المساعد الشخصي الرقمي

مشاهدة النسخة كاملة : لأصحاب اللاندكروزر .. [ مشكلة اهتزاز الكبوت مع السرعة ] ..


خالد77
15/07/2011, 05:14 PM
السلام عليكم ..

مشكلتي باختصار شديد ..
عندي الجيب 2003 فيه الكبوت الله يصلح حاله ..
مع السرعة يتحرك خفيف
وإن كاني في طريق مزدوج وشطفتني تريلا :alarm:
صار فيه حركة قوية تخشى من خروجه ..
وذهبت إلى أنواع من السمكرية وبعضهم يقول غير الفصال وبعضهمم يقول طبيعي وبعضهم ياخذ له [ شاكوش ] 2 طن :D
ثم يضرب الكبوت من أسفل محل القفل لدرجة خروج بعض الحشرات النافقة جراء السهرات على النور :D:D
ويصلح لمدة اسبوع أو اسبوعين ثم تعود حليمة لحالتها القديمة ..
فما أدري هل من مجرب لهذه المعضلة ؟؟
يالبى الهلا
15/07/2011, 05:17 PM
غير الفصال اضمن لك و لروحك لاينفلت عليك ويسبب كارثه لاسمح الله لك اولغيرك
التفق
15/07/2011, 05:28 PM
اذا كان الاهتزاز من الجوانب الاماميه غير الجلب اللي في زوايا الكبوت مع الربل اللي بين الكبوت والشبك من الامام اللي من الشمعه للشمعه واذا كان يتحرك من الامام اما انك تنزل الوزنيه اللي قدام اواذا كانت متهالكه ماينفع فيها الوزن الله يعينك تستبدلها بجديده .... احترامي لك
قناص*07
15/07/2011, 05:29 PM
اذا الاهتزاز من المفاصل فغيرها
اذا الهتزاز من القشره الخارجيه اضف لها سلكون من داخل الكبوت ولا تمشيبها يوم وراح تضبط واذا الاهتزاز من القفل ارفع الوزنيات اللي فوق الشمعات شوي الين يلك معك الكبوت ويسير ماسك وتسكيرته تقيله شوي
خالد77
15/07/2011, 05:52 PM
ياجماعة أشكركم على تفاعلكم ،،
لكن التحرك الأكثر قدام يسار يعني أمام السواق ،،
وقبل فترة إذا فتحت الكبوت يطلع صوت [ ترك ] ،،
لكن الآن افتح الكبوت تقل كأني فاتح تانكي البانزين ،،
طير شلوى نجد
15/07/2011, 10:11 PM
وانا اخوك اكثر الاندكروزر كبوته يرج وما يخفى عليك كان معي فكس ار ونفس الموال يوم ركبت مع احد اخويي نفسي بالضبط واركب مع واحد ثاني وماهو بعيد عنا اهقا انه طبيعي وتأكد من احد ربعك معه اخو موترك
خالد77
16/07/2011, 01:03 AM
وانا اخوك اكثر الاندكروزر كبوته يرج وما يخفى عليك كان معي فكس ار ونفس الموال يوم ركبت مع احد اخويي نفسي بالضبط واركب مع واحد ثاني وماهو بعيد عنا اهقا انه طبيعي وتأكد من احد ربعك معه اخو موترك



لكن ما تفسير ما بعد الضربة بالشاكوش يضبط ثم يعود بعد فترة لحالته ؟ ولا أعتقد أنه طبيعي بل قل مشكلة الفصال مدري الربلات تندق ونبي المزيد من أهل التجربة
ماون ماركز
16/07/2011, 06:26 AM
شوف العوارض اذا فيه عوارض مثل السيارات الأميركية
تكون في بطن الكبوت الداخلي .. تحصل معجونها متفكك ومنفصله العوارض عن بودي الكبوت ..
والربلات اللي في مقدمة الكبوت ..
اذاني
16/07/2011, 01:08 PM
يحتاج تلحيم بين الصفقتين

انت افتح الكبوت وشف مكان الاهتزاز راح تلقي اللحام متفكك
ابورغودة
16/07/2011, 08:32 PM
:good2::good2::good2::good2::good2::good2:
اذا كان الاهتزاز من الجوانب الاماميه غير الجلب اللي في زوايا الكبوت مع الربل اللي بين الكبوت والشبك من الامام اللي من الشمعه للشمعه واذا كان يتحرك من الامام اما انك تنزل الوزنيه اللي قدام اواذا كانت متهالكه ماينفع فيها الوزن الله يعينك تستبدلها بجديده .... احترامي لك
ابو نجود
16/07/2011, 09:32 PM
انا بعد يا اخوان اعاني من نفس المشكلة..ولقيت البوية ماسحة من داخل غطاء الكبوت من الجهتين اليمين واليسار..مع الحركة والاحتكاك!!
ابوصالح2006
17/07/2011, 02:24 AM
اذا الاهتزاز من المفاصل فغيرها
اذا الهتزاز من القشره الخارجيه اضف لها سلكون من داخل الكبوت ولا تمشيبها يوم وراح تضبط واذا الاهتزاز من القفل ارفع الوزنيات اللي فوق الشمعات شوي الين يلك معك الكبوت ويسير ماسك وتسكيرته تقيله شوي

عز الله عطاك الحل 100% وماقصر الاخ قناص و لابقية الاخوان مشكورين

1- اول شي يبي لك تحدد مكان الاهتزازر بدقة
2- افتح الكبوت وطالع في الاعلى في بطن الكبوت هل في فراغ بين؟
3- ثم اتبع كلام الاخ قناص لانه حدد لك المشكله في اكثر من نقطة
شيك على جميع الربلات مو بس اللي قدام اللي تسند الكبوت لا تكون ناشفه او متقطعه او نازله ارفعها اذا لها وزن او غيرها اذا ارتفاعها ثابت مايتغير

4- رح لسمكري جيد وخله يطلع معك ويشوف ويجرب لان بعضهم يستعجل بالشاكوش ويخرب عليك الوزنيه ويصير الكبوت مرفوع من احد الجهات كن الموتر جايته سمكره
على رمشي تمشي
17/07/2011, 08:46 AM
انا موتري لامسكت خط اشوفه يتحرك مع الهواء ولاحظته على كثير من السيارات
شامخ الشيـبان
17/07/2011, 02:55 PM
نفس الملاحظة منتبه لها بموتري

وانا اقراء طراء علي حل ما ادري عن جدواه

الي هو الربل البلاستيك الي يحطونه على الابواب عشان تنسيم الهواء ولعدم دخول الغبار

لو حطيته على اطراف وحواف الكبوت رايح يثبته

لاكن يمكن يسبب مشكلة ثانية بحجمة ويتغير وزن الكبوت فترة

وش رايكم
ابو نجود
18/07/2011, 03:45 PM
يا اخوان..اعتقد انني لقيت سبب المشكلة..وهي ميزانية على شكل ربلة سوداء تختل وزنيتها مع الوقت..انظرالى الصورة..

http://www.mekshat.com/pix/upload05/images222/mk190_20110717.jpg


وعند تحريكها لليمين او اليسار تطول وتقصر..وعلى من يعاني من هذه المشكلة ان يزود طولها بشرط الايرتفع غطاء الكبوت عن سطح البدي..
خالد77
23/07/2011, 11:35 PM
والله ودي اقتبس مشاركة كل واحد وأقول له شكراً من أعماق قلبي ، لكن اشكركم جميعاً
وأتمنى أني أحل المشكلة لو 70 % ..
والله اليوم جاي من سفر ومضيق صدري الكبوت لدرجة أني أشك أني ناسية مفتوح .. لكن ...
الله يعين !
جوجل الجوف
23/07/2011, 11:47 PM
شغلة ما تكلفك خمسة دقايق
افتح الكبوت ومن الداخل اوضع دعايم
تحصل فية فرغات
اذا تبي تحط فيها كرتون مقوي بين الفرغات داخل الكبوت وركز على منتصف الكبوت
مثل بالصورة تحت
انا وضعت كرتون عادي بين الفراغات ولة سنة ولله الحمد تمام
واضف لذلك وزن الزوايا وكذلك القفل لة ميزانية نزلة تحت شوى حتي تشوفة الكبوت يطبق على النور والشبك الامام



مثل الصورة
http://www.mekshat.com/pix/upload05/images223/mk198826_mk190_20110717.jpg
محمدين عتريس
28/07/2011, 04:23 AM
عندي بشكل بسيط في الجهه الليا امام السواق

ومقلقتني ...بس ماني معطيها وجهه