج خوينا وثواني الا والخبل عنده وكفين واقضب الباب
انتهت السالفه
وارجوا ان اكون وفقت في اخراجها لكم
وتسلم علاكم عمتي منيفه

وردة النفل

15/07/2011, 04:28 PM

أبوعبدالرحمن0

15/07/2011, 04:34 PM

راعي العجراء

15/07/2011, 05:04 PM

:s

:pهههههههههه:p
ليته غير طريقه ولاتقابل مع الخبل هذي نهاية الكسل :p
بس منظر التصادم يضحك :p وطار النوم من عيونه
الله يعافيك ياراعي العجرا على القصه الظريفه
وربي يسلم العمه منيفه وسلميلي عليها واذا عندها قصص طيبه
اكتبها لنا
ولك http://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gifhttp://m002.maktoob.com/alfrasha/up/14695887772111426838.gif
بانتظار جديدك

____________

هلابك ياورده نفل
واشكرك على حضورك وعلى تميز حرفك بحسن الردود
كذلك اشكرك على الخمس نجوم وبالصراحه كثيره على موضوعي
بس طيبك هو من منحني الفايف ستار الواقواق اكادمي ليمتد استابلشمنت
وبعدين ليه ماتسيرين علا عمتي منيفه تسمعين سوالفها على نغمة الرشاش
والتسعه ملي وصياح عوالها وحنين الخلوج اللي ذبحت حوارها بالرشاش
من غير قصد بالرمي العشوائي تعبير عن شعورها بخطبة الهال لها

يوسف الخليفة1

15/07/2011, 05:13 PM

وعليكم السلام ورحمة الله وبركاته

بارك الله فيك أخي العزيز راعي العجراء

ابو وكر

15/07/2011, 05:24 PM

يعطيك العافية
وتسلم على القصة

قوافي ( أم نهار )

15/07/2011, 06:05 PM

حياك الله اخوي
الله يسلمك ويسلم عمتك منيفه
زين ان كان ما يجيهم الاطراقات بسيطه لا أصبح نسا
مشكور اخوي وتقبل مروري
***
تحياتي.اختك
..قوافي..

راعي العجراء

15/07/2011, 06:08 PM

وعليكم السلام ورحمة الله وبركاته

يا هـــلا ومــرحبـــا بك

قصـة ممتعـــة ومضحكـــة

متعـك الله بالصحــة والعافيــة

تقول انه : حليل

وين حليل ؟!!

وهالخبلان مشكلة خاصة إذا صار نشيط ما تقواه

الله يشفي مرضى المسلمين

ويكفينـا شرهم

عسى ما صاب عمتك منيفة من هالخبلان شي بس؟

بتكون معلومة جديدة للهيل !

مشكــــــور

هلابك يابوعبد الرحمن
حضورك تشريف للقصه
وبعدين هو حليل بس ينفرط احيان الترس عنده ويذبح له رجال
وبعدين عمتي منيفه انت عارف انها حرمه والا كان جادعينها من زمان بالدنمرك حتى
ماترجع نخليها ترضع حليب بقرهم لما تصتصح ويركد هالبلف اللي يطقطق براسها من الزبد مثل التشحيم
بس تفكا ترا الهال مايدري
عن هالبلف اللي منطلق عندها بالمخيخ

راعي العجراء

15/07/2011, 06:10 PM

وعليكم السلام ورحمة الله وبركاته

بارك الله فيك أخي العزيز راعي العجراء

ربي يحييك يايوسف الخليفه
ولاهنت علىمرورك

دل البحار

15/07/2011, 06:12 PM

يعطيك العافيه يا اعي العجرا على السالفه
لك كل الود ولاننحرم جديدك

راعي العجراء

15/07/2011, 06:12 PM

يعطيك العافية
وتسلم على القصة

الله يحييك وانت سالم وغانم
شاكر مرورك

راعي العجراء

15/07/2011, 06:15 PM

حياك الله اخوي

الله يسلمك ويسلم عمتك منيفه
زين ان كان ما يجيهم الاطراقات بسيطه لا أصبح نسا
مشكور اخوي وتقبل مروري
***
تحياتي.اختك

..قوافي..

هلابك ياعوافي القوافي
وعمتي منيفه بخير وعافيه وتسلم علاك
وبعدين من يقول الطراقات بسيطه
وجه الواحد عقب الطراقات تقول صادم بتركتر

هاوي عبث

15/07/2011, 11:09 PM

هاهاها اقول يا راعي العجراء

هج وابلحقك :D:p

الله يجزاك خير ويرحم والديك من زمان ماضحكت
احسنت فيني اليوم

نجم000الشمال

15/07/2011, 11:30 PM

النبهاني

15/07/2011, 11:32 PM

وعليكم السلام ورحمة الله وبركاته
حيا الله بناخي منيفه
هذي ماهي سالفه هذي وصفه للضيقه واللي ماهو بلحيل ضايق يسده العنوان
اي والله ياهو حليل هالخبل ما يعرف الا الوجه
انت تشوف ياخوي نشاط هالخبول الحمد لله الحمد لله
الله يوسع صدرك يا بناخي منيفه
ولا تحرمنا من هالسوالف تعاونا على هالقيض
من ناحية النجوم ما عاد بها نجوم
زاقحينك بالسماء النجوم عندك

ابو الشبرميات

16/07/2011, 12:08 AM

ياحليل ذا الخبل ياراعي العجراء

اذا كان حبيب وغاث المسلمين ويتنحّشون عنه اجل وش لو انه اقشر ؟؟؟

عندي سؤال لك : كم مرة لحقك ذا المهبول ؟؟؟ قلي ولانيب معلم احد !!!

***

تقبل مروري

,,,

أبو عرّام

16/07/2011, 12:23 AM

هههههه
أجل العجرا اللي معك ماهي من فراغ!!!
تعرف .. مدري ليش ربطت بين ساهر وبين هالمهبول!!! :)

انسانه؟

16/07/2011, 01:26 AM

ماشاء الله قصه طريفه
وسبحان الله اللي مريض بعقله ينخاف منه حتى لوهومايؤذي بس يخوف ,,
وفيه ناس للآن مهمله عيالها بالشوارع .
بس سؤال :
شنويعني العاير؟؟
وسلم لنا على عمتك منيفه..
بارك الله فيك وسلمت يمناك.,

ابو عمررر

16/07/2011, 02:43 AM

ههههههههههههه
اضحك الله سنك

رسلان الوايلي

16/07/2011, 03:05 AM

الله يعطيك العافيه والله انك ونستناء
وننتضر جديدك وتستهل *****

مريقب العيفار

16/07/2011, 03:41 AM

يا زين سواليفك يا راعي العجراء

والله يا لها نكهة

لكن عندي سؤال يقرقع بتسبدي:

كم مرة لمخك هالخبل؟

زمان وطاف

16/07/2011, 03:51 AM

هههههه

سرد رااااائع ماشاء الله عليك

وأنا ياخي مادري بديت انجذب زيادهـ لها الخيمه:D

ياخي سوالفكم شي تضحك الواحد غصب

بس لي يوم دخلت وجفلت عن هالخيمه:D

يا ولد سوالفكم كله جن بجن أعوذ بالله:j

بس الحين أشوا

وأحسن شي

كفين وأقضب الباب

بيض الله وجهكـ

أخوكـ/

زمــــان و طــــاف

سليمان الربيعان

16/07/2011, 08:54 AM

ههههههههههههه :burnout2::burnout2:هج وابلحقك الله يكفينا الشر
ونتظر جديدك...

راعي العجراء

17/07/2011, 09:29 PM

يعطيك العافيه يا اعي العجرا على السالفه

لك كل الود ولاننحرم جديدك

دل البحار الله يمسيك بالخير
والله يعافيك
اشكر مرورك

راعي العجراء

17/07/2011, 09:32 PM

هاهاها اقول يا راعي العجراء

هج وابلحقك :D:p

الله يجزاك خير ويرحم والديك من زمان ماضحكت

احسنت فيني اليوم

هاوي عبث
كان السوالف توسع صدرك
وتبسطك ابا اسولف لك حتى يصفي راسك

راعي العجراء

17/07/2011, 09:37 PM

هلا فيك اخوي

وتسلم على ايراد القصة الطريفة
ونستنا بالقصة الله يونسك بالعافية
يا خوي هذا عسة مركب هدرز هههههههههههههه
الله يشفي كل مريض ويعافينا مما ابتلاهم.

الله يسعدك ولك مني *** نجمات تستاهل كتوفك.

ارحب ابو اسامه
الحمدلله ان السالفه اعجبتكم
هج ابا الحقك
وبعدين هو ماركب هدرز ماعندهم ذاك الوقت
ولكن معبي بانزين طياره داكوتا

راعي العجراء

17/07/2011, 09:42 PM

وعليكم السلام ورحمة الله وبركاته

حيا الله بناخي منيفه
هذي ماهي سالفه هذي وصفه للضيقه واللي ماهو بلحيل ضايق يسده العنوان
اي والله ياهو حليل هالخبل ما يعرف الا الوجه
انت تشوف ياخوي نشاط هالخبول الحمد لله الحمد لله
الله يوسع صدرك يا بناخي منيفه
ولا تحرمنا من هالسوالف تعاونا على هالقيض
من ناحية النجوم ما عاد بها نجوم

زاقحينك بالسماء النجوم عندك

هلابك ياعاشق منيفه المتيم
بس ماتبا الناس تدري عنك
والقصه اللي تعجبكم اطير من الفرحه عسى نفرح بليلة عرسك
يالنبهاني حضورك شرفني وزادتني سعاده

راعي العجراء

17/07/2011, 09:45 PM

ياحليل ذا الخبل ياراعي العجراء

اذا كان حبيب وغاث المسلمين ويتنحّشون عنه اجل وش لو انه اقشر ؟؟؟

عندي سؤال لك : كم مرة لحقك ذا المهبول ؟؟؟ قلي ولانيب معلم احد !!!

***

تقبل مروري

,,,

اررررحب يابو الشبرميات
وين هالخبل هالحليل الا ماحلاه الله
يغير اشباه الوجه ويصير حليل
تشرفت في حضورك

راعي العجراء

17/07/2011, 09:49 PM

هههههه
أجل العجرا اللي معك ماهي من فراغ!!!
تعرف .. مدري ليش ربطت بين ساهر وبين هالمهبول!!! :)

هلابك يابو عزام
ساهر يخل المخابي
والخبل يخل بالعقول

ابو نايف 111

18/07/2011, 02:08 AM

السلام عليكم
متعك الله با الصحه و العافيه
يسلم راسك على على القصه الحلوه والفكاهيه جدا جدا :good2: :good2: :good2:
فعلن اذ الواحد فيه قل صح ونشيط
الله يخارجنا

راعي العجراء

23/07/2011, 03:29 PM

السلام عليكم
متعك الله با الصحه و العافيه
يسلم راسك على على القصه الحلوه والفكاهيه جدا جدا :good2: :good2: :good2:
فعلن اذ الواحد فيه قل صح ونشيط
الله يخارجنا

وعليكم السلام ورحمة الله وبركاته
هلاوغلا يابو نايف
ومن قال سالم
والمهابيل بهاك الزمن واجد ونشاط لاسيارات ولاغيره حياتهم ركض بركض
ت

راعي العجراء

28/08/2011, 08:19 PM

سرني حضوركم بهذه الساله وكلي شكر

لهذه النخبه الجيده من الاعضاء
ردودكم توسع الصدر

Al3rands

29/08/2011, 02:59 PM

هههههههههههههههه اي والله هج وابلحقك

راعي العجراء

02/09/2011, 07:10 PM

هههههههههههههههه اي والله هج وابلحقك

الله يعطيك العافيه
هذه الكلمه هج ابلحقك
اهون علي من كلام عمتي منيفه
عمتي منيفه
تقول هج ابرمي عليك بالرشاش

ودي اوسع صدري عليك
تركب بالشاص وتخليني على ضحاح النور
وانا اذاني تقول اذان خزز
انزل وحده وارفع واحده
وطردي طول الليل لما يقطع البنزين
والا تخلص الطلقات

ابو باسل

08/09/2011, 10:11 PM

حسبي الله عليك
مت من الضحك اوجعتن احنوكي

ابو ماجد 2

08/09/2011, 11:50 PM

لا بك ياولد اخو منيفه
قصة شيقه وحلاها اسلوبك
وبالفعل كان بالماضي كل ديره فيها مهابيل ولهم قصص عجيبه
واللي اعجب ان بعض القصص تنم عن ذكاء وحكمه رغم انهم باجماع الكل مهابيل

bandaras2008

09/09/2011, 12:25 AM

راعي العجراء لاعدمناك وسواليفك الطيبه بارك الله فيك وسعت صدورنا الله يسعدك في الدارين يارب محبكم /ابو مصعب

سعد النفيعي

09/09/2011, 12:59 AM

ههههههههههه اضحك الله سنك يارجل

راعي العجراء

09/09/2011, 03:36 AM

الله يعطيكم العافيه
وسعتوا صدري في حضوركم والله انكم تستاهلون من يرد على كل واحد لحاله
ولكن المعذره تعبت من الردود المتواصله
قمة الابداع تواجدكم

راعي العجراء

10/09/2012, 04:08 PM

لا بك ياولد اخو منيفه

قصة شيقه وحلاها اسلوبك
وبالفعل كان بالماضي كل ديره فيها مهابيل ولهم قصص عجيبه
واللي اعجب ان بعض القصص تنم عن ذكاء وحكمه رغم انهم باجماع الكل مهابيل

انت خابر المهابيل يابو ماجد منول
اكثر من السيارات هالوقت
والمهبول من اول يدق بوري عند كل عاير
ولا كان يتصادمون
اشكرك على حضورك

النجم السراي

11/09/2012, 03:08 PM

ماشاء الله قصه جميله

واسلوب رائع

راعي العجراء

16/09/2012, 12:03 PM

ماشاء الله قصه جميله

واسلوب رائع

هلابك يالنجم السراي
والجميل حضورك لاعدمتك ولا عدمت حضورك

راعي المطافيل

16/09/2012, 02:17 PM

اجل لو كان مهوووووووووووووو حلــــــــــيل ........ وش يسوي
تقبل مرررررررررررروررررررررري
وسامحووووووووني عن انقطاعي عنكم لانكم البدايه والي ماله اول اكيد ماله ....

عابر سبيل 1

20/09/2012, 10:03 PM

الله يسعد أيامك ياراعي العجراء مثل ما وسعت صدورنا بالسالفه ...
تحياتي لك ...

بوابراهيم ع

04/10/2012, 06:03 AM

الله يعطيك العافيه أخوي راعي العجراء
الله يفتح عليك أبواب فضله مثل ما شرحت صدورنا بهالسالفه
بس وراكم ما دخلتوه اللمبياد كود يحوشله كم ميدليه
هذا الخبل يذكرني برجال من الحاره عندنا هو رجال راعي شراب وخمر والعياذ بالله
بس هذا من يتعاطى المخزي ويسكر يتخيل نفسه داخل مراثون يفر الحواري ركض
الحمد لله الذي هداه من بعد ظلال
تحياتي لك وكل الود

متعب القروعي

04/10/2012, 11:14 AM

الموووت الحمر ياارجل والله ماله حل مالك الا تبكي الياامنك شفته تخيلة نفسي بمكاانه

راعي العجراء

05/10/2012, 03:33 PM

اجل لو كان مهوووووووووووووو حلــــــــــيل ........ وش يسوي
تقبل مرررررررررررروررررررررري
وسامحووووووووني عن انقطاعي عنكم لانكم البدايه والي ماله اول اكيد ماله ....

هلا يا راعي المطافيل
اذا هي على الكف يعتبر حليل مع مرتبة الشرف
وماتغيب من شر والحمدلله على السلامه

حربي الحرة1

05/10/2012, 04:58 PM

وعليكم السلام ورحمة الله وبركاته
بيض الله وجهك ياراعي العجرا
على السرد قصه مضحكه لاوالله ماهوبحليل هج ابلحقك
تقبل مروري اخوك
حربي الحره

راعي العجراء

03/04/2013, 07:23 PM

وعليكم السلام ورحمة الله وبركاته
بيض الله وجهك ياراعي العجرا
على السرد قصه مضحكه لاوالله ماهوبحليل هج ابلحقك
تقبل مروري اخوك
حربي الحره

هلابك يااخي حربي الحره
وجهك ابيض شاكر مرورك
حفظك الله
دمت بخير

وانت الصادق

04/04/2013, 11:54 AM

يقول خالد المريخي في بيت شعر لم افهمه حق فهمه إلا اليوم :
لا تقول حليل حل الله لحاك ........ الحليل بسلمنا تعني خبل
هههه .... مشكلة اذا جاك مهبول ومتعافي ... لا مقاومة ولا نحشة ..
بس والله انا شدتني شخصية هالمهبول تحس ان فيه خبث ولكاعة وكأنه يتصنع الهبال ... الله يطامنهم باسمه

ذيب الفقارة

05/04/2013, 07:40 PM

بيض الله وجهك أخوي راعي العجراء على ها القصة المضحكة (هج ابلحقك )

لكن كل شيء يصير

كا ن الماء شحيح في المدينة المنورة وذلك في الثمانينات وكانت الزفة هي الوسيلة في النقل بجانب

القربة والماء من الكباسات التي في الشارع وبالمسابق

في يوم من الأيام صحونا الفجر على جلبة وضجة عند الكباس وكانت الناس مجتمعة وأمامهم رجل

مسدوح ومصروع يعني لا يتحرك ولا يتكلم ومن بين الحضور واحد عقله شوي وبقف بينهم

ويردد حسبي الله ونعم الوكيل لا والله الرجال مضروب مسكين

وبعد مدة تكلم الرجل المسدوح وأشارإلى الرجل المخبول وقال :

هذا اللي ضربني بعود الزفة

ابي كام

05/04/2013, 08:52 PM

يعطيك العافية

النجم السراي

09/04/2013, 08:03 AM

رائعه الله يعطيك العافيه