يالربع ابي منكم اجوبة اذا ما عليكم امارة

[الجنيدي 123]

السلام عليكم ورحمة الله وبركاتة


يا اخوان انا ناوي اخذلي طير حر من المربط هذي اليومين صرااااااحتا انا اول مرة انوي اني اخذلي طير من المربط لكن متردد وعندي كم سؤال ابيكم تجاوبوني عنه اذا ما عليكم كلافة .


1 ) ما هي ايجابيات شراء طير من المربط ؟؟

2 ) ما هي سلبيات شراء طير من المربط ؟؟

3 ) ما هي الاسالة او الطرق لكشف اذا كان هناك اي عيوب في الطير غير فحص الطبيب لة ؟؟

4 ) الربطة باقيلها شوي وتخلص يعني هل علي دفع اي مبلغ للمربط او هي على البايع اذا كان قد تبقى من ريش الطير القليل جدا ؟؟

5 ) ادري ان كل طير له سعرة حسب علومة لكن كم سعر طير حر ما هو صايد يكون فرخ وصحتة طيبة و ما همني ان كان مزيون ولا لان في نظري ان الطير ما يزينة غير طبعة وعلومة . ( ياليت بالدرهم الاماراتي او الريال السعودي )

وسمووووووووووووحة منكم على لاطالة

[علم162]

اشتر وحش ازين لك وعلمه انت ثق في نظرك واللي تشوفه بس

[ربع خالي]

السلام عليكم ورحمة الله وبركاتة

وعليك السلام ورحمة الله وبركاته


يا اخوان انا ناوي اخذلي طير حر من المربط هذي اليومين صرااااااحتا انا اول مرة انوي اني اخذلي طير من المربط لكن متردد وعندي كم سؤال ابيكم تجاوبوني عنه اذا ما عليكم كلافة .


1 ) ما هي ايجابيات شراء طير من المربط ؟؟

ج1ــــ مابه من الايجابيات الا الرخص ولاهو في كل الاحوال ، الطير المعروف مايتغير سعره .

2 ) ما هي سلبيات شراء طير من المربط ؟؟

ج2ـــ لاتعد ولاتحصى الا إنك تشري الطير من شخص انت تعرفه عز المعرفه أو رجال خايف الله ومشهود له بالصدق .

3 ) ما هي الاسالة او الطرق لكشف اذا كان هناك اي عيوب في الطير غير فحص الطبيب لة ؟؟

ج3ـــ الاسأله كثيره وناخوك وتلقاها في لستة البيع والشراء المتعارف عليه في خيمة الصيد بالصقور ، والطير في الربطه ماتبين عيوب طبعه ولاتقدر تعرف منها الا الكوشه والصياح وهذا عند علف الطير في الربطه

4 ) الربطة باقيلها شوي وتخلص يعني هل علي دفع اي مبلغ للمربط او هي على البايع اذا كان قد تبقى من ريش الطير القليل جدا ؟؟

ج4ــ هذا يكون بالاتفاق بين البائع والشاري.

5 ) ادري ان كل طير له سعرة حسب علومة لكن كم سعر طير حر ما هو صايد يكون فرخ وصحتة طيبة و ما همني ان كان مزيون ولا لان في نظري ان الطير ما يزينة غير طبعة وعلومة . ( ياليت بالدرهم الاماراتي او الريال السعودي )

هذا السؤال يفيدونك في أحل البيع والشراء

وسمووووووووووووحة منكم على لاطالة

حياك الله يالجنيدي واتمنى بإني وضحت لك بعض الامور


اخوك ابو سيف

[سلطان 1]

افااااااااااادك اخوي ربع خالي ماقصر

[نبهان الشمري]

يالله حيوه

اول شي يابعد حيي انا ما انصحك بالحر للتعليم

خذلك شيهانه جبليه تبعه ولا وكريه

التبعه هي اللي مقاسها اقل من 13

وتعلم عليها

وبالنسبه لمعرفة عيوب الطير هي الصحيه ونقل العلف والتكويش

وانا انصحك بالشيهانه التبعه رخيصه وتعلمك الصقاره 100 %

لاكن الحر غالي وانت متدرب ... خلك لما تشوف نفسك صقار صح .. خذلك جير حر

اتمنى اني فادتك يابعدي حيي

[الجنيدي 123]

تسلمووووووون يالربع وجزاكم الله الف خير

[حامد الحنيني]

وعليكم السلام ورحمة الله وبركاته
ياهلا ومرحبا
شراء طير من الربطه له ايجابه الرخص فقط والطير المعروف قيمته ماتغير
وانا انصحك انك تشتري الطير على نظرك تشوف جناحه وتشوف هل يرتفع او لا
وتشوف ذكائه بطرد الصيده وهل هو ارفل بالتعليق او لا .
ــــــــــــــــــــــــــــــــــــــــــــــــ
اما كيف تعرف عيوب الطير
ركادة الطير والصيحه ونقل العلف هاذي طبعا تشوفها بالميدان مو بالربطه
اما ليا صرت بتشتري من الربطه تفقد كفوف الطير لا يصيربه سده وشف عيون الطير لا يصير بها وضحه
يعني من عميه حدى عيونه وتبين لك اذا شفت بياض بصبي العين
تفقد المدهنه لا تكون جافه وبذلك تشوف ريش الطير منعثر وتفتح فم الطير تشوف لايكون به قلاع
وما الا ذلك من امراض وتحط الطير على كفك وتكفخه له شوي ان لاحظت ان الطير تعب بالحيل
ودلى جنحانه وعنده صعوبه بالتنفس شديده الطير به نهيتا انحش عنه واما الامراض الداخليه
ماينفع بها غير فحص المستشفى
اما دفع الربطه بها الوقت انا ارى انها تكون على البائع لانه مابقى الا قليل وينتهي المقيض
اما قيمة الطير اذا كان ماصاد وهو فرخ وجناحه زين من 10 الاف الى 8000 ريال سعودي
اما الجير ماعندي خلفيه ممكن يكون نفس القيمه او اقل
اتمنى اني افدتك وشكرا لك .
تحياتي لك.

[ابوعزيز2007]

الجواب الكافي عطاك اياه اخوي الحنيني ولاهو قصور بباقي الربع

[الجنيدي 123]

تسلمون يالربع وما قصرتوا

[سلطان المقناص]

افادك الاخوان