قدري الكاتم ما يطلع صوت ..

[خالد77]

يااخوان عندي القدر الكاتم البارح طبخت عليه حمام لكن من تالي ما يطلع صوت [ تس تس ] :D:D
وحتى الرز يوم كبسته مع الحمام وبدا يطلع صوت خفيف قصرت عليه ، ولكن بعد ما تقصر عليه يختفي كل شي ويوم رفعت الصفيرة ما طلع ولا 5 % بالمية من البخار ،،
فهل المشكلة من الجلب مع إن الجلب سليمة أو المشكلة من الطربوش أو الصفار مدري وش اسمه ؟؟
ارجو المساعدة وجزاكم الله خيرا //

[سرهيد]

السلام عليكم

عدم طلوع كمية بخار برغم انك مولع عليه ، هذا يعني ان هناك تهريب مع مكان آخر ..

الاماكن المحتملة :

1- الجلدة .
2- بلف الأمان .
3- مسمار العمود الداخل في الغطاء ..

لذا انصح بوضع ماء وشب عليه وخلك ضاغط على الصفيرة بحيث لا يخرج منها اي بخار وشوف وين يطلع معه ..

تقبل احترامي

[talak511]

الغالب يكون بالربل

هناك عدة اسئلة
هل سكرت الغطاء جيد
هل شاهدت الربل موجود بمكانه يعني لاف على الغطاء بالكامل

حافة القدر العلوية هل جاها طقه

...

[بليزر616]

السلام عليكم ورحمة الله وبركاتة

اكيد تهريب

حط شوي فيري لا تكثر واطبخة وشف وين يطلع فقاعات كانها مع جوانبة ربل ب10 ريال

بس انتبة لا تاكل الطبخة بعد التجربة

[خيال27]

ما قصرو الشباب يعطيهم العالفيه

[ابو وكر]

تأكد من ضبط الغطاء تمام هذا إذا شيكت على الربلات وطلعت سليمة

[خالد77]

السلام عليكم

عدم طلوع كمية بخار برغم انك مولع عليه ، هذا يعني ان هناك تهريب مع مكان آخر ..

الاماكن المحتملة :

1- الجلدة .
2- بلف الأمان .
3- مسمار العمود الداخل في الغطاء ..

لذا انصح بوضع ماء وشب عليه وخلك ضاغط على الصفيرة بحيث لا يخرج منها اي بخار وشوف وين يطلع معه ..

تقبل احترامي

كلام في الصميم وجاري التجربة وشكراً لك على شموعك ,,

[ابوصالح77]

ماقصروا الربع
سرهيد وطلق
بيض الله وجيه الجميع

[أبوعابد 22]

أفادوك الربع ما قصروا

[ربي اغفرلي]

احيانا يكون من المسمار حق الصفار

اكربه زين

[اصيل نجد]

اخوي لزم تاكد من الربلات

[refaeihs]

اخو لايكون فتحه الصفار مسدوده بحبه رز تأكد من نظافتها

[ابوريان القحطاني]

اخوي كان عندي نفس المشكله غير الكاتم كامل وشرية صفيره للاول وبعد تركيب الصفير الجديده طالع القدره مافيه شي اخو الجديد بس انتبه وانت تسكر القدر سكره زين وانشاء الله تزول من عندك المشكله

ولاتنسى في محل يصلح القدور الكاتم في شارع السباله عند المثلث علي يدك اليسار معروف من سنين وعنده كل قطع الغيار

[سيف الظفير]

مشاركتي غير

انا مرت على نفس مشكلتك يا الغالي


ولكن القدر من السيف 9 لتر المنيوم

اقرب حاوية لاهنت ما يستاهل من يزينة


جرب الـ 10 لتر من السيف الجديد استيل بسعر 175 اصلي مختوم من السيف مخرج 12

او برق الحيا مخرج 15 بـسعر 155 ريال