يوسف الخليفة1
16/07/2011, 10:23 AM
بسم الله الرحمن الرحيم
السلام عليكم ورحمة الله وبركاته
راكان العساف أحد الصقارة الذين تمرسوا على الطير وتدريبه ونقله حتى تعلق فيها وأحبها
ومضى على هذه الحالة عدة سنوات وكانت لي فيه معرفة
وفي يوم من الأيام ذهبنا ثلاثة للبر أيام الربيع
فمررنا على الغدران ولكن لم نجد لزادنا ذلك اليوم سوى حمام الخضاري
وكان سمينا في فترة الشتاء وكما تعلمون أن ذلك الحمام يختلف من واحدة لأخرى
فتجد من بينها الكبير القاسي جدا والذي يصعب نضجه من بين بقية الحمام
فقلت للأخ راكان لعل الكبيرة القاسية نعزلها لطيرك فقال أي طير هذا
قلت الحر الذي عندك قال ليس عندي أي طير
فظننت أنه قد ضاع أو مات فقلت أين طيرك قال بعت الطير
وتركت الصقور ولن أنقلها فاستغربت من كلامه
كيف برجل نقل الطير وتعود عليه وأحبه أن يتركه فقلت في نفسي لعله يمازحني
لكن الحقيقة أنه جاد في كلامه فتمتعنا في رحلتنا ذلك اليوم ولله الحمد وتفرقنا
فما كان مني إلا أن أرسلت له القصيدة التالية
راكان وش علمك عن الطير صديت=وتركت هداته عقب ما قنيته
خبري بك العام بهواه اسفهليت=واليوم ما شفتك طلعت ودعيته
ما تنفع الحكيه لو اني تمنيت=كان اتمنى ترجع الطير ليته
ما ينفعك رجمن براسه تعليت=ما تنفع اللوعات لامن رقيته
مير انهض القرناس حز المكاشيت=ترا غميض البال لامن جفيته
خبرتك مولع واشوفك تنحيت=واخلفت حالك والنجايع طويته
انهج مع البيدا الا اصبحت وامسيت=واسلك مع الجره لامنك لقيته
يا حلوها بين الدعوب المنابيت=الخرب يدرج لاقتربت ونصيته
وابحزة مسيان للطير عشيت=واشعلت نارك والمحادب مليته
مع الخوي ليلك سمرت وتسليت=حلو السوالف والقصايد عطيته
في قفرن اعزل في طمانه تذريت=والقاف من بين الخواطر بديته
لا شك حب الطير يالذيب له صيت=مشهور بين الناس وانذاع صيته
هي مهجة اللي راح سجه عن البيت=بعض الليالي بالصحاري مبيته
ارجع لوقت الطير كان انت حبيت=وادهل مراميثن تبعثر شتيته
ارضن ليان وسهلتن تشرب الزيت=تاضح بها الجره اذا انك وطيته
وش فيك من درب الصقاقير مليت=وانت الصبور بظني اللي هقيته
ان كان والفت وعن الولف عييت =اما قواك الولف ولا قويته
فلما علم أحد الصقاقير من أصحابه بالقصيدة قال له بعد هذه القصيدة
إما أن تشتري طيرا أو نشتري نحن الطير ونهديه إياك وألحوا عليه
ولكنه مصمم على عدم شراء الطير ومضت مدة من الزمن
أرسلت له قصيدة عن الطير لعلي أثير هوايته التي تركها وأجعله يتهيض فقلت
سيف الفيافي ما لقينا حلاياه=راس الطيور الجارحات الصميده
مشدودن القامه من الدون لاقصاه=وقف كما قايد جيوشن عتيده
والا كما وقفت ملوكن بعلياه=ملكه وسيع وعاجزن من يريده
له ريشتن شقرا رتيبه نماياه=توازعت فيها نقوشن فريده
في راس عيطا مستقلن معشاه=وبقاع وادي مستحيفن مصيده
له نتفتن مع موخر العنق تشعاه=كنه سفيف الخيل من فوق جيده
عينه سفيعه داكن الكحل يشداه=شامه تجي دونه لتحتن مزيده
معكوفن المنقار مع راس مبداه=يشادي كالوبن صليبن حديده
والراس مروه باطرف صخور ماقواه=والا حجر سمرا بذيك الصميده
عريضه كتوفه جناحه تولاه=ريشه كما خوصن مرتب بغيده
والكف لا تنشد عن اقصاه وادناه=له مخلبن ساطي طريرن قديده
ان كوبرت بعض الحبارى تنصاه=ثم سطه الصياد لو هي عنيده
ون كوبر الخرب وتزايد منازاه=ياصله لو هو بالحزوم البعيده
يا سعد منهو حامله فوق يسراه=يسير مع دعبن ويحري هديده
في خايعن ما به نزيهن تمشاه=ما به يا كود اثرة حباري جديده
منهو معه يقنص بطيره وخاواه=قروم سمحين النفوس الزهيده
قبل القنص كلن تواجد بمدعاه=مزهبن طيره يبي سيح بيده
ومع هذه القصيدة لم يتغير في الأمر شيء فلا زال متمسكا بما هو عليه
ولكن بعد مدة تبين أنه سوف يتزوج وقد خطب وانتهى الأمر
فلما علمت بذلك سعدنا بالخبر وأرسلت له القصيدة التالية التي أقول فيها
العرس يا راكان في تالي الصيف=في ديرتن تحوي كثيرن من الناس
اهل الحزم فرسان شهب المزاغيف=وقتن مضى يوم المذابح والاتعاس
الرس يالعجمي سكنها العساسيف=هم لابتك ربعن على العين والراس
عرسك بحزة مقبل الخير والريف=يبقى زمان سهيل ما به تهجاس
في طلعة المرزم اذا بالسما شيف=نجمن وحيدن كنه سراج في ساس
ستين تبقى لجية الوسم وانظيف=سبعة ليالي حسبت الوقت باقياس
نجم العوا لاحل تنساق به هيف=في بادي الوسمي ذعاذيع نسناس
غربيتن تاتي تذع الهفاهيف=تسوق معها مرزماتن بالاقباس
بروقها تلعب كما لامع السيف=برق يشق بجوف الامزان لولاس
تصير ديمه باثرها ناشر الطيف=عمق الثرا شبرين في حمر الاطعاس
فيها الحبارى بالسهل والحراشيف=في قفرن اعزل ما وطا فيه عساس
يبدا زمان الطير زين التواصيف=في وقتن مكمل به الريش قرناس
طيرن وحش مجلوب من عالي النيف=من راس عنقورن تولاه نوماس
تعشا بالمدعى على كف عريف=عشرين يومن والخضاري له فراس
يكفخ على خربن وهو طير حريف=يسطه بذيك المخالب كالامواس
هذي هي الدنيا تروح بسواليف=اوقاتها ما بين سعدن وهوجاس
واللي سلم منها ترا حالته كيف=يشرب قراحن زان من صافي الكاس
فاستمر الوضع على ما كان عليه فما زال على حالته لم يفكر في إرجاع الطير واقتنائه
فما كان مني إلا أن أرسلت له القصيدة التالية بعد أن صمم على عدم الرجوع للصقارة
أقول فيها
لوالله اللي زبر الطير شاته=لقا بديلن عنه زين الرعابيب
راكان وش عندك من العلم هاته=ابرد قلوبن لافحتها اللواهيب
نويت تكمل شطر دين بصلاته=تستافيه في نية العرس يالذيب
الله من ضلعن شمرت بحصاته=والله من يومن حكرت المحاديب
مثلك لجا بردن تكوبع عباته=وليا حداه القيظ قيل تحت شيب
واليوم عفرا شاركته بحياته=اضفت عليه العز رحبن وترحيب
راح القطامي حايمن في فلاته=والدس محذوفن بشيف الرواكيب
واسبوق طيره من يلايم فتاته=موذر ومجدوع حدر الدواليب
والوكر والبرقع ثناثر شتاته=تقول عفشن حايسينه نهاهيب
والغيد ينشا تمرها من حتاته=والقرم يظهر من طوال الاشانيب
ما يمشي ابن ادم شبر من شهاته=لا بد بامر الله يسير بدواريب
العالم بجهر الكلام وخفاته=اللي رفع طيرن وطمن دباديب
هذي هي الدنيا قليلن بياته=ما باقين فيها سوا طاري الطيب
واستمر على ما كان عليه وانتهى بذلك وضعه مع الطير
وفي يوم من الأيام على بداية الوسم
كنا قد تواعدنا أنا وهو وأحد أصحابنا في إحدى الشعاب
فقلت لهم سوف أسبقكم للمكان فلما وصلت للمكان
فإذا به يراسلني على جهاز ( الكنود ) قائلا لي
إذا كان معك حمام خضاري كبير ولحمه قاسي فاعزله للطير لأعلفه إياه
فاستغربت من كلامه فأي طير هذا
فإذا الرجل قد اشترى ذلك الحر الطيب وقد أسماه كريم
فباركت له فيه ولم يمض شهر من ذلك الوقت
إلا وهو يرسل لي صورة حبارى قد اصطادها كريم
فما كان مني إلا أن أرسلت له القصيدة التالة
دارت رحاوي خاطري سبعة ابواع=تسج في سيح الفجوج الوسيعه
قامت تهايق مع شفا كل مطلاع=تسعد هوا بالي وصارت مطيعه
راكان ابن عساف يا زين الاطباع=فرحت لك يا ذا اليمين السنيعه
صقار ويشر لك من الناس باصباع=واخبارك بكل المجالس تذيعه
انا عرفتك بالصحاصيح نجاع=ذيبن تفيح بالنجود المريعه
الحر الاشقر فوق ساعدك مطواع=يكفخ على كيفك وتلقا نفيعه
يوم انك بذيك المداهيل رتاع=تحوف جرتها بذيك الرفيعه
من رمث لاشطابه تفرع تفراع=تظهر لك الجره ومره قطيعه
لما استبانت بين قشعاتن رفاع=راحت تكوبر فوق ذيك التليعه
لها كريمن مسس العاتق وفاع=وجناحه اللي مستشرن لفيعه
دلا يتل السبق شايش وفزاع=يفور دمه كالسباع المجيعه
وانتل من كفك كما طش دفاع=اليا رشق بالحوض عجلن دفيعه
تخوملت من شوفة الطير ترتاع=وتدرعت بين الجروف المنيعه
لها تهاوا هوية بروقن سراع=اليا ضرب روس المشارف صقيعه
خمش ثناديها وريشن له مزاع=وتدسست بين الحجر والنقيعه
لكن تقفاها على جروح الاوجاع=وحياتها ما بين خوف وفجيعه
علقها الاقشر مثل شنكار باكراع=واتشوف من بين الثنادي مزيعه
قطع بها الحنجور ما فاد مرقاع=لما نتفها مثل ندف الوشيعه
واستسلمت من دون صوتن بالاسماع=وامست على حصبا النشيفه جديعه
يا ما حلا برن اليا صار مرباع=اليا تناما بالصياهد ربيعه
لامن غدا عشبن يشعشع تشعشاع=في جاله النوار يبهر سطيعه
ونسيمه الفواح مع كل ذعذاع=روايحن فاحت عطاير فضيعه
يالله نون يزبر الشق والقاع=خمس وثلاث شهور يبقى نقيعه
يوسف الخليفة ( أبو عبد الله )
السلام عليكم ورحمة الله وبركاته
راكان العساف أحد الصقارة الذين تمرسوا على الطير وتدريبه ونقله حتى تعلق فيها وأحبها
ومضى على هذه الحالة عدة سنوات وكانت لي فيه معرفة
وفي يوم من الأيام ذهبنا ثلاثة للبر أيام الربيع
فمررنا على الغدران ولكن لم نجد لزادنا ذلك اليوم سوى حمام الخضاري
وكان سمينا في فترة الشتاء وكما تعلمون أن ذلك الحمام يختلف من واحدة لأخرى
فتجد من بينها الكبير القاسي جدا والذي يصعب نضجه من بين بقية الحمام
فقلت للأخ راكان لعل الكبيرة القاسية نعزلها لطيرك فقال أي طير هذا
قلت الحر الذي عندك قال ليس عندي أي طير
فظننت أنه قد ضاع أو مات فقلت أين طيرك قال بعت الطير
وتركت الصقور ولن أنقلها فاستغربت من كلامه
كيف برجل نقل الطير وتعود عليه وأحبه أن يتركه فقلت في نفسي لعله يمازحني
لكن الحقيقة أنه جاد في كلامه فتمتعنا في رحلتنا ذلك اليوم ولله الحمد وتفرقنا
فما كان مني إلا أن أرسلت له القصيدة التالية
راكان وش علمك عن الطير صديت=وتركت هداته عقب ما قنيته
خبري بك العام بهواه اسفهليت=واليوم ما شفتك طلعت ودعيته
ما تنفع الحكيه لو اني تمنيت=كان اتمنى ترجع الطير ليته
ما ينفعك رجمن براسه تعليت=ما تنفع اللوعات لامن رقيته
مير انهض القرناس حز المكاشيت=ترا غميض البال لامن جفيته
خبرتك مولع واشوفك تنحيت=واخلفت حالك والنجايع طويته
انهج مع البيدا الا اصبحت وامسيت=واسلك مع الجره لامنك لقيته
يا حلوها بين الدعوب المنابيت=الخرب يدرج لاقتربت ونصيته
وابحزة مسيان للطير عشيت=واشعلت نارك والمحادب مليته
مع الخوي ليلك سمرت وتسليت=حلو السوالف والقصايد عطيته
في قفرن اعزل في طمانه تذريت=والقاف من بين الخواطر بديته
لا شك حب الطير يالذيب له صيت=مشهور بين الناس وانذاع صيته
هي مهجة اللي راح سجه عن البيت=بعض الليالي بالصحاري مبيته
ارجع لوقت الطير كان انت حبيت=وادهل مراميثن تبعثر شتيته
ارضن ليان وسهلتن تشرب الزيت=تاضح بها الجره اذا انك وطيته
وش فيك من درب الصقاقير مليت=وانت الصبور بظني اللي هقيته
ان كان والفت وعن الولف عييت =اما قواك الولف ولا قويته
فلما علم أحد الصقاقير من أصحابه بالقصيدة قال له بعد هذه القصيدة
إما أن تشتري طيرا أو نشتري نحن الطير ونهديه إياك وألحوا عليه
ولكنه مصمم على عدم شراء الطير ومضت مدة من الزمن
أرسلت له قصيدة عن الطير لعلي أثير هوايته التي تركها وأجعله يتهيض فقلت
سيف الفيافي ما لقينا حلاياه=راس الطيور الجارحات الصميده
مشدودن القامه من الدون لاقصاه=وقف كما قايد جيوشن عتيده
والا كما وقفت ملوكن بعلياه=ملكه وسيع وعاجزن من يريده
له ريشتن شقرا رتيبه نماياه=توازعت فيها نقوشن فريده
في راس عيطا مستقلن معشاه=وبقاع وادي مستحيفن مصيده
له نتفتن مع موخر العنق تشعاه=كنه سفيف الخيل من فوق جيده
عينه سفيعه داكن الكحل يشداه=شامه تجي دونه لتحتن مزيده
معكوفن المنقار مع راس مبداه=يشادي كالوبن صليبن حديده
والراس مروه باطرف صخور ماقواه=والا حجر سمرا بذيك الصميده
عريضه كتوفه جناحه تولاه=ريشه كما خوصن مرتب بغيده
والكف لا تنشد عن اقصاه وادناه=له مخلبن ساطي طريرن قديده
ان كوبرت بعض الحبارى تنصاه=ثم سطه الصياد لو هي عنيده
ون كوبر الخرب وتزايد منازاه=ياصله لو هو بالحزوم البعيده
يا سعد منهو حامله فوق يسراه=يسير مع دعبن ويحري هديده
في خايعن ما به نزيهن تمشاه=ما به يا كود اثرة حباري جديده
منهو معه يقنص بطيره وخاواه=قروم سمحين النفوس الزهيده
قبل القنص كلن تواجد بمدعاه=مزهبن طيره يبي سيح بيده
ومع هذه القصيدة لم يتغير في الأمر شيء فلا زال متمسكا بما هو عليه
ولكن بعد مدة تبين أنه سوف يتزوج وقد خطب وانتهى الأمر
فلما علمت بذلك سعدنا بالخبر وأرسلت له القصيدة التالية التي أقول فيها
العرس يا راكان في تالي الصيف=في ديرتن تحوي كثيرن من الناس
اهل الحزم فرسان شهب المزاغيف=وقتن مضى يوم المذابح والاتعاس
الرس يالعجمي سكنها العساسيف=هم لابتك ربعن على العين والراس
عرسك بحزة مقبل الخير والريف=يبقى زمان سهيل ما به تهجاس
في طلعة المرزم اذا بالسما شيف=نجمن وحيدن كنه سراج في ساس
ستين تبقى لجية الوسم وانظيف=سبعة ليالي حسبت الوقت باقياس
نجم العوا لاحل تنساق به هيف=في بادي الوسمي ذعاذيع نسناس
غربيتن تاتي تذع الهفاهيف=تسوق معها مرزماتن بالاقباس
بروقها تلعب كما لامع السيف=برق يشق بجوف الامزان لولاس
تصير ديمه باثرها ناشر الطيف=عمق الثرا شبرين في حمر الاطعاس
فيها الحبارى بالسهل والحراشيف=في قفرن اعزل ما وطا فيه عساس
يبدا زمان الطير زين التواصيف=في وقتن مكمل به الريش قرناس
طيرن وحش مجلوب من عالي النيف=من راس عنقورن تولاه نوماس
تعشا بالمدعى على كف عريف=عشرين يومن والخضاري له فراس
يكفخ على خربن وهو طير حريف=يسطه بذيك المخالب كالامواس
هذي هي الدنيا تروح بسواليف=اوقاتها ما بين سعدن وهوجاس
واللي سلم منها ترا حالته كيف=يشرب قراحن زان من صافي الكاس
فاستمر الوضع على ما كان عليه فما زال على حالته لم يفكر في إرجاع الطير واقتنائه
فما كان مني إلا أن أرسلت له القصيدة التالية بعد أن صمم على عدم الرجوع للصقارة
أقول فيها
لوالله اللي زبر الطير شاته=لقا بديلن عنه زين الرعابيب
راكان وش عندك من العلم هاته=ابرد قلوبن لافحتها اللواهيب
نويت تكمل شطر دين بصلاته=تستافيه في نية العرس يالذيب
الله من ضلعن شمرت بحصاته=والله من يومن حكرت المحاديب
مثلك لجا بردن تكوبع عباته=وليا حداه القيظ قيل تحت شيب
واليوم عفرا شاركته بحياته=اضفت عليه العز رحبن وترحيب
راح القطامي حايمن في فلاته=والدس محذوفن بشيف الرواكيب
واسبوق طيره من يلايم فتاته=موذر ومجدوع حدر الدواليب
والوكر والبرقع ثناثر شتاته=تقول عفشن حايسينه نهاهيب
والغيد ينشا تمرها من حتاته=والقرم يظهر من طوال الاشانيب
ما يمشي ابن ادم شبر من شهاته=لا بد بامر الله يسير بدواريب
العالم بجهر الكلام وخفاته=اللي رفع طيرن وطمن دباديب
هذي هي الدنيا قليلن بياته=ما باقين فيها سوا طاري الطيب
واستمر على ما كان عليه وانتهى بذلك وضعه مع الطير
وفي يوم من الأيام على بداية الوسم
كنا قد تواعدنا أنا وهو وأحد أصحابنا في إحدى الشعاب
فقلت لهم سوف أسبقكم للمكان فلما وصلت للمكان
فإذا به يراسلني على جهاز ( الكنود ) قائلا لي
إذا كان معك حمام خضاري كبير ولحمه قاسي فاعزله للطير لأعلفه إياه
فاستغربت من كلامه فأي طير هذا
فإذا الرجل قد اشترى ذلك الحر الطيب وقد أسماه كريم
فباركت له فيه ولم يمض شهر من ذلك الوقت
إلا وهو يرسل لي صورة حبارى قد اصطادها كريم
فما كان مني إلا أن أرسلت له القصيدة التالة
دارت رحاوي خاطري سبعة ابواع=تسج في سيح الفجوج الوسيعه
قامت تهايق مع شفا كل مطلاع=تسعد هوا بالي وصارت مطيعه
راكان ابن عساف يا زين الاطباع=فرحت لك يا ذا اليمين السنيعه
صقار ويشر لك من الناس باصباع=واخبارك بكل المجالس تذيعه
انا عرفتك بالصحاصيح نجاع=ذيبن تفيح بالنجود المريعه
الحر الاشقر فوق ساعدك مطواع=يكفخ على كيفك وتلقا نفيعه
يوم انك بذيك المداهيل رتاع=تحوف جرتها بذيك الرفيعه
من رمث لاشطابه تفرع تفراع=تظهر لك الجره ومره قطيعه
لما استبانت بين قشعاتن رفاع=راحت تكوبر فوق ذيك التليعه
لها كريمن مسس العاتق وفاع=وجناحه اللي مستشرن لفيعه
دلا يتل السبق شايش وفزاع=يفور دمه كالسباع المجيعه
وانتل من كفك كما طش دفاع=اليا رشق بالحوض عجلن دفيعه
تخوملت من شوفة الطير ترتاع=وتدرعت بين الجروف المنيعه
لها تهاوا هوية بروقن سراع=اليا ضرب روس المشارف صقيعه
خمش ثناديها وريشن له مزاع=وتدسست بين الحجر والنقيعه
لكن تقفاها على جروح الاوجاع=وحياتها ما بين خوف وفجيعه
علقها الاقشر مثل شنكار باكراع=واتشوف من بين الثنادي مزيعه
قطع بها الحنجور ما فاد مرقاع=لما نتفها مثل ندف الوشيعه
واستسلمت من دون صوتن بالاسماع=وامست على حصبا النشيفه جديعه
يا ما حلا برن اليا صار مرباع=اليا تناما بالصياهد ربيعه
لامن غدا عشبن يشعشع تشعشاع=في جاله النوار يبهر سطيعه
ونسيمه الفواح مع كل ذعذاع=روايحن فاحت عطاير فضيعه
يالله نون يزبر الشق والقاع=خمس وثلاث شهور يبقى نقيعه
يوسف الخليفة ( أبو عبد الله )