أبو رافع الظاعن
16/07/2011, 08:32 PM
السلام عليكم ورحمة الله وبركاته
مساكم الله بالخير ...
هذي سالفة صارت لحرمة معروفة بالنسبة لي ولكنها ماتت قبل ميلادي بسنين طويلة ...
تعرفون من اول الديرة اكثر ما فيها الناس والحمير والكلاب ...طبعا قبل السيارات !
السالفة ان هالحرمة اطلعت للسوق تبي لها حاجة او تبي تسير على ناس ...
وكان عليها عباة الاولين ( الجوخ) وهي عباة جبرة بالحيل وثقيلة ...لو انها موجودة اليوم كان ما تفصل الا عند اصحاب الخيام والشرع ...
وهي تمشي ما عندها من الشيطان طريق ...ووصلت رأس العاير والى هكالحمارة اللي جايبة طبلونها (طامح) والحمار يلحقها يبي يرجعها للبيت وهي رافضة رفض تام وهاجة عنه ....
وتوافق طلعة الحمارة من السوق طلعة هالحريمة المسكينة وهي تدخل بينها وبين عباتها ....
والحمار متقفيها وتلولس العباة على راس الحمارة والحرمة موجودة ايدينها بكموم العباة وتدور هي والحمارة ودردب بالريغا ...
الحمار ما صدق ان الحمارة تنشب والحمارة مع الخوف من الحمار تبي الهجة والحرمة طاح قلبها من الروعة والى مشهد ما يمر على صديقك ...
ويجيب الله هاكالاجودي ويركض على الحمار يطرده ويحاول يطلع الحماره من العباة ويعجز يطلعه بالرويس ...وتنطق الحمارة مع شق بالعباة وتطلع مقابل ...
ويقوم الحريمة وهي في حالة يرثى لها ...الضلوع مرضرضه ...والقلب طايح ...والعباة منشقة شق يدخل الحماره ...والغبار مغطي جفونه وصايرةٍ اخدودها مثل الجمش ...
مساكم الله بالخير ...
هذي سالفة صارت لحرمة معروفة بالنسبة لي ولكنها ماتت قبل ميلادي بسنين طويلة ...
تعرفون من اول الديرة اكثر ما فيها الناس والحمير والكلاب ...طبعا قبل السيارات !
السالفة ان هالحرمة اطلعت للسوق تبي لها حاجة او تبي تسير على ناس ...
وكان عليها عباة الاولين ( الجوخ) وهي عباة جبرة بالحيل وثقيلة ...لو انها موجودة اليوم كان ما تفصل الا عند اصحاب الخيام والشرع ...
وهي تمشي ما عندها من الشيطان طريق ...ووصلت رأس العاير والى هكالحمارة اللي جايبة طبلونها (طامح) والحمار يلحقها يبي يرجعها للبيت وهي رافضة رفض تام وهاجة عنه ....
وتوافق طلعة الحمارة من السوق طلعة هالحريمة المسكينة وهي تدخل بينها وبين عباتها ....
والحمار متقفيها وتلولس العباة على راس الحمارة والحرمة موجودة ايدينها بكموم العباة وتدور هي والحمارة ودردب بالريغا ...
الحمار ما صدق ان الحمارة تنشب والحمارة مع الخوف من الحمار تبي الهجة والحرمة طاح قلبها من الروعة والى مشهد ما يمر على صديقك ...
ويجيب الله هاكالاجودي ويركض على الحمار يطرده ويحاول يطلع الحماره من العباة ويعجز يطلعه بالرويس ...وتنطق الحمارة مع شق بالعباة وتطلع مقابل ...
ويقوم الحريمة وهي في حالة يرثى لها ...الضلوع مرضرضه ...والقلب طايح ...والعباة منشقة شق يدخل الحماره ...والغبار مغطي جفونه وصايرةٍ اخدودها مثل الجمش ...